༩. བྲ་ཧྨ་ནི་མ་ནྟ་ནི་ཀ་སུ་ཏྟ་ཝ་ཎྞ་ནཱ
༥༠༡. ‘‘ས་སྶ་ཏོ ཨ་ཏྟཱ ཙ ལོ་ཀོ ཙཱ’’ཏི (དཱི. ནི. ༡.༣༠) ཨེ་ཝཾ པ་ཝ་ཏྟཱ དི་ཊྛི ས་སྶ་ཏ་དི་ཊྛི (སཾ. ནི. ཊཱི. ༡.༡.༡༧༥). ས་ཧ ཀཱ་ཡེ་ནཱཏི ས་ཧ ཏེ་ན བྲ་ཧྨ་ཏྟ་བྷཱ་ཝེ་ན. བྲ་ཧྨ་ཊྛཱ་ནནྟི ཨ་ཏྟ་ནོ བྲ་ཧྨ་ཝ་ཏྠུཾ. ‘‘ཨ་ནི་ཙྩཾ ནི་ཙྩ’’ནྟི ཝ་ད་ཏི ཨ་ནི་ཙྩ་ཏཱ་ཡ ཨ་ཏྟ་ནོ ཨ་པ་ཉྙཱ་ཡ་མཱ་ན་ཏྟཱ. ཐི་རནྟི ད་ལ༹ྷཾ, ཝི་ནཱ་སཱ་བྷཱ་ཝ་ཏོ སཱ་ར་བྷཱུ་ཏ་ནྟི ཨ་ཏྠོ. ཨུ་པྤཱ་ད་ཝི་པ་རི་ཎཱ་མཱ་བྷཱ་ཝ་ཏོ ས་དཱ ཝི་ཛྫ་མཱ་ནཾ. ཀེ་ཝ་ལནྟི པ་རི་པུ་ཎྞཾ. ཏེ་ནཱ་ཧ ‘‘ཨ་ཁ་ཎྜ’’ནྟི. ཀེ་ཝ་ལནྟི ཝཱ ཛཱ་ཏི་ཨཱ་དཱི་ཧི ཨ་མི་སྶཾ, ཝི་ར་ཧི་ཏ་ནྟི ཨ་དྷི་པྤཱ་ཡོ. ཨུ་པྤཱ་དཱ་དཱི་ནཾ ཨ་བྷཱ་ཝ་ཏོ ཨེ་ཝ ཨ་ཙ་ཝ་ན་དྷ་མྨཾ. ཀོ་ཙི ཛཱ་ཡ་ན་ཀོ ཝཱ…པེ… ཨུ་པ་པ་ཛྫ་ན་ཀོ ཝཱ ན་ཏྠི ནི་ཙྩ་བྷཱ་ཝ་ཏོ. ཋཱ་ནེ་ན ས་དྡྷིཾ ཏ་ནྣི་ཝཱ་སཱི་ནཾ ནི་ཙྩ་བྷཱ་ཝ་ཉྷི སོ པ་ཊི་ཛཱ་ནཱ་ཏི. ཏི་སྶོ ཛྷཱ་ན་བྷཱུ་མི་ཡོཏི དུ་ཏི་ཡ་ཏ་ཏི་ཡ་ཙ་ཏུ་ཏྠ་ཛ྄ཛྷཱ་ན་བྷཱུ་མི་ཡོ. ཙ་ཏུ་ཏྠ་ཛ྄ཛྷཱ་ན་བྷཱུ་མི་ཝི་སེ་སཱ ཧི ཨ་ས་ཉྙ་སུ་དྡྷཱ་ཝཱ་སཱ་རུ་པྤ་བྷ་ཝཱ. པ་ཊི་བཱ་ཧ་ཏཱིཏི ས་ནྟཾ་ཡེ་ཝ ས་མཱ་ནཾ ཨ་ཛཱ་ན་ནྟོ་ཝ ན་ཏྠཱི་ཏི པ་ཊི་ཀྑི་པ་ཏི. ཨ་ཝི་ཛྫཱ་ཡ ག་ཏོཏི ཨ་ཝི་ཛྫཱ་ཡ ས་ཧ ག་ཏོ པ་ཝ་ཏྟོ. ས་ཧ་ཡོ་གེ ཧི ཨི་དཾ ཀ་ར་ཎ་ཝ་ཙ་ནཾ. ཏེ་ནཱ་ཧ ‘‘ས་མ་ནྣཱ་ག་ཏོ’’ཏི. ཨ་ཉྙཱ་ཎཱིཏི ཨ་ཝི་དྭཱ. པ་ཉྙཱ་ཙ་ཀྑུ་ཝི་ར་ཧ་ཏོ ཨ་ནྡྷོ བྷཱུ་ཏོ, ཨ་ནྡྷ་བྷཱ་ཝཾ ཝཱ པ་ཏྟོ་ཏི ཨ་ནྡྷཱི་བྷཱུ་ཏོ.
༥༠༢. ཏ་དཱ བྷ་ག་ཝ་ཏོ སུ་བྷ་ག་ཝ་ནེ ཝི་ཧ་ར་ཎ་སྶ ཨ་ཝི་ཙྪི་ནྣ་ཏཾ ས་ནྡྷཱ་ཡ ཝུ་ཏྟཾ ‘‘སུ་བྷ་ག་ཝ་ནེ ཝི་ཧ་ར་ཏཱི་ཏི ཉ་ཏྭཱ’’ཏི. ཏ་ཏྠ པ་ན ཏ་དཱ་སྶ བྷ་ག་ཝ་ཏོ ཨ་ད་སྶ་ནཾ ས་ནྡྷཱ་ཡཱ་ཧ ‘‘ཀ་ཏྠ ནུ ཁོ ག་ཏོ་ཏི ཨོ་ལོ་ཀེ་ནྟོ’’ཏི. བྲ་ཧྨ་ལོ་ཀཾ ག་ཙྪ་ནྟཾ དི་སྭཱཏི ཨི་མི་ནཱ ཀ་ཏི་པ་ཡ་ཙི་ཏྟ་ཝཱ་ར་ཝ་སེ་ན ཏ་དཱ བྷ་ག་ཝ་ཏོ བྲ་ཧྨ་ལོ་ཀ་ག་མ་ནཾ ཛཱ་ཏཾ, ན ཨེ་ཀ་ཙི་ཏྟ་ཀྑ་ཎེ་ནཱ་ཏི ད་སྶེ་ཏི. ན ཙེ་ཏྠ ཀཱ་ཡ་ག་ཏི་ཡཱ ཙི་ཏྟ་པ་རི་ཎཱ་མ་ནཾ ཨ་དྷི་པྤེ་ཏཾ – ‘‘སེ་ཡྻ་ཐཱ་པི ནཱ་མ བ་ལ་ཝཱ པུ་རི་སོ ས་མི་ཉྫི་ཏཾ ཝཱ བཱ་ཧཾ པ་སཱ་རེ་ཡྻཱ’’ཏི་ཨཱ་དི་ཝ་ཙ་ན་ཏོ (མ. ནི. ༡.༥༠༡). ཡཾ པ་ནེ་ཏྠ ཝ་ཏྟ་བྦཾ, ཏཾ ཧེ་ཊྛཱ ཝུ་ཏྟ་མེ་ཝ. ཝི་ཚ་ནྡནྟི ཚ་ནྡ་ཝི་ག་མཾ. ཨ་པ་སཱ་དི་ཏོཏི དི་ཊྛི་ཡཱ གཱ་ཧ་སྶ ཝི་པ་རི་ཝ་ཏྟ་ནེ་ན ས་ནྟ་ཛྫི་ཏོ. ‘‘མེ་ཏ་མཱ་ས་དོ’’ཏི ཝ་ཙ་ནེ་ན ཨུ་པ་ཏྠ་མྦྷོ ཧུ་ཏྭཱ.
