༨. ཀོ་ས་མྦི་ཡ་སུ་ཏྟ་ཝ་ཎྞ་ནཱ
༤༩༡. ཏ་སྨཱཏི ཡ་སྨཱ ཀོ་ས་མྦ་རུ་ཀྑ་ཝ་ཏཱི, ཏ་སྨཱ ན་ག་རཾ ཀོ་ས་མྦཱི་ཏི་ས་ངྑ་མ་ག་མཱ་སི. ཀུ་ས་མྦ་སྶ ཝཱ ཨི་སི་ནོ ནི་ཝཱ་ས་བྷཱུ་མི ཀོ་ས་མྦཱི, ཏ་སྶཱ་ཝི་དཱུ་རེ བྷ་ཝ་ཏྟཱ ན་ག་རཾ ཀོ་ས་མྦཱི.
གྷོ་སི་ཏ་སེ་ཊྛི་ནཱ ཀཱ་རི་ཏེ ཨཱ་རཱ་མེཏི ཨེ་ཏྠ ཀོ གྷོ་སི་ཏ་སེ་ཊྛི, ཀ་ཐ་ཉྩཱ་ནེ་ན ཨཱ་རཱ་མོ ཀཱ་རི་ཏོ་ཏི ཨ་ནྟོ་ལཱི་ནཱ་ཡ ཙོ་ད་ནཱ་ཡ ཝི་སྶ་ཛྫ་ནེ ས་མུ་དཱ་ག་མ་ཏོ པ་ཊྛཱ་ཡ གྷོ་སི་ཏ་སེ་ཊྛིཾ ད་སྶེ་ཏུཾ ‘‘ཨ་དྡི་ལ་ར་ཊྛཾ ནཱ་མ ཨ་ཧོ་སཱི’’ཏི་ཨཱ་དི ཨཱ་ར་དྡྷཾ. ཀེ་དཱ་ར་པ་རི་ཙྪི་ནྣནྟི ཏ་ཏྠ ཏ་ཏྠ ཀེ་དཱ་ར་བྷཱུ་མི་ཡཱ པ་རི་ཙྪི་ནྣཾ. ག་ཙྪ་ནྟོཏི ཀེ་དཱ་ར་པཱ་ལི༹་ཡཱ ག་ཙྪ་ནྟོ. པ་ཧཱུ་ཏ་པཱ་ཡ་སནྟི པ་ཧཱུ་ཏ་ཏ་རཾ པཱ་ཡ་སཾ, ཏཾ པ་ན ག་རུ སི་ནི་དྡྷཾ ཨ་ནྟ་རཱ་མ་གྒེ ཨ་པྤཱ་ཧཱ་ར་ཏཱ་ཡ མ་ནྡ་ག་ཧ་ཎི་ཀོ ས་མཱ་ནོ ཛཱི་རཱ་པེ་ཏུཾ ནཱ་ས་ཀྑི. ཏེ་ནཱ་ཧ ‘‘ཛཱི་རཱ་པེ་ཏུཾ ཨ་ས་ཀྐོ་ནྟོ’’ཏི་ཨཱ་དི. ཡ་ས་ཝ་ཏི རཱུ་པ་ཝ་ཏི ཀུ་ལ་གྷ་རེ ནི་བྦ་ཏྟི. གྷོ་སི་ཏ་སེ་ཊྛི ནཱ་མ ཛཱ་ཏོཏི ཨེ་ཝ་མེ་ཏྠ ས་ངྑེ་པེ་ནེ་ཝ གྷོ་སི་ཏ་སེ་ཊྛི་ཝ་ཏྠུཾ ཀ་ཐེ་ཏི, ཝི་ཏྠཱ་རོ པ་ན དྷ་མྨ་པ་ད་ཝ་ཏྠུ་མྷི (དྷ. པ. ཨ་ཊྛ. ༡.སཱ་མཱ་ཝ་ཏཱི་ཝ་ཏྠུ) ཝུ་ཏྟ་ན་ཡེ་ནེ་ཝ ཝེ་དི་ཏ་བྦོ.
ཨུ་པ་སཾ་ཀ་པྤ་ན་ཝ་སེ་ནཱཏི ཨུ་པ་ས་ངྐ་པྤ་ན་ནི་ཡཱ་མེ་ན. ཨཱ་ཧཱ་ར་པ་རི་ཀྑཱི་ཎ་ཀཱ་ཡ་སྶཱཏི ཨཱ་ཧཱ་ར་ནི་མི་ཏྟ་པ་རི་ཀྑཱི་ཎ་ཀཱ་ཡ་སྶ, ཨཱ་ཧཱ་ར་ཀྑ་ཡེ་ན པ་རི་ཀྑཱི་ཎ་ཀཱ་ཡ་སྶཱ་ཏི ཨ་ཏྠོ. སུ་ཉྙཱ་གཱ་རེཏི ཛ་ན་ཝི་ཝི་ཏྟེ ཕཱ་སུ་ཀ་ཊྛཱ་ནེ.
ཀ་ལ་ཧ་སྶ པུ་བྦ་བྷཱ་གོ བྷ་ཎྜ་ནཾ ནཱ་མཱཏི ཀ་ལ་ཧ་སྶ ཧེ་ཏུ་བྷཱུ་ཏཱ པ་རི་བྷཱ་སཱ ཏཾ་ས་དི་སཱི ཙ ཨ་ནི་ཊྛ་ཀི་རི་ཡཱ བྷ་ཎྜ་ནཾ ནཱ་མ. ཧ་ཏྠ་པ་རཱ་མཱ་སཱ་དི་ཝ་སེ་ནཱཏི ཀུ་ཛ྄ཛྷི་ཏྭཱ ཨ་ཉྙ་མ་ཉྙ་སྶ ཧ་ཏྠེ ག་ཧེ་ཏྭཱ པ་རཱ་མ་ས་ན་ཨ་ཙྩ་ནྟ་བ་ནྡྷ་ནཱ་དི་ཝ་སེ་ན. ‘‘ཨ་ཡཾ དྷ་མྨོ’’ཏི་ཨཱ་དི་ནཱ ཝི་རུ་དྡྷ་ཝཱ་ད་བྷཱུ་ཏཾ ཨཱ་པ་ནྣཱ་ཏི ཝི་ཝཱ་དཱ་པ་ནྣཱ. ཏེ་ནཱ་ཧ ‘‘ཝི་རུ་དྡྷ་བྷཱུ་ཏ’’ནྟི་ཨཱ་དི. མུ་ཁ་ས་ནྣི་སྶི་ཏ་ཏཱ་ཡ ཝཱ་ཙཱ ཨི་དྷ ‘‘མུ་ཁ’’ནྟི ཨ་དྷི་པྤེ་ཏཱ་ཏི ཨཱ་ཧ ‘‘མུ་ཁ་ས་ཏྟཱི་ཧཱི་ཏི ཝཱ་ཙཱ་ས་ཏྟཱི་ཧཱི’’ཏི. ས་ཉྙ་ཏྟིནྟི ས་ཉྙཱ་པ་ནཾ ‘‘ཨ་ཡཾ དྷ་མྨོ, ཨ་ཡཾ ཝི་ན་ཡོ’’ཏི ས་ཉྙཱ་པེ་ཏ་བྦ་ཏཾ. ནི་ཛ྄ཛྷ་ཏྟིནྟི ཡཱ་ཐཱ་ཝ་ཏོ ཏ་སྶ ནི་ཛ྄ཛྷཱ་ནཾ. ཨ་ཊྛ་ཀ་ཐཱ་ཡཾ པ་ན ‘‘ས་ཉྙ་ཏྟི་ཝེ་ཝ་ཙ་ན་མེ་ཝེ་ཏ’’ནྟི ཝུ་ཏྟཾ.
