༡༠. བྷི་ཀྑུ་ནི་ཀྑ་ནྡྷ་ཀ་ཝ་ཎྞ་ནཱ

མ་ཧཱ་པ་ཛཱ་པ་ཏི་གོ་ཏ་མཱི་ཝ་ཏྠུ་ཀ་ཐཱ་ཝ་ཎྞ་ནཱ

༤༠༢-༣. སཱུ་ནེ་ཧཱིཏི སུ་ཏེ་ཧི. ‘‘སེ་ཏ་ཊྚི་ཀཱ ནཱ་མ རོ་ག་ཛཱ་ཏཱི’’ཏི པཱ་ལི༹. ‘‘སེ་ཏ་ཊྛི་ཀཱ’’ཏི ཨ་ཊྛ་ཀ་ཐཱ. ‘‘པ་ཊི་ས་མྦྷི་དཱ་པ་ཏྟ་ཁཱི་ཎཱ་ས་ཝ་གྒ་ཧ་ཎེ་ན ཛྷཱ་ནཱ་ནི་པི ག་ཧི་ཏཱ་ནེ་ཝ ཧོ་ནྟི. ན ཧི ནི་ཛ྄ཛྷཱ་ནི་ཀཱ་ནཾ ས་བྦ་པྤ་ཀཱ་རཱ ས་མྤ་ཏྟི ཨི་ཛ྄ཛྷ་ཏཱི’’ཏི ལི་ཁི་ཏཾ.

བྷི་ཀྑུ་ནཱི་ཨུ་པ་ས་མྤ་དཱ་ནུ་ཛཱ་ན་ན་ཀ་ཐཱ་ཝ་ཎྞ་ནཱ

༤༠༤. ཡ་ད་གྒེ་ན ཡཾ དི་ཝ་སཾ ཨཱ་དིཾ ཀ་ཏྭཱ. ཏ་དེ་ཝཱཏི ཏ་སྨིཾ ཨེ་ཝ དི་ཝ་སེ. ‘‘ཨ་ནུ་ཉ་ཏྟི་ཡཱ’’ཏི པཱ་ཋོ. ‘‘ཨ་ནུ་པ་ཉྙ་ཏྟི་ཡཱ’’ཏི ན སུ་ནྡ་རཾ.

༤༠༥. ‘‘པ་ཊི་གྒ་ཎྷཱ་མི ཡཱ་ཝ་ཛཱི་ཝཾ ཨ་ན་ཏི་ཀྐ་མ་ནཱི་ཡོ’’ཏི ཝ་ཏྭཱ ཨི་དཱ་ནི ཀིཾ ཀཱ་ར་ཎཱ ཝ་རཾ ཡཱ་ཙ་ཏཱི་ཏི ཙེ? པ་རཱུ་པ་ཝཱ་ད་ཝི་ཝ་ཛྫ་ན་ཏྠཾ. དུ་བྦུ་དྡྷི་ནོ ཧི ཀེ་ཙི ཝ་དེ་ཡྻུཾ ‘‘མ་ཧཱ་པ་ཛཱ་པ་ཏི་ཡཱ པ་ཋ་མཾ ས་མྤ་ཊི་ཙྪི་ཏ་ཏྟཱ ཨུ་བྷ་ཏོ་ས་ངྒྷ་སྶ ཡ་ཐཱ་ཝུ་ཌྜྷ་ཨ་བྷི་ཝཱ་ད་ནཾ ན ཛཱ་ཏཾ. གོ་ཏ་མཱི ཙེ ཝ་རཾ ཡཱ་ཙེ་ཡྻ, བྷ་ག་ཝཱ ཨ་ནུ་ཛཱ་ནེ་ཡྻཱ’’ཏི.

༤༠༨. ཝི་མཱ་ནེ་ཏྭཱཏི ཨ་པ་ར་ཛ྄ཛྷི་ཏྭཱ.

༤༡༠-༣. ཀ་མྨ་པྤ་ཏྟཱ་ཡོ་པཱིཏི ཀ་མྨཱ་ར་ཧཱ་པི. ཨཱ་པ་ཏྟི་གཱ་མི་ནི་ཡོ་པཱིཏི ཨཱ་པ་ཏྟིཾ ཨཱ་པ་ནྣཱ་ཡོ་པི. དྭེ ཏི་སྶོ བྷི་ཀྑུ་ནི་ཡོཏི དྭཱི་ཧི ཏཱི་ཧི བྷི་ཀྑུ་ནཱི་ཧི. ‘‘མ་ནོ་སི་ལི་ཀཱ་ཡཱ’’ཏི པཱ་ཋོ.

༤༢༠. ‘‘ཏེ་ན ཙ བྷི་ཀྑུ ནི་མ་ནྟེ་ཏ་བྦོ’’ཏི སཱ་མཱི་ཙི་ཝ་སེ་ན ཝུ་ཏྟཾ.

