༡༡. པ་ཉྩ་ས་ཏི་ཀ་ཀྑ་ནྡྷ་ཀ་ཝ་ཎྞ་ནཱ
ས་ངྒཱི་ཏི་ནི་དཱ་ན་ཀ་ཐཱ་ཝ་ཎྞ་ནཱ
༤༣༧. ཚི་ནྣ་པཱ་ཏནྟི བྷཱ་ཝ་ན་པུཾ་ས་ཀཾ, ཏེ་ནཱ་ཀཱ་རེ་ན པ་ཏ་ནྟཱི་ཏི ཨ་ཏྠོ. ཨུ་པ་དྡུ་ཏཱ ཙ མ་ཡཾ ཧོ་མཱཏི ཨ་ཏཱི་ཏ་ཏྠེ ཝ་ཏྟ་མཱ་ན་ཝ་ཙ་ནཾ, ཨ་ཧུ་མྷཱ་ཏི ཨ་ཏྠོ. ཨ་ཐ ཝཱ ཏ་སྨིཾ ས་ཏི ཧོ་མ. ‘‘པ་ཉྩ བྷི་ཀྑུ་ས་ཏཱ་ནཱི’’ཏི ག་ཎ་ན་ཝ་སེ་ན ཝ་ཏྭཱ ‘‘ཝ་སྶཾ ཝ་ས་ནྟཱ’’ཏི པུ་གྒ་ལ་ནི་དྡེ་སོ ཀ་ཏོ.
ཁུ་དྡཱ་ནུ་ཁུ་དྡ་ཀ་ཀ་ཐཱ་ཝ་ཎྞ་ནཱ
༤༤༣. ‘‘ཝ་སྶི་ཀ་སཱ་ཊི་ཀཾ ཨ་ཀྐ་མི་ཏྭཱ’’ཏི ཝ་ཙ་ན་ཏོ བྷ་ག་ཝ་ཏོ ཙ་ཏུ་ཏྠ་ཙཱི་ཝ་ར་མྤི ཨ་ཏྠཱི་ཏི སི་དྡྷཾ. ཏེ་ནེ་ཝཱ་ཧ ཙཱི་ཝ་ར་ཀྑ་ནྡྷ་ཀེ ‘‘ཙ་ཏུ་ཏྠཾ ཙཱི་ཝ་རཾ པཱ་རུ་པཱི’’ཏི.
༤༤༤. ‘‘ཨ་པི་ཙ ཡ་ཐེ་ཝ མ་ཡཱ’’ཏི་ཨཱ་དི ས་ངྒཱི་ཏི་ཡཱ ཨ་གྒ་ཧ་ཎཱ་དྷི་པྤཱ་ཡ་ཝ་སེ་ན ཝུ་ཏྟཾ, ཀི་ནྟུ སུ་ས་ངྒཱི་ཏཱ ཨཱ་ཝུ་སོ ཐེ་རེ་ཧི དྷ་མྨོ ཙ ཝི་ན་ཡོ ཙ. ཨ་པི་ཙཱ་ཧཾ ནཱ་མ ཏ་ཐེ་ཝཱ་ཧཾ དྷཱ་རེ་སྶཱ་མཱིཏི ཡ་ཐེ་ཝ མ་ཡཱ བྷ་ག་ཝ་ཏོ ས་མྨུ་ཁཱ སུ་ཏཾ ས་མྨུ་ཁཱ པ་ཊི་གྒ་ཧི་ཏཾ, ཏ་ཐེ་ཝ ཐེ་རེ་ཧི བྷ་ག་ཝ་ཏཱ ས་ཡ་མེ་ཝ ཨེ་ཏ་ད་གྒཾ ཨཱ་རོ་པི་ཏེ་ཧི, ཏ་སྨཱ སུ་ས་ངྒ་ཧི་ཏཱ ས་ངྒཱི་ཏཱི་ཏི ཝུ་ཏྟཾ ཧོ་ཏི.
