༦. མ་ཧཱ་དྷ་མྨ་ས་མཱ་དཱ་ན་སུ་ཏྟ་ཝ་ཎྞ་ནཱ
༤༧༣. ཨེ་ཝཾ ཨི་དཱ་ནི ཝུ་ཙྩ་མཱ་ནཱ་ཀཱ་རོ ཀཱ་མོ ཀཱ་མ་ནཾ ཨི་ཙྪཱ ཨེ་ཏེ་ས་ནྟི ཨེ་ཝཾ་ཀཱ་མཱ. ཨེ་ཝཾ ཚ་ནྡོ ཚ་ནྡ་ནཾ རོ་ཙ་ནཾ ཨ་ཛ྄ཛྷཱ་ས་ཡོ ཨེ་ཏེ་ས་ནྟི ཨེ་ཝཾ་ཚ་ནྡཱ. ཨ་བྷི་མུ་ཁཾ, ཨ་བྷི་ནི་ཝི་སྶ ཝཱ པ་ཀཱ་རེ་ཧི ཨེ་ཏི ཨུ་པ་ག་ཙྪ་ཏཱི་ཏི ཨ་དྷི་པྤཱ་ཡོ, ལ་དྡྷི. སཱ ཧི ལ་དྡྷ་བྦ་ཝ་ཏྠུཾ ཨ་བྷི་མུ་ཁཾ ‘‘ཨེ་ཝ་མེ་ཏ’’ནྟི ཨ་བྷི་ནི་ཝི་ས་ནྟཱི ཏེ་ན ཏེ་ན པ་ཀཱ་རེ་ན ཨུ་པ་ག་ཙྪ་ཏི, ཧ་ཏྠ་ག་ཏཾ ཀ་ཏྭཱ ཏི་ཊྛ་ཏི ན ཝི་སྶ་ཛྫེ་ཏི. ཨེ་ཝཾ ཝུ་ཙྩ་མཱ་ནཱ་ཀཱ་རོ ཨ་དྷི་པྤཱ་ཡོ ཨེ་ཏེ་ས་ནྟི ཨེ་ཝཾ་ཨ་དྷི་པྤཱ་ཡཱ. བྷ་ག་ཝཱ མཱུ་ལཾ ཀཱ་ར་ཎཾ ཨེ་ཏེ་སཾ ཡཱ་ཐཱ་ཝ་ཏོ ཨ་དྷི་ག་མཱ་ཡཱ་ཏི བྷ་ག་ཝཾ་མཱུ་ལ་ཀཱ. ཏེ་ནཱ་ཧ ‘‘བྷ་ག་ཝ་ནྟ་ཉྷི ནི་སྶཱ་ཡ མ་ཡཾ ཨི་མེ དྷ་མྨེ ཨཱ་ཛཱ་ནཱ་མ པ་ཊི་ཝི་ཛ྄ཛྷཱ་མཱ’’ཏི. ཨ་མྷཱ་ཀཾ་དྷ་མྨཱཏི ཏེ་ཧི ཨ་ཏྟ་ནཱ ཨ་དྷི་ག་ནྟ་བྦ་ཏཱ་ཡ ཝུ་ཏྟཾ. སེ་ཝི་ཏ་བྦཱ་ན་ཉྷི ཡཱ་ཐཱ་ཝ་ཏོ ཨ་དྷི་ག་མ་ཉཱ་ཎཱ་ནི ཨ་དྷི་ག་ཙྪ་ན་ཀ་ས་མྦ་ནྡྷཱི་ནི, ཏཱ་ནི ཙ ས་མྨཱ་ས་མྦུ་དྡྷ་མཱུ་ལ་ཀཱ་ནི ཨ་ན་ཉྙ་ཝི་ས་ཡ་ཏྟཱ. ཏེ་ནཱ་ཧ ‘‘པུ་བྦེ ཀ་སྶ་པ་ས་མྦུ་དྡྷེ་ནཱ’’ཏི་ཨཱ་དི. བྷ་ག་ཝཱ ནེ་ཏཱ ཏེ་ས་ནྟི བྷ་ག་ཝཾ་ནེ་ཏྟི་ཀཱ. ནེ་ཏཱཏི སེ་ཝི་ཏ་བྦ་དྷ་མྨེ ཝི་ནེ་ཡྻ་ས་ནྟཱ་ནཾ པཱ་པེ་ཏཱ. ཝི་ནེ་ཏཱཏི ཨ་སེ་ཝི་ཏ་བྦ་དྷ་མྨེ ཝི་ནེ་ཡྻ་ས་ནྟཱ་ན་ཏོ ཨ་པ་ནེ་ཏཱ. ཏ་ད་ངྒ་ཝི་ན་ཡཱ་དི་ཝ་སེ་ན ཝཱ ཝི་ནེ་ཏཱ. ཨ་ནུ་ནེ་ཏཱཏི ཨི་མེ དྷ་མྨཱ སེ་ཝི་ཏ་བྦཱ, ཨི་མེ ན སེ་ཝི་ཏ་བྦཱ་ཏི ཨུ་བྷ་ཡ་ས་མྤཱ་པ་ནཱ་པ་ན་ཡ་ན་ཏྠཾ པ་ཉྙ་པེ་ཏཱ. ཏེ་ནཱ་ཧ ‘‘ཡ་ཐཱ་ས་བྷཱ་ཝ་ཏོ’’ཏི་ཨཱ་དི.
པ་ཊི་ས་ར་ནྟི ཨེ་ཏྠཱ་ཏི པ་ཊི་ས་ར་ཎཾ, བྷ་ག་ཝཱ པ་ཊི་ས་ར་ཎཾ ཨེ་ཏེ་ས་ནྟི བྷ་ག་ཝཾ་པ་ཊི་ས་ར་ཎཱ. པ་ཊི་ས་ར་ཏི ས་བྷཱ་ཝ་ས་མྤ་ཊི་ཝེ་དྷ་ཝ་སེ་ན པ་ཙྩེ་ཀ་མུ་པ་ག་ཙྪ་ཏཱི་ཏི ཝཱ པ་ཊི་ས་ར་ཎཾ, བྷ་ག་ཝཱ པ་ཊི་ས་ར་ཎཾ ཨེ་ཏེ་ས་ནྟི བྷ་ག་ཝཾ་པ་ཊི་ས་ར་ཎཱ. པ་ཊི་ཝེ་དྷ་ཝ་སེ་ནཱཏི པ་ཊི་ཝི་ཛ྄ཛྷི་ཏ་བྦ་ཏཱ་ཝ་སེ་ན. ཨ་ས་ཏི་པི མུ་ཁེ ཨ་ཏྠ་ཏོ ཨེ་ཝཾ ཝ་ད་ནྟོ ཝི་ཡ ཧོ་ཏཱི་ཏི ཨཱ་ཧ ‘‘ཕ་སྶོ ཨཱ་ག་ཙྪ་ཏི, ཨ་ཧཾ བྷ་ག་ཝཱ ཀིཾ ནཱ་མོ’’ཏི. པ་ཊི་བྷཱ་ཏཱུཏི ཨེ་ཏྠ པ་ཊི-ས་དྡཱ་པེ་ཀྑཱ་ཡ ‘‘བྷ་ག་ཝ་ནྟ’’ནྟི ཨུ་པ་ཡོ་ག་ཝ་ཙ་ནཾ, ཨ་ཏྠོ པ་ན སཱ་མི་ཝ་ཙ་ན་ཝ་སེ་ནེ་ཝ ཝེ་དི་ཏ་བྦོ་ཏི ད་སྶེ་ནྟོ ཨཱ་ཧ ‘‘བྷ་ག་ཝ་ཏོ’’ཏི པ་ཊི་བྷཱ་ཏཱུཏི ཙ བྷ་ག་ཝ་ཏོ བྷཱ་གོ ཧོ་ཏུ. བྷ་ག་ཝ་ཏོ ཧི ཨེ་ས བྷཱ་གོ, ཡ་དི་དཾ དྷ་མྨ་སྶ དེ་ས་ནཱ, ཨ་མྷཱ་ཀཾ པ་ན བྷཱ་གོ ས་ཝ་ན་ནྟི ཨ་དྷི་པྤཱ་ཡོ. ཀེ་ཙི པ་ན པ་ཊི་བྷཱ་ཏཱུཏི པ་དི་སྶ་ཏཱུ་ཏི ཨ་ཏྠཾ ཝ་ད་ནྟི, ཉཱ་ཎེ་ན དི་སྶ་ཏུ, དེ་སཱི་ཡ་ཏཱུ་ཏི ཝཱ ཨ་ཏྠོ. ཨུ་པ་ཊྛཱ་ཏཱུཏི ཙ ཉཱ་ཎ་སྶ པ་ཙྩུ་པ་ཊྛཱ་ཏུ.