༤༢༢-༣. ‘‘ཨ་ནུ་ཛཱ་ནཱ་མི…པེ… ཏཱ་ཝ་ཀཱ་ལི་ཀ’’ནྟི པུ་གྒ་ལི་ཀཾ ས་ནྡྷཱ་ཡ ཝུ་ཏྟཾ, ན ས་ངྒྷི་ཀ་ནྟི ཨཱ་ཙ་རི་ཡོ. ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཨུ་ཏུ་ནི་ཡཱ ཀ་ཊི་སུ་ཏྟ་ཀ’’ནྟི ཝ་ཙ་ན་ཏོ བྷི་ཀྑུ་སྶ ཝི་ནི་བ་ནྡྷཾ ཀ་ཊི་སུ་ཏྟ་ཀཾ ན ཝ་ཊྚ་ཏི. པ་གྒྷ་ར་ནྟཱི ཝི་ས་ཝི་ཎཱ. ཝེ་པུ་རི་སི་ཀཱ མ་སྶུ་དཱ་ཋཱི.

༤༢༥. ཏ་ཡོ ནི་སྶ་ཡེཏི རུ་ཀྑ་མཱུ་ལ་ཉྷི སཱ ན ལ་བྷ་ཏི.

༤༢༦. བྷ་ཏྟ་གྒེ ས་ཙེ དཱ་ཡ་ཀཱ བྷི་ཀྑུ་ནི་ས་ངྒྷ་སྶ བྷུ་ཏྟ་ཝ་ཏོ ཙ་ཏུ་པ་ཙྩ་ཡེ དཱ་ཏུ་ཀཱ་མཱ ཧོ་ནྟི, ཡ་ཐཱ་ཝུ་ཌྜྷ་མེ་ཝ.

༤༢༧. ཝི་ཀཱ་ལེཏི ཡཱ་ཝ ཝི་ཀཱ་ལེ ཧོ་ནྟི, ཏཱ་ཝ པ་ཝཱ་རེ་སུ་ནྟི ཨ་ཏྠོ. ཨ་ཛྫ་ཏྟ་ནཱཏི ཨ་ཛྫ་ཏ་ནཱ.

༤༢༨. ཨ་ནུ་ཝཱ་དནྟི ཨི་སྶ་རི་ཡ་ཊྛཱ་ནཾ. ཨི་དཾ ས་བྦཾ ‘‘ཨ་ཛྫ་ཏ་གྒེ ཨོ་ཝ་ཊོ བྷི་ཀྑུ་ནཱི་ནཾ བྷི་ཀྑཱུ་སུ ཝ་ཙ་ན་པ་ཐོ’’ཏི པ་ཉྙ་ཏྟ་སྶ ག་རུ་དྷ་མྨ་སྶ ཝཱི་ཏི་ཀྐ་མ་ཨཱ་པ་ཏྟི་པ་ཉྙཱ་པ་ན་ཏྠཾ ཝུ་ཏྟ་ནྟི ཝེ་དི་ཏ་བྦཾ, ཨ་ཉྙ་ཐཱ ཡེ་སཾ ག་རུ་དྷ་མྨཱ་ནཾ པ་ཊི་གྒ་ཧ་ཎེ་ན བྷི་ཀྑུ་ནཱི་ནཾ ཨུ་པ་ས་མྤ་དཱ ཨ་ནུ་ཉྙཱ་ཏཱ, ཏེ་སཾ ཝཱི་ཏི་ཀྐ་མེ ཨ་ནུ་པ་ས་མྤ་ནྣཱ་ཝ སི་ཡཱ་ཏི ཨཱ་ས་ངྐཱ བྷ་ཝེ་ཡྻ.

༤༢༩. ཨི་ཏྠི་ཡུ་ཏྟེ་ནཱཏི ཨི་ཏྠཱི་ཧི གཱ་ཝཱི་ཨཱ་དཱི་ཧི དྷུ་ར་ཊྛཱ་ནེ ཡུ་ཏྟེ་ན. པུ་རི་ས་ནྟ་རེ་ནཱཏི པུ་རི་སེ་ན ཨ་ནྟ་རི་ཀེ་ན. ‘‘པུ་རི་ས་དུ་ཏི་ཡེ་ནཱ’’ཏི ལི་ཁི་ཏཾ, པུ་རི་ས་སཱ་ར་ཐི་ནཱ་ཏི ཨ་དྷི་པྤཱ་ཡོ. ‘‘བཱ་ལ༹ྷ་ཏ་རཾ ཨ་ཕཱ་སཱུ’’ཏི ཝ་ཙ་ན་ཏོ གི་ལཱ་ནཱ་ཡ ཝ་ཊྚ་ཏི་ཙྩེ་ཝ སི་དྡྷཾ, བྷ་ག་ཝ་ནྟཾ ཨཱ་པུ་ཙྪི་ཏྭཱ ཨ་ནུ་ཉྙཱ་ཏ་ཊྛཱ་ནེ ཨུ་པ་ས་མྤ་ཛྫི་སྶཱ་མཱི་ཏི ཨ་དྷི་པྤཱ་ཡོ.

