༧. པཱ་དུ་ཀ་ཝ་གྒ་ཝ་ཎྞ་ནཱ

༦༤༠. ས་ཡཾ ཡཱ་ན་ག་ཏོ ཧུ་ཏྭཱ, ཡ་ཐཱ ཡཱ་ན་ག་ཏ་སྶ ཝེ.

ཨ་ལཾ ཝ་ཏྟུཾ ཏ་ཐཱ ནཱ་ལཾ, ས་ཚ་ཏྟོ ཚ་ཏྟ་པཱ་ཎི་ནོ.

ཡ་ཐཱ ཨེ་ཏྠ, ཨེ་ཝཾ ཨ་ཉྙ་ཏྲཱ་པི.

༦༤༧. ཚ་པ་ཀ་ཝ་ཏྠུ་སྨིཾ ‘‘ས་ཙཱ་ཧཾ ན ལ་བྷི་སྶཱ་མཱི’’ཏི པཱ་ཋོ, ‘‘ད་ས ཙེ ན ལ་བྷི་སྶཱ་མཱི’’ཏི ཙ ཨ་ཏྠི, ‘‘ཝ་ཏྠུ་སྨིཾ ཨ་གི་ལཱ་ན་སྶཱ’’ཏི ཙ ཨཱ་ག་ཙྪ་ཏི, ཏཾ ན སུ་ནྡ་རཾ, སི་ཀྑཱ་པ་དེ་ཡེ་ཝ སུ་ནྡ་རཾ. ཐོ་མི་ཏོཏི ཨ་ཧ་མྤི ཛཱ་ནཱ་མཱི་ཏི ས་མྦ་ནྡྷོ. ཡཱ དྷ་ན་ཡ་ས་ལཱ་བྷ་ས་ངྑཱ་ཏཱ ཝུ་ཏྟི ཝི་ནི་པཱ་ཏེ་ན ཧོ་ཏི ས་མྤ་རཱ་ཡེ ཨ་པཱ་ཡེ་སུ ཝི་ནི་པཱ་ཏ་ཧེ་ཏུ ཧུ་ཏྭཱ པ་ཝ་ཏྟ་ཏི. ཨ་ཐ ཝཱ ཝི་ནི་པཱ་ཏེ་ནཱཏི ཧེ་ཏྭ་ཏྠེ ཀ་ར་ཎ་ཝ་ཙ་ནཾ, ཝི་ནི་པཱ་ཏ་ནཱ་ཡ པ་ཝ་ཏྟ་ཏཱི་ཏི ཨ་དྷི་པྤཱ་ཡོ. ཨ་དྷ་མྨ་ཙ་ར་ཎེ་ན ཨ་དྷ་མྨ་ཙ་ར་ཎཱ་ཡ. ‘‘ཨ་སྨཱ ཀུ་མྦྷི་མི་ཝཱ’’ཏི ཙ པ་ཋ་ནྟི.

པཱ་དུ་ཀ་ཝ་གྒ་ཝ་ཎྞ་ནཱ ནི་ཊྛི་ཏཱ.

པ་ཀི་ཎྞ་ཀ་ཝ་ཎྞ་ནཱ

ཀཱ་ཡ་ཝཱ་ཙཱ་ཙི་ཏྟ་ཏོ ས་མུ་ཊྛ་ཧ་ནྟཱི་ཏི ཀ་ཏྭཱ ‘‘ས་མ་ནུ་བྷཱ་ས་ན་ས་མུ་ཊྛཱ་ནཱ་ནཱི’’ཏི ཝུ་ཏྟཱ་ནི. ས་མ་ནུ་བྷཱ་ས་ནཾ ཀི་རི་ཡཾ. ཨི་མཱ་ནི ཀི་རི་ཡཱ་ནི. དྷ་མྨ་དེ་ས་ན་ས་མུ་ཊྛཱ་ནཱ་ནི ཝཱ་ཙཱ་ཙི་ཏྟ་ཏོཏི ཨེ་ཏྠ ཀཱ་ཡ་ཝ་ཙཱི་ཝི་ཉྙ་ཏྟི་བྷཱ་ཝ་ཏོ ཨུ་ཛྫ་གྒྷི་ཀ་ཨུ་ཙྩཱ་ས་དྡཱ་དཱི་སུ ཝི་ཡ ‘‘ཀཱ་ཡ་ཝཱ་ཙཱ་ཙི་ཏྟ་ཏོ’’ཏི ཝ་ཏྟ་བྦཱ་ནཱི་ཏི ཙེ? ན ཝ་ཏྟ་བྦཱ་ནི. ནི་སཱི་ད་ན་ག་མ་ནཱ་ཧཱ་ར་པ་ཀྑི་པ་ནཱ་དི་ཀཱ་ཡ་ཝི་ཉྙ་ཏྟི་ཡཱ ས་བྦྷཱ་ཝཱ ཏ་ཏྠ ཡུ་ཏྟཾ, ན དྷ་མྨ་དེ་ས་ནེ ཏཱ་དི་ས་སྶཱ་བྷཱ་ཝཱ.

པ་ཀི་ཎྞ་ཀ་ཝ་ཎྞ་ནཱ ནི་ཊྛི་ཏཱ.

སེ་ཁི་ཡ་ཀ་ཎྜ་ཝ་ཎྞ་ནཱ ནི་ཊྛི་ཏཱ.