༦. པ་ཋ་མ་ཝི་བྷ་ངྒ་སུ་ཏྟ་ཝ་ཎྞ་ནཱ

༥༠༦. ཀཱ་ཡི་ཀནྟི ཨ་ཡ་མ་སྶ ནི་སྶ་ཡ་ཝ་སེ་ན ནི་དྡེ་སོ་ཏི ཨཱ་ཧ – ‘‘ཀཱ་ཡ་པ་སཱ་ད་ཝ་ཏྠུ་ཀ’’ནྟི. ས་རཱུ་པ་ནི་དྡེ་སོ སུ་ཁཾ སུ་ཁི་ནྡྲི་ཡ་སྶ ས་རཱུ་པ་ནྟི. སཱ་ད་ནཱི་ཡ་ཊྛེ་ན དྷ་མྨ་པ་དཱ་ནི ཨ་ཏྟ་ནི ཨ་སྶཱ་ད་ཡ་ཏཱི་ཏི སཱ་ཏཾ, མ་དྷུ་རཾ. ཝེ་ད་ཡི་ཏནྟི ཝེ་དི་ཡ་ནཾ, ཨ་ནུ་བྷ་ཝ་ན་ནྟི ཨ་ཏྠོ. ཨ་ཉྙ་དྷ་མྨ་ཝི་སི་ཊྛོཏི ཕ་སྶཱ་དཱི་ཧི ཨ་ཉྙེ་ཧི དྷ་མྨེ་ཧི ཝི་ས་དི་སོ. ཀཱ་ཡི་ཀནྟི པ་སཱ་ད་ཀཱ་ཡ་ས་ནྣི་སྶི་ཏཾ. ཙེ་ཏ་སི་ཀནྟི ཙེ་ཏོ་ས་ནྣི་སྶི་ཏཾ, ཏེ་ན ཝུ་ཏྟཾ ‘‘ཨེ་ཏྠ པ་ནཱ’’ཏི་ཨཱ་དི. ཀཱ་ཡ་པ་སཱ་ད…པེ… ན་ཏྠི, ཏ་སྨཱ ‘‘ཙ་ཏྟཱ་རོ པ་སཱ་ད་ཀཱ་ཡེ ཝ་ཏྠུཾ ཀ་ཏྭཱ’’ཏི ཝུ་ཏྟཾ.