༤༧༤. ནི་སྶ་ཡི་ཏ་བྦེཏི ཨ་ཏྟ་ནོ ས་ནྟཱ་ནེ ཨུ་པྤཱ་ད་ན་ཝ་སེ་ན ཨ་པ་སྶ་ཡི་ཏ་བྦེ. ཏ་ཏི་ཡ་ཙ་ཏུ་ཏྠ་དྷ་མྨ་ས་མཱ་དཱ་ནཱ་ནི ཧི ཨ་པ་སྶཱ་ཡ ས་ཏྟཱ་ནཾ ཨེ་ཏ་ར་ཧི ཨཱ་ཡ་ཏི་ཉྩ ས་མྤ་ཏྟི་ཡོ ཨ་བྷི་ཝ་ཌྜྷ་ནྟི. བྷ་ཛི་ཏ་བྦེཏི ཏ་སྶེ་ཝ ཝེ་ཝ་ཙ་ནཾ. སེ་ཝི་ཏ་བྦེཏི ཝཱ ས་པྤུ་རི་སུ་པ་སྶ་ཡ་ས་དྡྷ་མྨ་སྶ་ཝ་ན་ཡོ་ནི་སོ་མ་ན་སི་ཀཱ་རེ ས་ནྡྷཱ་ཡཱ་ཧ. བྷ་ཛི་ཏ་བྦེཏི ཏ་པྤ་ཙྩ་ཡེ དཱ་ནཱ་དི་པུ་ཉྙ་དྷ་མྨེ.
༤༧༥. ཨུ་པྤ་ཊི་པཱ་ཊི་ཨཱ་ཀཱ་རེ་ནཱཏི པ་ཋ་མཾ སཾ་ཀི་ལེ་ས་དྷ་མྨེ ད་སྶེ་ཏྭཱ པ་ཙྪཱ ཝོ་དཱ་ན་དྷ་མྨ་ད་སྶ་ནཾ ས་ཏྠུ དེ་ས་ནཱ་པ་ཊི་པཱ་ཊི, ཡ་ཐཱ – ‘‘ཝཱ་མཾ མུ་ཉྩ, ད་ཀྑི་ཎཾ ག་ཎྷཱ’’ཏི (དྷ. ས. ཨ་ཊྛ. ༤༩༨; ཝི་སུ་དྡྷི. མ་ཧཱ་ཊཱི. ༡.༡༤), ཏ་ཐཱ ཨུ་པྤ་ཊི་པཱ་ཊི་པ་ཀཱ་རེ་ན, སཱ ཙ ཁོ པུ་རི་མེ་སུ དྭཱི་སུ དྷ་མྨ་ས་མཱ་དཱ་ནེ་སུ, པ་ཙྪི་མེ་སུ པ་ན པ་ཊི་པཱ་ཊི་ཡཱ་ཝ མཱ་ཏི་ཀཱ པ་ཊྛ་པི་ཏཱ. ཡ་ཐཱ་དྷ་མྨ་ར་སེ་ནེ་ཝཱཏི པ་ཧཱ་ཏ་བྦ་པ་ཧཱ་ཡ་ཀ་དྷ་མྨཱ་ནཾ ཡ་ཐཱ་ས་བྷཱ་ཝེ་ནེ་ཝ. ས་བྷཱ་ཝོ ཧི ཡཱ་ཐཱ་ཝ་ཏོ ར་སི་ཏ་བྦ་ཏོ ཛཱ་ནི་ཏ་བྦ་ཏོ ‘‘ར་སོ’’ཏི ཝུ་ཙྩ་ཏི. པ་ཋ་མཾ པ་ཧཱ་ཏ་བྦ་དྷ་མྨེ ད་སྶེ་ཏྭཱ ཏ་ད་ན་ནྟ་རཾ ‘‘ཨི་མེ དྷ་མྨཱ ཨེ་ཏེ་ཧི པ་ཧཱི་ཡ་ནྟཱི’’ཏི པ་ཧཱ་ཡ་ཀ་དྷ་མྨ་ད་སྶ་ནཾ དེ་ས་ནཱ་ནུ་པུ་བྦཱི. ག་ཧ་ཎཾ ཨཱ་དི་ཡ་ནཾ ཨ་ཏྟ་ནོ ས་ནྟཱ་ནེ ཨུ་པྤཱ་ད་ནཾ.