བྲ་ཧྨ་ད་ཎྜ་ཀ་ཐཱ་ཝ་ཎྞ་ནཱ
༤༤༥. ‘‘ཏྭཾ་ཡེ་ཝ ཨཱ་ཎཱ་པེ་ཧཱི’’ཏི ཨེ་ཏྟ་ཀ་མེ་ཝ ཝུ་ཏྟཾ, ཐེ་རཱ པ་ན བྲ་ཧྨ་ད་ཎྜཾ ཀ་ཏྭཱ ཝུ་ཏྟཾ་ཡེ་ཝ ‘‘ཚ་ནྣ་སྶཱ’’ཏི་ཨཱ་དི་མཱ་ཧཾ་སཱུ་ཏི ཝེ་དི་ཏ་བྦཾ. ཨེ་ཏྠ ཙ ཨཱ་ན་ནྡ་ཏྠེ་རོ ཝི་ཡ ཨ་ཉྙོ་པི ས་ངྒྷེ་ན ཨཱ་ཎ་ཏྟོ བྷི་ཀྑུ བྲ་ཧྨ་ད་ཎྜ་ཀ་ཏེ་ན བྷི་ཀྑུ་ནཱ ཨཱ་ལ་པི་ཏུཾ ལ་བྷ་ཏི, ན ཨ་ཉྙོ. ཨུ་ཛྫ་ཝ་ནི་ཀཱ་ཡཱཏི པ་ཊི་སོ་ཏ་གཱ་མི་ནི་ཡཱ. ཨཱ་ག་མཱ ནུ ཁོ ཨི་དྷ ཨཱ་ག་མཱ ནུ ཁྭི་དྷ. ཨཱ་ག་མཱ ཁོ ཨི་དྷ, ཏེ ཨོ་རོ་དྷཱ ཨི་དྷ ཨཱ་ག་མཱ ཁོ. ‘‘བྷི་སི་ཙྪ་ཝཱིཏི བྷི་སི་ཏྠ་ཝི་ཀཱ’’ཏི ལི་ཁི་ཏཾ. ས་བྦེ་ཝི་མེཏི ས་བྦ་མེ་ཝ. ཀུ་ལ་ཝཾ ག་མེ་ནྟཱིཏི ནི་ར་ཏྠ་ཀ་ཝི་ནཱ་སཾ ག་མེ་ནྟི. ཀུ་ཙྪི་ཏོ ལ་ཝོ ཀུ་ལ་ཝོ, ཨ་ན་ཡ་ཝི་ནཱ་སོ་ཏི ཝུ་ཏྟཾ ཧོ་ཏི. ཨི་མཱ་ཡ ཁོ པ་ན ‘‘དྷ་མྨ་ཝི་ན་ཡ་ས་ངྒཱི་ཏི་ཡཱ’’ཏི ཝ་ཏྟ་བྦེ ཝི་སེ་སེ་ན ཝི་ན་ཡ་སྶ སཱ་ས་ན་མཱུ་ལ་བྷཱ་ཝ་ད་སྶ་ན་ཏྠཾ, ཏ་སྨིཾ ཋི་ཏེ ས་ཀ་ལ་སཱ་ས་ན་ཋི་ཏི་སི་དྡྷི་དཱི་པ་ན་ཏྠ་ཉྩ ‘‘ཨི་དཾ ཝོ ཀ་པྤ་ཏི, ཨི་དཾ ཝོ ན ཀ་པྤ་ཏཱི’’ཏི ཝ་ཏྠུ་སྨིཾ ཨཱ་ར་དྡྷ་ཏྟཱ, ཨི་མི་སྶཱ ཙ པ་རི་ཡ་ཏྟི་ཡཱ ཝི་ན་ཡ་པི་ཊ་ཀ་ཏྟཱ ‘‘ཝི་ན་ཡ་ས་ངྒཱི་ཏི་ཡཱ’’ཏི ཨི་དྷ ཝུ་ཏྟཾ.
པ་ཉྩ་ས་ཏི་ཀ་ཀྑ་ནྡྷ་ཀ་ཝ་ཎྞ་ནཱ ནི་ཊྛི་ཏཱ.