ས་ཙེ ཧོ་ཏི དེ་སེ་སྶཱ་མཱིཏི སུ་བྦ་ཙ་ཏཱ་ཡ སི་ཀྑཱ་ཀཱ་མ་ཏཱ་ཡ ཙ ཨཱ་པ་ཏྟིཾ པ་སྶི. ན་ཏྠི ཏེ ཨཱ་པ་ཏྟཱིཏི ཨ་ནཱ་པ་ཏྟི་པ་ཀྑོ་པི ཨེ་ཏྠ ས་མྦྷ་ཝ་ཏཱི་ཏི ཨ་དྷི་པྤཱ་ཡེ་ནཱ་ཧ. སཱ པ་ནཱ་པ་ཏྟི ཨེ་ཝ. ཏེ་ནཱ་ཧ – ‘‘ཏ་སྶཱ ཨཱ་པ་ཏྟི་ཡཱ ཨ་ནཱ་པ་ཏྟི་དི་ཊྛི ཨ་ཧོ་སཱི’’ཏི.
༤༩༢. ཀ་ལ་ཧ་བྷ་ཎྜ་ན་ཝ་སེ་ནཱཏི ཀ་ལ་ཧ་བྷ་ཎྜ་ན་སྶ ནི་མི་ཏྟ་ཝ་སེ་ན. ཡ་ཐཱ་ནུ་ས་ནྡྷི་ནཱ་ཝ ག་ཏནྟི ཀ་ལ་ཧ་བྷ་ཎྜ་ནཱ་ནཾ སཱ་ར་ཎཱི་ཡ་དྷ་མྨ་པ་ཊི་པ་ཀྑ་ཏྟཱ ཏ་དུ་པ་ས་མཱ་ཝ་ཧཱ ཧེ་ཊྛཱ་དེ་ས་ནཱ་ཡ ཨ་ནུ་རཱུ་པཱ་ཝ ཨུ་པ་རི་དེ་ས་ནཱ་ཏི ཡ་ཐཱ་ནུ་ས་ནྡྷི་ནཱ་ཝ ཨུ་པ་རི་སུ་ཏྟ་དེ་ས་ནཱ པ་ཝ་ཏྟཱ. ས་རི་ཏ་བྦ་ཡུ་ཏྟཱཏི ཨ་ནུ་སྶ་ར་ཎཱ་ར་ཧཱ. ས་བྲ་ཧྨ་ཙཱ་རཱི་ནནྟི ས་ཧ་དྷ་མྨི་ཀཱ་ནཾ. པི་ཡཾ པི་ཡཱ་ཡི་ཏ་བྦཾ ཀ་རོ་ནྟཱི་ཏི པི་ཡ་ཀ་ར་ཎཱ. ག་རུཾ ག་རུ་ཊྛཱ་ནི་ཡཾ ཀ་རོ་ནྟཱི་ཏི ག་རུ་ཀ་ར་ཎཱ. ས་ངྒ་ཧ་ཎ་ཏྠཱ་ཡཱཏི ས་ངྒ་ཧ་ཝ་ཏྠུ་ཝི་སེ་ས་བྷཱ་ཝ་ཏོ ས་བྲ་ཧྨ་ཙཱ་རཱི་ནཾ ས་ངྒ་ཎྷ་ནཱ་ཡ སཾ་ཝ་ཏྟ་ནྟཱི་ཏི ས་མྦ་ནྡྷོ. ཨ་ཝི་ཝཱ་ད་ན་ཏྠཱ་ཡཱཏི ས་ངྒ་ཧ་ཝ་ཏྠུ་བྷཱ་ཝ་ཏོ ཨེ་ཝ ན ཝི་ཝཱ་ད་ནཱ་ཡ. ས་ཏི ཙ ཨ་ཝི་ཝཱ་ད་ན་ཧེ་ཏུ་བྷཱུ་ཏ་ས་ངྒཱ་ཧ་ཎ་ཏྟེ ཏེ་སཾ ཝ་སེ་ན ས་བྲ་ཧྨ་ཙཱ་རཱི་ནཾ ས་མ་གྒ་བྷཱ་ཝོ བྷེ་དཱ་བྷཱ་ཝོ སི་དྡྷོ་ཡེ་ཝཱ་ཏི ཨཱ་ཧ ‘‘སཱ་མ་གྒི་ཡཱ’’ཏི་ཨཱ་དི. མི་ཛྫ་ཏི སི་ནི་ཡ྄ཧ་ཏི ཨེ་ཏཱ་ཡཱ་ཏི མེ་ཏྟཱ, མི་ཏྟ་བྷཱ་ཝོ, མེ་ཏྟཱ ཨེ་ཏ་སྶ ཨ་ཏྠཱི་ཏི མེ་ཏྟཾ, ཀཱ་ཡ་ཀ་མྨཾ. ཏཾ པ་ན ཡ་སྨཱ མེ་ཏྟཱ་ས་ཧ་ག་ཏ་ཙི་ཏྟ་ས་མུ་ཊྛཱ་ནཾ, ཏ་སྨཱ ཝུ་ཏྟཾ ‘‘མེ་ཏྟ་ཙི་ཏྟེ་ན ཀ་ཏྟ་བྦཾ ཀཱ་ཡ་ཀ་མྨ’’ནྟི. ཨི་མཱ་ནི མེ་ཏྟ་ཀཱ་ཡ་ཀ་མྨཱ་དཱི་ནི བྷི་ཀྑཱུ་ནཾ ཝ་སེ་ན ཨཱ་ག་ཏཱ་ནི པཱ་ཋེ བྷི་ཀྑཱུ་ཧི པ་ཙྩུ་པ་ཊྛ་པེ་ཏ་བྦ་ཏཱ་ཝ་ཙ་ན་ཏོ. བྷི་ཀྑུགྒ་ཧ་ཎེ་ནེ་ཝ ཙེ་ཏྠ སེ་ས་ས་ཧ་དྷ་མྨི་ཀཱ་ན་མྤི ག་ཧ་ཎཾ ད་ཊྛ་བྦཾ. བྷི་ཀྑུ་ནོ ས་བྦ་མྤི ཨ་ན་ཝ་ཛྫ་ཀཱ་ཡ་ཀ་མྨཾ ཨཱ་བྷི་ས་མཱ་ཙཱ་རི་ཀ་ཀ་མྨ་ནྟོ་ག་དྷ་མེ་ཝཱ་ཏི ཨཱ་ཧ – ‘‘མེ་ཏྟ་ཙི་ཏྟེ་ན…པེ… ཀཱ་ཡ་ཀ་མྨཾ ནཱ་མཱ’’ཏི. ཝ་ཏྟ་ཝ་སེ་ན པ་ཝ་ཏྟི་ཡ་མཱ་ནཱ ཙེ་ཏི་ཡ་བོ་དྷཱི་ནཾ ཝ་ནྡ་ནཱ མེ་ཏྟཱ་ས་དི་སཱི་ཏི ཀ་ཏྭཱ ཏ་ད་ཏྠཱ་ཡ ག་མ་ནཾ མེ་ཏྟཾ ཀཱ་ཡ་ཀ་མྨ་ནྟི ཝུ་ཏྟཾ. ཨཱ་དི-ས་དྡེ་ན ཙེ་ཏི་ཡ་བོ་དྷི་བྷི་ཀྑཱུ་སུ ཝུ་ཏྟཱ་ཝ་སེ་ས་ཨ་པ་ཙཱ་ཡ་ནཱ་དིཾ མེ་ཏྟཱ་ཝ་སེ་ན པ་ཝ་ཏྟཾ ཀཱ་ཡི་ཀཾ ཀི་རི་ཡཾ ས་ངྒ་ཎྷཱ་ཏི.
