༢. དུ་ཏི་ཡ་ས་ངྒྷཱ་དི་སེ་ས་སི་ཀྑཱ་པ་དཾ

༦༨༢. དུ་ཏི་ཡེ ཝ་རི་ཏ་བྦཾ ཨི་ཙྪི་ཏ་བྦ་ནྟི ཝ་རཾ, ཏ་མེ་ཝ བྷ་ཎྜ་ནྟི ཝ་ར་བྷ་ཎྜནྟི ད་སྶེ་ནྟོ ཨཱ་ཧ ‘‘མ་ཧ་གྒྷ་བྷ་ཎྜ’’ནྟི. ‘‘མུ་ཏྟཱ’’ཏི་ཨཱ་དི་ནཱ ཏ་སྶ ས་རཱུ་པཾ ད་སྶེ་ཏི.

༦༨༣. ཨཱ་པུ་བྦོ ལོ་ཀ་ས་དྡོ ཨ་བྷི་མུ་ཁཾ ལོ་ཀ་ན་ཏྠོ ཧོ་ཏི, ཨུ་པུ་བྦོ ཨུ་དྡྷཾ ལོ་ཀ་ན་ཏྠོ, ཨོ་པུ་བྦོ ཨ་དྷོ ལོ་ཀ་ན་ཏྠོ, ཝི་པུ་བྦོ ཨི་ཏོ ཙི་ཏོ ཙ ཝཱི་ཏི་ཧ་ར་ཎ་ལོ་ཀ་ན་ཏྠོ, ཨ་པ་པུ་བྦོ ཨཱ་པུ་ཙྪ་ན་ཏྠོ. ཨི་དྷ པ་ན ཨ་པ་པུ་བྦ་ཏྟཱ ཨཱ་པུ་ཙྪ་ན་ཏྠོ་ཏི ཨཱ་ཧ ‘‘ཨ་ནཱ་པུ་ཙྪི་ཏྭཱ’’ཏི. མ་ལླ་ག་ཎ བྷ་ཊི་པུ་ཏྟ ག་ཎཱ་དི་ཀ་ནྟི་ཨཱ་དཱི་སུ མ་ལླ་ག་ཎོ ནཱ་མ ནཱ་རཱ་ཡ་ན་བྷ་ཏྟི་ཀོ ག་ཎོ. བྷ་ཊི་པུ་ཏྟ་ག་ཎོ ནཱ་མ ཀུ་མཱ་ར་བྷ་ཏྟི་ཀོ ག་ཎོ. ཨཱ་དི་ས་དྡེ་ན ཨ་ཉྙ་མྤི གཱ་མ་ནི་ག་མེ ཨ་ནུ་སཱ་སི་ཏུཾ ས་མ་ཏྠཾ ག་ཎཾ ས་ངྒ་ཎྷཱ་ཏི. ཨ་ཐ ཝཱ མ་ལླ་ག་ཎོཏི མ་ལླ་རཱ་ཛཱུ་ནཾ ག་ཎོ. ཏེ ཧི ག་ཎཾ ཀ་ཏྭཱ ཀུ་སི་ནཱ་རཱ་ཡཾ ར་ཛྫཾ ཨ་ནུ་སཱ་ས་ནྟི, ཏེ ས་ནྡྷཱ་ཡ ཝུ་ཏྟཾ ‘‘མ་ལླ་ག་ཎོ’’ཏི. བྷ་ཊི་པུ་ཏྟ་ག་ཎོཏི ལི་ཙྪ་ཝི་ག་ཎོ པ་རི་ཡཱ་ཡ་ནྟ་རེ་ན ཝུ་ཏྟོ. ལི་ཙྪ་ཝི་རཱ་ཛཱུ་ན་ཉྷི པུ་བྦ་རཱ་ཛཱ་ནོ བྷ་ཊི་ནཱ་མ་ཀ་སྶ ཛ་ཊི་ལ་སྶ པུ་ཏྟཱ ཧོ་ནྟི, ཏེ་སཾ ཝཾ་སེ པ་ཝ་ཏྟཱ ཨེ་ཏ་ར་ཧི ལི་ཙྪ་ཝི་རཱ་ཛཱ་ནོ་པི བྷ་ཊི་པུ་ཏྟཱ་ཏི ཝུ་ཙྩ་ནྟི. ཛ་ཊི་ལོ པ་ན བཱ་རཱ་ཎ་སི་ར་ཉྙོ པུ་ཏྟེ ན་དི་སོ་ཏེ་ན ཝུ་ཡ྄ཧ་མཱ་ནེ ན་དི་ཏོ ཨུ་དྡྷ་རི་ཏྭཱ ཨ་ཏྟ་ནོ ཨ་སྶ་མེ པུ་ཏྟཾ ཀ་ཏྭཱ བྷ་ར་ཎ་ཏྟཱ པོ་ས་ན་ཏྟཱ བྷ་ཊཱིཏི ཝུ་ཙྩ་ཏི, ཏ་སྶ པུ་ཏྟ་ཏྟཱ ལི་ཙྪ་ཝི་ག་ཎོ བྷ་ཊི་པུ་ཏྟོཏི ཝུ་ཙྩ་ཏི. ཏེ་པི ག་ཎཾ ཀ་ཏྭཱ ཝེ་སཱ་ལི་ཡཾ ར་ཛྫཾ ཨ་ནུ་སཱ་ས་ནྟི, ཏཾ ས་ནྡྷཱ་ཡ ཝུ་ཏྟཾ ‘‘བྷ་ཊི་པུ་ཏྟ་ག་ཎོ’’ཏི. དྷ་མྨ་ག་ཎོ ནཱ་མ སཱ་ས་ན་དྷ་མྨ་བྷ་ཏྟི་ཀོ ག་ཎོ. ག་ནྡྷི་ཀ་སེ་ཎཱིཏི ག་ནྡྷ་ཀཱ་རཱ་ནཾ ས་མ་ཛཱ་ཏི་ཀཱ་ནཾ སི་པྤི་ཀཱ་ནཾ ག་ཎོ. དུ་སྶི་ཀ་སེ་ཎཱིཏི དུ་སྶ་ཀཱ་རཱ་ནཾ ས་མ་ཛཱ་ཏི་ཀཱ་ནཾ པེ་ས་ཀཱ་རཱ་ནཾ ག་ཎོ. ཨཱ་དི་ས་དྡེ་ན ཏ་ཙྪ་ཀ་སེ་ཎི་ར་ཛ་ཀ་སེ་ཎི་ཨཱ་ད་ཡོ ས་ངྒ་ཡ྄ཧ་ནྟི. ཡ་ཏྠ ཡ་ཏྠཱཏི ཡ་སྨིཾ ཡ་སྨིཾ ཋཱ་ནེ. ཧཱིཏི ས་ཙྩཾ. ཏེ ཨེ་ཝཱཏི ག་ཎཱ་ད་ཡོ ཨེ་ཝ. པུ་ན ཏེཏི ག་ཎཱ་ད་ཡོ. ཨི་དནྟི ‘‘ག་ཎཾ ཝཱ’’ཏི་ཨཱ་དི་ཝ་ཙ་ནཾ. ཨེ་ཏྠཱཏི རཱ་ཛཱ་དཱི་སུ. ས་ངྒྷཱ་པུ་ཙྪ་ན་མེ་ཝ པ་དྷཱ་ན་ཀཱ་ར་ཎ་ནྟི ཨཱ་ཧ ‘‘བྷི་ཀྑུ་ནི་ས་ངྒྷོ ཨཱ་པུ་ཙྪི་ཏ་བྦོ་ཝཱ’’ཏི. ཀ་པྤ་ག་ཏི་ཀནྟི ཀ་པྤཾ ག་ཙྪ་ཏཱི་ཏི ཀ་པྤ་ག་ཏཱ, སཱ ཨེ་ཝ ཀ་པྤ་ག་ཏི་ཀཱ, ཏཾ.

ཀེ་ན་ཙི ཀ་ར་ཎཱི་ཡེ་ན ཁ་ཎྜ་སཱི་མཾ ཨ་ག་ནྟྭཱ ཀེ་ན་ཙི ཀ་ར་ཎཱི་ཡེ་ན བྷི་ཀྑུ་ནཱི་སུ པ་ཀྐ་ནྟཱ་སཱུ་ཏི ཡོ་ཛ་ནཱ. ནི་སྶི་ཏ་ཀ་པ་རི་སཱ་ཡཱཏི ཨ་ནྟེ་ཝཱ་སི་ཀ་པ་རི་སཱ་ཡ. ཝུ་ཊྛཱ་པེ་ནྟི་ཡཱཏི ཨུ་པ་ས་མྤཱ་དེ་ནྟི་ཡཱ་ཏི. དུ་ཏི་ཡཾ.