༧༧. ཨུ་པོ་ས་ཐ་བྷེ་དཱ་དི་ཀ་ཐཱ

༡༤༩. པ་ནྣ་ར་སི་ཀ་སྶ པུ་བྦ་ཀི་ཙྩ་སྶ པཱ་ལི༹་ཡཾ ཨཱ་ག་ཏ་ཏྟཱ ཙཱ་ཏུ་དྡ་སི་ཀ་སྶེ་ཝ པུ་བྦ་ཀི་ཙྩཾ ད་སྶེ་ནྟོ ཨཱ་ཧ ‘‘ཨ་ཛྫུ་པོ་ས་ཐོ ཙཱ་ཏུ་དྡ་སོ’’ཏི.

‘‘ཨ་དྷ་མྨེ་ན ཝ་གྒ’’ནྟི་ཨཱ་དཱི་སུ ཝི་ནི་ཙྪ་ཡོ ཨེ་ཝཾ ཝེ་དི་ཏ་བྦོ་ཏི ཡོ་ཛ་ནཱ. ཨ་དྷ་མྨེ་ན ཝ་གྒནྟི ཨེ་ཏྠ ཨ་དྷ་མྨཾ ནཱ་མ ཨེ་ཀ་སྨིཾ ཝི་ཧཱ་རེ ཙ་ཏུ་ནྣཾ བྷི་ཀྑཱུ་ནཾ སུ་ཏྟུ་དྡེ་ས་ཨུ་པོ་ས་ཐ་མ་ཀ་ཏྭཱ པཱ་རི་སུ་དྡྷི་ཨུ་པོ་ས་ཐ་ཀ་ར་ཎ་ཉྩ ཏི་ཎྞཾ པཱ་རི་སུ་དྡྷི་ཨུ་པོ་ས་ཐ་མ་ཀ་ཏྭཱ སུ་ཏྟུ་དྡེ་ས་ཀ་ར་ཎ་ཉྩ. ཝ་གྒཾ ནཱ་མ ས་བྦེ་ཝ ཨ་ས་ནྣི་པ་ཏི་ཏྭཱ ཨེ་ཀ་སྶ ཚ་ནྡ་པཱ་རི་སུ་དྡྷི་ཧ་ར་ཎཾ. ཚ་ནྡ་པཱ་རི་སུ་དྡྷི ནཱ་མ ས་ངྒྷ་མ་ཛ྄ཛྷཾ་ཡེ་ཝ ཨཱ་ག་ཙྪ་ཏི, ན ག་ཎ་མ་ཛ྄ཛྷཾ, ན པུ་གྒ་ལ་སྶ ས་ནྟི་ཀཾ. ཨ་དྷ་མྨེ་ན ས་མ་གྒནྟི ཨེ་ཏྠ ཨ་དྷ་མྨཾ ཝུ་ཏྟ་ན་ཡ་མེ་ཝ. ས་མ་གྒཾ ནཱ་མ ས་བྦེ་སཾ ས་ནྣི་པ་ཏ་ནཾ. དྷ་མྨེ་ན ཝ་གྒནྟི ཨེ་ཏྠ དྷ་མྨཾ ནཱ་མ ཙ་ཏུ་ནྣཾ སུ་ཏྟུ་དྡེ་ས་ཨུ་པོ་ས་ཐ་ཀ་ར་ཎ་ཉྩ ཏི་ཎྞཾ པཱ་རི་སུ་དྡྷི་ཨུ་པོ་ས་ཐ་ཀ་ར་ཎ་ཉྩ. ཝ་གྒཾ ཝུ་ཏྟ་ན་ཡ་མེ་ཝ.