༡༢. ས་ཏྟ་ས་ཏི་ཀ་ཀྑ་ནྡྷ་ཀ་ཝ་ཎྞ་ནཱ

ད་ས་ཝ་ཏྠུ་ཀ་ཐཱ་ཝ་ཎྞ་ནཱ

༤༤༦. ནི་ཀྑི་ཏྟ་མ་ཎི་སུ་ཝ་ཎྞཱཏི སི་ཀྑཱ་པ་དེ་ནེ་ཝ པ་ཊི་ཀྑི་ཏྟ་མ་ཎི་སུ་ཝ་ཎྞཱ. ཏ་ཏྠ མ་ཎི་གྒ་ཧ་ཎེ་ན ས་བྦཾ དུ་ཀྐ་ཊ་ཝ་ཏྠུ, སུ་ཝ་ཎྞ་གྒ་ཧ་ཎེ་ན ས་བྦཾ པཱ་ཙི་ཏྟི་ཡ་ཝ་ཏྠུ ག་ཧི་ཏཾ ཧོ་ཏི. བྷི་ཀྑ་གྒེ་ན བྷི་ཀྑུ་ག་ཎ་ནཱ་ཡཱ་ཏི ཝུ་ཏྟཾ ཧོ་ཏི.

༤༤༧. མ་ཧི་ཀཱཏི ཧི་མཾ. པོ་སཱཏི ས་ཏྟཱ. ས་ར་ཛཱཏི ས་ཀི་ལེ་ས་ར་ཛཱ. མ་གཱཏི མ་ག་ས་དི་སཱ. ཏ་སྨིཾ ཏ་སྨིཾ ཝི་ས་ཡེ, བྷ་ཝེ ཝཱ ནེ་ཏཱི་ཏི ནེ་ཏྟི, ཏ་ཎྷཱ་ཡེ་ཏཾ ཨ་དྷི་ཝ་ཙ་ནཾ, ཏཱ་ཡ ས་ཧ ཝ་ཏྟ་ནྟཱི་ཏི ས་ནེ་ཏྟི་ཀཱ.

༤༥༠-༢. ཨ་ཧོ་ག་ངྒོཏི པ་བྦ་ཏ་སྶ ནཱ་མཾ. ཨ་ནུ་མཱ་ནེ་སྶཱ་མཱཏི པ་ཉྙཱ་པེ་སྶཱ་མ. ཨཱ་སུ་ཏཱཏི ས་ཛྫི་ཏཱ, ‘‘ཨ་སུ་ཏྟཱ’’ཏི ཝཱ པཱ་ཋོ, ཨ་ནཱ་ཝི་ལཱ ཨ་པ་ཀྐཱ ཏ་རུ་ཎཱ.

༤༥༣. ཨུ་ཛྫ་ཝིཾ་སུ པ་ཊི་སོ་ཏེ་ན ག་ཙྪིཾ་སུ.

