༡. ཨཱ་ཝ་ས་ཐ་པི་ཎྜ་སི་ཀྑཱ་པ་ད་ཝ་ཎྞ་ནཱ

༢༠༣-༤. པཱུ་ག་སྶཱཏི པཱུ་གེ་ན. ཀུ་ཀྐུ་ཙྩཱ་ཡ་ནྟོཏི ནི་སྶ་ར་ཎེ་ནེ་ཏྠ བྷ་ཝི་ཏ་བྦཾ, ཏཾ མ་ཡཾ ན ཛཱ་ནཱ་མཱ་ཏི ས་ནྣི་ཊྛཱ་ན་སྶ ཀ་ར་ཎ་ཝ་སེ་ན ‘‘ཀུ་ཀྐུ་ཙྩཱ་ཡ་ནྟོ’’ཏི ཝུ་ཙྩ་ཏི. ཡ་ཐཱ ཧི ཨཱ་ཡ་སྨཱ ཨུ་པཱ་ལི ན་ཡ་གྒཱ་ཧེ་ན ‘‘ཨ་ནཱ་པ་ཏྟི ཨཱ་ཝུ་སོ སུ་པི་ན་ནྟེ་ནཱ’’ཏི (པཱ་རཱ. ༧༨) ཨཱ་ཧ, ཏ་ཐཱ ཐེ་རོ་པི ‘‘ཨ་ནཱ་པ་ཏྟི གི་ལཱ་ན་སྶཱ’’ཏི ཀ་སྨཱ ན པ་རི་ཙྪི་ནྡ་ཏཱི་ཏི? ཨ་ན་ཏྟཱ་དྷི་ཀཱ་ར་ཏྟཱ ཝི་ན་ཡ་པ་ཉྙ་ཏྟི་ཡཱ, ‘‘ནཱ་ཡཾ ཨ་ཏྟ་ནོ ཨོ་ཀཱ་སོ’’ཏི པ་ཊི་ཀྑི་ཏྟ་ཏྟཱ, སི་ཀྑཱ་པ་ད་སྶ ཨ་པ་རི་པུ་ཎྞ་ཏྟཱ. པ་ཋ་མ་པཱ་རཱ་ཛི་ཀ་སི་ཀྑཱ་པ་དེ པ་རི་པུ་ཎྞཾ ཀ་ཏྭཱ པ་ཉྙ་ཏྟེ་ཡེ་ཝ ཧི སོ ཐེ་རོ ‘‘ཨ་ནཱ་པ་ཏྟི སུ་པི་ན་ནྟེ་ནཱ’’ཏི ཨཱ་ཧ ‘‘ཨ་ཉྙ་ཏྲ སུ་པི་ན་ནྟཱ’’ཏི ཝུ་ཏྟ་པ་དཱ་ནུ་སཱ་རེ་ནཱ་ཏི. ཡ་སྨཱ ཨོ་དི་སྶ ཨ་ཡཱ་ཝ་ད་ཏྠེ་ཝ དཱ་ཡ་ཀཱ་ནཾ པཱི་ལཱ༹ ན་ཏྠི, ཏ་སྨཱ ‘‘ཨ་ནོ་དི་སྶ ཡཱ་ཝ་ད་ཏྠོ’’ཏི ཝུ་ཏྟཾ.

༢༠༨. ‘‘ཨ་ནྟ་རཱ་མ་གྒེ ཨེ་ཀ་དི་ཝ་ས’ནྟི ཨེ་ཀཾ་ཡེ་ཝ ས་ནྡྷཱ་ཡ ཝུ་ཏྟ’’ནྟི ཙ ‘‘ཨེ་སེ་ཝ ན་ཡོཏི ཝུ་ཏྟ་ན་ཡ་མེ་ཝ ད་སྶེ་ཏུཾ ག་ནྟྭཱ པ་ཙྩཱ་ག་ཙྪ་ནྟོ ཧཱི་ཏི་ཨཱ་དི་མཱ་ཧཱ’’ཏི ཙ ‘‘སུ་དྡྷ་ཙི་ཏྟོ ཧུ་ཏྭཱ པ་ཀ་ཏི་ག་མ་ནེ་ཝ བྷུ་ཉྫི་ཏུཾ ལ་བྷ་ཏཱི’’ཏི ཙ ‘‘ཨ་གི་ལཱ་ན་སྶ གི་ལཱ་ན་ས་ཉྙི་ནོ ཀཱ་ཡེ་ན ས་མུ་ཊྛཱ་ཏཱི’’ཏི ཙ ལི་ཁི་ཏཾ.

ཨཱ་ཝ་ས་ཐ་པི་ཎྜ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.