ཏེ་པི་ཊ་ཀ་མྤི བུ་དྡྷ་ཝ་ཙ་ནཾ ཀ་ཐི་ཡ་མཱ་ན་ནྟི ཨ་དྷི་པྤཱ་ཡོ. ཏཱི་ཎི སུ་ཙ་རི་ཏཱ་ནི ཀཱ་ཡ་ཝ་ཙཱི་མ་ནོ་སུ་ཙ་རི་ཏཱ་ནི. ཙི་ནྟ་ནནྟི ཨི་མི་ནཱ ཨེ་ཝཾ ཙི་ནྟ་ན་མ་ཏྟ་མྤི མེ་ཏྟཾ མ་ནོ་ཀ་མྨཾ, པ་གེ་ཝ ཝི་དྷི་པ་ཊི་པ་ནྣཱ བྷཱ་ཝ་ནཱ་ཏི ད་སྶེ་ཏི.
ས་ཧཱ་ཡ་བྷཱ་ཝཱུ་པ་ག་མ་ནཾ ཏེ་སཾ པུ་ར་ཏོ. ཏེ་སུ ཀ་རོ་ནྟེ་སུ་ཡེ་ཝ ཧི ས་ཧཱ་ཡ་བྷཱ་ཝཱུ་པ་ག་མ་ནཾ ས་མྨུ་ཁཱ ཀཱ་ཡ་ཀ་མྨཾ ནཱ་མ ཧོ་ཏི. ཀེ་ཝ་ལཾ ‘‘དེ་ཝོ’’ཏི ཨ་ཝ་ཏྭཱ གུ་ཎེ་ཧི ཐི་ར་བྷཱ་ཝ་ཛོ་ཏ་ནཾ དེ་ཝ་ཏྠེ་རོཏི ཝ་ཙ་ནཾ པ་གྒ་ཡ྄ཧ ཝ་ཙ་ནཾ. མ་མ་ཏྟ་བོ་དྷ་ནཾ ཝ་ཙ་ནཾ མ་མཱ་ཡ་ན་ཝ་ཙ་ནཾ. ཨེ་ཀ་ནྟ་ཏི་རོ་ཀྑ་ཀ་སྶ མ་ནོ་ཀ་མྨ་སྶ ས་མྨུ་ཁ་ཏཱ ནཱ་མ ཝི་ཉྙ་ཏྟི་ས་མུ་ཊྛཱ་པ་ན་ཝ་སེ་ནེ་ཝ ཧོ་ཏི, ཏ་ཉྩ ཁོ ལོ་ཀེ ཀཱ་ཡ་ཀ་མྨ་ནྟི པཱ་ཀ་ཊཾ པ་ཉྙཱ་ཏཾ ཧ་ཏྠ་ཝི་ཀཱ་རཱ་དིཾ ཨ་ནཱ་མ་སི་ཏྭཱ ཨེ་ཝ ད་སྶེ་ནྟོ ‘‘ན་ཡ་ནཱ་ནི ཨུ་མྨཱི་ལེ་ཏྭཱ’’ཏི ཨཱ་ཧ. ཏ་ཐཱ ཧི ཝ་ཙཱི་བྷེ་ད་ཝ་སེ་ན པ་ཝ་ཏྟི ན ག་ཧི་ཏཱ.
ལ་དྡྷ་པ་ཙྩ་ཡཱ ལ་བྦྷ་ནྟཱི་ཏི ལཱ་བྷཱ, པ་རི་སུ་དྡྷཱ་ག་མ་ནཱ པ་ཙྩ་ཡཱ. ན ས་མྨཱ ག་ཡ྄ཧ་མཱ་ནཱ་པི ན དྷ་མྨ་ལ་དྡྷཱ ནཱ་མ ན ཧོ་ནྟཱི་ཏི ཏ་པྤ་ཊི་སེ་དྷ་ན་ཏྠཾ པཱ་ལི༹་ཡཾ ‘‘དྷ་མྨ་ལ་དྡྷཱ’’ཏི ཝུ་ཏྟཾ. དེ་ཡྻཾ ད་ཀྑི་ཎེ་ཡྻ་ཉྩ ཨ་པྤ་ཊི་ཝི་བྷ་ཏྟཾ ཀ་ཏྭཱ བྷུ་ཉྫ་ཏཱི་ཏི ཨ་པྤ་ཊི་ཝི་བྷ་ཏྟ་བྷོ་གཱི. ཏེ་ནཱ་ཧ ‘‘དྭེ པ་ཊི་ཝི་བྷ་ཏྟཱ་ནི ནཱ་མཱ’’ཏི་ཨཱ་དི. ཙི་ཏྟེ་ན ཝི་བྷ་ཛ་ནནྟི ཨེ་ཏེ་ན – ‘‘ཙི་ཏྟུ་པྤཱ་ད་མ་ཏྟེ་ན་པི ཝི་བྷ་ཛ་ནཾ པ་ཊི་ཝི་བྷ་ཏྟཾ ནཱ་མ, པ་གེ་ཝ པ་ཡོ་ག་ཏོ’’ཏི ད་སྶེ་ཏི.
