༨. ཀ་ཎྜུ་པ་ཊི་ཙྪཱ་དི་སི་ཀྑཱ་པ་ད་ཝ་ཎྞ་ནཱ

༥༣༩. ཡ་དི ཀ་ཎྜུ་པ་ཊི་ཙྪཱ་དི ནཱ་མ ཨ་དྷོ་ནཱ་བྷི ཨུ་བྦྷ་ཛཱ་ཎུ་མ་ཎྜ་ལཱ ཨུ་པྤ་ནྣ་ཀ་ཎྜུ་པཱི་ལ༹་ཀཱ་དི་པ་ཊི་ཙྪཱ་དི་ཀཱ ཨ་དྷི་པྤེ་ཏཱ, ཏ་སྶ སུ་ག་ཏ་སྶ སུ་ག་ཏ་ཝི་ད་ཏྠི་ཡཱ དཱི་གྷ་སོ ཙ་ཏ་སྶོ ཝི་ད་ཏྠི་ཡོ ཏི་རི་ཡཾ དྭེ་ཏི ཨི་ད་མྤི ཨ་ཏི་མ་ཧ་ནྟཾ པ་མཱ་ཎཾ དི་སྶ་ཏི. ས་བྦོ ཧི པུ་རི་སོ ཨ་ཏྟ་ནོ ཨ་ཏྟ་ནོ ཝི་ད་ཏྠི་ཡཱ ས་ཏྟ་ཝི་ད་ཏྠི་ཀོ ཧོ་ཏི, སུ་ག་ཏ་སྶ ཙ ཨེ་ཀཱ་ཝི་ད་ཏྠི མ་ཛ྄ཛྷི་མ་སྶ པུ་རི་ས་སྶ ཏི་སྶོ ཝི་ད་ཏྠི་ཡོ ཧོ་ནྟི, ཏ་སྨཱ ཀ་ཎྜུ་པ་ཊི་ཙྪཱ་དི པ་ཀ་ཏི་པུ་རི་ས་སྶ པ་མཱ་ཎཾ ཨཱ་པ་ཛྫ་ཏི ཏི་རི་ཡཾ, དཱི་གྷ་སོ པ་ན དི་གུ་ཎཾ ཨཱ་པ་ཛྫ་ཏཱི་ཏི. ཨཱ་པ་ཛྫ་ཏུ, ཨུ་ཀྐ་ཊྛ་པ་རི་ཙྪེ་དོ ཏ་སྶཱ, ཙེ ཨི་ཙྪ་ཏི, ས་བྦ་མྤི ས་རཱི་རཾ པ་ཊི་ཙྪཱ་དེ་སྶ་ཏི, ས་བྦ་ས་རཱི་ར་ག་ཏ་ས་ངྒྷཱ་ཊི ཝི་ཡ བ་ཧུ་གུ་ཎཾ ཀ་ཏྭཱ ནི་ཝཱ་སེ་ཏུ་ཀཱ་མོ ནི་ཝཱ་སེ་སྶ་ཏཱི་ཏི ཨ་ཡཾ བྷ་ག་ཝ་ཏོ ཨ་དྷི་པྤཱ་ཡོ སི་ཡཱ.

ཀ་ཎྜུ་པ་ཊི་ཙྪཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.