༩. མ་ཧཱ་སཱ་རོ་པ་མ་སུ་ཏྟ་ཝ་ཎྞ་ནཱ

༣༠༧. ན་ཙི་ར་པ་ཀྐ་ནྟེཏི ན ཙི་རཾ པ་ཀྐ་ནྟེ, པ་ཀྐ་ནྟ་སྶ ས་ཏོ ན ཙི་ར་སྶེ་ཝ. ས་ལི་ངྒེ་ནེ་ཝཱཏི མུ་ཎྜི་ཡ་ཀཱ་སཱ་ཡ་གྒ་ཧ་ཎཱ་དི་ནཱ ཨ་ཏྟ་ནོ པུ་རི་མ་ལི་ངྒེ་ནེ་ཝ. པཱ་ཊི་ཡེ་ཀྐེ ཛཱ་ཏེཏི ཝི་པ་ནྣཱ་ཙཱ་ར་དི་ཊྛི་ཏཱ་ཡ པ་ཀཱ་ས་ནཱི་ཡ་ཀ་མྨ་ཀ་ར་ཎ་ཏོ པ་རཾ ཨ་ཉྙ་ཏི་ཏྠི་ཡ་ས་དི་སེ ཝི་སུཾ བྷཱུ་ཏེ. ཀུ་ལ་པུ་ཏྟོཏི ཛཱ་ཏི་མ་ཏྟེ་ན ཀུ་ལ་པུ་ཏྟོ. ཨ་ས་མྦྷི་ནྣཱ་ཡཱཏི ས་མྦྷེ་ད་ར་ཧི་ཏཱ་ཡ, ཛཱ་ཏི་ས་ངྐ་ར་ཝི་ར་ཧི་ཏཱ་ཡཱ་ཏི ཨ་ཏྟོ. ཛཱ་ཏི་སཱི་སེ་ན ཨི་དྷ ཛཱ་ཏི་ཝ་ཏྠུ་ཀཾ དུ་ཀྑཾ ཝུ་ཏྟ་ནྟི ཨཱ་ཧ ‘‘ཨོ་ཏི་ཎྞོ་ཏི ཡ་སྶ ཛཱ་ཏི ཨ་ནྟོ ཨ་ནུ་པ་ཝི་ཊྛཱ’’ཏི. ཛཱ་ཏོ ཧི ས་ཏྟོ ཛཱ་ཏ་ཀཱ་ལ་ཏོ པ་ཊྛཱ་ཡ ཛཱ་ཏི་ནི་མི་ཏྟེ་ན དུ་ཀྑེ་ན ཨ་ནྟོ ཨ་ནུ་པ་ཝི་ཊྛོ ཝི་ཡ ཝི་བཱ་དྷཱི་ཡ་ཏི. ཛ་རཱ་ཡཱཏི་ཨཱ་དཱི་སུ་པི ཨེ་སེ་ཝ ན་ཡོ. ཙ་ཏྟཱ་རོ པ་ཙྩ་ཡཱ ལ་བྦྷ་ནྟཱི་ཏི ལཱ་བྷཱ, ཙ་ཏུ་ནྣཾ པ་ཙྩ་ཡཱ་ནཾ ལ་བྦྷ་མཱ་ནཱ་ནཾ སུ་ཀ་ཏ་བྷཱ་ཝོ སུ་ཊྛུ ཨ་བྷི་ས་ངྑ་ཏ་བྷཱ་ཝོ. ཝ་ཎྞ་བྷ་ཎ་ནནྟི གུ་ཎ་ཀི་ཏྟ་ནཾ. ཨ་པ་ཉྙཱ་ཏཱཏི ས་མྦྷཱ་ཝ་ནཱ་ཝ་སེ་ན ན པ་ཉྙཱ་ཏཱ. ལཱ་བྷཱ་དི་ནི་བྦ་ཏྟི་ཡཱ་བྷཱ་ཝ་ད་སྶ་ན་ཉྷེ་ཏཾ. ཏེ་ནཱ་ཧ ‘‘གྷཱ་ས་ཙྪཱ་ད་ན་མ་ཏྟ་མྤི ན ལ་བྷ་ནྟཱི’’ཏི. ཨ་པྤེ་ས་ཀྑཱཏི ཨ་པྤཱ་ནུ་བྷཱ་ཝཱ. སཱ པ་ན ཨ་པྤེ་ས་ཀྑ་ཏཱ ཨ་དྷི་པ་ཏེ་ཡྻ་ས་མྤ་ཏྟི་ཡཱ ཙ པ་རི་ཝཱ་ར་ས་མྤ་ཏྟི་ཡཱ ཙ ཨ་བྷཱ་ཝེ་ན པཱ་ཀ་ཊཱ ཧོ་ཏི. ཏ་ཏྠ པ་རི་ཝཱ་ར་ས་མྤ་ཏྟི་ཡཱ ཨ་བྷཱ་ཝཾ ད་སྶེ་ནྟོ ‘‘ཨ་པྤ་པ་རི་ཝཱ་རཱ’’ཏི ཨཱ་ཧ.