ཨ་ནྭཱ་ཝི་སི་ཏྭཱཏི ཨཱ་ཝི་ས་ན་ཝ་སེ་ན ཏ་སྶ ཨ་ཏྟ་བྷཱ་ཝཾ ཨ་དྷི་བྷ་ཝི་ཏྭཱ. ཏ་ཐཱ ཨ་བྷི་བྷ་ཝ་ཏོ ཧི ཏ་སྶ ས་རཱི་རཾ པ་ཝི་ཊྛོ ཝི་ཡ ཧོ་ཏཱི་ཏི ཝུ་ཏྟཾ ‘‘ས་རཱི་རཾ པ་ཝི་སི་ཏྭཱ’’ཏི. ཡ་ཉྷི ས་ཏྟཾ དེ་ཝ་ཡ་ཀྑ་ནཱ་གཱ་ད་ཡོ ཨཱ་ཝི་ས་ནྟི, ཏ་སྶ པཱ་ཀ་ཏི་ཀ་ཀི་རི་ཡ་མ་ཡཾ ཙི་ཏྟ་པྤ་ཝ་ཏྟིཾ ནི་ཝཱ་རེ་ཏྭཱ ཨ་ཏྟ་ནོ ཨི་དྡྷཱ་ནུ་བྷཱ་ཝེ་ན ཡཾ ཨི་ཙྪི་ཏཾ ཧ་སི་ཏ་ལ་པི་ཏཱ་དི, ཏཾ ཏེ་ན ཀཱ་རཱ་པེ་ནྟི, ཀཱ་རེ་ནྟཱ ཙ ཨཱ་ཝི་ཊྛ་པུ་གྒ་ལ་སྶ ཙི་ཏྟ་ཝ་སེ་ན ཀཱ་རེ་ནྟི. ‘‘ཨ་ཏྟ་ནོ་ཝཱ’’ཏི ན ཝ་ཏྟ་བྦ་མེ་ཏཾ ཨ་ཙི་ནྟེ་ཡྻ་ཏྟཱ ཀ་མྨ་ཛ་སྶ ཨི་དྡྷཱ་ནུ་བྷཱ་ཝ་སྶཱ་ཏི ཀེ་ཙི. ཨ་པ་རེ པ་ན ཡ་ཐཱ ཏ་དཱ ཙ་ཀྑུ་ཝི་ཉྙཱ་ཎཱ་དི་པ་ཝ་ཏྟི ཨཱ་ཝི་ཊྛ་པུ་གྒ་ལ་སྶེ་ཝ, ཨེ་ཝཾ ཀི་རི་ཡ་མ་ཡ་ཙི་ཏྟ་པ་ཝ་ཏྟི་པི ཏ་སྶེ་ཝ, ཨཱ་ཝེ་ས་ཀཱ་ནུ་བྷཱ་ཝེ་ན པ་ན སཱ་མ་ཉྙ་ཏཱ པ་རི་ཝ་ཏྟ་ཏི. ཏ་ཐཱ ཧི མ་ཧཱ་ནུ་བྷཱ་ཝཾ པུ་གྒ་ལཾ ཏེ ཨཱ་ཝི་སི་ཏུཾ ན ས་ཀྐོ་ནྟི, ཏི་ཀི་ཙྪཱ་ཝུ་ཊྛཱ་པ་ནེ པ་ན ཚ་ཝ་ས་རཱི་རཾ ཨ་ནུ་པ་ཝི་སི་ཏྭཱ ས་ཏ་ནྟཾ ཀ་རོ་ཏི ཝི་ཛྫཱ་ནུ་བྷཱ་ཝེ་ན. ཀོ་ར་ཁ་ཏྟི་ཡཱ་དཱི་ནཾ པ་ན ཚ་ཝ་ས་རཱི་ར་སྶ ཨུ་ཊྛཱ་ནཾ ཝ་ཙཱི་ནི་ཙྪཱ་ར་ཎ་ཉྩ ཀེ་ཝ་ལཾ བུ་དྡྷཱ་ནུ་བྷཱ་ཝེ་ན. ཨ་ཙི་ནྟེ་ཡྻཱ ཧི བུ་དྡྷཱ་ནཾ བུ་དྡྷཱ་ནུ་བྷཱ་ཝཱ་ཏི. ཨ་བྷི་བྷ་ཝི་ཏྭཱ ཋི་ཏོཏི ས་ཀ་ལ་ལོ་ཀཾ ཨ་ཏྟ་ནོ ཨཱ་ནུ་བྷཱ་ཝེ་ན ཨ་བྷི་བྷ་ཝི་ཏྭཱ ཋི་ཏོ. ཛེ་ཊྛ་ཀོཏི པ་དྷཱ་ནོ, ཏཱ་དི་སཾ ཝཱ ཨཱ་ནུ་བྷཱ་ཝ་ས་མྤ་ནྣ་ཏྟཱ ཨུ་ཏྟ་མོ. པ་སྶ་ཏཱི་ཏི ད་སོ. ཝི་སེ་ས་ཝ་ཙ་ནི་ཙྪཱ་ཡ ཨ་བྷཱ་ཝ་ཏོ ཨ་ན་ཝ་སེ་ས་ཝི་ས་ཡོ ད་སོ-ས་དྡོ་ཏི ཨཱ་ཧ ‘‘ས་བྦཾ པ་སྶ་ཏཱི’’ཏི. ས་བྦ་ཛ་ནནྟི ལ་དྡྷ་ནཱ་མཾ ས་བྦ་ས་ཏྟ་ཀཱ་ཡཾ. ཝ་སེ ཝ་ཏྟེ་ཏི, སེ་ཊྛ་ཏྟཱ ནི་མྨཱ་པ་ཀ་ཏྟཱ ཙ ཨ་ཏྟ་ནོ ཝ་སེ ཝ་ཏྟེ་ཏི. ལོ་ཀ་སྶ ཨཱི་ས་ན་སཱི་ལ་ཏཱ་ཡ ཨི་སྶ་རོ. ས་ཏྟཱ་ནཾ ཀ་མྨ་སྶ ཀཱ་ར་ཀ་བྷཱ་ཝེ་ན ཀ་ཏྟཱ. ཐཱ་ཝ་ར་ཛ་ངྒ་མ་ཝི་བྷཱ་གཾ ས་ཀ་ལཾ ལོ་ཀཾ ནི་མྨཱ་ནེ་ཏཱི་ཏི ནི་མྨཱ་ཏཱ.
གུ་ཎ་ཝི་སེ་སེ་ན ལོ་ཀེ པཱ་སཾ་ས་ཏྟཱ སེ་ཊྛོ. ཏཱ་དི་སོ ཙ ཨུ་ཀྐ་ཊྛ་ཏ་མོ ཧོ་ཏཱི་ཏི ཨཱ་ཧ ‘‘ཨུ་ཏྟ་མོ’’ཏི. ས་ཏྟཱ་ནཾ ནི་མྨཱ་ནཾ ཏ་ཐཱ ཏ་ཐཱ ས་ཛ་ནཾ ཝི་ས་ཛ་ནཾ ཝི་ཡ ཧོ་ཏཱི་ཏི ཨཱ་ཧ ‘‘ཏྭཾ ཁ་ཏྟི་ཡོ’’ཏི་ཨཱ་དི. ཛྷཱ་ནཱ་དཱི་སུ ཨ་ཏྟ་ནོ ཙི་ཏྟེ ཙ ཙི་ཎྞ་ཝ་སི་ཏྟཱ ཝ་སཱི. བྷཱུ་ཏཱ་ནནྟི ནི་བྦ་ཏྟཱ་ནཾ. བྷ་ཝཾ ཨ་བྷི་ཛཱ་ཏཾ ཨ་ར་ཧ་ནྟཱི་ཏི བྷ་བྱཱ, ས་མྦྷ་ཝེ་སི་ནོ, ཏེ་སཾ བྷ་བྱཱ་ནཾ. ཏེ་ནཱ་ཧ ‘‘ཨ་ཎྜ་ཛ་ཛ་ལཱ་བུ་ཛཱ ས་ཏྟཱ’’ཏི་ཨཱ་དི.
པ་ཐ་ཝཱི་ཨཱ་ད་ཡོ ནི་ཙྩཱ དྷུ་ཝཱ ས་སྶ་ཏཱ. ཡེ ཏེ་སཾ ‘‘ཨ་ནི་ཙྩཱ’’ཏི་ཨཱ་དི་ནཱ ག་ར་ཧ་ཀཱ ཛི་གུ་ཙྪཱ ས་ཏྟཱ, ཏེ ཨ་ཡ་ཐཱ་བྷཱུ་ཏ་ཝཱ་དི་ཏཱ་ཡ མ་ཏ་ཀཱ་ལེ ཨ་པཱ་ཡ་ནི་ཊྛཱ ཨ་ཧེ་སུཾ. ཡེ པ་ན པ་ཐ་ཝཱི་ཨཱ་དཱི་ནཾ ‘‘ནི་ཙྩཱ དྷུ་ཝཱ’’ཏི་ཨཱ་དི་ནཱ པ་སཾ་ས་ཀཱ, ཏེ ཡ་ཐཱ་བྷཱུ་ཏ་ཝཱ་དི་ཏཱ་ཡ བྲ་ཧྨ་ཀཱ་ཡཱུ་པ་གཱ ཨ་ཧེ་སུ་ནྟི མཱ་རོ པཱ་པི་མཱ ཨ་ནྭ་ཡ་ཏོ བྱ་ཏི་རེ་ཀ་ཏོ ཙ པ་ཐ་ཝཱི་ཨཱ་དི་མུ་ཁེ་ན ས་ངྑཱ་རཱ་ནཾ པ་རི་ཉྙཱ་པ་ཉྙཱ་པ་ནེ ཨཱ་དཱི་ན་ཝཾ ཝི་བྷཱ་ཝེ་ཏི ཏ་ཏོ ཝི་ཝེ་ཙེ་ཏུ་ཀཱ་མོ. ཏེ་ནཱ་ཧ ‘‘པ་ཐ་ཝཱི་ག་ར་ཧ་ཀཱ’’ཏི་ཨཱ་དི. ཨེ་ཏྠ ཙ མཱ་རོ པ་ཐ་ཝཱི་ཨཱ་དི་དྷཱ་ཏུ་མ་ཧཱ་བྷཱུ་ཏ་གྒ་ཧ་ཎེ་ན མ་ནུ་སྶ་ལོ་ཀཾ, བྷཱུ་ཏ་གྒ་ཧ་ཎེ་ན ཙཱ་ཏུ་མ་ཧཱ་རཱ་ཛི་ཀེ, དེ་ཝ་གྒ་ཧ་ཎེ་ན ཨ་ཝ་སེ་ས་ཀཱ་མ་དེ་ཝ་ལོ་ཀཾ, པ་ཛཱ་པ་ཏི་གྒ་ཧ་ཎེ་ན ཨ་ཏྟ་ནོ ཋཱ་ནཾ, བྲ་ཧྨ་གྒ་ཧ་ཎེ་ན བྲ་ཧྨ་ཀཱ་ཡི་ཀེ ག་ཎྷི. ཨཱ་བྷ་སྶ་རཱ་ད་ཡོ པ་ན ཨ་ཝི་ས་ཡ་ཏཱ་ཡ ཨེ་ཝ ཨ་ནེ་ན ཨ་གྒ་ཧི་ཏཱ་ཏི ད་ཊྛ་བྦཾ. ཏ་ཎྷཱ་དི་ཊྛི་ཝ་སེ་ནཱཏི ཏ་ཎྷཱ་བྷི་ན་ནྡ་ནཱ་ཡ དི་ཊྛཱ་བྷི་ན་ནྡ་ནཱ་ཡ ཙ ཝ་སེ་ན. ‘‘ཨེ་ཏཾ མ་མ, ཨེ་སོ མེ ཨ་ཏྟཱ’’ཏི ཨ་བྷི་ན་ནྡི་ནོ ཨ་བྷི་ན་ནྡ་ཀཱ, ཨ་བྷི་ན་ནྡ་ན་སཱི་ལཱ ཝཱ. བྲ་ཧྨུ་ནོ ཨོ་ཝཱ་དེ ཋི་ཏཱ་ནཾ ཨི་དྡྷཱ་ནུ་བྷཱ་ཝཾ ད་སྶེ་ཏཱིཏི ཏེ་སཾ ཏ་ཏྠ ས་ནྣི་པ་ཏི་ཏ་བྲ་ཧྨཱ་ནཾ ཨི་དྡྷཱ་ནུ་བྷཱ་ཝཾ ཏ་སྶ མ་ཧཱ་བྲ་ཧྨུ་ནོ ཨོ་ཝཱ་དེ ཋི་ཏ་ཏྟཱ ནི་བྦ་ཏྟཾ ཀ་ཏྭཱ ད་སྶེ་ཏི. ཡ་སེ་ནཱཏི ཨཱ་ནུ་བྷཱ་ཝེ་ན. སི་རི་ཡཱཏི སོ་བྷཱ་ཡ. མཾ བྲ་ཧྨ་པ་རི་སཾ ཨུ་པ་ནེ་སཱིཏི ཡཱ་དི་སཱ བྲ་ཧྨ་པ་རི་སཱ ཨི་སྶ་རི་ཡཱ་དི་ས་མྤ་ཏྟི་ཡཱ, ཏ་ཏྠ མཾ ཨུ་ཡྻོ་ཛེ་སི. མ་ཧཱ་ཛ་ན་སྶ མཱ་ར་ཎ་ཏོཏི མ་ཧཱ་ཛ་ན་སྶ ཝི་ཝ་ཊྚཱུ་པ་ནི་སྶ་ཡ་གུ་ཎ་ཝི་ནཱ་ས་ནེ་ན ཨཱ་ནུ་བྷཱ་ཝེ་ན མཱ་ར་ཎ་ཏོ. ཨ་ཡ་སནྟི ཡ་ས་པ་ཊི་པ་ཀྑཾ ཨ་ཀི་ཏྟི་ཀ་མྨཱ་ནུ་བྷཱ་ཝ་ཉྩཱ་ཏི ཨ་ཏྠོ.
༥༠༣. ཀ་སི་ཎཾ ཨཱ་ཡུནྟི ཝ་སྶ་ས་ཏཾ ས་ནྡྷཱ་ཡ ཝ་ད་ཏི. ཨུ་པ་ནི་སྶཱ་ཡ སེ་ཏཱི་ཏི ཨུ་པ་ས་ཡོ, ཨུ་པ་ས་ཡོ་ཝ ཨོ་པ་སཱ་ཡི་ཀོ ཡ་ཐཱ ‘‘ཝེ་ན་ཡི་ཀོ’’ཏི (མ. ནི. ༡.༢༤༦; ཨ. ནི. ༨.༡༡; པཱ་རཱ. ༨) ཨཱ་ཧ ‘‘ས་མཱི་པ་ས་ཡོ’’ཏི. ས་ཡགྒ་ཧ་ཎ་ཉྩེ་ཏྠ ནི་ད་སྶ་ན་མ་ཏྟ་ནྟི ད་སྶེ་ཏུཾ ‘‘མཾ ག་ཙྪ་ནྟ’’ནྟི་ཨཱ་དི ཝུ་ཏྟཾ. ཨ་ནེ་ཀ་ཏྠ་ཏྟཱ དྷཱ་ཏཱུ་ནཾ ཝ་ཏྟ་ན་ཏྠོ ད་ཊྛ་བྦོ. མ་མ ཝ་ཏྠུ་སྨིཾ ས་ཡ་ན་ཀོཏི མ་ཡ྄ཧཾ ཋཱ་ནེ ཝི་ས་ཡེ ཝ་ཏྟ་ན་ཀོ. བཱ་ཧི་ཏྭཱཏི ནཱི་ཙཾ ཀ་ཏྭཱ, ཨ་བྷི་བྷ་ཝི་ཏྭཱ ཝཱ. ཛ་ཛ྄ཛྷ་རི་ཀཱ་གུ་མྦ་ཏོཏི ཨེ་ཏྠ ཛ་ཛ྄ཛྷ་རི་ཀཱ ནཱ་མ པ་ཐ་ཝིཾ པ་ཏྠ་རི་ཏྭཱ ཛཱ་ཏཱ ཨེ་ཀཱ ག་ཙྪ་ཛཱ་ཏི.
ཨི་མི་ནཱཏི ‘‘ས་ཙེ ཁོ ཏྭཾ བྷི་ཀྑཱུ’’ཏི་ཨཱ་དི་ཝ་ཙ་ནེ་ན. ཨེ་ས བྲ་ཧྨཱ. ཨུ་པ་ལཱ་པེ་ཏཱིཏི ས་ངྒ་ཎྷཱ་ཏི. ཨ་པ་སཱ་དེ་ཏཱིཏི ནི་གྒ་ཎྷཱ་ཏི. སེ་ས་པ་དེ་ཧཱིཏི ཝ་ཏྠུ་སཱ་ཡི་ཀོ ཡ་ཐཱ་ཀཱ་མ་ཀ་ར་ཎཱི་ཡོ བཱ་ཧི་ཏེ་ཡྻོ་ཏི ཨི་མེ་ཧི པ་དེ་ཧི. མ་ཡ྄ཧཾ ཨཱ་ར་ཀྑཾ ག་ཎྷི་སྶ་སཱིཏི མ་མ ཨཱ་ར་ཀྑ་ཀོ བྷ་ཝི་སྶ་སི. ལ་ཀུ་ཎྜ་ཀ་ཏ་རནྟི ནཱི་ཙ་ཏ་རཾ ནི་ཧཱི་ན་ཝུ་ཏྟི་ས་རཱི་རཾ.
ཕུ་སི་ཏུ་མྤི ས་མ་ཏྠཾ ཀི་ཉྩི ན པ་སྶ་ཏི, པ་གེ་ཝ ཉཱ་ཎ་ཝི་བྷ་ཝ་ནྟི ཨ་དྷི་པྤཱ་ཡོ. ནི་པྥ་ཏྟིནྟི ནི་པྥ་ཛྫ་ནཾ, ཕ་ལ་ནྟི ཨ་ཏྠོ. ཏ་ཉྷི ཀཱ་ར་ཎ་ཝ་སེ་ན ག་ནྟ་བྦ་ཏོ ཨ་དྷི་ག་ནྟ་བྦ་ཏོ ག་ཏཱིཏི ཝུ་ཙྩ་ཏི. ཨཱ་ནུ་བྷཱ་ཝནྟི པ་བྷཱ་ཝཾ. སོ ཧི ཛོ་ཏ་ན་ཊྛེ་ན ཝི་རོ་ཙ་ན་ཊྛེ་ན ཛུ་ཏཱིཏི ཝུ་ཙྩ་ཏི. མ་ཧ་ཏཱ ཨཱ་ནུ་བྷཱ་ཝེ་ན པ་རེ་སཾ ཨ་བྷི་བྷ་ཝ་ན་ཏོ མ་ཧེ་སོ་ཏི ཨ་ཀྑཱ་ཡ་ཏཱི་ཏི མ་ཧེ་ས་ཀྑོ. ཏ་ཡི་དཾ ཨ་བྷི་བྷ་ཝ་ནཾ ཀི་ཏྟི་ས་མྤ་ཏྟི་ཡཱ པ་རི་ཝཱ་ར་ས་མྤ་ཏྟི་ཡཱ ཙཱ་ཏི ཨཱ་ཧ ‘‘མ་ཧཱ་ཡ་སོ མ་ཧཱ་པ་རི་ཝཱ་རོ’’ཏི.
པ་རི་ཧ་ར་ནྟཱིཏི སི་ནེ་རུཾ ད་ཀྑི་ཎ་ཏོ ཀ་ཏྭཱ པ་རི་ཝ་ཏྟ་ནྟི. དི་སཱཏི བྷུ་མྨ་ཏྠེ ཨེ་ཏཾ པ་ཙྩ་ཏྟ་ཝ་ཙ་ན་ནྟི ཨཱ་ཧ ‘‘དི་སཱ་སུ ཝི་རོ་ཙ་མཱ་ནཱ’’ཏི. ཨ་ཏྟ་ནོ ཛུ་ཏི་ཡཱ དི་བྦ་མཱ་ནཱ་ཡ ཝཱ. ཏེ་ཧཱིཏི ཙ་ནྡི་མ་སཱུ་རི་ཡེ་ཧི. ཏ་ཏྟ་ཀེ་ན པ་མཱ་ཎེ་ནཱཏི ཡ་ཏྟ་ཀེ ཙ་ནྡི་མ་སཱུ་རི་ཡེ་ཧི ཨོ་བྷཱ་སི་ཡ་མཱ་ནོ ལོ་ཀ་དྷཱ་ཏུ་ས་ངྑཱ་ཏོ ཨེ་ཀོ ལོ་ཀོ, ཏ་ཏྟ་ཀེ་ན པ་མཱ་ཎེ་ན. ཨི་དཾ ཙ་ཀྐ་ཝཱ་ལ༹ཾ བུ་དྡྷཱ་ནཾ ཨུ་པྤ་ཏྟི་ཊྛཱ་ན་བྷཱུ་ཏཾ སེ་ཊྛཾ ཨུ་ཏྟ་མཾ པ་དྷཱ་ནཾ, ཏ་སྨཱ ཡེ་བྷུ་ཡྻེ་ན ཨེ་ཏྠུ་པ་པ་ནྣཱ དེ་ཝ་ཏཱ ཨ་ཉྙེ་སུ ཙ་ཀྐ་ཝཱ་ལེ༹་སུ དེ་ཝ་ཏཱ ཨ་བྷི་བྷུ་ཡྻ ཝ་ཏྟ་ནྟི. ཏ་ཐཱ ཧི བྲ་ཧྨཱ ས་ཧ་མྤ་ཏི ད་ས་ས་ཧ་སྶ་བྲ་ཧྨ་པ་རི་ཝཱ་རོ བྷ་ག་ཝ་ཏོ ས་ནྟི་ཀཾ ཨུ་པ་ག་ཉྪི. ཏེ་ནཱ་ཧ ‘‘ཨེ་ཏྠ ཙ་ཀྐ་ཝཱ་ལ༹་ས་ཧ་སྶེ ཏུ་ཡ྄ཧཾ ཝ་སོ ཝ་ཏྟ་ཏཱི’’ཏི. ཨི་དཱ་ནི ‘‘ཨེ་ཏྠ ཏེ ཝ་ཏྟ་ཏེ ཝ་སོ’’ཏི ཝུ་ཏྟཾ ཝ་སེ ཝ་ཏྟ་ནཾ ས་རཱུ་པ་ཏོ ད་སྶེ་ཏུཾ ‘‘པ་རོ་པ་ར་ཉྩ ཛཱ་ནཱ་སཱི’’ཏི་ཨཱ་དི ཝུ་ཏྟཾ. ཏ་ཏྠ པ་ཋ་མ་གཱ་ཐཱ་ཡཾ ཝུ་ཏྟཾ ཨེ་ཏྠ-ས་དྡཾ ཨཱ་ནེ་ཏྭཱ ཨ་ཏྠོ ཝེ་དི་ཏ་བྦོ་ཏི ད་སྶེ་ནྟོ ‘‘ཨེ་ཏྠ ཙ་ཀྐ་ཝཱ་ལ༹་ས་ཧ་སྶེ’’ཏི ཨཱ་ཧ. ཨུ་ཙྩ་ནཱི་ཙེཏི ཛཱ་ཏི་ཀུ་ལ་རཱུ་པ་བྷོ་ག་པ་རི་ཝཱ་རཱ་དི་ཝ་སེ་ན ཨུ་ལཱ༹་རེ ཙ ཨ་ནུ་ལཱ༹་རེ ཙ. ཨ་ཡཾ ཨི་དྡྷོ་ཨ་ཡཾ པ་ཀ་ཏི་མ་ནུ་སྶོཏི ཨི་མི་ནཱ ‘‘ས་རཱུ་པ་ཏོ ཨེ་ཝ་སྶ ས་ཏྟཱ་ནཾ པ་རོ་པ་ར་ཛཱ་ན་ནཾ, ན ས་མུ་དཱ་ག་མ་ཏོ’’ཏི ད་སྶེ་ཏི. ཡཾ པ་ན ཝ་ཀྑ་ཏི ‘‘ས་ཏྟཱ་ནཾ ཨཱ་ག་ཏིཾ ག་ཏིནྟི, ཏཾ ཀཱ་མ་ལོ་ཀེ ས་ཏྟཱ་ནཾ ཨཱ་དཱ་ན་ནི་ཀྑེ་པ་ཛཱ་ན་ན་མ་ཏྟཾ ས་ནྡྷཱ་ཡ ཝུ་ཏྟཾ, ན ཀ་མྨ་ཝི་པཱ་ཀ་ཛཱ་ན་ནཾ. ཡ་དི ཧི ས་མུ་དཱ་ག་མ་ཏོ ཛཱ་ནེ་ཡྻ, ཨ་ཏྟ་ནོ་པི ཛཱ་ནེ་ཡྻ, ན ཙ་སྶ ཏཾ ཨ་ཏྠཱི་ཏི, ཏ་ཐཱ ཨཱ་ཧ ‘‘ཨི་ཏྠ་མྦྷཱ་ཝོ་ཏི ཨི་དཾ ཙ་ཀྐ་ཝཱ་ལ༹’’ནྟི་ཨཱ་དི. རཱ་ག་ཡོ་ག་ཏོ རཱ་གོ ཨེ་ཏ་སྶ ཨ་ཏྠཱི་ཏི ཝཱ རཱ་གོ, ཝི་ར་ཛྫ་ན་སཱི་ལོ ཝི་རཱ་གཱི, ཏཾ རཱ་ག་ཝི་རཱ་གི་ནཾ. ས་ཧ་སྶི་བྲ་ཧྨཱ ནཱ་མ ཏྭཾ ཙཱུ་ལ༹་ནི་ཡཱ ཨེ་ཝ ལོ་ཀ་དྷཱ་ཏུ་ཡཱ ཛཱ་ན་ན་ཏོ. ཏ་ཡཱཏི ནི་སྶ་ཀྐེ ཀ་ར་ཎ་ཝ་ཙ་ནཾ. ཙ་ཏུ་ཧ་ཏྠཱ་ཡཱཏི ཨ་ནེ་ཀ་ཧ་ཏྠེ་ན སཱ་ཎི་པཱ་ཀཱ་རེ་ན ཀཱ་ཏ་བྦ་པ་ཊ་པྤ་མཱ་ཎཾ དཱི་གྷ་ཏོ ཙ་ཏུ་ཧ་ཏྠཱ་ཡ, ཝི་ཏྠཱ་ར་ཏོ དྭི་ཧ་ཏྠཱ་ཡ པི་ལོ་ཏི་ཀཱ་ཡ ཀཱ་ཏུཾ ཝཱ་ཡ་མ་ནྟོ ཝི་ཡ གོ་པྥ་ཀེ ཨུ་ད་ཀེ ནི་མུ་ཛྫི་ཏུ་ཀཱ་མོ ཝི་ཡ ཙ པ་མཱ་ཎཾ ཨ་ཛཱ་ན་ནྟོ ཝི་ཧ་ཉྙ་ཏཱི་ཏི ནི་གྒ་ཎྷཱ་ཏི.
༥༠༤. ཏཾ ཀཱ་ཡནྟི ཏ་དེ་ཝ ནི་ཀཱ་ཡཾ. ཛཱ་ནི་ཏ་བྦ་ཊྛཱ་ནཾ པ་ཏྭཱ་པཱིཏི ཨ་ན་ཉྙ་སཱ་དྷཱ་ར་ཎཱ མ་ཡ྄ཧཾ སཱི་ལཱ་ད་ཡོ གུ་ཎ་ཝི་སེ་སཱ ཏཱ་ཝ ཏི་ཊྛ་ནྟུ, ཨཱི་དི་སཾ ལོ་ཀི་ཡཾ པ་རི་ཏྟ་ཀཾ ཛཱ་ནི་ཏ་བྦ་ཊྛཱ་ན་མྤི པ་ཏྭཱ. ཨ་ཡཾ ཨི་མེ་སཾ ཨ་ཏི་ས་ཡེ་ན ནཱི་ཙོ་ཏི ནཱི་ཙེ་ཡྻོ, ཏ་སྶ བྷཱ་ཝོ ནཱི་ཙེ་ཡྻནྟི ཨཱ་ཧ ‘‘ཏ་ཡཱ ནཱི་ཙ་ཏ་ར་བྷཱ་ཝོ པ་ན མ་ཡ྄ཧཾ ཀུ་ཏོ’’ཏི.