༤༣༠. སཱ ཀེ་ན་ཙི་དེ་ཝ ཨ་ནྟ་རཱ་ཡེ་ནཱཏི ས་བྦ་ནྟ་རཱ་ཡ་ས་ངྒ་ཧ་ན་ཝ་ཙ་ནཾ, ཏ་སྨཱ ཏཾ ན ཨ་ནྟ་རཱ་ཡཾ ཀི་ཏྟེ་ཏྭཱ, ཝུ་ཏྟ་ནྟ་རཱ་ཡེ་ན ‘‘རཱ་ཛ་ནྟ་རཱ་ཡེ་ནཱ’’ཏི སཱ་དྷེ་ཏ་བྦ་ནྟི ཨཱ་ཙ་རི་ཡོ.

༤༣༡-༢. ‘‘ན་ཝ་ཀ་མྨ་ནྟི ཀ་ཏྭཱ ‘ཨེ་ཏྟ་ཀཱ་ནི ཝ་སྶཱ་ནི ཝ་ས་ཏཱུ’ཏི ཨ་པ་ལོ་ཀེ་ཏྭཱ ས་ངྒྷི་ཀ་བྷཱུ་མི་དཱ་ན’’ནྟི ལི་ཁི་ཏཾ. ‘‘སཱ་གཱ་ར’’ནྟི ཝུ་ཏྟ་ཏྟཱ ཨ་གཱ་ར་པ་ཊི་སཾ་ཡུ་ཏྟ་ར་ཧོ་ནི་ས་ཛྫ་སི་ཀྑཱ་དི་ཝ་ཛྫི་ཏཱ་ཏི ཀེ་ཙི, ཡུ་ཏྟ་མེ་ཏཾ. ཀ་སྨཱ? ‘‘ས་ཧཱ་གཱ་ར་སེ་ཡྻ་མ་ཏྟཾ ཋ་པེ་ཏྭཱ’’ཏི ཨ་ཊྛ་ཀ་ཐཱ་ཡཾ ཝུ་ཏྟ་ཏྟཱ. ‘‘ཨ་ནུ་ཛཱ་ནཱ་མི, བྷི་ཀྑ་ཝེ, པོ་སེ་ཏུ’’ནྟི ཝ་ཙ་ན་ཏོ པོ་ས་ན་ཡུ་ཏྟ་ཀ་མྨཾ ས་བྦཾ ཝ་ཊྚ་ཏི མཱ་ཏུ་ཡཱ, ན ཨ་ཉྙེ་སཾ. ཝ་སི་ཏུཾ ཙེ ན ས་ཀྐོ་ཏི དུ་ཏི་ཡཾ ཝི་ནཱ, ས་མྨ་ནྣི་ཏྭཱ་ཝ དཱ་ཏ་བྦཱ ཏཱ་ཡ ཨི་ཏི ནོ མ་ཏི. ཀི་ཏྟ་ཀཾ ཀཱ་ལཾ? ཝ་སི་ཏྭཱ ཙེ དུ་ཏི་ཡཱ ག་ནྟུ་མི་ཙྪ་ཏི, ཨ་ཉྙཾ ས་མྨ་ནྣི་ཏུཾ ཡུ་ཏྟཱ་ཝ. སཱ ཝི་ཛཱ་ཏཱ ལ་བྷེ་ཏི ཨཱ་ཙ་རི་ཡོ.