༤༥༥. ཨ་པྤེ་ཝ ནཱ་མཱཏི སཱ་དྷུ ནཱ་མ. མཱུ་ལཱ དཱ་ཡ་ཀཱ པེ་ས་ལ་ཀཱ. ‘‘ཀུ་ལླ་ཀ་ཝི་ཧཱ་རེ་ནཱཏི ཁུ་དྡ་ཀ་ཝི་ཧཱ་རེ་ནཱ’’ཏི ལི་ཁི་ཏཾ. རཱུ་པཱ་ཝ་ཏཱ་ར་ཏྟཱ ཀུ་ལླ་ཀ་ཝི་ཧཱ་རོ ནཱ་མ. ཀ་ཐཾ པ་ནེ་ཏཾ པ་ཉྙཱ་ཡ་ཏི, ཡེ་ན ས་ནྣི་དྷི་ཀ་ཏཾ ཡཱ་ཝ་ཛཱི་ཝི་ཀཾ ཡཱ་ཝ་ཀཱ་ལི་ཀེ་ན ཏ་ད་ཧུ་པ་ཊི་གྒ་ཧི་ཏེ་ན ས་མྦྷི་ནྣ་ར་སཾ ཏ་ད་ཧུ་པ་ཊི་གྒ་ཧི་ཏ་ས་ངྑ་ཡཾ ཨཱ་ག་ནྟྭཱ ས་ནྣི་དྷི་ཀ་ཏཱ་མི་ས་ས་ངྑྱ་མེ་ཝ ག་ཙྪ་ཏཱི་ཏི? ཝུ་ཙྩ་ཏེ – ‘‘ཡཱ་ཝ་ཀཱ་ལི་ཀེ་ན, བྷི་ཀྑ་ཝེ, ཡཱ་ཝ་ཛཱི་ཝི་ཀཾ ཏ་ད་ཧུ་པ་ཊི་གྒ་ཧི་ཏ’’ནྟི ཝ་ཙ་ན་ཏོ པུ་རེ་པ་ཊི་གྒ་ཧི་ཏཾ ཡཱ་ཝ་ཛཱི་ཝི་ཀཾ ཏ་ད་ཧུ་པ་ཊི་གྒ་ཧི་ཏེ་ནཱ་མི་སེ་ན ཙེ ས་མྦྷི་ནྣཾ, པུ་རེ་པ་ཊི་གྒ་ཧི་ཏ་ས་ངྑྱ་མེ་ཝ ག་ཙྪ་ཏཱི་ཏི སི་དྡྷཾ. ཨ་ཉྙ་ཐཱ ‘‘ས་ཏྟཱ་ཧ་ཀཱ་ལི་ཀེ་ན, བྷི་ཀྑ་ཝེ, ཡཱ་ཝ་ཛཱི་ཝི་ཀཾ པ་ཊི་གྒ་ཧི་ཏཾ ས་ཏྟཱ་ཧཾ ཀ་པྤ་ཏཱི’’ཏི (མ་ཧཱ་ཝ. ༣༠༥) ཝུ་ཏྟ་ཊྛཱ་ནེ ཝི་ཡ ཨི་དྷཱ་པི ‘‘ཡཱ་ཝ་ཀཱ་ལི་ཀེ་ན, བྷི་ཀྑ་ཝེ, ཡཱ་ཝ་ཛཱི་ཝི་ཀཾ པ་ཊི་གྒ་ཧི་ཏཾ ཀཱ་ལེ ཀ་པྤ་ཏཱི’’ཏི ཝ་དེ་ཡྻ, ཏ་ཉྩཱ་ཝུ་ཏྟཾ. ཏ་སྨཱ པུ་རེ་པ་ཊི་གྒ་ཧི་ཏཾ ཏཾ ཨཱ་མི་ས་ས་མྦྷི་ནྣཾ ཨཱ་མི་ས་ག་ཏི་ཀ་མེ་ཝཱ་ཏི ཝེ་དི་ཏ་བྦཾ. ག་ཎྛི་པ་དེ པ་ན ‘‘ས་ནྣི་དྷི་ཀཱ་ར་ཀཾ ཁཱ་ད་ནཱི་ཡཾ ཝཱ བྷོ་ཛ་ནཱི་ཡཾ ཝཱ’’ཏི (པཱ་ཙི. ༢༥༣) ཝུ་ཏྟཾ. བྱ་ཉྫ་ན་མ་ཏྟཾ ན ག་ཧེ་ཏ་བྦཾ.

༤༥༧. ཨི་དྷཱཏི ཨི་མ་སྨིཾ པཱ་ཋེ. ‘‘‘ཀཱ་ལེ ཀ་པྤ་ཏི, ཝི་ཀཱ་ལེ ན ཀ་པྤ་ཏཱི’ཏི (མ་ཧཱ་ཝ. ༣༠༥) ཝུ་ཏྟ་ཝ་ཙ་ན་མ་ཏྟེ་ན ‘ཝི་ཀཱ་ལེ ཀ་པྤ་ཏཱི’ཏི ཝི་ཀཱ་ལ་བྷོ་ཛ་ན་པཱ་ཙི་ཏྟི་ཡཾ ཨཱ་ཝ་ཧཾ ཧོ་ཏཱི་ཏི ཨ་ཏྠོ, ‘ན ཀ་པྤ་ཏཱི’ཏི ས་ནྣི་དྷི་བྷོ་ཛ་ན་པཱ་ཙི་ཏྟི་ཡཾ ཨཱ་ཝ་ཧཾ ཧོ་ཏཱི་ཏི ཨ་ཏྠོ, ཡ་དི ས་མྦྷི་ནྣ་ར་སཾ ཨ་ཛྫ་པ་ཊི་གྒ་ཧི་ཏ་མྤི ཡཱ་ཝ་ཛཱི་ཝི་ཀ་ནྟི ཨ་ཏྠོ’’ཏི ལི་ཁི་ཏཾ. སུ་ཏྟ་ཝི་བྷ་ངྒེཏི མཱ་ཏི་ཀཱ་ས་ངྑཱ་ཏེ སུ་ཏྟེ ཙ ཏ་སྶ པ་ད་བྷཱ་ཛ་ནཱི་ཡ་ས་ངྑཱ་ཏེ ཝི་བྷ་ངྒེ ཙཱ་ཏི ཨ་ཏྠོ. ཨི་དཾ ཨཱ་ག་ཏ་མེ་ཝ. ཀ་ཏ་ར་ནྟི? ‘‘ཨ་ཏི་ཀྐཱ་མ་ཡ་ཏོ ཚེ་ད་ན་ཀ’’ནྟི ཨི་དཾ.