ཧེ་ཊྛཱུ་པ་པ་ཏྟི་ཀོཏི ཨུ་པ་རཱུ་པ་རི་ཏོ ཙ་ཝི་ཏྭཱ ཧེ་ཊྛཱ ལ་དྡྷཱུ་པ་པ་ཏྟི་ཀོ. ཨེ་ཝཾ ས་ངྑེ་པ་ཏོ ཝུ་ཏྟ་མ་ཏྠཾ ཝི་ཏྠཱ་ར་ཏོ ད་སྶེ་ཏུཾ ‘‘ཨ་ནུ་པྤ་ནྣེ བུ་དྡྷུ་པྤཱ་དེ’’ཏི ཨཱ་ཧ. ཧེ་ཊྛཱུ་པ་པ་ཏྟི་ཀཾ ཀ་ཏྭཱཏི ཧེ་ཊྛཱུ་པ་པ་ཏྟི་ཀཾ པ་ཏྠ་ནཾ ཀ་ཏྭཱ. ཡ་ཐཱ ཀེ་ན་ཙི བ་ཧཱུ་སུ ཨཱ་ན་ནྟ་རི་ཡེ་སུ ཀ་ཏེ་སུ ཡཾ ཏ་ཏྠ ག་རུ་ཏ་རཾ བ་ལ་ཝཾ, ཏ་དེ་ཝ པ་ཊི་ས་ནྡྷིཾ དེ་ཏི, ཨི་ཏ་རཱ་ནི པ་ན ཏ་སྶ ཨ་ནུ་བ་ལ་པྤ་དཱ་ཡ་ཀཱ་ནི ཧོ་ནྟི, ན པ་ཊི་ས་ནྡྷི་དཱ་ཡ་ཀཱ་ནི, ཨེ་ཝཾ ཙ་ཏཱུ་སུ རཱུ་པ་ཛ྄ཛྷཱ་ནེ་སུ བྷཱ་ཝི་ཏེ་སུ ཡཾ ཏ་ཏྠ ག་རུ་ཏ་རཾ ཚ་ནྡ་པ་ཎི་དྷི་ཨ་དྷི་མོ་ཀྑཱ་དི་ཝ་སེ་ན སཱ་བྷི་ས་ངྑཱ་ར་ཉྩ, ཏ་དེ་ཝ ཙ པ་ཊི་ས་ནྡྷིཾ དེ་ཏི, ཨི་ཏ་རཱ་ནི པ་ན ཨ་ལ་དྡྷོ་ཀཱ་ས་ཏཱ་ཡ ཏ་སྶ ཨ་ནུ་བ་ལ་པྤ་དཱ་ཡ་ཀཱ་ནི ཧོ་ནྟི, ན པ་ཊི་ས་ནྡྷི་དཱ་ཡ་ཀཱ་ནི, ཏ་ནྣི་བྦ་ཏྟི་ཏ་ཛ྄ཛྷཱ་ནེ་ནེ་ཝ ཨཱ་ཡ་ཏིཾ པུ་ན་བྦྷ་ཝཱ་བྷི་ནི་བྦ་ཏྟི ཧོ་ཏཱི་ཏི ཨཱ་ཧ ‘‘ཏ་ཏི་ཡ་ཛ྄ཛྷཱ་ནཾ པ་ཎཱི་ཏཾ བྷཱ་ཝེ་ཏྭཱ’’ཏི. ཏ་ཏྠཱཏི སུ་བྷ་ཀི་ཎྷ་བྲ་ཧྨ་ལོ་ཀེ. པུ་ན ཏ་ཏྠཱཏི ཨཱ་བྷ་སྶ་ར་བྲ་ཧྨ་ལོ་ཀེ. པ་ཋ་མ་ཀཱ་ལེཏི ཏ་སྨིཾ བྷ་ཝེ པ་ཋ་མ་སྨིཾ ཀཱ་ལེ. ཨུ་བྷ་ཡནྟི ཨ་ཏཱི་ཏཾ ཨ་ཏྟ་ནོ ནི་བྦ་ཏྟ་ཊྛཱ་ནཾ, ཏ་ཏྠ ནི་བྦ་ཏྟི་ཡཱ ཧེ་ཏུ་བྷཱུ་ཏཾ ཨ་ཏྟ་ནོ ཀ་ཏ་ཀ་མྨ་ནྟི ཨུ་བྷ་ཡཾ. པ་མུ་སྶི་ཏྭཱ ཀཱ་ལ་སྶ ཙི་ར་ཏ་ར་བྷཱ་ཝ་ཏོ. ཝཱི་ཏི་ནཱ་མེ་ཏི པ་ཊི་པ་ཛྫ་ནྟཱིཏི ཙ ཏ་དཱ ཏ་སྶཱ ཀི་རི་ཡཱ་ཡ པ་ཝ་ཏྟི་ཀྑ་ཎཾ ཨུ་པཱ་དཱ་ཡ པ་ཝ་ཏྟ་མཱ་ན་པ་ཡོ་གོ.
ཨ་པཱ་ཡེ་སཱིཏི པཱ་ཡེ་སི. པི་པཱ་སི་ཏེཏི ཏ་སི་ཏེ. གྷ་མྨ་ནཱིཏི གྷ་མྨ་ཀཱ་ལེ. ས་མྤ་རེ་ཏེཏི གྷ་མྨ་པ་རི་ལཱ༹་ཧེ་ན པི་པཱ་སཱ་ཡ ཨ་བྷི་བྷཱུ་ཏེ. ནྟི པཱ་ནཱི་ཡ་དཱ་ནཾ. ཝ་ཏ་སཱི་ལ་ཝ་ཏྟནྟི ས་མཱ་དཱ་ན་ཝ་སེ་ན ཝ་ཏ་བྷཱུ་ཏཾ ཙཱ་རི་ཏྟ་སཱི་ལ་བྷཱ་ཝེ་ན ས་མཱ་ཙི་ཎྞ་ཏྟཱ སཱི་ལ་ཝ་ཏྟཾ. སུ་ཏྟ་པྤ་བུ་དྡྷོ་ཝ ཨ་ནུ་སྶ་རཱ་མཱིཏི སུ་པི་ཏྭཱ པ་བུ་དྡྷ་མ་ཏྟོ ཝི་ཡ སུ་པི་ནཾ ཏ་ཝ པུ་བྦ་ནི་ཝུ་ཏྠཾ མ་མ པུ་བྦེ་ནི་ཝཱ་སཱ་ནུ་སྶ་ཏི་ཉཱ་ཎེ་ན ཨ་ནུ་སྶ་རཱ་མི, ས་བྦ་ཉྙུ་ཏ་ཉྙཱ་ཎེ་ན ཝི་ཡ པ་ཙྩ་ཀྑ་ཏོ པ་སྶཱ་མཱི་ཏི ཨ་ཏྠོ.
ཀ་ར་མ་རེཏི ཝི་ལུ་མྤི་ཏྭཱ ཨཱ་ནཱི་ཏེ. ཀ་མྨ་ས་ཛྫནྟི ཡུ་དྡྷ་ས་ཛྫཾ, ཨཱ་ཝུ་དྷཱ་དཱ་ཡི་ནི་ནྟི ཨ་ཏྠོ.
ཨེ་ཎཱི་ཀཱུ་ལ་སྨིནྟི ཨེ་ཎཱི་མི་ག་བཱ་ཧུ་ལླེ་ན ‘‘ཨེ་ཎཱི་ཀཱུ་ལ’’ནྟི ས་ངྑཾ ག་ཏེ ག་ངྒཱ་ཡ ཏཱི་ར་པྤ་དེ་སེ. ག་ཡ྄ཧ་ཀ ནཱི་ཡ་མཱ་ནནྟི ག་ཡ྄ཧ་ཝ་སེ་ན ཀ་ར་མ་ར་བྷཱ་ཝེ་ན ཙོ་རེ་ཧི ཨ་ཏྟ་ནོ ཋཱ་ནཾ ནཱི་ཡ་མཱ་ནཾ.
ཨཱ་ཝཱ་ཧ་ཝི་ཝཱ་ཧ་ཝ་སེ་ན མི་ཏྟ་ས་ནྠ་ཝཾ ཀ་ཏྭཱ. ‘‘ཨེ་ཝཾ ཨ་མྷེ་སུ ཀཱི་ལ༹་ནྟེ་སུ ག་ངྒེ་ཡྻ་ཀོ ནཱ་གོ ཀུ་པི་ཏོ’’ཏི མ་ཡི ས་ཉྙ་མྤི ན ཀ་རོ་ནྟཱིཏི. སུ་སུ་ཀཱ་རནྟི སུ་སཱུ་ཏི པ་ཝ་ཏྟཾ བྷེ་ར་ཝ་ནཱ་ག་ནི་སྶཱ་སཾ.
ག་ཧཱི་ཏ་ནཱ་ཝནྟི ཝི་ཧེ་ཋེ་ཏུ་ཀཱ་མ་ཏཱ་ཡ ག་ཏི་ནི་ཝཱ་ར་ཎ་ཝ་སེ་ན ག་ཧི་ཏཾ ནི་གྒ་ཧི་ཏཾ ནཱ་ཝཾ. ལུ་དྡེ་ནཱཏི ཀུ་རཱུ་རེ་ན. མ་ནུ་སྶ་ཀ་པྤཱཏི ནཱ་ཝཱ་ག་ཏཱ་ནཾ མ་ནུ་སྶཱ་ནཾ ཝི་ཧེ་ཋེ་ཏུ་ཀཱ་མ་ཏཱ་ཡ.
བ་དྡྷ་ཙ་རོཏི པ་ཊི་བ་དྡྷ་ཙ་རི་ཡོ. ཏེ་ནཱ་ཧ ‘‘ཨ་ནྟེ་ཝཱ་སི་ཀོ’’ཏི. ཏཾ ནི་སྶཱ་ཡེ་ཝཱཏི ར་ཉྙཱ ཨུ་པ་ཊྛི་ཡ་མཱ་ནོ་པི རཱ་ཛཱ་ནཾ པ་ཧཱ་ཡ ཏཾ ཀ་པྤཾ ཨ་ནྟེ་ཝཱ་སིཾ ནི་སྶཱ་ཡེ་ཝ.
ས་མྦུ་དྡྷི་མ་ནྟཾ ཝ་ཏི་ནཾ ཨ་མ་ཉྙཱིཏི ཨ་ཡཾ ས་མྨ་དེ་ཝ བུ་དྡྷི་མཱ ཝ་ཏ་ས་མྤ་ནྣོ་ཏི ཨ་མ་ཉྙི ས་མྦྷཱ་ཝེ་སི ཙ.
ནཱ་ན་ཏྟ་བྷཱ་ཝེ་སཱུཏི ནཱ་ནཱ ཝི་སུཾ ཝི་སུཾ ཨ་ཏྟ་བྷཱ་ཝེ་སུ.