པ་ཊི་གྒ་ཎྷ་ནྟོ་ཝ…པེ… པ་སྶ་ཏཱིཏི ཨི་མི་ནཱ ཨཱ་ག་མ་ན་ཏོ པ་ཊྛཱ་ཡ སཱ་དྷཱ་ར་ཎ་བུ་དྡྷིཾ ཨུ་པ་ཊྛཱ་པེ་ཏི. ཨེ་ཝཾ ཧི་སྶ སཱ་དྷཱ་ར་ཎ་བྷོ་གི་ཏཱ སུ་ཀ་རཱ, སཱ་ར་ཎཱི་ཡ་དྷ་མྨོ ཙ་སྶ སུ་པཱུ་རོ ཧོ་ཏི. ཝ་ཏྟནྟི སཱ་ར་ཎཱི་ཡ་དྷ་མྨ་པཱུ་ར་ཎ་ཝ་ཏྟཾ.
དཱ་ཏ་བྦནྟི ཨ་ཝ་སྶཾ དཱ་ཏ་བྦཾ. ཨ་ཏྟ་ནོ པ་ལི་བོ་དྷ་ཝ་སེ་ན ས་པ་ལི་བོ་དྷ་སྶེ་ཝ པཱུ་རེ་ཏུཾ ཨ་ས་ཀྐུ་ཎེ་ཡྻ་ཏྟཱ ཨོ་དི་སྶ་ཀ་དཱ་ན་མྤི་སྶ ན ས་བྦ་ཏྠ ཝཱ་རི་ཏ་ནྟི ད་སྶེ་ཏུཾ ‘‘ཏེ་ན པ་ནཱ’’ཏི་ཨཱ་དི ཝུ་ཏྟཾ. ཨ་དཱ་ཏུ་མྤཱིཏི པི-ས་དྡེ་ན དུ་སྶཱི་ལ་སྶ་པི ཨ་ཏྠི་ཀ་སྶ ས་ཏི ས་མྦྷ་ཝེ དཱ་ཏ་བྦ་ནྟི ད་སྶེ་ཏི. དཱ་ན་ཉྷི ནཱ་མ ཀ་སྶ་ཙི ན ནི་ཝཱ་རི་ཏཾ.
མ་ཧཱ་གི་རི་གཱ་མོ ནཱ་མ ནཱ་ག་དཱི་པ་པ་སྶེ ཨེ་ཀོ གཱ་མོ. སཱ་ར་ཎཱི་ཡ་དྷ་མྨོ མེ, བྷ་ནྟེ, པཱུ་རི་ཏོ…པེ… པ་ཏྟ་ག་ཏཾ ན ཁཱི་ཡ་ཏཱིཏི ཨཱ་ཧ ཏེ་སཾ ཀུ་ཀྐུ་ཙྩ་ཝི་ནོ་ད་ན་ཏྠཾ. ཏཾ སུ་ཏྭཱ ཏེ་པི ཐེ་རཱ ‘‘སཱ་ར་ཎཱི་ཡ་དྷ་མྨ་པཱུ་ར་ཀོ ཨ་ཡ’’ནྟི ཨ་བྦྷ་ཉྙཾ་སུ. ད་ཧ་ར་ཀཱ་ལེ ཨེ་ཝ ཀི་རེ་ས སཱ་ར་ཎཱི་ཡ་དྷ་མྨ་པཱུ་ར་ཀོ ཨ་ཧོ་སི, ཏ་སྶཱ ཙ པ་ཊི་པ་ཏྟི་ཡཱ ཨ་ཝ་ཉྫྷ་བྷཱ་ཝ་ཝི་བྷཱ་ཝ་ན་ཏྠཾ ‘‘ཨེ་ཏེ མ་ཡ྄ཧཾ པཱ་པུ་ཎི་སྶ་ནྟཱི’’ཏི ཨཱ་ཧ.
ཨ་ཧཾ སཱ་ར་ཎཱི་ཡ་དྷ་མྨ་པཱུ་རི་ཀཱ, མ་མ པ་ཏྟ་པ་རི་ཡཱ་པ་ནྣེ་ན་པི ས་བྦཱ་པི་མཱ བྷི་ཀྑུ་ནི་ཡོ ཡཱ་པེ་སྶ་ནྟཱི་ཏི ཨཱ་ཧ ‘‘མཱ ཏུ་མྷེ ཏེ་སཾ ག་ཏ་བྷཱ་ཝཾ ཙི་ནྟ་ཡི་ཏྠཱ’’ཏི.
ས་ཏྟ་སུ ཨཱ་པ་ཏྟི་ཀྑ་ནྡྷེ་སུ ཨཱ་དི་མྷི ཝཱ ཨ་ནྟེ ཝཱ, ཝེ་མ་ཛ྄ཛྷེཏི ཙ ཨི་དཾ ཨུ་དྡེ་སཱ་ག་ཏ་པཱ་ལི༹་ཝ་སེ་ན ཝུ་ཏྟཾ. ན ཧི ཨ་ཉྙོ ཀོ་ཙི ཨཱ་པ་ཏྟི་ཀྑ་ནྡྷཱ་ནཾ ཨ་ནུ་ཀྐ་མོ ཨ་ཏྠི. པ་རི་ཡ་ནྟེ ཚི་ནྣ་སཱ་ཊ་ཀོ ཝི་ཡཱཏི ཝ་ཏྠ་ནྟེ, ད་ས་ནྟེ ཝཱ ཚི་ནྣ་ཝ་ཏྠཾ ཝི་ཡ. ཁ་ཎྜནྟི ཁ་ཎྜ་ཝ་ནྟཾ, ཁ་ཎྜི་ཏཾ ཝཱ. ཚི་དྡནྟི ཨེ་ཏྠཱ་པི ཨེ་སེ་ཝ ན་ཡོ. ཝི་ས་བྷཱ་ག་ཝ་ཎྞེ་ན ཨུ་པ་ཌྜྷཾ, ཏ་ཏི་ཡ་བྷཱ་གཾ ཝཱ ས་མྦྷི་ནྣ་ཝ་ཎྞཾ ས་བ་ལཾ, ཝི་ས་བྷཱ་ག་ཝ་ཎྞེ་ཧེ་ཝ པ་ན བི་ནྡཱུ་ཧི ཨ་ནྟ་ར་ནྟ་རཱ ཝི་མི་སྶཾ ཀ་མྨཱ་སཾ, ཨ་ཡཾ ཨི་མེ་སཾ ཝི་སེ་སོ. ཏ་ཎྷཱ་དཱ་ས་བྱ་ཏོ མོ་ཙ་ནཝ་ཙ་ནེ་ནེ་ཝ ཏེ་སཾ སཱི་ལཱ་ནཾ ཝི་ཝ་ཊྚུ་པ་ནི་སྶ་ཡ་ཏ་མཱ་ཧ. བྷུ་ཛི་སྶ་བྷཱ་ཝ་ཀ་ར་ཎ་ཏོཏི ཨི་མི་ནཱ བྷུ་ཛི་སྶ་ཀ་རཱ་ནི བྷུ་ཛི་སྶཱ་ནཱི་ཏི ཨུ་ཏྟ་ར་པ་ད་ལོ་པེ་ནཱ་ཡཾ ནི་དྡེ་སོ་ཏི ད་སྶེ་ཏི. ཨ་ཝི་ཉྙཱུ་ནཾ ཨ་པྤ་མཱ་ཎ་ཏཱ་ཡ ‘‘ཝི་ཉྙུ་པྤ་ས་ཏྠཱ་ནཱི’’ཏི ཝུ་ཏྟཾ. ཏ་ཎྷཱ་དི་ཊྛཱི་ཧི ཨ་པ་རཱ་མ་ཊྛ་ཏྟཱཏི – ‘‘ཨི་མི་ནཱ་ཧཾ སཱི་ལེ་ན དེ་ཝོ ཝཱ བྷ་ཝི་སྶཱ་མི དེ་ཝ་ཉྙ་ཏ་རོ ཝཱ’’ཏི ཏ་ཎྷཱ་པ་རཱ་མཱ་སེ་ན – ‘‘ཨི་མི་ནཱ་ཧཾ སཱི་ལེ་ན དེ་ཝོ ཧུ་ཏྭཱ ཏ་ཏྠ ནི་ཙྩོ དྷུ་ཝོ ས་སྶ་ཏོ བྷ་ཝི་སྶཱ་མཱི’’ཏི དི་ཊྛི་པ་རཱ་མཱ་སེ་ན ཙ ཨ་པ་རཱ་མ་ཊྛ་ཏྟཱ. པ་རཱ་མ་ཊྛུནྟི ཙོ་དེ་ཏུཾ. སཱི་ལཾ ནཱ་མ ཨ་ཝི་པྤ་ཊི་སཱ་རཱ་དི་པཱ་ར་མྤ་རི་ཡེ་ན ཡཱ་ཝ་དེ་ཝ ས་མཱ་དྷི་ས་མྤཱ་ད་ན་ཏྠ་ནྟི ཨཱ་ཧ ‘‘ས་མཱ་དྷི་སཾ་ཝ་ཏྟ་ཀཱ་ནཱི’’ཏི. ས་མཱ་ན་བྷཱ་ཝོ སཱ་མ་ཉྙཾ, པ་རི་པུ་ཎྞ་ཙ་ཏུ་པཱ་རི་སུ་དྡྷི་བྷཱ་ཝེ་ན མ་ཛ྄ཛྷེ བྷི་ནྣ་སུ་ཝ་ཎྞ་སྶ ཝི་ཡ བྷེ་དཱ་བྷཱ་ཝ་ཏོ སཱི་ལེ་ན སཱ་མ་ཉྙཾ སཱི་ལ་སཱ་མ་ཉྙཾ, ཏཾ ག་ཏོ ཨུ་པ་ག་ཏོ་ཏི སཱི་ལ་སཱ་མ་ཉྙ་ག་ཏོ. ཏེ་ནཱ་ཧ ‘‘ས་མཱ་ན་བྷཱ་ཝཱུ་པ་ག་ཏ་སཱི་ལོ’’ཏི.
ཡཱ་ཡཾ དི་ཊྛཱིཏི ཡཱ ཨ་ཡཾ དི་ཊྛི མ་ཡ྄ཧ་ཉྩེ་ཝ ཏུ་མྷཱ་ཀ་ཉྩ པ་ཙྩ་ཀྑ་བྷཱུ་ཏཱ. ཙ་ཏུ་ས་ཙྩ་ད་སྶ་ན་ཊྛེ་ན དི་ཊྛི, ‘‘ས་བྦེ ས་ངྑཱ་རཱ ཨ་ནི་ཙྩཱ, ས་བྦེ ས་ངྑཱ་རཱ དུ་ཀྑཱ, ས་བྦེ དྷ་མྨཱ ཨ་ན་ཏྟཱ’’ཏི, ‘‘ས་མྨཱ་ས་མྦུ་དྡྷོ བྷ་ག་ཝཱ, སྭཱ་ཁཱ་ཏོ བྷ་ག་ཝ་ཏཱ དྷ་མྨོ, སུ་པྤ་ཊི་པ་ནྣོ ས་ངྒྷོ’’ཏི ཙ དི་ཊྛི་ཡཱ སཱ་མ་ཉྙཾ ས་མཱ་ན་དི་ཊྛི་བྷཱ་ཝཾ. ཨ་གྒཾ ཨི་ཏ་རེ་སཾ སཱ་ར་ཎཱི་ཡ་དྷ་མྨཱ་ནཾ པ་དྷཱ་ན་བྷཱ་ཝ་ཏོ. ཨེ་ཏ་སྨིཾ ས་ཏི སུ་ཁ་སི་དྡྷི་ཏོ ཏེ་སཾ ས་ངྒཱ་ཧི་ཀཾ, ཏ་ཏོ ཨེ་ཝ ཏེ་སཾ ས་ངྒྷཱ་ཊ་ནི་ཀཾ གོ་པཱ་ན་སི་ཡོ ཨ་པ་རི་པ་ཏ་ནྟེ ཀ་ཏྭཱ ས་ངྒ་ཎྷཱ་ཏི དྷཱ་རེ་ཏཱི་ཏི ས་ངྒཱ་ཧི་ཀཾ. ས་ངྒྷཱ་ཊནྟི ཨ་གྒ་བྷཱ་ཝེ་ན ས་ངྒྷཱ་ཊ་བྷཱ་ཝཾ. ས་ངྒྷཱ་ཊ་ནཾ ཨེ་ཏེ་སཾ ཨ་ཏྠཱི་ཏི ས་ངྒྷཱ་ཊ་ནི་ཀཾ, ས་ངྒྷཱ་ཊ་ནི་ཡ་ནྟི ཝཱ པཱ་ཋོ, ས་ངྒྷཱ་ཊ་ནེ ནི་ཡུ་ཏྟ་ནྟི ཝཱ ས་ངྒྷཱ་ཊ་ནི་ཀཾ, ཀ-ཀཱ་ར་སྶ ཡ-ཀཱ་རཾ ཀ་ཏྭཱ ས་ངྒྷཱ་ཊ་ནི་ཡཾ. སཱ་མ་ཉྙ་ཏོ ཨེ་ཝ ག་ཧི་ཏ་ཏྟཱ ན་པུཾ་ས་ཀ་ནི་དྡེ་སོ.
