༧༢. ཨུ་པོ་ས་ཐཱ་གཱ་རཱ་དི་ཀ་ཐཱ
༡༤༡. ཨ་ནུ་པ་རི་ཝེ་ཎི་ཡནྟི ཨེ་ཏྠ ཨ་ནུ་ས་དྡ་སྶ ཝི་ཙྪ་ཏྠཾ, པ་རི་ཝེ་ཎ་ས་དྡ་སྶ ཙ ལི་ངྒ་ཝི་པ་ལླཱ་ས་བྷཱ་ཝཾ ད་སྶེ་ཏུཾ ཝུ་ཏྟཾ ‘‘ཏ་སྨིཾ ཏ་སྨིཾ པ་རི་ཝེ་ཎེ’’ཏི. པ་རི་ཝེ་ཎ་ས་དྡོ ཧི ན་པུཾ་ས་ཀ་ལི་ངྒོ, ཨི་དྷ པ་ན ལི་ངྒ་ཝི་པ་ལླཱ་སཾ ཀ་ཏྭཱ ཨི་ཏྠི་ལི་ངྒ་ཝ་སེ་ན ཝུ་ཏྟཾ. ‘‘ས་ངྐེ་ཏཾ ཨ་ཀ་ཏྭཱ’’ཏི ཨི་མི་ནཱ ཨ་ས་ངྐེ་ཏེ་ནཱཏི པ་ད་སྶ ཀི་རི་ཡཱ་ཝི་སེ་ས་ན་ཏྟཾ དཱི་པེ་ཏི. ‘‘ཀ་མྨ་ཝཱ་ཙཱ་ཡཱ’’ཏི ཨི་མི་ནཱ ས་མཱུ་ཧ་ནི་ཏྭཱཏི པ་ད་སྶ ཀ་ར་ཎཾ ད་སྶེ་ཏི.
༡༤༢. ཡ་ཏོཏི ཨེ་ཏྠ ཏོ་པ་ཙྩ་ཡ་སྶ ཀཱ་ར་ཎ་ཏྠེ པ་ཝ་ཏྟ་བྷཱ་ཝཾ ད་སྶེ་ནྟོ ཨཱ་ཧ ‘‘ཡ་སྨཱ’’ཏི. ‘‘ཧ་ཏྠ་པཱ་སེ’’ཏི ཨི་མི་ནཱ ཧ་ཏྠ་པཱ་ས་ཏོ བ་ཧི ནི་སི་ནྣེ ཨ་ཀ་ཏོ་ཝ་སྶ ཨུ་པོ་ས་ཐོ ཧོ་ཏཱི་ཏི ད་སྶེ་ཏི. ཨ་སྶཱཏི བྷི་ཀྑུ་ནོ. ཝ་ཏྠུ་ཝ་སེ་ནཱཏི ཨ་ཊྛུ་པྤ་ཏྟི་ཝ་སེ་ན. ཨུ་པོ་ས་ཐ་སྶ པ་མུ་ཁ་སྶ ཨ་བྦྷོ་ཀཱ་སེ ཝཱ མཱ་ལ༹་ཀཱ་དཱི་སུ ཝཱ་ཏི ས་མྦ་ནྡྷོ. ནི་མི་ཏྟུ་པ་གཱ ཝཱ ཨ་ནི་མི་ཏྟུ་པ་གཱ ཝཱཏི ཧེ་ཊྛཱ ཨ་ཊྛ་སུ ནི་མི་ཏྟེ་སུ ཝུ་ཏྟཱ ནི་མི་ཏྟུ་པ་གཱ ཝཱ ཨ་ནི་མི་ཏྟུ་པ་གཱ ཝཱ པ་བྦ་ཏཱ་ད་ཡོ ཝཱ ཨ་ཉྙེ ཝཱ ཀི་ཏྟེ་ཏ་བྦཱ.
པ་ཋ་མ་ཏ་རཾ ན ཨཱ་ག་ཙྪ་ཏི, དུ་ཀྐ་ཊནྟི ཨུ་པོ་ས་ཐེ གྷོ་སི་ཡ་མཱ་ནེ པ་ཋ་མ་ཏ་རཾ ན ཨཱ་ག་ཙྪ་ཏི, དུ་ཀྐ་ཊཾ. ཝི་ཧཱ་ར་སྶ མ་ཛ྄ཛྷེ ཧོ་ཏཱི་ཏི ཡོ་ཛ་ནཱ. ཨེ་ཏྠཱཏི པོ་རཱ་ཎ་ཀེ ཨཱ་ཝཱ་སེ. ཏ་ཏྠཱཏི པོ་རཱ་ཎ་ཀེ ཨཱ་ཝཱ་སེ. ཨ་ས་མྦཱ་དྷོཏི ས་ངྒྷ་སྶ ནི་ས་ཛྫ་ཊྛཱ་ན་པ་ཧོ་ན་ཀོ. ཏ་ཏྠཱཏི པ་ཙྪཱ ཨུ་ཊྛི་ཏེ ཨཱ་ཝཱ་སེ.
ས་བྦེ་སཾ ནི་ས་ཛྫ་ཊྛཱ་ན་ནྟི ཡོ་ཛ་ནཱ. ཏ་ཏྠཱཏི ཐེ་ར་སྶ ཝི་ཧཱ་རེ. སོཏི ཐེ་ར་སྶ ཝི་ཧཱ་རོ. ཨེ་ཏྠཱཏི ཏུ་མྷཱ་ཀཾ ཝི་ཧཱ་རེ. ས་བྦེ་སཾ ཨོ་ཀཱ་སོ ན་ཏྠཱི་ཏི ས་མྦ་ནྡྷོ. ཏ་ཏྠཱཏི ཏཾ ཨ་སུ་ཀཾ ནཱ་མ ཨཱ་ཝཱ་སཾ. ‘‘ཝ་ཊྚ་ཏཱི’’ཏི ཝ་ཏྟ་བྦ་ནྟི ཡོ་ཛ་ནཱ. ཏ་སྶཱཏི ཐེ་ར་སྶ.