༡༡༠. པ་ཉྩ་ནྣཾ ཨ་པྤ་ཧི་ཏེ་པི ཨ་ནུ་ཛཱ་ན་ན་ཀ་ཐཱ

༡༩༣. པ་གེ་ཝ པ་ཧི་ཏེཏི ཨི་མི་ནཱ ‘‘ཨ་པ་ཧི་ཏེ་པི ག་ནྟ་བྦ’’ནྟི ཨེ་ཏྠ པི་ས་དྡ་སྶ ས་མྦྷཱ་ཝ་ན་ཏྠཾ ད་སྶེ་ཏི. པ་ཉྩ་ནྣཾ ས་ཧ་དྷ་མྨི་ཀཱ་ནཾ ས་ནྟི་ཀཾ ག་ནྟ་བྦ་བྷཱ་ཝ་སྶ ཀཱ་ར་ཎཾ ཝི་བྷ་ཛི་ཏྭཱ ད་སྶེ་ནྟོ ཨཱ་ཧ ‘‘བྷི་ཀྑུ གི་ལཱ་ནོ ཧོ་ཏཱི’’ཏི་ཨཱ་དི. ད་ས་ཧཱིཏི ‘‘ས་ངྒྷོ ཀ་མྨཾ ཀ་ཏྟུ་ཀཱ་མོ ཧོ་ཏི, ཀ་ཏཾ ཝཱ ས་ངྒྷེ་ན ཀ་མྨཾ ཧོ་ཏཱི’’ཏི ཨི་དཾ ཨ་ངྒཾ ཨེ་ཀཾ ཀ་ཏྭཱ ད་ས་ཧི. ན་ཝ་ཧཱིཏི པ་རི་ཝཱ་སཱ་ར་ཧཾ ཨ་པ་ནེ་ཏྭཱ ན་ཝ་ཧི. ཙ་ཏཱུ་ཧཱིཏི གི་ལཱ་ན་ཨ་ན་བྷི་ར་ཏི་ཀུ་ཀྐུ་ཙྩ་དི་ཊྛི་ག་ཏ་ཨུ་པྤ་ནྣ་ས་ངྑཱ་ཏེ་ཧི ཙ་ཏཱུ་ཧི. ཨི་ཏི ཨི་མེ་ཧི ཚ་ཧཱི་ཏི ཡོ་ཛ་ནཱ. སཱ་མ་ཎེ་ར་སྶ་པི ཚ་ཧཱིཏི ཨེ་ཏྠ ཚ་ནྣཾ ས་རཱུ་པཾ ཝི་ཏྠཱ་རེ་ཏྭཱ ད་སྶེ་ནྟོ ཨཱ་ཧ ‘‘ཨཱ་དི་ཏོ’’ཏི་ཨཱ་དི. ཏཾ སུ་ཝི་ཉྙེ་ཡྻ་མེ་ཝ. སཱ་མ་ཎེ་རི་ཡཱ ས་ནྟི་ཀཾ པ་ཉྩ་ཧི ག་ནྟ་བྦ་ནྟི ཡོ་ཛ་ནཱ. པ་ར་ཏོཏི པ་ར་སྨཱ, པ་ར་སྨིཾ ཝཱ. ཨ་ནྡྷ་ཀ་ཊྛ་ཀ་ཐཱ་ཡཾ ཝུ་ཏྟ་ནྟི ས་མྦ་ནྡྷོ. ཡེ ཉཱ་ཏ་ཀཱ ཝཱ ཡེ ཨ་ཉྙཱ་ཏ་ཀཱ ཝཱ ཨ་ཏྠི, ཏེ་ས་མྤཱི་ཏི ཡོ་ཛ་ནཱ. ཏནྟི ཝ་ཙ་ནཾ.