༤༧༨. ཝ་དྷ་ད་ཎྜཱ་དཱི་ཧི བྷཱི་ཏ་སྶ ཨུ་པ་ས་ངྐ་མ་ནེ, མི་ཙྪཱ ཙ་རི་ཏྭཱ ཏ་ཐཱ ཨ་པ་ག་མ་ནེ ཙ པུ་བྦཱ་པ་ར་ཙེ་ཏ་ནཱ་ནཾ ཝ་སེ་ན མི་ཙྪཱ་ཙཱ་རོ དུ་ཀྑ་ཝེ་ད་ནོ ཧོ་ཏི, ཏ་ཐཱ ཨི་སྶཱ་ནི་ནྡཱ་དཱི་ཧི ཨུ་པ་དྡུ་ཏ་སྶ ཨ་པ་ར་ཙེ་ཏ་ནཱ་ཝ་སེ་ན, ཨེ་ཝཾ ཨ་བྷི་ཛ྄ཛྷཱ་མི་ཙྪཱ་དི་ཊྛཱི་སུ་པི ཡ་ཐཱ་ར་ཧཾ ཝེ་དི་ཏ་བྦཾ. ཏི་སྶ་ནྣ་མྤི ཙེ་ཏ་ནཱ་ནནྟི པུ་བྦཱ་པ་ར་ས་ནྣི་ཊྛཱ་པ་ཀ་ཙེ་ཏ་ནཱ་ནཾ. ཨ་དི་ནྣཱ་དཱ་ནཾ མུ་སཱ་ཝཱ་དོ པི་སུ་ཎ་ཝཱ་ཙཱ ས་མྥ་པྤ་ལཱ་པོ་ཏི ཨི་མེ་སཾ ཙ་ཏུ་ནྣཾ ས་ནྣི་ཊྛཱ་པ་ཀ་ཙེ་ཏ་ནཱ་ནཾ སུ་ཁ་ས་མྤ་ཡུ་ཏྟཱ ཝཱ ཨུ་པེ་ཀྑཱ་ས་མྤ་ཡུ་ཏྟཱ ཝཱ་ཏི ཨ་ཡཾ ན་ཡོ ཨི་དྷ ཨ་དྷི་ཀ་ཏ་ཏྟཱ ན ཨུ་དྡྷ་ཊོ. དོ་མ་ན་སྶ་མེ་ཝ ཙེ་ཏྠ དུ་ཀྑནྟི ཨི་དཾ པུ་བྦ་བྷཱ་གཱ་པ་ར་བྷཱ་ག་ཙེ་ཏ་ནཱ་པི ཙེ་ཏྠ ཨཱ་ས་ནྣཱ དོ་མ་ན་སྶ་ས་ཧ་ག་ཏཱ ཨེ་ཝ ཧོ་ནྟཱི་ཏི ཀ་ཏྭཱ ཝུ་ཏྟཾ. ཨ་ནཱ་ས་ནྣཱ པ་ན ས་ནྡྷཱ་ཡ ‘‘པ་རི་ཡེ་ཊྛིཾ ཝཱ ཨཱ་པ་ཛྫ་ནྟ་སྶཱ’’ཏི་ཨཱ་དི ཝུ་ཏྟཾ. ཏེ་ནེ་ཝ མི་ཙྪཱ་ཙཱ་རཱ་བྷི་ཛ྄ཛྷཱ་མི་ཙྪཱ་དི་ཊྛཱི་ནཾ པུ་བྦ་བྷཱ་གཱ་པ་ར་བྷཱ་ག་ཙེ་ཏ་ནཱ ཨཱ་ས་ནྣཱ ས་ནྣི་ཊྛཱ་པ་ཀ་ཙེ་ཏ་ནཱ་ག་ཏི་ཀཱ་ཝཱ་ཏི ད་སྶི་ཏཾ ཧོ་ཏཱི་ཏི ད་ཊྛ་བྦཾ. པ་རི་ཡེ་ཊྛིནྟི མི་ཙྪཱ་ཙཱ་རཱ་དཱི་སུ ཝཱི་ཏི་ཀྐ་མི་ཏ་བྦ་ཝ་ཏྠུ་མཱ་ལཱ་ག་ནྡྷཱ་དི་པ་རི་ཡེ་ས་ནཾ. པཱ་ཎཱ་ཏི་པཱ་ཏཱ་དཱི་སུ མཱ་རེ་ཏ་བྦ་ཝ་ཏྠུ་ཨཱ་ཝུ་དྷཱ་དི་པ་རི་ཡེ་ས་ནཾ ཨཱ་པ་ཛྫ་ནྟ་སྶ. ཨ་ཀི་ཙྪེ་ན་པི ཏེ་སཾ པ་རི་ཡེ་ས་ནཾ ས་མྦྷ་ཝ་ཏཱི་ཏི ‘‘ཝ་ཊྚ་ཏི་ཡེ་ཝཱ’’ཏི སཱ་ས་ངྐཾ ཝ་ད་ཏི.
༤༧༩. སུ་ཁ་ཝེ་ད་ནཱ ཧོ་ནྟཱིཏི སུ་ཁ་ཝེ་ད་ནཱ་པི ཧོ་ནྟཱི་ཏི ཨ་དྷི་པྤཱ་ཡོ. ཏཱ་སཾ ཙེ་ཏ་ནཱ་ནཾ ཨ་སུ་ཁ་ཝེ་ད་ན་ཏཱ་པི ལ་བྦྷ་ཏཱི་ཏི ‘‘སུ་ཁ་ཝེ་ད་ནཱ་པི ཧོ་ནྟི་ཡེ་ཝཱ’’ཏི སཱ་ས་ངྐ་ཝ་ཙ་ནཾ. སོ་མ་ན་སྶ་མེ་ཝ ཙེ་ཏྠ སུ་ཁནྟི ཨི་དཾ པུ་བྦ་བྷཱ་གཱ་པ་ར་བྷཱ་ག་ཙེ་ཏ་ནཱ་པི སོ་མ་ན་སྶ་ས་ཧ་ག་ཏཱ ཨེ་ཝ ཧོ་ནྟཱི་ཏི ཀ་ཏྭཱ ཝུ་ཏྟཾ. ཏ་ཉྩ ཁོ མི་ཙྪཱ་ཙཱ་ར་ཝ་ཛྫཱ་ནཾ ཚ་ནྣཾ ཝ་སེ་ན. མི་ཙྪཱ་ཙཱ་ར་སྶ པ་ན པུ་བྦཱ་པ་ར་བྷཱ་ག་སྶ ཝ་སེ་ན ‘‘ཀཱ་ཡི་ཀཾ སུ་ཁ་མྤི ཝ་ཊྚ་ཏི་ཡེ་ཝཱཏི སཱ་ས་ངྐ་ཝ་ཙ་ནཾ.