ཨ་དྡྷཱཏི ཨེ་ཀཾ་སེ་ན. མ་མེ་ཏ་མཱ་ཡུནྟི མ་ཡ྄ཧཾ ཨེ་ཏཾ ཡ་ཐཱ་ཝུ་ཏྟཾ ཏ་ཏྠ ཏ་ཏྠ བྷ་ཝེ པ་ཝ་ཏྟཾ ཨཱ་ཡུཾ. ན ཀེ་ཝ་ལཾ མ་མ ཨཱ་ཡུ་མེ་ཝ, ཨ་ཐ ཁོ ཨ་ཉྙ་མྤི ས་བྦ་ཉྙེ་ཡྻཾ ཛཱ་ནཱ་སི, ན ཏུ་ཡ྄ཧཾ ཨ་ཝི་དི་ཏཾ ནཱ་མ ཨ་ཏྠི. ཏ་ཐཱ ཧི བུ་དྡྷོ ས་མྨཱ་ས་མྦུ་དྡྷོ ཏུ་ཝཾ. ནོ ཙེ ཀ་ཐ་མ་ཡ་མ་ཏྠོ ཉཱ་ཏོ? ཏ་ཐཱ ཧི ས་མྨཱ་ས་མྦུ་དྡྷ་ཏྟཱ ཨེ་ཝ ཏེ ཨ་ཡཾ ཛ་ལི་ཏོ ཛོ་ཏ་མཱ་ནོ ཨཱ་ནུ་བྷཱ་ཝོ ཨོ་བྷཱ་ས་ཡཾ ས་བྦ་མྤི བྲ་ཧྨ་ལོ་ཀཾ ཨོ་བྷཱ་སེ་ནྟོ དི་བྦ་མཱ་ནོ ཏི་ཊྛ་ཏཱིཏི ས་ཏྠུ ཨ་ས་མ་ས་མ་ཏཾ པ་ཝེ་དེ་སི.
པ་ཐ་ཝ་ཏྟེ་ནཱཏི པ་ཐ་ཝཱི་ཨ་ཏྟེ་ན. ཏེ་ནཱ་ཧ ‘‘པ་ཐ་ཝཱི་ས་བྷཱ་ཝེ་ནཱ’’ཏི. ཨེ་ཏྠ ཙ ཡ་སྨཱ – ‘‘ས་བྦ་ས་ངྑཱ་ར་ས་མ་ཐོ་ཏི’’ཨཱ་དི་ནཱ (མ་ཧཱ་ཝ. ༧; དཱི. ནི. ༢.༦༤, ༦༧; མ. ནི. ༡.༢༨༡; སཾ. ནི. ༡.༡༧༢) སཱ་དྷཱ་ར་ཎ་ཏོ, ‘‘ཡ་ཏྠ ནེ་ཝ པ་ཐ་ཝཱི’’ཏི ཨ་སཱ་དྷཱ་ར་ཎ་ཏོ ཙ པ་ཐ་ཝི་ཡཱ ཨ་ས་བྷཱ་ཝེ་ན ནི་བྦཱ་ན་སྶ ག་ཧེ་ཏ་བྦ་ཏཱ ཨ་ཏྠི, ཏཾ ནི་ཝ་ཏྟེ་ཏྭཱ པ་ཐ་ཝི་ཡཱ ཨ་ན་ཉྙ་སཱ་དྷཱ་ར་ཎཾ ས་བྷཱ་ཝཾ ག་ཧེ་ཏུཾ ‘‘པ་ཐ་ཝི་ཡཱ པ་ཐ་ཝ་ཏྟེ་ནཱ’’ཏི ཝུ་ཏྟཾ. ནཱ་པ་ཧོ་སིནྟི ན པཱ་པུ་ཎིཾ. ཨི་དྷ པ་ཐ་ཝི་ཡཱ པཱ་པུ་ཎ་ནཾ ནཱ་མ ‘‘ཨེ་ཏཾ མ་མཱ’’ཏི་ཨཱ་དི་ནཱ ག་ཧ་ཎ་ནྟི ཨཱ་ཧ ‘‘ཏ་ཎྷཱ་དི་ཊྛི་མཱ་ན་གྒཱ་ཧེ་ཧི ན ག་ཎྷི’’ནྟི.
ཝཱ་དི་ཏཱ་ཡཱཏི ཝཱ་ད་སཱི་ལ་ཏཱ་ཡ. ས་བྦ་ནྟི ཨ་ཀྑ་རཾ ནི་དྡི་སི་ཏྭཱཏི ‘‘ས་བྦཾ ཁོ ཨ་ཧཾ བྲ་ཧྨེ’’ཏི་ཨཱ་དི་ནཱ བྷ་ག་ཝ་ཏཱ ཝུ་ཏྟཾ ས་བྦ-ས་དྡཾ – ‘‘ས་ཙེ ཁོ ཏེ མཱ་རི་ས ས་བྦ་སྶ ས་བྦ་ཏྟེ་ན ཨ་ན་ནུ་བྷཱུ་ཏ’’ནྟི པ་ཙྩ་ནུ་བྷཱ་ས་ན་ཝ་སེ་ན ནི་དྡི་སི་ཏྭཱ. ཨ་ཀྑ་རེ དོ་སཾ ག་ཎྷ་ནྟོཏི བྷ་ག་ཝ་ཏཱ ས་ཀྐཱ་ཡ་ས་བྦཾ ས་ནྡྷཱ་ཡ ས་བྦ-ས་དྡེ ག་ཧི་ཏེ ས་བྦ་ས་བྦ་ཝ་སེ་ན ཏ་ད་ཏྠ་པ་རི་ཝ་ཏྟ་ནེ་ན ས་བྦ-ས་དྡ་ཝ་ཙ་ནཱི་ཡ་ཏཱ་སཱ་མ་ཉྙེ་ན ཙ དོ་སཾ ག་ཎྷ་ནྟོ. ཏེ་ནཱ་ཧ ‘‘ས་ཏྠཱ པ་ནཱ’’ཏི་ཨཱ་དི. ཏ་ཏྠ ཡ་དི ས་བྦཾ ཨ་ན་ནུ་བྷཱུ་ཏཾ ‘‘ན་ཏྠི ས་བྦ’’ནྟི ལོ་ཀེ ཨ་ན་ཝ་སེ་སཾ པུ་ཙྪ་ཏི. ས་ཙེ ས་བྦ་སྶ ས་བྦ་ཏྟེ་ན ཨ་ན་ཝ་སེ་ས་ས་བྷཱ་ཝེ་ན ཨ་ན་ནུ་བྷཱུ་ཏཾ ཨ་པྤ་ཏྟཾ, ཏཾ ག་ག་ན་ཀུ་སུ་མཾ ཝི་ཡ ཀི་ཉྩི ན སི་ཡཱ. ཨ་ཐ་སྶ ཨ་ན་ནུ་བྷཱུ་ཏཾ ཨ་ཏྠཱིཏི ཨ་སྶ ས་བྦ་ཏྟེ་ན ཨ་ན་ནུ་བྷཱུ་ཏཾ ཡ་དི ཨ་ཏྠི, ‘‘ས་བྦ’’ནྟི ཨི་དཾ ཝ་ཙ་ནཾ མི་ཙྪཱ, ས་བྦཾ ནཱ་མ ཏཾ ན ཧོ་ཏཱི་ཏི ཨ་དྷི་པྤཱ་ཡོ. ཏེ་ནཱ་ཧ ‘‘མཱ ཧེ་ཝ ཏེ རི་ཏྟ་ཀ་མེ་ཝཱ’’ཏི་ཨཱ་དི.
ཨ་ཧཾ ས་བྦ་ཉྩ ཝ་ཀྑཱ་མི, ཨ་ན་ནུ་བྷཱུ་ཏ་ཉྩ ཝ་ཀྑཱ་མཱིཏི ཨ་ཧཾ ‘‘ས་བྦ’’ནྟི ཙ ཝ་ཀྑཱ་མི, ‘‘ཨ་ན་ནུ་བྷཱུ་ཏ’’ནྟི ཙ ཝ་ཀྑཱ་མི, ཨེ་ཏྠ ཀོ དོ་སོ་ཏི ཨ་དྷི་པྤཱ་ཡོ. ཀཱ་ར་ཎཾ ཨཱ་ཧ་ར་ནྟོཏི ས་བྦ་སྶ ས་བྦ་ཏྟེ་ན ཨ་ན་ནུ་བྷཱུ་ཏ་སྶ ཨ་ཏྠི་བྷཱ་ཝེ ཀཱ་ར་ཎཾ ནི་དྡི་ས་ནྟོ. ཝི་ཛཱ་ནི་ཏ་བྦནྟི མ་གྒ་ཕ་ལ་པ་ཙྩ་ཝེ་ཀྑ་ཎ་ཉཱ་ཎེ་ཧི ཝི་སེ་ས་ཏོ ས་བྦ་ས་ངྑ་ཏ་ཝི་སི་ཊྛ་ཏཱ་ཡ ཛཱ་ནི་ཏ་བྦཾ. ཨ་ནི་ད་སྶ་ནནྟི ཨི་དཾ ནི་བྦཱ་ན་སྶ ས་ནི་ད་སྶ་ན་དུ་ཀེ དུ་ཏི་ཡ་པ་ད་ས་ཧི་ཏ་ཏཱ་ད་སྶ་ན་ནྟི ཨ་དྷི་པྤཱ་ཡེ་ན ‘‘ཙ་ཀྑུ་ཝི་ཉྙཱ་ཎ་སྶ ཨཱ་པཱ་ཐཾ ཨ་ནུ་པ་ག་མ་ན་ཏོ ཨ་ནི་ད་སྶ་ནཾ ནཱ་མཱ’’ཏི ཝུ་ཏྟཾ. ས་བྦ་ས་ངྑ་ཏ་ཝི་དྷུ་ར་ཏཱ་ཡ ཝཱ ན་ཏྠི ཨེ་ཏ་སྶ ནི་ད་སྶ་ན་ནྟི ཨ་ནི་ད་སྶ་ནཾ. ན་ཏྠི ཨེ་ཏ་སྶ ཨ་ནྟོ་ཏི ཨ་ན་ནྟཾ. ཏེ་ན ཝུ་ཏྟཾ ‘‘ཏ་ཡི་ད’’ནྟི་ཨཱ་དི.