སཱ་རེ་ན་པི ཀེ་ཙི ཨ་ཛཱ་ན་ནེ་ན ཨ་ཉྙཱ་ལཱ་བྷེ་ན ཝཱ ཨ་སཱ་ར་བྷཱུ་ཏ་མྤི ཀ་ཏྟ་བྦཾ ཀ་རོ་ནྟཱི་ཏི ཏ་ཏོ ཝི་སེ་ས་ན་ཏྠཾ ‘‘སཱ་རེ་ན སཱ་ར་ཀ་ར་ཎཱི་ཡ’’ནྟི ཝུ་ཏྟ་ནྟི ཏཾ ད་སྶེ་ནྟོ ‘‘ཨ་ཀྑ་ཙ་ཀྐ་ཡུ་ག་ན་ངྒ་ལཱ་དི་ཀ’’ནྟི ཨཱ་ཧ. བྲ་ཧྨ་ཙ་རི་ཡ་སྶཱཏི སི་ཀྑཱ་ཏྟ་ཡ་ས་ངྒ་ཧ་སྶ སཱ་ས་ན་བྲ་ཧྨ་ཙ་རི་ཡ་སྶ. མ་ཧཱ་རུ་ཀྑ་སྶ མ་གྒ་ཕ་ལ་སཱ་ར་སྶ ཉཱ་ཎ་ད་སྶ་ན་ཕེ་གྒུ་ཀ་སྶ ས་མཱ་དྷི་ཏ་ཙ་སྶ སཱི་ལ་པ་པ་ཊི་ཀ་སྶ ཙ་ཉྩ་ལ་ས་བྷཱ་ཝཱ སཾ་ས་པྤ་ཙཱ་རཱི་ཏི ཙ ཙ་ཏྟཱ་རོ པ་ཙྩ་ཡཱ སཱ་ཁཱ་པ་ལཱ་སཾ ནཱ་མ. ཏེ་ནེ་ཝཱཏི ལཱ་བྷ་ས་ཀྐཱ་ར་སི་ལོ་ཀ་ནི་བྦ་ཏྟ་ནེ་ནེ་ཝ. སཱ་རོ མེ པ་ཏྟོཏི ཨི་མ་སྨིཾ སཱ་ས་ནེ ཨ་དྷི་ག་ནྟ་བྦ་སཱ་རོ ནཱ་མ ཨི་མི་ནཱ ལཱ་བྷཱ་དི་ནི་བྦ་ཏྟ་ནེ་ན ཨ་ནུ་པྤ་ཏྟོ་ཏི ཝོ་སཱ་ནཾ ནི་ཊྛི་ཏ་ཀི་ཙྩཾ ཨཱ་པ་ནྣོ.

༣༡༠. ཉཱ་ཎ་ད་སྶ་ནནྟི ཉཱ་ཎ་བྷཱུ་ཏཾ ད་སྶ་ནཾ ཝི་ས་ཡ་སྶ ས་ཙྪི་ཀ་ར་ཎ་ཝ་སེ་ན པ་ཝ་ཏྟཾ ཨ་བྷི་ཉྙཱ་ཉཱ་ཎཾ. སུ་ཁུ་མཾ རཱུ་པནྟི དེ་ཝཱ་དཱི་ནཾ, ཨ་ཉྙ་མྤི ཝཱ སུ་ཁུ་མ་ས་བྷཱ་ཝཾ རཱུ་པཾ. ཏེ་ནཱ་ཧ ‘‘ཨ་ནྟ་མ་སོ…པེ… ཝི་ཧ་ར་ནྟཱི’’ཏི, དི་བྦ་ཙ་ཀྑུ ཧི ཨི་དྷ ཨུ་ཀྐ་ཊྛ་ནི་དྡེ་སེ་ན ‘‘ཉཱ་ཎ་ད་སྶ་ན’’ནྟི ག་ཧི་ཏཾ.