༤༨༠. དོ་ས་ཛ་པ་རི་ལཱ༹་ཧ་ཝ་སེ་ན་སྶ སི་ཡཱ ཀཱ་ཡི་ཀ་མྤི དུ་ཀྑ་ནྟི ཨ་དྷི་པྤཱ་ཡེ་ན ‘‘སོ ག་ཎྷ་ནྟོ་པི དུ་ཀྑི་ཏོ’’ཏི ཝུ་ཏྟཾ. ཙེ་ཏོ་དུ་ཀྑ་མེ་ཝ ཝཱ ས་ནྡྷཱ་ཡ ཏ་སྶ ཨ་པ་རཱ་པ་རུ་པྤ་ཏྟི་ད་སྶ་ན་ཏྠཾ ‘‘དུ་ཀྑི་ཏོ དོ་མ་ན་སྶི་ཏོ’’ཏི ཝུ་ཏྟཾ.
༤༨༡. ད་ས་སུ་པི པ་དེ་སཱུཏི ད་ས་སུ་པི ཀོ་ཊྛཱ་སེ་སུ, ཝཱ་ཀྱེ་སུ ཝཱ. ཨུ་པེ་ཀྑཱ་ས་མྤ་ཡུ་ཏྟ་ཏཱ་པི ས་མྦྷ་ཝ་ཏཱི་ཏི ‘‘སུ་ཁ་ས་མྤ་ཡུ་ཏྟཱ ཧོ་ནྟི་ཡེ་ཝཱ’’ཏི ཨི་དྷ སཱ་ས་ངྐ་ཝ་ཙ་ནཾ. པཱ་ཎཱ་ཏི་པཱ་ཏཱ པ་ཊི་ཝི་ར་ཏ་སྶ ཀཱ་ཡོ་པི སི་ཡཱ ཝི་ག་ཏ་ད་ར་ཐ་པ་རི་ལཱ༹་ཧོ་ཏི པཱ་ཎཱ་ཏི་པཱ་ཏཱ་ཝེ་ར་མ་ཎི་ཨཱ་དི་པ་ཙྩ་ཡཱ ཀཱ་ཡི་ཀ་པ་ཊི་སཾ་ཝེ་ད་ནཱ་པི ས་མྦྷ་ཝ་ཏཱི་ཏི ས་ཧཱ་པི སུ་ཁེ་ནཱཏི ཨེ་ཏྠ ཀཱ་ཡི་ཡ་སུ་ཁ་མྤི ཝ་ཊྚ་ཏི་ཡེ་ཝ.
༤༨༢. ཏི་ཏྟ་ཀཱ་ལཱ་བཱུཏི ཨུ་པ་བྷུ་ཏྟ་སྶ ཨུ་མྨཱ་དཱ་དི་པཱ་པ་ནེ་ན ཀུ་ཙྪི་ཏ་ཏི་ཏྟ་ཀ་ར་སོ ཨ་ལཱ་བུ. ན རུ་ཙྩི་སྶ་ཏི ཨ་ནི་ཊྛ་ར་ས་ཏཱ་ཡ ཨ་ནི་ཊྛ་ཕ་ལ་ཏཱ་ཡ ཙ.
༤༨༣. ར་སཾ དེ་ཏཱིཏི ར་སཾ ད་སྶེ་ཏི ཝི་བྷཱ་ཝེ་ཏི.
༤༨༤. པཱུ་ཏི་མུ་ཏྟནྟི པཱུ་ཏི་ས་བྷཱ་ཝ་མུ་ཏྟཾ. ཏ་རུ་ཎནྟི དྷཱ་རཱ་ཝ་སེ་ན ནི་པ་ཏ་ནྟཾ ཧུ་ཏྭཱ ཨུ་ཎྷཾ. ཏེ་ན་སྶ ཨུ་པ་རི་མུ་ཏྟ་ཏ་མཱ་ཧ. མུ་ཏྟ་ཉྷི པ་སྶཱ་ཝ་མ་གྒ་ཏོ མུ་ཙྩ་མཱ་ནཾ ཀཱ་ཡུ་སྨཱ་ཝ་སེ་ན ཨུ་ཎྷཾ ཧོ་ཏི.
