༨. ཚ་ནྣ་སུ་ཏྟ་ཝ་ཎྞ་ནཱ

༩༠. མ་ཀྑཱིཏི གུ་ཎ་མ་ཀྑ་ན་ལ་ཀྑ་ཎེ་ན མ་ཀྑེ་ན ས་མ་ནྣཱ་ག་ཏོ. པ་ལཱ༹་སཱིཏི ཡུ་ག་གྒཱ་ཧ་ལ་ཀྑ་ཎེ་ན པ་ལཱ༹་སེ་ན ས་མ་ནྣཱ་ག་ཏོ. ཨེ་ཏཾ ཨ་ཝོ་ཙཱཏི ‘‘ཨོ་ཝ་ད་ནྟུ མཾ…པེ… པ་སྶེ་ཡྻ’’ནྟི ཨེ་ཏཾ ཨ་ཝོ་ཙ.

ཐེ་རནྟི ཚ་ནྣ་ཏྠེ་རཾ. ཨ་ཏྟ་ནོ དུ་གྒ་ཧ་ཎེ་ན ཀ་ཉྩི ཨུ་པཱ་ར་མྦྷ་མྤི ཀ་རེ་ཡྻ. ཏེ་ན ཝུ་ཏྟཾ ‘‘ཨེ་ཝཾ ཀི་ར ནེ་སཾ ཨ་ཧོ་སཱི’’ཏི་ཨཱ་དི. ནི་དྡོ་ས་མེ་ཝ་སྶ ཀ་ཏྭཱཏི ཨཱ་དི་ཏོ ཨ་ནུ་རཱུ་པ་ཏྟ་མེ་ཝ ཀ་ཏྭཱ ས་དྡྷ་མྨཾ ཀ་ཐེ་སྶཱ་མཱ་ཏི.

པ་རི་ཏ་སྶ་ནཱ ཨུ་པཱ་དཱ་ནནྟི བྷ་ཡ་པ་རི་ཏ་སྶ་ནཱ དི་ཊྛུ་པཱ་དཱ་ནཾ. ཨ་ན་ཏྟ་ནི ས་ཏི ཨ་ན་ཏྟ་ཀ་ཏཱ་ནི ཀ་མྨཱ་ནི ཀ་མ་ཏྟཱ་ནཾ ཕུ་སི་སྶ་ནྟཱི་ཏི བྷ་ཡ་པ་རི་ཏ་སྶ་ནཱ ཙེ་ཝ དི་ཊྛུ་པཱ་དཱ་ན་ཉྩ ཨུ་པྤ་ཛྫ་ཏི. པ་ཊི་ནི་ཝ་ཏྟ་ཏཱིཏི ཡ་ཐཱ་ར་དྡྷ་ཝི་པ་སྶ་ནཱ་ཏོ པ་ཊི་ནི་ཝ་ཏྟ་ཏི, ནཱ་ས་ཀྑཱི་ཏི ཨ་ཏྠོ. ཀ་སྨཱ པ་ནེ་ཏ་སྶ ཝི་པ་སྶ་ན་མ་ནུ་ཡུ་ཉྫ་ནྟ་སྶ ཨེ་ཝཾ ཨ་ཧོ་སཱི་ཏི ཏ་ཏྠ ཀཱ་ར་ཎཾ ཝ་ད་ཏི ‘‘ཨ་ཡཾ ཀི་རཱ’’ཏི་ཨཱ་དི་ནཱ. ཨེ་ཝནྟི ‘‘ཀོ ནུ ཁོ མེ ཨ་ཏྟཱ’’ཏི ཨེ་ཝཾ ན ཧོ་ཏི. ཏཱ་ཝ་ཏི་ཀཱ ཝི་སྶ་ཏྠཱིཏི ‘‘མ་ཡ྄ཧཾ དྷ་མྨཾ དེ་སེ་ཏཱུ’’ཏི ཝུ་ཏྟ་ཝི་སྶཱ་སོ ཨ་ཏྠཱི་ཏི ཨ་ཏྠོ. ཨི་དཾ ཀ་ཙྩཱ་ན་ས་ཏྠཾ ཨ་དྡ་སཱ་ཏི ཡོ་ཛ་ནཱ. ‘‘དྭ་ཡ་ནི་སྶི་ཏོ, ཀ་ཙྩཱ་ན, ལོ་ཀོ’’ཏི་ཨཱ་དི དི་ཊྛི་ཝི་ནི་ཝེ་ཋ་ནཱ. ‘‘ཨེ་ཏེ ཏེ, ཀ་ཙྩཱ་ན, ཨུ་བྷོ ཨ་ནྟེ ཨ་ནུ་པ་ག་མྨཱ’’ཏི་ཨཱ་དི བུ་དྡྷ་བ་ལ་དཱི་པ་ནཱ.

ཚ་ནྣ་སུ་ཏྟ་ཝ་ཎྞ་ནཱ ནི་ཊྛི་ཏཱ.