༤༩༣. པ་ཋ་མ་མ་གྒ་ས་མྨཱ་དི་ཊྛི་པི ཨེ་ཝཾ་ས་བྷཱ་ཝཱ, ཨ་ཉྙ་མ་གྒ་ས་མྨཱ་དི་ཊྛཱི་སུ ཝ་ཏྟ་བྦ་མེ་ཝ ན་ཏྠཱི་ཏི ཨཱ་ཧ ‘‘ཡཱ་ཡཾ སོ་ཏཱ་པ་ཏྟི་མ་གྒ་དི་ཊྛཱི’’ཏི. ཨེ་ཏྟཱ་ཝ་ཏཱ་པཱིཏི ཨེ་ཏྟ་ཀེ་ན་པི རཱ་གཱ་དཱི་སུ ཨེ་ཀེ་ཀེ་ན པ་རི་ཡུ་ཊྛི་ཏ་ཙི་ཏྟ་ཏཱ་ཡ་པི པ་རི་ཡུ་ཊྛི་ཏ་ཙི་ཏྟོ་ཡེ་ཝ ནཱ་མ ཧོ་ཏི, པ་གེ་ཝ དྭཱི་ཧི, བ་ཧཱུ་ཧི ཝཱ པ་རི་ཡུ་ཊྛི་ཏ་ཙི་ཏྟ་ཏཱ་ཡ. ས་བྦ་ཏྠཱཏི ས་བྦེ་སུ ཨ་ཊྛ་སུ་པི ཝཱ་རེ་སུ. སུ་ཊྛུ ཋ་པི་ཏནྟི ཡ་ཐཱ མ་གྒ་བྷཱ་ཝ་ནཱ ཨུ་པ་རི ས་ཙྩཱ་བྷི་ས་མྦོ་དྷོ ཧོ་ཏི, ཨེ་ཝཾ ས་མྨཱ ཋ་པི་ཏཾ. ཏེ་ནཱ་ཧ ‘‘ས་ཙྩཱ་ནཾ བོ་དྷཱ་ཡཱ’’ཏི. ཏཾ ཉཱ་ཎནྟི ‘‘ན་ཏྠི ཁོ མེ ཏཾ པ་རི་ཡུ་ཊྛཱ་ན’’ནྟི་ཨཱ་དི་ནཱ པ་ཝ་ཏྟཾ པ་ཙྩ་ཝེ་ཀྑ་ཎ་ཉཱ་ཎཾ. ཨ་རི་ཡཱ་ནཾ ཧོ་ཏཱིཏི ཨ་རི་ཡཱ་ན་མེ་ཝ ཧོ་ཏི. ཏེ་ས་ཉྷི ཨེ་ཀ་དེ་ས་ཏོ་པི པ་ཧཱི་ནཾ ཝ་ཏྟ་བྦ་ཏཾ ཨ་ར་ཧ་ཏི. ཏེ་ནཱ་ཧ ‘‘ན པུ་ཐུ་ཛྫ་ནཱ་ན’’ནྟི. ཨ་རི་ཡ་ནྟི ཝུ་ཏྟཾ ‘‘ཨ་རི་ཡེ་སུ ཛཱ་ཏ’’ནྟི ཀ་ཏྭཱ. ལོ་ཀུ་ཏྟ་ར་ཧེ་ཏུ་ཀ་ཏཱ་ཡ ལོ་ཀུ་ཏྟ་ར་ནྟི ཝུ་ཏྟཾ. ཏེ་ནེ་ཝཱ་ཧ ‘‘ཡེ་སཾ པ་ནཱ’’ཏི་ཨཱ་དི. ཏ་ཐཱ ཧི་སྶ པུ་ཐུ་ཛྫ་ནེ་ཧི ཨ་སཱ་དྷཱ་ར་ཎ་ཏཱ. ཏེ་ནཱ་ཧ ‘‘པུ་ཐུ་ཛྫ་ནཱ་ནཾ པ་ན ཨ་བྷཱ་ཝ་ཏོ’’ཏི. ས་བྦ་ཝཱ་རེ་སཱུཏི ས་བྦེ་སུ ཨི་ཏ་རེ་སུ ཚ་སུ ཝཱ་རེ་སུ.
༤༩༤. པ་ཙྩ་ཏྟནྟི པཱ་ཊི་ཡེ་ཀྐཾ ཨ་ཏྟ་ནི མ་མ ཙི་ཏྟེ་ཡེ་ཝ. ཏེ་ནཱ་ཧ ‘‘ཨ་ཏྟ་ནོ ཙི་ཏྟེ’’ཏི. ‘‘པ་ཙྩ་ཏྟཾ ཨ་ཏྟ་ནོ ཙི་ཏྟེ ནི་བྦུ་ཏིཾ ཀི་ལེ་ས་ཝཱུ་པ་ས་མཾ ལ་བྷཱ་མཱི’’ཏི ཨི་མ་མ་ཏྠཾ ‘‘ཨེ་སེ་ཝ ན་ཡོ’’ཏི ཨི་མི་ནཱ ཨ་ཏི་དི་ས་ཏི.
༤༩༥. ཏ་ཐཱ་རཱུ་པཱ་ཡ དི་ཊྛི་ཡཱཏི ཨི་དཾ ‘‘ཡ་ཐཱ་རཱུ་པཱ་ཡ དི་ཊྛི་ཡཱ ས་མ་ནྣཱ་ག་ཏོ’’ཏི ཨི་མ་སྶ ཨ་ཏྠ་སྶ པ་ཙྩཱ་མ་ས་ན་ནྟི ཨཱ་ཧ ‘‘ཏ་ཐཱ་རཱུ་པཱ་ཡ དི་ཊྛི་ཡཱ་ཏི ཨེ་ཝ་རཱུ་པཱ་ཡ སོ་ཏཱ་པ་ཏྟི་མ་གྒ་དི་ཊྛི་ཡཱ’’ཏི.
༤༩༦. ས་བྷཱ་ཝེ་ནཱཏི ནི་ཡ་ཏ་པ་ཉྩ་སི་ཀྑཱ་པ་ད་ཏཱ་དི་ས་བྷཱ་ཝེ་ན. ས་ངྒྷ་ཀ་མྨ་ཝ་སེ་ནཱཏི མཱ་ན་ཏྟ་ཙ་རི་ཡཱ་དི་ས་ངྒྷ་ཀ་མྨ་ཝ་སེ་ན. ད་ཧ་རོཏི བཱ་ལོ. ཀུ་མཱ་རོཏི དཱ་ར་ཀོ. ཡ་སྨཱ ད་ཧ་རོ ‘‘ཀུ་མཱ་རོ’’ཏི ཙ ‘‘ཡུ་ཝཱ’’ཏི ཙ ཝུ་ཙྩ་ཏི, ཏ་སྨཱ མ་ནྡོཏི ཝུ་ཏྟཾ. མ་ནྡི་ནྡྲི་ཡ་ཏཱ་ཡ ཧི མ་ནྡོ. ཏེ་ནཱ་ཧ ‘‘ཙ་ཀྑུ་སོ་ཏཱ་དཱི་ནཾ མ་ནྡ་ཏཱ་ཡཱ’’ཏི. ཨེ་ཝ་མྤི ཡུ་ཝཱ་ཝ་ཏྠཱ་པི ཀེ་ཙི མ་ནྡི་ནྡྲི་ཡཱ ཧོ་ནྟཱི་ཏི ཏ་ནྣི་ཝ་ཏྟ་ན་ཏྠཾ ‘‘ཨུ་ཏྟཱ་ན་སེ་ཡྻ་ཀོ’’ཏི ཝུ་ཏྟཾ. ཡ་དི ཨུ་ཏྟཱ་ན་སེ་ཡྻ་ཀོ, ཀ་ཐ་མ་སྶ ཨ་ངྒཱ་ར་ཀྐ་མ་ན་ནྟི? ཡ་ཐཱ ཏ་ཐཱ ཨ་ངྒཱ་ར་སྶ ཕུ་ས་ནཾ ཨི་དྷ ‘‘ཨ་ཀྐ་མ་ན’’ནྟི ཨ་དྷི་པྤེ་ཏ་ནྟི ཨཱ་ཧ ‘‘ཨི་ཏོ ཙི་ཏོ ཙཱ’’ཏི་ཨཱ་དི. མ་ནུ་སྶཱ་ནནྟི མ་ཧ་ལླ་ཀ་མ་ནུ་སྶཱ་ནཾ. ན སཱི་གྷཾ ཧ་ཏྠོ ཛྷཱ་ཡ་ཏི ཀ་ཐི་ན་ཧ་ཏྠ་ཏཱ་ཡ. ཁི་པྤཾ པ་ཊི་སཾ་ཧ་ར་ཏི མུ་དུ་ཏ་ལུ་ཎ་ས་རཱི་ར་ཏཱ་ཡ. ཨ་དྷི་ཝཱ་སེ་ཏི ཀི་ཉྩི པ་ཡོ་ཛ་ནཾ ཨ་པེ་ཀྑི་ཏྭཱ.
༤༩༧. ཨུ་ཙྩཱ་ཝ་ཙཱ་ནཱིཏི མ་ཧ་ནྟཱ་ནི ཙེ་ཝ ཁུ་དྡ་ཀཱ་ནི ཙ. ཏ་ཏྠེ་ཝཱཏི སུ་དྷཱ་ཀ་མྨཱ་དི་མྷི་ཡེ་ཝ. ཀ་སཱ་ཝ་པ་ཙ་ནཾ སུ་དྷཱ་དི་ས་ངྑ་ར་ཎ་ཏྠཾ, ཨུ་ད་ཀཱ་ན་ཡ་ནཾ དྷོ་ཝ་ནཱ་དི་ཨ་ཏྠཾ, ཧ་ལི་དྡི་ཝ་ཎྞ་དྷཱ་ཏུ་ལེ་པ་ན་ཏྠཾ ཀུ་ཙྪ་ཀ་ར་ཎཾ. བ་ཧ་ལ་པ་ཏྠ་ནོཏི ད་ལ༹ྷ་ཚ་ནྡོ. ཝ་ཙྪ་ཀནྟི ནི་བྦ་ཏྟ་དྷེ་ནུ་པ་ག་ཝ་ཙྪཾ. ཨ་པ་ཙི་ནཱ་ཏཱིཏི ཨ་པ་ཝི་ནྡ་ཏི, ཨཱ་ལོ་ཀེ་ཏཱི་ཏི ཨ་ཏྠོ. ཏེ་ནཱ་ཧ ‘‘ཨ་པ་ལོ་ཀེ་ཏཱི’’ཏི. ཏ་ནྣི་ནྣོ ཧོ་ཏཱིཏི ཨ་དྷི་སཱི་ལ་སི་ཀྑཱ་དི་ནི་ནྣོ་ཝ ཧོ་ཏི ཨུ་ཙྩཱ་ཝ་ཙཱ་ན་མྤི ཀིཾ་ཀ་ར་ཎཱི་ཡཱ་ནཾ ཙཱ་རི་ཏྟ་སཱི་ལ་སྶ པཱུ་ར་ཎ་ཝ་སེ་ནེ་ཝ ཀ་ར་ཎ་ཏོ, ཡོ་ནི་སོ་མ་ན་སི་ཀཱ་ར་ཝ་སེ་ནེ་ཝ ཙ ཏེ་སཾ པ་ཊི་པ་ཛྫ་ན་ཏོ. ཐེ་ར་སྶ ས་ནྟི་ཀེ ཨ་ཊྛཱ་སི ཡོ་ནི་སོ་མ་ན་སི་ཀཱ་རཱ་བྷཱ་ཝ་ཏོ ‘‘ཏཾ ཏཾ ས་མུ་ལླ་པི་སྶཱ་མཱི’’ཏི.
༤༩༨. བ་ལཾ ཨེ་ཝ བ་ལ་ཏཱཏི ཨཱ་ཧ ‘‘བ་ལེ་ན ས་མ་ནྣཱ་ག་ཏོ’’ཏི. ཨ་ཏྠི་ཀ་བྷཱ་ཝཾ ཀ་ཏྭཱཏི ཏེ་ན དྷ་མྨེ་ན ས་ཝི་སེ་སཾ ཨ་ཏྠི་ཀ་བྷཱ་ཝཾ ཨུ་པྤཱ་དེ་ཏྭཱ. ས་ཀ་ལ་ཙི་ཏྟེ་ནཱཏི དེ་ས་ནཱ་ཡ་ཨཱ་དི་མྷི མ་ཛ྄ཛྷེ པ་རི་ཡོ་སཱ་ནེ་ཏི ས་བྦ་ཏྠེ་ཝ པ་ཝ་ཏྟ་ཏཱ་ཡ ས་ཀ་ལེ་ན ཨ་ན་ཝ་སེ་སེ་ན ཙི་ཏྟེ་ན.