༤༨༥. ཡཾ བྷ་ག་ནྡ་ར་སཾ་ས་ཊྛཾ ལོ་ཧི་ཏཾ པ་ཀྑ་ནྡ་ཏཱིཏི བྷ་ག་ནྡ་ར་བྱཱ་དྷི་ས་ཧི་ཏཱ་ཡ ལོ་ཧི་ཏ་པ་ཀྑ་ནྡ་ཏཱ་ཡ ཝ་སེ་ན ཡཾ ལོ་ཧི་ཏཾ ཝི་སྶ་ཝ་ཏི. པི་ཏྟ་སཾ་ས་ཊྛཾ ལོ་ཧི་ཏཾ པ་ཀྑ་ནྡ་ཏཱི་ཏི ཨཱ་ནེ་ཏྭཱ ས་མྦ་ནྡྷོ.
༤༨༦. ཨུ་བྦི་དྡྷེཏི དཱུ་རེ. ཨ་བྦྷ་མ་ཧི་ཀཱ་དི་ཨུ་པ་ཀྐི་ལེ་ས་ཝི་ག་མེ་ན ཧི ཨཱ་ཀཱ་སཾ ཨུ་ཏྟུ་ངྒཾ ཝི་ཡ དཱུ་རཾ ཝི་ཡ ཙ ཁཱ་ཡ་ཏི. ཏེ་ནཱ་ཧ ‘‘དཱུ་རཱི་བྷཱུ་ཏེ’’ཏི. ཏ་མཾ་ཡེ་ཝ ཏ་མ་ག་ཏཾ ‘‘གཱུ་ཐ་ག་ཏཾ མུ་ཏྟ་ག་ཏ’’ནྟི (མ. ནི. ༢.༡༡༩; ཨ. ནི. ༩.༡༡) ཡ་ཐཱ. བྷཱ་ས་ཏེ ཙ ཏ་པ་ཏེ ཙ ཝི་རོ་ཙ་ཏེ ཙ ཨི་དཾ ཙ་ཏུ་ཏྠཾ དྷ་མྨ་ས་མཱ་དཱ་ནཾ ཝི་བྷ་ཛ་ནྟེ་ན ཀུ་ས་ལ་ཀ་མྨ་པ་ཐ་སྶ ཝི་བྷ་ཛི་ཏྭཱ ད་སྶི་ཏ་ཏྟཱ.
ས་ངྒ་ར་རུ་ཀྑོ ཀ་ནྡ་མཱ་ད་ས་པོ་ཝ. ས་ར་བྷ་ཉྙ་ཝ་སེ་ནཱཏི ཨ་ཏྠཾ ཨ་ཝི་བྷ་ཛི་ཏྭཱ པ་ད་སོ ས་ར་བྷ་ཉྙ་ཝ་སེ་ན. ཨོ་སཱ་རེ་ནྟ་སྶཱཏི ཨུ་ཙྩཱ་རེ་ནྟ་སྶ. ས་དྡེཏི ཨོ་སཱ་ར་ཎ་ས་དྡེ. ཨ་དྷི་ག་ཏ་ཝི་སེ་སཾ ཨ་ནཱ་རོ་ཙེ་ཏུ་ཀཱ་མཱ དེ་ཝ་ཏཱ ཏ་ཏྠེ་ཝ ཨ་ནྟ་ར་དྷཱ་ཡི. ཏཾ དི་ཝ་སནྟི ས་ཏྠཱ་རཱ དེ་སི་ཏ་དི་ཝ་སེ. ཨི་ཏི ཨ་ཏྟ་ནོ ཝི་སེ་སཱ་དྷི་ག་མ་ནི་མི་ཏྟ་ཏཱ་ཡ ཨ་ཡཾ དེ་ཝ་ཏཱ ཨི་མཾ སུ་ཏྟཾ པི་ཡཱ་ཡ་ཏི. སེ་སཾ ཨུ་ཏྟཱ་ན་མེ་ཝ.
མ་ཧཱ་དྷ་མྨ་ས་མཱ་དཱ་ན་སུ་ཏྟ་ཝ་ཎྞ་ནཱ་ཡ ལཱི་ན་ཏྠ་པྤ་ཀཱ་ས་ནཱ ས་མ་ཏྟཱ.