བྷཱུ་ཏཱ་ནཱིཏི པ་ཙྩ་ཡ་ས་མྦྷཱུ་ཏཱ་ནི. ཨ་ས་མྦྷཱུ་ཏནྟི པ་ཙྩ་ཡེ་ཧི ཨ་ས་མྦྷཱུ་ཏཾ, ནི་བྦཱ་ན་ནྟི ཨ་ཏྠོ. ཨ་པ་བྷ་སྶ་ར་བྷཱ་ཝ་ཧེ་ཏཱུ་ནཾ ས་བྦ་སོ ཨ་བྷཱ་ཝཱ ས་བྦ་ཏོ པ་བྷཱ་ཏི ས་བྦ་ཏོ་པ་བྷཾ. ཏེ་ནཱ་ཧ ‘‘ནི་བྦཱ་ན་ཏོ ཧཱི’’ཏི་ཨཱ་དི. ཏ་ཐཱ ཧི ཝུ་ཏྟཾ – ‘‘ཏ་མོ ཏ་ཏྠ ན ཝི་ཛྫ་ཏཱི’’ཏི. (ནེ་ཏྟི. ༡༠༤) པ་བྷཱུ་ཏ་མེ་ཝཱཏི པ་ཀ་ཊྛ་བྷཱ་ཝེ་ན ཨུ་ཀྐ་ཊྛ་བྷཱ་ཝེ་ན ཝི་ཛྫ་མཱ་ན་མེ་ཝ. ཨ་རཱུ་པཱི་བྷཱ་ཝེ་ན ཨ་དེ་སི་ཀ་ཏྟཱ ས་བྦ་ཏོ པ་བྷ་ཝ་ཏི ཝི་ཛྫ་ཏཱི་ཏི ས་བྦ་ཏོ་པ་བྷཾ. ཏེ་ནཱ་ཧ ‘‘པུ་ར་ཏྠི་མ་དི་སཱ་དཱི་སཱུ’’ཏི་ཨཱ་དི. པ་ཝི་ས་ནྟི ཨེ་ཏྠཱ་ཏི པ་ཝི་སཾ, ཏ་དེ་ཝ ས-ཀཱ་ར་སྶ བྷ-ཀཱ་རཾ, ཝི-ཀཱ་ར་སྶ ཙ ལོ་པཾ ཀ་ཏྭཱ ཝུ་ཏྟཾ ‘‘པ་བྷ’’ནྟི. ཏེ་ནཱ་ཧ ‘‘ཏི་ཏྠ་སྶ ནཱ་མ’’ནྟི. ཝཱ་དཾ པ་ཏི་ཊྛ་པེ་སཱིཏི ཨེ་ཝཾ མ་ཡཱ ས་བྦ་ཉྩ ཝུ་ཏྟཾ, ཨ་ན་ནུ་བྷཱུ་ཏ་ཉྩ ཝུ་ཏྟཾ, ཏ་ཏྠ ཡཾ ཏ་ཡཱ ཨ་དྷི་པྤཱ་ཡཾ ཨ་ཛཱ་ན་ནྟེ་ན ས་ཧ་སཱ ཨ་པྤ་ཊི་ས་ངྑཱ་ཡ དོ་ས་གྒ་ཧ་ཎཾ, ཏཾ མི་ཙྪཱ་ཏི བྲ་ཧྨཱ་ནཾ ནི་གྒ་ཎྷ་ནྟོ བྷ་ག་ཝཱ ཨ་ཏྟ་ནོ ཝཱ་དཾ པ་ཏི་ཊྛ་པེ་སི.
ག་ཧི་ཏ་ག་ཧི་ཏནྟི ‘‘ཨི་དཾ ནི་ཙྩ’’ནྟི་ཨཱ་དི་ནཱ ག་ཧི་ཏ་ག་ཧི་ཏཾ གཱ་ཧཾ. ཏ་ཏྠ ཏ་ཏྠ དོ་ས་ད་སྶ་ན་མུ་ཁེ་ན ནི་གྒ་ཎྷ་ནྟེ་ན ས་ཏྠཱ་རཱ ཝི་སྶ་ཛྫཱ་པི་ཏོ ཀི་ཉྩི ག་ཧེ་ཏ་བྦཾ ཨ་ཏྟ་ནོ པ་ཊི་ས་ར་ཎཾ ཨ་དི་སྭཱ པ་རཱ་ཛ་ཡཾ པ་ཊི་ཙྪཱ་དེ་ཏུཾ ལ་ལི༹་ཏ་ཀཾ་ཀཱ་ཏུ་ཀཱ་མོ ཝཱ་དཾ པ་ཧཱ་ཡ ཨི་དྡྷི་ཡཱ པཱ་ཊི་ཧཱ་རི་ཡ་ལཱི་ལ༹ཾ ད་སྶེ་ཏུ་ཀཱ་མོ. ཡ་དི ས་ཀྐོ་སི མ་ཡ྄ཧཾ ཨ་ནྟ་ར་དྷཱ་ཡི་ཏུཾ, ན པ་ན ས་ཀྑི་སྶ་སཱི་ཏི ཨ་དྷི་པྤཱ་ཡོ. མཱུ་ལ་པ་ཊི་ས་ནྡྷིཾ ག་ནྟུ་ཀཱ་མོཏི ཨ་ཏྟ་ནོ པཱ་ཀ་ཏི་ཀེ་ན ཨ་ཏྟ་བྷཱ་ཝེ་ན ཋཱ་ཏུ་ཀཱ་མོ. སོ ཧི པ་ཊི་ས་ནྡྷི་ཀཱ་ལེ ནི་བྦ་ཏྟ་ས་དི་ས་ཏཱ་ཡ མཱུ་ལ་པ་ཊི་ས་ནྡྷཱི་ཏི ཝུ་ཏྟོ. ཨ་ཉྙེ་སནྟི ཧེ་ཊྛཱ ཨ་ཉྙ་ཀཱ་ཡི་ཀཱ་ནཾ བྲ་ཧྨཱུ་ནཾ. ན ཨ་དཱ་སི ཨ་བྷི་ས་ངྑ་ཏ་ཀཱ་ཡེ་ནེ་ཝཱ་ཡཾ ཏི་ཊྛ་ཏུ, ན པཱ་ཀ་ཏི་ཀ་རཱུ་པེ་ནཱ་ཏི ཙི་ཏྟཾ ཨུ་པྤཱ་དེ་སི. ཏེ་ན སོ ཨ་བྷི་ས་ངྑ་ཏ་ཀཱ་ཡཾ ཨ་པ་ནེ་ཏུཾ ཨ་ཝི་ས་ཧ་ནྟོ ཨ་ཏྟ་བྷཱ་ཝ་པ་ཊི་ཙྪཱ་ད་ཀཾ ཨ་ནྡྷ་ཀཱ་རཾ ནི་མྨི་ནི་ཏུཾ ཨཱ་ར་བྷི. ས་ཏྠཱ ཏཾ ཏ་མཾ ཝི་དྡྷཾ་སེ་ཏི. ཏེ་ན ཝུ་ཏྟཾ ‘‘མཱུ་ལ་པ་ཊི་ས་ནྡྷིཾ ཝཱ’’ཏི་ཨཱ་དི.
