༤. མོ་གྒ་ལླཱ་ན་སུ་ཏྟ་ཝ་ཎྞ་ནཱ

༨༢༦. ཨུ་དྡྷ་ཙྩ་པ་ཀ་ཏི་ཀཱཏི ཝི་ཀྑི་ཏྟ་ས་བྷཱ་ཝཱ, ཝི་བྦྷ་ནྟ་ཙི་ཏྟཱ་ཏི ཨ་ཏྠོ. ཨ་ན་ཝ་ཊྛི་ཏ་ཏཱ་ཡ ཝི་པྥ་ནྡི་ཏ་ཙི་ཏྟ་ཏཱ་ཡ ཝི་པྥ་ནྡ་མཱ་ན་ཙི་ཏྟཱ. ཏུ་ཙྪ་ཏཱ་ཡ ན་ལོ༹ ཝི་ཡཱ་ཏི ན་ལོ༹, མཱ་ནོ, ཨུ་གྒ་ཏོ ན་ལོ༹ ཨེ་ཏེ་ས་ནྟི ཨུ་ནྣ་ལཱ༹ཏི ཨཱ་ཧ – ‘‘ཨུ་ནྣ་ལཱ༹་ཏི…པེ… ཝུ་ཏྟཾ ཧོ་ཏཱི’’ཏི. ཙ་པ་ལཱཏི ཙཱ་པ་ལྱ་ཏཱ ནཱ་མ ལོ་ལ་བྷཱ་ཝོ. མུ་རཱཏི ཁ་ར་ཝ་ཙ་ནཱ, ཕ་རུ་ས་ཝ་ཙ་ནཱ་ཏི ཨ་ཏྠོ. ཝི་ཀི་ཎྞ་ཝཱ་ཙཱ ནཱ་མ ས་མྥ་པྤ་ལཱ་པི་ནོ་ཏི ཝུ་ཏྟཾ ‘‘ཨ་སཾ་ཡ་ཏ་ཝ་ཙ་ནཱ’’ཏི་ཨཱ་དི. པ་ཊི་པ་ཏྟི་དྷ་མྨེ པ་མུ་ཊྛཱ ཝི་ན་ཊྛཱ པ་ཊི་ཝི་ན་ཊྛཱ ས་ཏི ཨེ་ཏེ་ས་ནྟི མུ་ཊྛ་ས་ཏཱིཏི ཨཱ་ཧ – ‘‘ན་ཊྛ་སྶ་ཏི་ནོ’’ཏི. ཨུ་བྦྷ་ནྟ་ཙི་ཏྟཱཏི ས་མཱ་དྷི་ནོ ཨ་བྷཱ་ཝེ་ན ཨུ་དྡྷ་ཙྩེ་ནེ་ཝ ཨུ་པ་རཱུ་པ་རི བྷ་ནྟ་ཙི་ཏྟཱ. པཱ་ཀ་ཏི་ནྡྲི་ཡཱ ཨ་བྷཱ་ཝི་ཏ་ཀཱ་ཡ་ཏཱ་ཡ གཱ་མ་དཱ་ར་ཀཱ ཝི་ཡ པ་ཀ་ཏི་བྷཱུ་ཏ་ཨི་ནྡྲི་ཡཱ. ནེ་མོ ཝུ་ཙྩ་ཏི བྷཱུ་མི་ཡཱ བ་དྡྷ་བྷཱ་ཝ་ནི་མི་ཏྟ་པ་དེ་སོ, ག་མྦྷཱི་རོ ནེ་མོ ཨེ་ཏ་སྶཱ་ཏི ག་མྦྷཱི་ར་ནེ་མོ. སུ་ཊྛུ ནི་ཁཱ་ཏོཏི་ཨཱ་དི ཏ་སྶ པཱ་ད་སྶ སུ་པྤ་ཏི་ཊྛི་ཏ་བྷཱ་ཝ་ད་སྶ་ནཾ.