༥༠༠. ས་བྷཱ་ཝོཏི ཨ་རི་ཡ་སཱ་ཝ་ཀ་སྶ པུ་ཐུ་ཛྫ་ནེ་ཧི ཨ་སཱ་དྷཱ་ར་ཎ་ཏཱ་ཡ ཨཱ་ཝེ་ཎི་ཀོ ས་བྷཱ་ཝོ. སུ་ཊྛུ ས་མ་ནྣེ་སི་ཏོཏི ས་མྨ་དེ་ཝ ཨུ་པ་པ་རི་ཀྑི་ཏོ. སོ་ཏཱ་པ་ཏྟི་ཕ་ལ་ས་ཙྪི་ཀི་རི་ཡཱ་ཡཱཏི སོ་ཏཱ་པ་ཏྟི་ཕ་ལ་སྶ ས་ཙྪི་ཀ་ར་ཎེ་ན, ས་ཙྪི་ཀ་ཏ་བྷཱ་ཝེ་ནཱ་ཏི ཨ་ཏྠོ. ཏེ་ནཱ་ཧ ‘‘སོ་ཏཱ་པ་ཏྟི་ཕ་ལ་ས་ཙྪི་ཀ་ཏ་ཉཱ་ཎེ་ནཱ’’ཏི. པ་ཋ་མ་མ་གྒ་ཕ་ལ་སྶ པ་ཙྩ་ཝེ་ཀྑ་ཎ་ཉཱ་ཎ་ཝི་སེ་སཱ ཧེ་ཏེ པ་ཝ་ཏྟི་ཨཱ་ཀཱ་ར་བྷི་ནྣཱ. ཏེ་ནེ་ཝཱ་ཧ ‘‘ས་ཏྟ་ཧི མ་ཧཱ་པ་ཙྩ་ཝེ་ཀྑ་ཎ་ཉཱ་ཎེ་ཧཱི’’ཏི. ཨ་ཡཾ ཏཱ་ཝ ཨཱ་ཙ་རི་ཡཱ་ནཾ ས་མཱ་ན་ཀ་ཐཱཏི ‘‘ཨི་ད་མ་སྶ པ་ཋ་མཾ ཉཱ་ཎ’’ནྟི་ཨཱ་དི་ནཱ ཝུ་ཏྟཱ་ནི པ་ཙྩ་ཝེ་ཀྑ་ཎ་ཉཱ་ཎཱ་ནི, ན མ་གྒ་ཉཱ་ཎཱ་ནཱི་ཏི ཨེ་ཝཾ པ་ཝ་ཏྟཱ པ་ར་མྤ་རཱ་ག་ཏཱ པུ་བྦཱ་ཙ་རི་ཡཱ་ནཾ ས་མཱ་ནཱ སཱ་དྷཱ་ར་ཎཱ ཨི་མི་སྶཱ པཱ་ལི༹་ཡཱ ཨ་ཊྛ་ཀ་ཐཱ ཨ་ཏྠ་ཝ་ཎྞ་ནཱ. ཏ་ཏྠ ཀཱ་ར་ཎ་མཱ་ཧ ‘‘ལོ་ཀུ་ཏྟ་ར་མ་གྒོ ཧི བ་ཧུ་ཙི་ཏྟ་ཀྑ་ཎི་ཀོ ནཱ་མ ན་ཏྠཱི’’ཏི. ཡ་དི སོ བ་ཧུ་ཙི་ཏྟ་ཀྑ་ཎི་ཀོ སི་ཡཱ ནཱ་ནཱ་བྷི་ས་མ་ཡོ, ཏ་ཐཱ ས་ཏི སཾ་ཡོ་ཛ་ན་ཏྟ་ཡཱ་དཱི་ནཾ ཨེ་ཀ་དེ་ས་པྤ་ཧཱ་ནཾ པཱ་པུ་ཎཱ་ཏཱི་ཏི ཨ་རི་ཡ་མ་གྒ་སྶ ཨ་ན་ནྟ་ར་ཕ་ལ་ཏྟཱ ཨེ་ཀ་དེ་ས་སོ་ཏཱ་པ་ནྣ་ཏཱ་དི་བྷཱ་ཝོ ཨཱ་པ་ཛྫ་ཏི, ཕ་ལཱ་ནཾ ཝཱ ཨ་ནེ་ཀ་བྷཱ་ཝོ, ས་བྦ་མེ་ཏཾ ཨ་ཡུ་ཏྟ་ནྟི ཏ་སྨཱ ཨེ་ཀ་ཙི་ཏྟ་ཀྑ་ཎི་ཀོ་ཝ ཨ་རི་ཡ་མ་གྒོ.
ཡཾ པ་ན སུ་ཏྟ་པ་དཾ ནི་སྶཱ་ཡ ཝི་ཏ་ཎྜ་ཝཱ་དཱི ཨ་རི་ཡ་མ་གྒ་སྶ ཨེ་ཀ་ཙི་ཏྟ་ཀྑ་ཎི་ཀ་ཏཾ པ་ཊི་ཀྑི་པ་ཏི, ཏཾ ད་སྶེ་ནྟོ ‘‘ས་ཏྟ ཝ་སྶཱ་ནཱི་ཏི ཧི ཝ་ཙ་ན་ཏོ’’ཏི ཨཱ་ཧ. ཀི་ལེ་སཱ པ་ན ལ་ཧུ…པེ… ཚི་ཛྫ་ནྟཱིཏི ཝ་ད་ནྟེ་ན ཧི ཁི་པྤཾ ཏཱ་ཝ ཀི་ལེ་ས་པྤ་ཧཱ་ནཾ, ད་ནྡྷ་པ་ཝ་ཏྟི་ཀཱ མ་གྒ་བྷཱ་ཝ་ནཱ་ཏི པ་ཊི་ཉྙཱ་ཏཾ ཧོ་ཏི. ཏ་ཏྠ ས་ཙེ མ་གྒ་སྶ བྷཱ་ཝ་ནཱ་ཡ ཨཱ་ར་དྡྷ་མ་ཏྟཱ་ཡ ཀི་ལེ་སཱ པ་ཧཱི་ཡ་ནྟི, སེ་སཱ མ་གྒ་བྷཱ་ཝ་ནཱ ནི་ར་ཏྠ་ཀཱ སི་ཡཱ, ཨ་ཐ པ་ཙྪཱ ཀི་ལེ་ས་པྤ་ཧཱ་ནཾ, ཀི་ལེ་སཱ པ་ན ལ་ཧུ ཚི་ཛྫ་ནྟཱི་ཏི ཨི་དཾ མི་ཙྪཱ, ‘‘སོ་ཏཱ་པ་ཏྟི་ཕ་ལ་ས་ཙྪི་ཀི་རི་ཡཱ་ཡཱ’’ཏི ཝ་ཀྑ་ཏཱི་ཏི. ཏ་ཏོ སུ་ཏྟ་པ་ཊི་ཛཱ་ན་ན་ཏོ. མ་གྒཾ ཨ་བྷཱ་ཝེ་ཏྭཱཏི ཨ་རི་ཡ་མ་གྒཾ པ་རི་པུ་ཎྞཾ ཀ་ཏྭཱ ཨ་བྷཱ་ཝེ་ཏྭཱ. ཨ་ཏྠ་ར་སཾ ཝི་དི་ཏྭཱཏི སུ་ཏྟ་སྶ ཨ་ཝི་པ་རཱི་ཏོ ཨ་ཏྠོ ཨེ་ཝ ཨ་ཏྠ་ར་སོ, ཏཾ ཡཱ་ཐཱ་ཝ་ཏོ ཉ་ཏྭཱ. ཨེ་ཝཾ ཝི་ཏ་ཎྜ་ཝཱ་དི་ཝཱ་དཾ བྷི་ནྡི་ཏྭཱ ཝུ་ཏྟ་མེ་ཝ་ཏྠཾ ནི་ག་མེ་ཏུཾ ‘‘ཨི་མཱ་ནི ས་ཏྟ ཉཱ་ཎཱ་ནཱི’’ཏི་ཨཱ་དི ཝུ་ཏྟཾ. སེ་སཾ སུ་ཝི་ཉྙེ་ཡྻ་མེ་ཝ.
ཀོ་ས་མྦི་ཡ་སུ་ཏྟ་ཝ་ཎྞ་ནཱ་ཡ ལཱི་ན་ཏྠ་པྤ་ཀཱ་ས་ནཱ ས་མ་ཏྟཱ.