བྷ་ཝེ་ཝཱ་ཧནྟི བྷ་ཝེ ཨེ་ཝ ཨ་ཧཾ. ཨ་ཡ་ཉྩ ཨེ་ཝ-ས་དྡོ ཨ་ཊྛཱ་ན་པ་ཡུ་ཏྟོ་ཏི ད་སྶེ་ནྟོ ཨཱ་ཧ ‘‘ཨ་ཧཾ བྷ་ཝེ བྷ་ཡཾ དི་སྭཱ་ཡེ་ཝཱ’’ཏི, ས་བྦ་སྨིཾ བྷ་ཝེ ཛཱ་ཏི་ཨཱ་དི་བྷ་ཡཾ ཉཱ་ཎ་ཙ་ཀྑུ་ནཱ ཡཱ་ཐཱ་ཝ་ཏོ དི་སྭཱ. ས་ཏྟ་བྷ་ཝནྟི ས་ཏྟ་ས་ངྑཱ་ཏཾ བྷ་ཝཾ. ཀ་མྨ་བྷ་ཝ་པ་ཙྩ་ཡེ ཧི ཨུ་པ་པ་ཏྟི་བྷ་ཝེ ས་ཏྟ་ས་མ་ཉྙཱ. ཝི་བྷ་ཝནྟི ཝི་མུ་ཏྟིཾ. པ་རི་ཡེ་ས་མཱ་ན་མྤི ཨུ་པཱ་ཡ་སྶ ཨ་ན་དྷི་ག་ཏ་ཏྟཱ བྷ་ཝེ་ཡེ་ཝ དི་སྭཱ. བྷ་ཝ་ཉྩ ཝི་བྷ་ཝེ་སི་ནཾ ཝི་བྷ་ཝཾ ནི་བྦུ་ཏིཾ ཨེ་ས་མཱ་ནཱ་ནཾ ས་ཏྟཱ་ནཾ བྷ་ཝཾ, བྷ་ཝེ་སུ ཨུ་པྤ་ཏྟི་ཉྩ དི་སྭཱ་ཏི ཨེ་ཝཾ ཝཱ ཨེ་ཏྠ ཨ་ཏྠོ ད་ཊྛ་བྦོ. ན ཨ་བྷི་ཝ་དིནྟི ‘‘ཨ་ཧོ ཝ་ཏ སུ་ཁ’’ནྟི ཨེ་ཝཾ ཨ་བྷི་ཝ་དཱ་པ་ནཱ་ཀཱ་རཱ་བྷཱ་ཝ་ཏོ ན ཨ་བྷི་ནི་ཝི་སིཾ, ལ་ཀྑ་ཎ་ཝ་ཙ་ན་མེ་ཏཾ. གཱ་ཧ་ཏྠོ ཨེ་ཝ ཝཱ ཨ་བྷི་ཝཱ་ད-ས་དྡོ་ཏི ཨཱ་ཧ ‘‘ནཱ་བྷི་ཝ་དི’’ནྟི, ‘‘ན ག་ཝེ་སི’’ནྟི. བྷ་ཝགྒ་ཧ་ཎེ་ནེ་ཏྠ དུ་ཀྑ་ས་ཙྩཾ, ན་ནྡཱིག་ཧ་ཎེ་ན ས་མུ་ད་ཡ་ས་ཙྩཾ, ཝི་བྷ་ཝགྒ་ཧ་ཎེ་ན ནི་རོ་དྷ་ས་ཙྩཾ, ན་ནྡི་ཉྩ ན ཨུ་པཱ་དི་ཡི་ནྟི ཨི་མི་ནཱ མ་གྒ་ས་ཙྩཾ པ་ཀཱ་སི་ཏ་ནྟི ཨཱ་ཧ ‘‘ཨི་ཏི ཙ་ཏྟཱ་རི ས་ཙྩཱ་ནི པ་ཀཱ་སེ་ནྟོ’’ཏི. ཏ་དི་དཾ ཙ་ཏུ་ནྣཾ ཨ་རི་ཡ་ས་ཙྩཱ་ནཾ གཱ་ཐཱ་ཡ ཝི་བྷཱ་ཝ་ན་ད་སྶ་ནཾ. ས་ཏྠཱ པ་ན ཏེ་སཾ བྲ་ཧྨཱུ་ནཾ ཨ་ཛ྄ཛྷཱ་ས་ཡཱ་ནུ་རཱུ་པཾ ས་ཙྩཱ་ནི ཝི་ཏྠཱ་ར་ཏོ པ་ཀཱ་སེ་ནྟོ ཝི་པ་སྶ་ནཾ པཱ་པེ་ཏྭཱ ཨ་ར་ཧ་ཏྟེ་ན དེ་ས་ནཱ་ཡ ཀཱུ་ཊཾ ག་ཎྷི. ཏེ ཙ བྲ་ཧྨཱ་ནོ ཀེ་ཙི སོ་ཏཱ་པ་ཏྟི་ཕ་ལེ, ཀེ་ཙི ས་ཀ་དཱ་གཱ་མི་ཕ་ལེ, ཀེ་ཙི ཨ་ནཱ་གཱ་མི་ཕ་ལེ, ཀེ་ཙི ཨ་ར་ཧ་ཏྟེ ཙ པ་ཏི་ཊྛ་ཧིཾ་སུ. ཏེ་ན ཝུ་ཏྟཾ ‘‘ས་ཙྩཱ་ནི པ་ཀཱ་སེ་ནྟོ ས་ཏྠཱ དྷ་མྨཾ དེ་སེ་སཱི’’ཏི་ཨཱ་དི. ཨ་ཙྪ་རི་ཡ་ཛཱ་ཏཱཏི ས་ཉྫཱ་ཏ་ཙྪ་རི་ཡཱ. ས་མཱུ་ལཾ བྷ་ཝནྟི ཏ་ཎྷཱ་ཝི་ཛྫཱ་ཧི ས་མཱུ་ལཾ བྷ་ཝཾ.
༥༠༥. མ་མ ཝ་སཾ ཨ་ཏི་ཝ་ཏྟི་ཏཱ་ནཱིཏི ས་བྦ་སོ ཀཱ་མ་དྷཱ་ཏུ་ས་མ་ཏི་ཀྐ་མ་ན་པ་ཊི་པ་དཱ་ཡ མ་ཡ྄ཧཾ ཝི་ས་ཡཾ ཨ་ཏི་ཀྐ་མི་ཏཱ་ནི. ཀ་ཐཾ པ་ནཱ་ཡཾ ཏེ་སཾ ཨ་རི་ཡ་བྷཱུ་མི་ས་མོ་ཀྐ་མ་ནཾ ཛཱ་ནཱ་ཏཱི་ཏི? ན་ཡ་གྒཱ་ཧ་ཏོ – ‘‘ས་མ་ཎོ གོ་ཏ་མོ དྷ་མྨཾ དེ་སེ་ནྟོ སཾ་སཱ་རེ ཨཱ་དཱི་ན་ཝཾ, ནི་བྦཱ་ནེ ཙ ཨཱ་ནི་སཾ་སཾ པ་ཀཱ་སེ་ནྟོ ཝེ་ནེ་ཡྻ་ཛ་ནཾ ནི་བྦཱ་ནཾ དི་ཊྛ་མེ་ཝ ཀ་རོ་ཏི, ཏ་སྶ དེ་ས་ནཱ ཨ་ཝ་ཉྫྷཱ ཨ་མོ་གྷཱ ཨི་ནྡེ་ན ཝི་སྶ་ཊྛ་ཝ་ཛི་ར་ས་དི་སཱ, ཏ་སྶ ཙ ཨཱ་ཎཱ་ཡ ཋི་ཏཱ སཾ་སཱ་རེ ན དི་སྶ་ནྟེ་ཝཱ’’ཏི ན་ཡ་གྒཱ་ཧེ་ན ཨ་ནུ་མཱ་ནེ་ན ཛཱ་ནཱ་ཏི. ས་ཙེ ཏྭཾ ཨེ་ཝཾ ཨ་ནུ་བུ་དྡྷོཏི ཡ་ཐཱ ཏྭཾ པ་རེ་སཾ ས་ཙྩཱ་བྷི་ས་མྦོ་དྷཾ ཝ་ད་ཏི, ཨེ་ཝཾ ཏྭཾ ཨ་ཏྟ་ནོ ཨ་ནུ་རཱུ་པ་ཏོ ས་ཡ་མྦྷུ་ཉཱ་ཎེ་ན བུ་དྡྷོ དྷ་མྨཾ པ་ཊི་ཝི་ཛ྄ཛྷི་ཏྭཱ ཋི་ཏོ. ཏཾ དྷ་མྨཾ མཱ ཨུ་པ་ན་ཡ་སཱིཏི ཏ་ཡཱ པ་ཊི་ཝི་དྡྷ་དྷ་མྨཾ མཱ སཱ་ཝ་ཀ་པ་ཊི་ཝེ་དྷཾ པཱ་པེ་སི. ཨི་དནྟི ཨི་དཾ ཨ་ན་ནྟ་རཾ ཝུ་ཏྟཾ བྲ་ཧྨ་ལོ་ཀེ པ་ཏི་ཊྛཱ་ནཾ་ཡེ་ཝ ས་ནྡྷཱ་ཡ མཱ་རོ ཝ་ད་ཏི, ཏེ ད་སྶེ་ནྟོ ‘‘ཨ་ནུ་པྤ་ནྣེ ཧཱི’’ཏི་ཨཱ་དི་མཱ་ཧ. ཨ་པཱ་ཡ་པ་ཏི་ཊྛཱ་ནཾ པ་ན ཨཱ་ཛཱི་ཝ་ཀ་ནི་ག་ཎྛཱ་དི་པ་བྦ་ཛྫཾ ཨུ་པ་ག་ཏེ ཏི་ཏྠ་ཀ་རེ, ཡེ ཀེ་ཙི ཝཱ པ་བྦ་ཛི་ཏྭཱ མི་ཙྪཱ་པ་ཊི་པ་ནྣེ ཛ་ནེ ས་ནྡྷཱ་ཡ ཝ་ད་ཏི. ཨ་ནུ་པྤ་ནྣེཏི ཨ་ས་ཉྫཱ་ཏེ, ཨ་པྤ་ཏྟེ་ཏི ཨ་ཏྠོ. ཨ་ནུ་ལླ་པ་ན་ཏཱ་ཡཱཏི ཡ་ཐཱ མཱ་རོ ཨུ་པ་རི ཀི་ཉྩི ཨུ་ཏྟ་རཾ ལ་པི་ཏུཾ ན ས་ཀྐོ་ཏི, ཨེ་ཝཾ ཏ་ཐཱ ཨུ་ཏྟ་ར་བྷཱ་ས་ནེ་ན. ནི་མ་ནྟ་ན་ཝ་ཙ་ནེ་ནཱཏི ཝི་ཉྙཱ་པ་ན་ཝ་ཙ་ནེ་ན. བྲ་ཧྨཾ སེ་ཊྛཾ ནི་མ་ནྟ་ནཾ, བྲ་ཧྨུ་ནོ ཝཱ ནི་མ་ནྟ་ནཾ ཨེ་ཏྠ ཨ་ཏྠཱི་ཏི བྲ་ཧྨ་ནི་མ་ནྟ་ནི་ཀཾ, སུ་ཏྟཾ. ཡཾ པ་ནེ་ཏྠ ཨ་ཏྠ་ཏོ ཨ་ཝི་བྷ་ཏྟཾ, ཏཾ སུ་ཝི་ཉྙེ་ཡྻ་མེ་ཝ.
བྲ་ཧྨ་ནི་མ་ནྟ་ནི་ཀ་སུ་ཏྟ་ཝ་ཎྞ་ནཱ་ཡ ལཱི་ན་ཏྠ་པྤ་ཀཱ་ས་ནཱ ས་མ་ཏྟཱ.