༣༡༡. ཨ་ས་མ་ཡ་ཝི་མོ་ཀྑཾ ཨཱ་རཱ་དྷེ་ཏཱིཏི ཨེ་ཏྠ ཨ་དྷི་པྤེ་ཏཾ ཨ་ས་མ་ཡ་ཝི་མོ་ཀྑཾ པཱ་ལི༹་ཡཱ ཨེ་ཝ ད་སྶེ་ཏུཾ ‘‘ཀ་ཏ་མོ ཨ་ས་མ་ཡ་ཝི་མོ་ཀྑོ’’ཏི་ཨཱ་དི ཝུ་ཏྟཾ. ཨ་ཊྛ་ནྣ་ཉྷི ས་མཱ་པ་ཛྫ་ན་ས་མ་ཡོ་པི ཨ་ཏྠི ཨ་ས་མ་ཡོ་པི, མ་གྒ་ཝི་མོ་ཀྑེ་ན པ་ན ཝི་མུ་ཙྩ་ན་སྶ ས་མ་ཡོ ཝཱ ཨ་ས་མ་ཡོ ཝཱ ན་ཏྠི. ཡ་སྶ ས་དྡྷཱ བ་ལ་ཝ་ཏཱི, ཝི་པ་སྶ་ནཱ ཙ ཨཱ་ར་དྡྷཱ, ཏ་སྶ ག་ཙྪ་ནྟ་སྶ ཏི་ཊྛ་ནྟ་སྶ ནི་སཱི་ད་ནྟ་སྶ བྷུ་ཉྫ་ནྟ་སྶ ཙ མ་གྒ་ཕ་ལ་པ་ཊི་ཝེ་དྷོ ནཱ་མ ན ཧོ་ཏཱི་ཏི ན ཝ་ཏྟ་བྦཾ, ཨི་ཏི མ་གྒ་ཝི་མོ་ཀྑེ་ན ཝི་མུ་ཙྩ་ནྟ་སྶ ས་མ་ཡོ ཝཱ ཨ་ས་མ་ཡོ ཝཱ ན་ཏྠཱི་ཏི སོ ཨ་ས་མ་ཡ་ཝི་མོ་ཀྑོ. ཏེ་ནཱ་ཧ ‘‘ལོ་ཀི་ཡ་ས་མཱ་པ་ཏྟི་ཡོ ཧཱི’’ཏི་ཨཱ་དི.

ན ཀུ་པྤ་ཏི, ན ན་སྶ་ཏཱི་ཏི ཨ་ཀུ་པྤཱ, ཀ་དཱ་ཙི་པི ཨ་པ་རི་ཧཱ་ན་ས་བྷཱ་ཝཱ. ས་བྦ་སཾ་ཀི་ལེ་སེ་ཧི པ་ཊི་པྤ་སྶ་དྡྷི་ཝ་སེ་ན ཙེ་ཏ་སོ ཝི་མུ་ཏྟཱི་ཏི ཙེ་ཏོ་ཝི་མུ་ཏྟི. ཏེ་ནཱ་ཧ ‘‘ཨ་ར་ཧ་ཏྟ་ཕ་ལ་ཝི་མུ་ཏྟཱི’’ཏི. ཨ་ཡ་མ་ཏྠོ པ་ཡོ་ཛ་ནཾ ཨེ་ཏ་སྶཱ་ཏི ཨེ་ཏ་ད་ཏྠཾ, སཱ་ས་ན་བྲ་ཧྨ་ཙ་རི་ཡཾ, ཏ་སྶ ཨེ་སཱ པ་ར་མ་ཀོ་ཊི. ཡ་ཐཱ་ར་དྡྷ་སྶ སཱ་རོ་པ་མེ་ན ཕ་ལེ་ན དེ་ས་ནཱ ནི་ཊྛཱ་པི་ཏཱ་ཏི ཨཱ་ཧ ‘‘ཡ་ཐཱ་ནུ་ས་ནྡྷི་ནཱ་ཝ དེ་ས་ནཾ ནི་ཊྛ་པེ་སཱི’’ཏི. ཡཾ པ་ནེ་ཏྠ ཨ་ཏྠ་ཏོ ཨ་ཝི་བྷ་ཏྟཾ, ཏཾ སུ་ཝི་ཉྙེ་ཡྻ་མེ་ཝ.

མ་ཧཱ་སཱ་རོ་པ་མ་སུ་ཏྟ་ཝ་ཎྞ་ནཱ་ཡ ལཱི་ན་ཏྠ་པྤ་ཀཱ་ས་ནཱ ས་མ་ཏྟཱ.