༡༨༥. ཙ་ཏུ་མ་ཧཱ་པ་དེ་ས་ཀ་ཐཱ

༣༠༥. ཨི་དཾ ན ཀ་པྤ་ཏཱི་ཏི་ཨཱ་དཱིཏི ‘‘ཨི་དཾ ན ཀ་པྤ་ཏཱི’’ཏི་ཨཱ་ད་ཡོ ཨི་མེ ཙ་ཏྟཱ་རོ མ་ཧཱ་པ་དེ་སེ་ཏི ཡོ་ཛ་ནཱ. ཨ་པ་སྶ་ཡཾ ཀ་ཏྭཱ དི་སི་ཡ་ནྟི ཨེ་ཏྠཱ་ཏི ཨ་པ་དེ་སཱ ཨོ་ཀཱ་སཱ, ཨ་པ་སྶ་ཡཾ ཀ་ཏྭཱ དི་སི་ཡ་ནྟི ཨེ་ཏེ་ཧཱི་ཏི ཝཱ ཨ་པ་དེ་སཱ ཀཱ་ར་ཎཱ, ‘‘མ་ཧ་ནྟཱ ཨ་པ་དེ་སཱ མ་ཧཱ་པ་དེ་སཱ. ཏ་ཉྩཱཏི མ་ཧཱ་པ་དེ་ས་ས་ངྑཱ་ཏཾ ཏ་ཉྩ སུ་ཏྟཾ, ག་ཧེ་ཏྭཱ་ཏི ཡོ་ཛ་ནཱ. པ་རི་མ་དྡ་ནྟཱཏི པུ་ན་པྤུ་ནཾ མ་དྡ་ནྟཱ, ཨུ་པ་པ་རི་ཀྑ་ནྟཱ་ཏི ཨ་ཏྠོ. ཨི་དནྟི ཀཱ་ར་ཎཾ. ཏནྟི ན་ཝ་མ་ཧཱ་ཕ་ལ་ཨ་པ་ར་ཎྞཾ. ཏཱ་ནཱིཏི ཁུ་དྡ་ཀ་ཕ་ལ་པཱ་ནཱ་ནི. ཧཱིཏི ས་ཙྩཾ.

ཏེ་སནྟི ཚ་ནྣཾ ཙཱི་ཝ་རཱ་ནཾ. ཏ་ཏྠཱཏི ཚ་སུ ཨ་ནུ་ལོ་མ་ཙཱི་ཝ་རེ་སུ. ‘‘པཱ་ཎ་ཀེ་ཧི ས་ཉྫཱ་ཏ་ཝ་ཏྠ’’ནྟི ཨི་མི་ནཱ ཀོ་སེ་ཡྻ་ཝ་ཏྠ་བྷཱ་ཝཾ ད་སྶེ་ཏི. དྭེ པ་ཊཱཏི ཙཱི་ན་པ་ཊ་སོ་མཱ་ར་པ་ཊཱ. དུ་ཀཱུ་ལཾ སཱ་ཎ་སྶ ཨ་ནུ་ལོ་མ་ནྟི ཡོ་ཛ་ནཱ.

ཏེ་སཾ་ཡེ་ཝཱཏི དྭི་ནྣཾ པ་ཏྟཱ་ན་མེ་ཝ. ཏེ་སཾ་ཡེ་ཝཱཏི ཏི་ཎྞཾ ཏུ་མྦཱ་ན་མེ་ཝ. ཏེ་སཾ་ཡེ་ཝཱཏི དྭི་ནྣཾ ཀཱ་ཡ་བ་ནྡྷ་ནཱ་ན་མེ་ཝ. སེ་ཏ་ཙྪ་ཏྟནྟི སེ་ཏེ་ཧི ཝ་ཏྠེ་ཧི ཀ་ཏཾ ཚ་ཏྟཾ. ཏེ་སཾ་ཡེ་ཝཱཏི ཏི་ཎྞཾ ཚ་ཏྟཱ་ན་མེ་ཝ.

