༧. སཾ་ཝི་དྷཱ་ན་སི་ཀྑཱ་པ་ད་ཝ་ཎྞ་ནཱ

༡༨༡. ཏཱ བྷི་ཀྑུ་ནི་ཡོ དཱུ་ས་ཡིཾ་སཱུ་ཏི ཝི་པ་རི་ཎཱ་མོ ཀཱ་ཏ་བྦོ.

༡༨༢-༤. ས་མྤ་ད་ནྟཱིཏི པ་ད་སཱ ག་ཙྪ་ནྟི. ཝུ་ཏྟ་ན་ཡེ་ནེ་ཝཱཏི ‘‘ས་མྤ་ཏ་ནྟི ཨེ་ཏྠཱ་ཏི ས་མྤཱ་ཏོ’’ཏི་ཨཱ་དི་ནཱ. པ་ད་ག་ཏེ ཨུ་པ་ཙཱ་རོ ན ལ་བྦྷ་ཏི, ཨ་ཙྩཱ་ས་ནྣ་ཏྟཱ མི་སྶཾ ཝི་ཡ ཧོ་ཏཱི་ཏི. ཀུ་ཀྐུ་ཊ་ཝ་སྶི་ཏ་པ་རི་ཙྪི་ནྣོ མ་ཧཱ་ཨ་ཊྛ་ཀ་ཐཱ་ཡཾ. ‘‘ཏ་མྤི ཝོ་ཧཱ་རེ་ནཱ’’ཏི ལི་ཁི་ཏཾ. ‘‘ཡེ་བྷུ་ཡྻེ་ན ཏ་ཐཱ ས་ནྣི་ཝེ་སོ ཧོ་ཏཱི་ཏི ཀ་ཏྭཱ ཨ་ཊྛ་ཀ་ཐཱ་ཡཾ ཝུ་ཏྟཾ, ཏ་སྨཱ ན པ་མཱ་ད་ལེ་ཁོ’’ཏི ཙ, ‘‘ཨུ་ཀྐ་ཊྛ་པ་རི་ཙྪེ་དེ་ན ཝུ་ཏྟཾ ཨ་ཊྛ་ཀ་ཐཱ་ཡཾ, ཏ་ཏོ ཨུ་དྡྷཾ ཨ་དྡྷ་ཡོ་ཛ་ན་ལ་ཀྑ་ཎ་ས་མྤ་ཏྟཾ ནཱ་མ ཧོ་ཏཱི་ཏི ག་ཧེ་ཏ་བྦ’’ནྟི ཙ ཝུ་ཏྟཾ. ‘‘ཀ་པྤི་ཡ་བྷཱུ་མི ཀི་རཱ་ཡཾ…པེ… ན ཝ་ད་ནྟཱི’’ཏི ཝུ་ཏྟཾ. དུ་དྡ་ས་ཉྷེ་ཏྠ ཀཱ་ར་ཎཾ. ཀ་ཏ་རཾ པ་ན ཏ་ནྟི? ‘‘ག་ཙྪཱ་མཱ་ཏི སཾ་ཝི་ད་ཧ་ཏི, ཨཱ་པ་ཏྟི དུ་ཀྐ་ཊ་སྶཱ’’ཏི ཝུ་ཏྟཾ. ཏ་ཏྠ ‘‘ག་ཙྪཱ་མཱ’’ཏི ཝ་ཏྟ་མཱ་ན་ཝ་ཙ་ན་ནྟ་ཉྩ, ཨ་མ་གྒེ བྷི་ཀྑུ་ནུ་པ་སྶ་ཡཱ་དི་མྷི ན ས་མྦྷ་ཝ་ཏི་ཡེ་ཝ མ་ནུ་སྶཱ་ནཾ ཨ་ནྟ་ར་གྷ་རཱ་དི་མྷི མ་གྒ་ས་ངྑེ་པ་ག་མ་ན་ཏོ, ཨུ་ཙྩཱ་ས་ཡ་ནཱ་དི་ཨུ་པྤ་ཏྟི་ཊྛཱ་ན་ཏྟཱ ཙ. ན ཏི་ཏྠི་ཡ་སེ་ཡྻཱ་ཡ ཝཱ པ་བྦ་ཛི་ཏཱ་ཝཱ་ས་ཏྟཱ. དྭཱ་རེཏི ས་མཱི་པ་ཏྠེ བྷུ་མྨཾ, ཏ་སྨཱ ཏཾ ད་སྶེ་ཏུཾ པུ་ན ‘‘ར་ཐི་ཀཱ་ཡཱ’’ཏི ཨཱ་ཧ. སེ་ས་ཨ་ཊྛ་ཀ་ཐཱ་ཡཾ ‘‘ཨེ་ཏྠ་ནྟ་རེ སཾ་ཝི་ད་ཧི་ཏེ་པི བྷི་ཀྑུ་ནོ དུ་ཀྐ་ཊ’’ནྟི ཨཱ་ག་ཏ་ཏྟཱ ན ས་མེ་ཏི. ‘‘གཱ་མ་ནྟ་རེ’’ཏི ཝ་ཙ་ན་ཏོ ཨ་ཉྙ་གཱ་མ་སྶ ཨུ་པ་ཙཱ་རོ་ཀྐ་མ་ནེ ཨེ་ཝ ཨཱ་པ་ཏྟི. ‘‘ཨ་དྡྷ་ཡོ་ཛ་ནེ’’ཏི ཝ་ཙ་ན་ཏོ ཨ་ཏི་ཀྐ་མ་ནེ་ཡེ་ཝ ཡུ་ཏྟཾ.

༡༨༥. ར་ཊྛ་བྷེ་དེཏི ཝི་ལོ་པེ. པོ་རཱ་ཎ་ག་ཎྛི་པ་དེ ‘‘ཏ་ཡོ་པི ས་ངྐེ་ཏཱ ཀཱ་ལ་དི་ཝ་ས་མ་གྒ་ཝ་སེ་ན, ཏ་ཏྠ པ་ཙྪི་མེ་ནེ་ཝ ཨཱ་པ་ཏྟཱི’’ཏི ཝུ་ཏྟཾ. ‘‘ཨི་མི་ནཱ མ་གྒེ་ནཱ’’ཏི ཝི་སྶ་ཛྫེ་ཏྭཱ ཨ་ཉྙེ་ན ག་ཙྪ་ནྟི ཙེ, ཨཱ་པ་ཏྟི་ཡེ་ཝཱ་ཏི ཨ་ཏྠོ.

སཾ་ཝི་དྷཱ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.