༡. ཀོ་སི་ཡ་སི་ཀྑཱ་པ་ད་ཝ་ཎྞ་ནཱ

༥༤༢. ཀོ་སི་ཡ་ཀཱ་ར་ཀོཏི ཨེ་ཏྠ ཀོ་སཾ ཀ་རོ་ནྟཱི་ཏི ‘‘ཀོ་ས་ཀཱ་རཱ’’ཏི ལ་དྡྷ་ཝོ་ཧཱ་རཱ་ནཾ པཱ་ཎ་ཀཱ་ནཾ ཀོ་ས་ཏོ ནི་བྦ་ཏྟཾ ཀོ་སི་ཡཾ ནཱ་མ. ཨ་ཏྟ་ནཱ ཀ་ཏཾ ཙེ? ནི་སྶ་ཛྫ་ན་ཀཱ་ལེ ‘‘ས་ཡཾ ཀ་ཏཾ ནི་སྶ་གྒི་ཡ’’ནྟི ཝ་ཏྟ་བྦཾ. ཨུ་བྷོ་ཧི ཙེ ཀ་ཏཾ, ཡ་ཐཱ་པཱ་ཋ་མེ་ཝ ཝ་ཏྟ་བྦཾ. ཨ་ཏྟ་ནཱ ཙ པ་རེ་ཧི ཙ ཝི་པྤ་ཀ་ཏཾ ཨ་ཏྟ་ནཱ པ་རི་ཡོ་སཱ་པེ་ཏཱི་ཏི་ཨཱ་དི་ཙ་ཏུ་ཀྐ་མྤི ས་མྦྷ་ཝ་ནྟཾ ན ད་སྶི་ཏཾ. ཝི་ན་ཡ་དྷ་མྨ་ཏཱ ཧེ་སཱ, ཡ་དི་དཾ ཨེ་ཀ་སྨིཾ ཏི་ཀེ ཝཱ ཙ་ཏུ་ཀྐེ ཝཱ ད་སྶི་ཏེ ཨི་ཏ་རཾ ས་མྦྷ་ཝ་ནྟ་མྤི ན ཝུ་ཙྩ་ཏཱི་ཏི.

ཀོ་སི་ཡ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.