ས་མྦྷི་ནྣ་ར་སནྟི སཾ་ས་གྒ་ར་སཾ. ཨེ་ཏྠ བྷི་ཛྫི་ཏྠཱ་ཏི བྷི་ནྣོཏི ཝ་ཙ་ན་ཏྠེ་ན བྷི་དི་དྷཱ་ཏུ དྭི་དྷཱ་ཀ་ར་ཎ་ས་ངྑཱ་ཏོ བྷེ་ད་ཏྠོ ཧོ་ཏི, དྷཱ་ཏྭ་ཏྠ་བཱ་དྷ་ཀེ་ན སཾ་ཏྱཱུ་པ་ས་གྒེ་ན བྷི་དི་དྷཱ་ཏུ་ཡཱ བྷེ་ད་ཏྠཾ བཱ་དྷེ་ཏྭཱ སཾ་ས་གྒ་ཏྠ་ཝཱ་ཙ་ཀོ ཧོ་ཏཱི་ཏི ད་ཊྛ་བྦཾ. ཚ་ལླི་མྤཱིཏི ཏ་ཙ་མྤི. ས་ཀ་ལེ་ནེ་ཝཱཏི ཚ་ལླི་ཡཱ ཨེ་ཝ. པཱ་ཡཱ་སེ་ན ཨ་སཾ་ས་ཊྛཾ ཡཾ ས་བྦཱི་ཏི ཡོ་ཛ་ནཱ. ཏཱ་ནཱིཏི ཏ་ཀྐོ་ལ་ཛཱ་ཏི་ཕ་ལཱ་དཱི་ནི. ཡ་ཊྛི་མ་དྷུ་ཀཱ་དཱི་སུ་པཱིཏི མ་དྷུ་ལ་ཊྛི་ཀཱ་དཱི་སུ་པི. ‘‘ལ་ཊྛི་མ་དྷུ་ཀཱ་དཱི་སུ་པཱི’’ཏི ཝཱ པཱ་ཋོ, སོ ཨ་པཱ་ཋོ་ཡེ་ཝ. ཡཾ ཡནྟི ཝ་ཏྠུ. ཡ་ཐཱཏི ཡེ་ནཱ་ཀཱ་རེ་ན, དྷོ་ཝི་ཡ་མཱ་ནེ ཏ་ཙྪི་ཡ་མཱ་ནེ་ཏི ས་མྦ་ནྡྷོ.

ས་མྦྷི་ནྣ་ར་ས་ནྟི ཝ་ཏྭཱ ཏ་མེ་ཝ་ཏྠཾ ད་སྶེ་ཏུཾ ཝུ་ཏྟཾ ‘‘སཾ་ས་ཊྛ’’ནྟི. ས་བྷཱ་ཝནྟི ཡཱ་ཝ་ཀཱ་ལཾ ཀ་པྤི་ཡ་ས་བྷཱ་ཝཾ. ཏ་སྨཱཏི ཡ་སྨཱ ཨུ་པ་ནེ་ཏི, ཏ་སྨཱ. ཏེ་ནཱཏི ས་ཏྟཱ་ཧ་ཀཱ་ལི་ཀེ་ན. ཏ་ད་ཧུ་པ་ཊི་གྒ་ཧི་ཏནྟི ཏ་ད་ཧེ་ཝ པ་ཊི་གྒ་ཧི་ཏཾ. དྭཱི་ཧ་པ་ཊི་གྒ་ཧི་ཏེ་ན ས་ཏྟཱ་ཧ་ཀཱ་ལི་ཀེ་ནཱ་ཏི ས་མྦ་ནྡྷོ.

ཨེ་ཏྠཱཏི ཀཱ་ལི་ཀ་སཾ་ས་གྒེ. ཨཱ་པ་ཏྟི་ཡོ ཝེ་དི་ཏ་བྦཱཏི ཡ་ཐཱ་ཀྐ་མཾ ཨཱ་པ་ཏྟི་ཡོ ཝེ་དི་ཏ་བྦཱ. ས་བྦ་ཏྠཱཏི ས་བྦ་སྨིཾ བྷེ་ས་ཛྫ་ཀྑ་ནྡྷ་ཀེ.

ཨི་ཏི བྷེ་ས་ཛྫ་ཀྑ་ནྡྷ་ཀ་ཝ་ཎྞ་ནཱ་ཡ ཡོ་ཛ་ནཱ ས་མ་ཏྟཱ.