༩-༡༠. པ་ཋ་མ་ཝི་བྷ་ངྒ་སུ་ཏྟཱ་དི་ཝ་ཎྞ་ནཱ

༤༧༩-༤༨༠. ནེ་པ་ཀྐཾ ཝུ་ཙྩ་ཏི པ་ཉྙཱ་ཏི ཨཱ་ཧ – ‘‘པ་ཉྙཱ་ཡེ་ཏཾ ནཱ་མ’’ནྟི. ནི་པཱ་ཡ་ཏི སཾ་ཀི་ལེ་ས་དྷ་མྨེ ཝི་སོ་སེ་ཏི ནི་ཀྑཱ་མེ་ཏཱི་ཏི ནི་པ་ཀོ, ཐི་ར་ཏི་ཀྑ་ས་ཏི་པུ་གྒ་ལོ, ཏ་སྶ བྷཱ་ཝོ ནེ་པ་ཀྐནྟི ས་ཏི་ཡཱ་པི ནེ་པ་ཀྐ་བྷཱ་ཝོ ཡུ་ཛྫ་ཏེ་ཝ. ཨེ་ཝ་ཉྷི ‘‘ས་ཏི་ནེ་པ་ཀྐེ་ནཱ’’ཏི ཨི་དཾ ཝ་ཙ་ནཾ ས་མ་ཏྠི་ཏཾ ཧོ་ཏི, ས་ཏི་ཡཱ ཙ ནེ་པ་ཀྐེ་ནཱ་ཏི ཨེ་ཝཾ ཝུ་ཙྩ་མཱ་ནེ་ན ས་ཏི་ནི་དྡེ་སོ ནཱ་མ ཀ་ཏོ ཧོ་ཏི་ཡེ་ཝ. ཨ་སུ་ཀཾ ནཱ་མ སུ་ཏྟཾ ཝཱ ཀ་མྨ་ཊྛཱ་ནཾ ཝཱ མེ བྷཱ་སི་ཏནྟི. ཝོ་སྶ་ཛྫཱི་ཡ་ཏི ས་ངྑཱ་ར་ག་ཏཾ ཨེ་ཏ་སྨིཾ ཨ་དྷི་ག་ཏེ་ཏི ཝོ་སྶ་གྒོ, ནི་བྦཱ་ནཾ. ཏཾ ཨཱ་ར་མྨ་ཎཾ ཀ་རི་ཏྭཱ་ཏི ཨཱ་ཧ – ‘‘ནི་བྦཱ་ནཱ་ར་མྨ་ཎཾ ཀ་ཏྭཱ’’ཏི. ག་ཙྪ་ནྟི་ཡཱཏི ས་ངྑཱ་རཱ་ནཾ ཨུ་ད་ཡ་ཉྩ ཝ་ཡ་ཉྩ ཨུ་ད་ཡ་བྦ་ཡཾ ག་ཙྪ་ནྟི་ཡཱ བུ་ཛ྄ཛྷ་ནྟི་ཡཱ. ཏེ་ནཱ་ཧ ‘‘ཨུ་ད་ཡ་བྦ་ཡ་པ་རི་གྒཱ་ཧི་ཀཱ་ཡཱ’’ཏི. ས་དྡྷཱ་ས་ཏི་པ་ཉྙི་ནྡྲི་ཡཱ་ནི པུ་བྦ་བྷཱ་གཱ་ནི ‘‘ཨི་ཏི་པི སོ བྷ་ག་ཝཱ ཨ་ར་ཧཾ, ཙི་ར་ཀ་ཏ་མྤི ཙི་ར་བྷཱ་སི་ཏ་མྤི ས་རི་ཏཱ ཨ་ནུ་སྶ་རི་ཏཱ, ཨུ་ད་ཡ་ཏྠ་གཱ་མི་ནི་ཡཱ པ་ཉྙཱ་ཡཱ’’ཏི ཙ ཝུ་ཏྟ་ཏྟཱ. ‘‘ཨཱ་ར་དྡྷ་ཝཱི་རི་ཡོ ཝི་ཧ་ར་ཏི, སོ ཨ་ནུ་པྤ་ནྣཱ་ན’’ནྟི་ཨཱ་དི་ནཱ ཙ ཝུ་ཏྟ་ཏྟཱ ཝཱི་རི་ཡི་ནྡྲི་ཡཾ མི་སྶ་ཀཾ. ‘‘ཝོ་སྶ་གྒཱ་ར་མྨ་ཎཾ ཀ་རི་ཏྭཱ’’ཏི ཝུ་ཏྟ་ཏྟཱ ས་མཱ་དྷི་ནྡྲི་ཡཾ ནི་བྦ་ཏྟི་ཏ་ལོ་ཀུ་ཏྟ་ར་མེ་ཝ. ཨ་ཡ་མེ་ཝཱཏི ཡྭཱ་ཡཾ ན་ཝ་མེ ཝུ་ཏྟོ. ཨ་ཡ་མེ་ཝ པུ་བྦ་བྷཱ་ག་མི་སྶ་ཀ་ལོ་ཀུ་ཏྟ་ར་ཏྟ་དྷ་མྨ་པ་རི་ཙྪེ་དོ.

སུ་དྡྷི་ཀ་ཝ་གྒ་ཝ་ཎྞ་ནཱ ནི་ཊྛི་ཏཱ.