༧. ཁེ་མ་ཀ་སུ་ཏྟ་ཝ་ཎྞ་ནཱ

༨༩. ཨ་ཏྟ་ནི་ཡནྟི དི་ཊྛི་ག་ཏི་ཀ་པ་རི་ཀ་པྤི་ཏ་སྶ ཨ་ཏྟ་ནོ ས་ནྟ་ཀཾ. ཏེ་ནཱ་ཧ ‘‘ཨ་ཏྟ་ནོ པ་རི་ཀྑཱ་ར་ཛཱ་ཏ’’ནྟི. ཏ་ཎྷཱ་མཱ་ནོ ཨ་དྷི་ག་ཏོ ཨ་ར་ཧ་ཏྟ་སྶ ཨ་ན་དྷི་ག་ཏ་ཏྟཱ, ནོ དི་ཊྛི་མཱ་ནོ ཨ་དྷི་ག་ཏོ, ཏ་ཐཱ ཀཱ་མ་རཱ་ག་བྱཱ་པཱ་དཱ་པི. ཨ་ནཱ་གཱ་མཱི ཀི་ར ཁེ་མ་ཀ་ཏྠེ་རོ, ‘‘ས་ཀ་དཱ་གཱ་མཱི’’ཏི ཀེ་ཙི ཝ་ད་ནྟི. ས་ནྡྷཱ་ཝ་ནི་ཀཱ་ཡཱཏི ས་ཉྩ་ར་ཎེ་ན. ཏེ་ནཱ་ཧ ‘‘པུ་ན་པྤུ་ནཾ ག་མ་ནཱ་ག་མ་ནེ་ནཱ’’ཏི. ཙ་ཏུ་ཀྑ་ཏྟུཾ ག་མ་ནཱ་ག་མ་ནེ་ནཱཏི ཙ་ཏུ་ཀྑ་ཏྟུཾ ག་མ་ནེ་ན ཙ ཨཱ་ག་མ་ནེ་ན ཙ. ཏེ་ནཱ་ཧ – ‘‘ཏཾ དི་ཝ་སཾ དྭི་ཡོ་ཛ་ནཾ ཨ་དྡྷཱ་ནཾ ཨཱ་ཧི་ཎྜཱི’’ཏི. ཉ་ཏྭཱཏི ཨ་ཛ྄ཛྷཱ་ས་ཡཾ ཉ་ཏྭཱ. ཐེ་རོཏི ཁེ་མ་ཀ་ཏྠེ་རོ.

རཱུ་པ་མེ་ཝ ཨ་སྨཱི་ཏི ཝ་ད་ཏཱིཏི རཱུ་པ་ཀྑ་ནྡྷ་མེ་ཝ ‘‘ཨ་སྨཱི’’ཏི གཱ་ཧ་སྶ ཝ་ཏྠུཾ ཀ་ཏྭཱ ཝ་ད་ཏི. ཨ་དྷི་ག་ཏོ ཏ་ཎྷཱ་མཱ་ནོ.

ཨ་ཎུ་ས་ཧ་ག་ཏོཏི ཨ་ཎུ་བྷཱ་ཝཾ ག་ཏོ. ཏེ་ནཱ་ཧ ‘‘སུ་ཁུ་མོ’’ཏི. ཏ་ཡོ ཁཱ་རཱ ཝི་ཡ ཏི་སྶོ ཨ་ནུ་པ་སྶ་ནཱ ཙི་ཏྟ་སཾ་ཀི་ལེ་ས་སྶ ཝི་སོ་དྷ་ན་ཏོ. སཱི་ལ་ག་ནྡྷཱ་དཱི་ཧི གུ་ཎ་ག་ནྡྷེ་ཧི.

ཀ་ཐེ་ཏུནྟི ཨུ་དྡེ་ས་ཝ་སེ་ན ཀ་ཐེ་ཏུཾ. པ་ཀཱ་སེ་ཏུནྟི ནི་དྡེ་ས་ཝ་སེ་ན ཏ་མ་ཏྠཾ པ་ཀཱ་སེ་ཏུཾ. ཛཱ་ནཱ་པེ་ཏུནྟི ཀཱ་ར་ཎ་ཝ་སེ་ན ཛཱ་ནཱ་པེ་ཏུཾ. པ་ཏི་ཊྛཱ་པེ་ཏུནྟི ཀ་ཐཱ་པེ་ཏུཾ. ཝི་ཝ་ཊཾ ཀཱ་ཏུནྟི ཨུ་དཱ་ཧ་ར་ཎཾ ཝ་ཎྞེ་ཏྭཱ པཱ་ཀ་ཊཾ ཀཱ་ཏུཾ. སུ་ཝི་བྷ་ཏྟཾ ཀཱ་ཏུནྟི ཨ་ནྭ་ཡ་ཏོ བྱ་ཏི་རེ་ཀ་ཏོ སུ་ཊྛུ, ཝི་བྷ་ཏྟཾ ཀཱ་ཏུཾ. ཨུ་ཏྟཱ་ན་ཀཾ ཀཱ་ཏུནྟི ཨུ་པ་ན་ཡ་ནི་ག་མེ་ཧི ཏ་མ་ཏྠཾ ཝི་བྷཱུ་ཏཾ ཀཱ་ཏུཾ. ཨ་ཉྙེ་ན ནཱི་ཧཱ་རེ་ནཱཏི ཝི་པ་སྶ་ནཱ་ཝི་མུ་ཏྟེ་ན ཙི་ཏྟཱ་བྷི་ནཱི་ཧཱ་རེ་ན.

ཁེ་མ་ཀ་སུ་ཏྟ་ཝ་ཎྞ་ནཱ ནི་ཊྛི་ཏཱ.