༤༣༤. ‘‘ཨི་དཾ ཨོ་དི་སྶ ཨ་ནུ་ཉྙཱ་ཏཾ ཝ་ཊྚ་ཏཱི་ཏི ཨེ་ཀ་ཏོ ཝཱ ཨུ་བྷ་ཏོ ཝཱ ཨ་ཝ་སྶ་ཝེ ས་ཏི་པི ཝ་ཊྚ་ཏཱི’’ཏི ལི་ཁི་ཏཾ. ‘‘ཀེ་ས་ཙྪེ་དཱ་དི་ཀཾ ཀ་མྨཾ ཨ་ནུ་ཛཱ་ནཱ་མི སཱ་དི་ཏུཾ ’’ཨི་ཙྩེ་ཝ ཝུ་ཏྟ་ཏྟཱ ཝུ་ཏྟཾ ‘‘ཏ་ད་ཉྙེ སཱ་དི་ཏུ’’ནྟི. ‘‘ཀེ་ས་ཙྪེ་དཱ་དི་ཀཾ ཀ་མྨཾ ཨ་ནུ་ཛཱ་ནཱ་མི, བྷི་ཀྑ་ཝེ’’ཏི ཨ་ཝ་ཏྭཱ ཨེ་ཏྟ་ཀཾ ཡ་སྨཱ ‘‘སཱ་དི་ཏུ’’ནྟི བྷཱ་སི་ཏཾ, ཏ་སྨཱ སཱ ཝི་ཙི་ཀི་ཙྪཱ་ཡ ཨུ་བྷ་ཏོ་པི ཨ་ཝ་སྶ་ཝེ ཨ་པི པཱ་རཱ་ཛི་ཀ་ཁེ་ཏྟེ་ན སཱ པཱ་རཱ་ཛི་ཀཾ ཕུ་ས་ཏི. ཨི་ཏི ཨ་ཊྛ་ཀ་ཐཱ་སྭེ་ཏཾ ས་བྦཱ་སུ་པི ཝི་ནི་ཙྪི་ཏཾ. ཨོ་དི་སྶ་ཀཱ་བྷི་ལཱ་པོ ཧི ཨ་ཉྙ་ཐཱ ནི་བྦི་སེ་ས་ཏོ ཏཾ པ་མཱ་ཎཾ. ཡ་དི ཏ་ཐཱ བྷི་ཀྑུ་སྶ ཀ་པྤ་ཏི ཝི་ཙི་ཀི་ཙྪཱ.

ཀཱ་ལ་མོ་དི་སྶ ནཾ པ་དཾ, ན ས་ཏྟོ་དི་སྶ་ཀ་ཉྷི ཏཾ;

ཨ་ཐ བྷི་ཀྑུ་ནི་ཡཱ ཨེ་ཝ, ཀཱ་ལ་མོ་དི་སྶ བྷཱ་སི་ཏཾ.

ཨེ་ཝཾ པཱ་རཱ་ཛི་ཀཱ་པ་ཏྟི, སི་ཐི་ལཱ་ཝ ཀ་ཏཱ སི་ཡཱ;

ས་བྦ་སོ པི་ཧི་ཏཾ དྭཱ་རཾ, ས་བྦ་པཱ་རཱ་ཛི་ཀ་སྨི་ནྟི.

ནི་ར་ཏྠ་ཀ་བྷཱ་ཝ་ཏོ, ཨུ་བྦྷ་ཛཱ་ཎུ་མ་ཎྜ་ལེ;

ཏ་སྨཱ ན སཱ་དི་ཡ་ནྟཱི་ཏི, ནི་དཱ་ན་ཝ་ཙ་ན་ཀྐ་མཾ.

ནི་སྶཱ་ཡ ས་ཏྠུ་ནཱ ཝུ་ཏྟཾ, སཱ་དི་ཏུ་ནྟི ན ཨ་ཉྙ་ཐཱ;

ཨ་ཏྟ་ནོ པ་ཎྷི་ས་མྥ་སྶཾ, སཱ་དི་ཏུཾ ཡེ་ན ཝཱ་རི་ཏཾ.

ཨ་པི པཱ་རཱ་ཛི་ཀ་ཀྑེ་ཏྟེ, ཀ་ཐཾ དྭཱ་རཾ ད་དེ་ཡྻ སོ;

ཏ་ཐཱ་པི བུ་དྡྷ་པུ་ཏྟཱ་ནཾ, བུ་དྡྷ་བྷཱ་སི་ཏ་བྷཱ་སི་ཏཾ.

ཝ་ཙ་ན་ཉྩ ས་མཱ་ནེ་ནྟོ, ནོ ཙེ་ཏྠ ཡུ་ཏྟི་ཀ་ཐཱ དྷཱི་རཱ;

ཀེ་ས་ཙྪེ་དཱ་དི་ཀ་མྨ་སྶ, ཨ་ཝ་སྶཾ ཀ་ར་ཎཱི་ཡ་ཏོ.

ཙི་ཏྟ་སྶ ཙཱ་ཏི་ལོ་ལ་ཏྟཱ, ག་ཎ་སྶ ཙ ཨ་ངྒ་ས་མྤ་དཱ-

བྷཱ་ཝཱ བྷི་ཀྑུ་ནཱི་ནཾ མ་ཧེ་སི་ནཱ, ར་ཀྑི་ཏུ་ཉྩ ཨ་ས་ངྐ་ཏྟཱ;

ན་ནུ མོ་དི་སྶ་ཀཾ ཀ་ཏ་ནྟི.

བྷི་ཀྑུ་ནི་ཀྑ་ནྡྷ་ཀ་ཝ་ཎྞ་ནཱ ནི་ཊྛི་ཏཱ.