༩. ཙོ་ད་ཀེ་ན ཨུ་པ་ཊྛཱ་པེ་ཏ་བྦ་ཀ་ཐཱ

༤༠༠. ‘‘ཀཱ་ལེ་ན ཝ་ཀྑཱ་མཱི’’ཏི་ཨཱ་དཱི་སུ ཙོ་ད་ནཱ་ཡ ཀཱ་ལ་ཨ་ཀཱ་ལཱ་དིཾ ད་སྶེ་ནྟོ ཨཱ་ཧ ‘‘ཨེ་ཀོ ཨེ་ཀ’’ནྟི་ཨཱ་དི. ཏ་ཏྠ ཨེ་ཀོཏི ཨེ་ཀ་ཀོ ཙོ་ད་ཀོ. ཨེ་ཀནྟི ཨེ་ཀ་ཀཾ ཙུ་དི་ཏ་ཀཾ. ས་ངྒྷ་མ་ཛ྄ཛྷ…པེ… ཨ་ས་ན་སཱ་ལཱ་དཱི་སུ ཝཱ པ་རི་ཝཱ་རི་ཏ་ཀྑ་ཎེ ཝཱ་ཏི ཡོ་ཛ་ནཱ. ཏ་ཏྠ ‘‘ས་ངྒྷ་མ་ཛ྄ཛྷ…པེ… ཨ་ས་ན་སཱ་ལཱ་དཱི་སཱུ’’ཏི ཨི་མི་ནཱ ཋཱ་ནཱ་བྷཱ་ཝཾ ད་སྶེ་ཏི, ‘‘ཨུ་པ་ཊྛཱ་ཀེ་ཧི པ་རི་ཝཱ་རི་ཏ་ཀྑ་ཎེ’’ཏི ཨི་མི་ནཱ ཀཱ་ལཱ་བྷཱ་ཝཾ ད་སྶེ་ཏི. ཨི་མེ་ཧི པ་དེ་ཧི ཋཱ་ན་མྤི ཀཱ་ལེ་ན ས་ངྒ་ཧེ་ཏྭཱ ‘‘ཀཱ་ལེ་ན ཝ་ཀྑཱ་མཱི’’ཏི ཝུ་ཏྟ་ནྟི ད་སྶེ་ཏི. ཏ་ཙྪེ་ནཱཏི ས་ཙྩེ་ན. ཧ་མྦྷོཏི ནི་པཱ་ཏོ པ་ཙྪི་མ་པ་དེ་སུ པ་ཙྩེ་ཀཾ ཡོ་ཛེ་ཏ་བྦོ. ཧ་མྦྷོ མ་ཧ་ལླ་ཀ, ཧ་མྦྷོ པ་རི་སཱ་ཝ་ཙ་ར, ཧ་མྦྷོ པཾ་སུ་ཀཱུ་ལི་ཀ, ཧ་མྦྷོ དྷ་མྨ་ཀ་ཐི་ཀཱ་ཏི ཧི ཨ་ཏྠོ. ཨི་དནྟི ཀ་མྨཾ. ཀཱ་ར་ཎ་ནི་སྶི་ཏནྟི མ་ཧ་ལླ་ཀ་བྷཱ་ཝ་ཀཱ་ར་ཎཱ་དཱི་སུ ནི་སྶི་ཏཾ. ‘‘བྷ་ནྟེ’’ཏི ནི་པཱ་ཏོ་པི པ་ཙྩེ་ཀཾ ཡོ་ཛེ་ཏ་བྦོ. ཨེ་ཏྠ ཙ ‘‘ཧ་མྦྷོ’’ཏི ནི་པཱ་ཏེ་ན ལོ་ཀ་ཝོ་ཧཱ་ར་ཝ་སེ་ན ཨ་ནཱ་ད་ར་སྶ པ་ཀཱ་ས་ཀ་ཏྟཱ ཕ་རུ་སེ་ན ཝ་ད་ཏི ནཱ་མ, ‘‘བྷ་ནྟེ’’ཏི ནི་པཱ་ཏེ་ན སཱ་ད་ར་སྶ པ་ཀཱ་ས་ཀ་ཏྟཱ ས་ཎྷེ་ན ཝ་ད་ཏི ནཱ་མ. ཀཱ་ར་ཎ་ནི་སྶི་ཏཾ ཀ་ཏྭཱཏི ཨི་མ་སྨིཾ ཝཱི་ཏི་ཀྐ་མེ ཨ་ཡཾ ནཱ་མ དོ་སོ་ཏི ཀཱ་ར་ཎ་ནི་སྶི་ཏཾ ཀ་ཏྭཱ. ‘‘མེ་ཏྟ་ཙི་ཏྟཾ ཨུ་པ་ཊྛ་པེ་ཏྭཱ’’ཏི ཨི་མི་ནཱ མེ་ཏྟ་ཙི་ཏྟོཏི པ་ད་སྶ ‘‘ཝ་ཀྑཱ་མཱི’’ཏི པ་དེ ཀི་རི་ཡཱ་ཝི་སེ་ས་ན་བྷཱ་ཝཾ ད་སྶེ་ཏི. ནོ དོ་ས་ནྟ་རོཏི ཨེ་ཏྠ ཨ་ནྟ་ར་ས་དྡ་སྶ ཙི་ཏྟ་ཝཱ་ཙ་ཀ་བྷཱ་ཝཾ ད་སྶེ་ནྟོ ཨཱ་ཧ ‘‘ན དུ་ཊྛ་ཙི་ཏྟོ’’ཏི. ‘‘ཧུ་ཏྭཱ’’ཏི ཨི་མི་ནཱ ཀི་རི་ཡཱ་ཝི་སེ་ས་ན་བྷཱ་ཝཾ ད་སྶེ་ཏི.