༥. དུ་ཏི་ཡ་སེ་ནཱ་ས་ན་སི་ཀྑཱ་པ་ད་ཝ་ཎྞ་ནཱ

༡༡༦-༧. ཨེ་ཏྟ་ཀ་མེ་ཝ ཝུ་ཏྟམ་ཊྛ་ཀ་ཐཱ་སུ, ཏ་ཐཱ་པི པ་ད་ཊྛཱ་ད་ཡོ་པི ལ་བྦྷ་ནྟི ཨེ་ཝ. ཨ་ནུ་ག་ཎྛི་པ་དེ ‘‘ཨ་ཉྙཾ ཨ་ཏྠ་ར་ཎཱ་དི ཨ་ཀ་པྤི་ཡ་ཏྟཱ ན ཝུ་ཏྟ’’ནྟི ཝུ་ཏྟཾ. ‘‘མ་ཉྩཾ ཝཱ པཱི་ཋཾ ཝཱ ཝི་ཧཱ་རེ ཝཱ ཝི་ཧཱ་རཱུ་པ་ཙཱ་རེ ཝཱ’ཏི ཨི་མི་ནཱ་པི སཾ་ས་ནྡ་ན་ཏྠཾ ‘ཀི་ཉྩཱ་པི ཝུ་ཏྟོ, ཨ་ཐ ཁོ’ཏི་ཨཱ་དི ཨཱ་ར་དྡྷ’’ནྟི ཙ ཝུ་ཏྟཾ. ཨུ་པ་ཙཱ་ར་མ་ཏྟ་ཉྩེ་ཏཾ ‘‘རུ་ཀྑ་མཱུ་ལེ’’ཏི, ཏ་ཏྠ ཝ་ཏྟ་བྦཾ ན་ཏྠི.

༡༡༨. ཨ་ནཱ་པུ་ཙྪི་ཏྭཱ་པི ག་ནྟུཾ ཝ་ཊྚ་ཏཱིཏི ཨ་ས་ཏི་ཡཱ ག་ཙྪ་ཏོ་པི ཨ་ནཱ་པ་ཏྟི, ཨཱ་པུ་ཙྪ་ནཾ པ་ན ཝ་ཏྟཾ ས་ཉྩི་ཙྩ ཨ་ནཱ་པུ་ཙྪ་ཏོ ཝ་ཏྟ་བྷེ་ད་དུ་ཀྐ་ཊ་ཏྟཱ. པུ་གྒ་ལི་ཀ་སེ་ནཱ་ས་ནེ ས་ངྒྷི་ཀ་སེ་ཡྻཾ, ས་ངྒྷི་ཀ་སེ་ནཱ་ས་ནེ ཝཱ པུ་གྒ་ལི་ཀ་སེ་ཡྻཾ ཨ་ཏྠ་རི་ཏྭཱ ག་ཙྪ་ནྟ་སྶ དུ་ཀྐ་ཊཾ ཡུ་ཏྟཾ ཝི་ཡ. ཀ་སྨཱ? ‘‘སེ་ཡྻཱ་མ་ཏྟ་མེ་ཝ ན་སྶེ་ཡྻཱ’’ཏི ཝུ་ཏྟ་ཏྟཱ. ཨི་དྷ པ་ན ‘‘པ་ལི་བུ་དྡྷཾ པ་ལི་བུ་དྡྷོ’’ཏི དུ་ཝི་དྷ་མྤི ཨ་ཏྠི.

དུ་ཏི་ཡ་སེ་ནཱ་ས་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.