ཏི་ཝི་ད་ཏྠི་པ་མཱ་ཎ་ཉྩེ, ཨ་ད་སཾ ཏཾ ནི་སཱི་ད་ནཾ;

ནི་སཱི་ད་ནཾ ཀ་ཐཾ ཧོ་ཏི, ས་ད་སཾ ཏ་ཉྷི ལ་ཀྑ་ཎཾ.

ཏི་ཝི་ད་ཏྠི་པ་མཱ་ཎཾ ཏཾ, ད་སཱ ཏ་ཏྠ ཝི་ད་ཏྠི ཙེ;

ཏཾ་ནི་སཱི་ད་ན་ནཱ་མ་ཏྟཱ, ཏ་སྨིཾ ཚེ་ད་ན་ཀཾ སི་ཡཱ.

ཨ་ནི་སཱི་ད་ན་ནཱ་མ་མྷི, ཀ་ཐཾ ཚེ་ད་ན་ཀཾ བྷ་ཝེ;

ཨི་ཏི ཙེ ནེ་ཝ ཝ་ཏྟ་བྦཾ, ནི་སཱི་ད་ན་ཝི་ད་ཏྠི་ཏོ.

ཀ་པྤ་ཏེ ས་ད་སཱ་མ་ཏྟཾ, ནི་སཱི་ད་ན་མི་ཏི ཀཱ་ར་ཎཾ;

ཀ་ཐཾ ཡུ་ཛྫ་ཏི ནོ ཙེ་ཏཾ, ནི་སཱི་ད་ན་སྶ ནཱ་མ་ཀཾ.

ནི་སཱི་ད་ན་ནྟི ཝུ་ཏྟ་ཏྟཱ, པ་མཱ་ཎ་ས་མ་ཏི་ཀྐ་མཱ;

ཏ་སྶཱ་ནུ་མ་ཏི་ཧེ་ཏུ་ཏྟཱ, ཏ་ཏྠ ཚེ་ད་ན་ཀཾ བྷ་ཝེ.

ཛཱ་ཏ་རཱུ་པ་ཀ་པྤེ –

ཛཱ་ཏ་རཱུ་པཾ པ་ཊི་ཀྑི་ཏྟཾ, པུ་གྒ་ལ་སྶེ་ཝ པཱ་ལི༹་ཡཾ;

ན ས་ངྒྷ་སྶཱ་ཏི ས་ངྒྷ་སྶ, ཏ་ཉྩེ ཀ་པྤ་ཏི ས་བྦ་སོ.

ཝི་ཀཱ་ལ་བྷོ་ཛ་ན་ཉྩཱ་པི, པུ་གྒ་ལ་སྶེ་ཝ ཝཱ་རི་ཏཾ;

ན ས་ངྒྷ་སྶཱ་ཏི ས་ངྒྷ་སྶ, ཀ་པྤ་ཏཱི་ཏི ཀ་ཐཾ ས་མཾ.

ས་ཏྟ་ས་ཏི་ཀ་ཀྑ་ནྡྷ་ཀ་ཝ་ཎྞ་ནཱ ནི་ཊྛི་ཏཱ.

ཙཱུ་ལ༹་ཝ་གྒ་ཝ་ཎྞ་ནཱ ནི་ཊྛི་ཏཱ.

ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