༡༦. ས་མཱ་རོ་པ་ན་ཧཱ་ར་ཝ་ཎྞ་ནཱ
‘‘ས་བྦ་དྷ་མྨ་མཱུ་ལ་པ་རི་ཡཱ་ཡ’’ནྟི་ཨཱ་དཱི་སུ མཱུ་ལ་པ་རི་ཡཱ་ཡ་གྒ་ཧ་ཎེ་ན ཨ་སྶུ་ཏ་ཝཱ་ག་ཧ་ཎེ་ན ས་ཉྫཱ་ན་ན་མ་ཉྙ་ནཱ་པ་རི་ཉྙཱ་ག་ཧ་ཎེ་ཧི ཙ སཾ་ཀི་ལེ་ས་དྷ་མྨཱ ད་སྶི་ཏཱ, ཏེ ཙ ས་ངྑེ་པ་ཏོ ཏི་ཝི་དྷཱ ཏ་ཎྷཱ་སཾ་ཀི་ལེ་སོ དི་ཊྛི་སཾ་ཀི་ལེ་སོ དུ་ཙྩ་རི་ཏ་སཾ་ཀི་ལེ་སོ་ཏི. ཏ་ཏྠ ཏ་ཎྷཱ་སཾ་ཀི་ལེ་སོ ཏ་ཎྷཱ་སཾ་ཀི་ལེ་ས་སྶ, དི་ཊྛི་སཾ་ཀི་ལེ་ས་སྶ, དུ་ཙྩ་རི་ཏ་སཾ་ཀི་ལེ་ས་སྶ ཙ པ་ད་ཊྛཱ་ནཾ, ཏ་ཐཱ དི་ཊྛི་སཾ་ཀི་ལེ་སོ དི་ཊྛི་སཾ་ཀི་ལེ་ས་སྶ, ཏ་ཎྷཱ་སཾ་ཀི་ལེ་ས་སྶ, དུ་ཙྩ་རི་ཏ་སཾ་ཀི་ལེ་ས་སྶ ཙ པ་ད་ཊྛཱ་ནཾ, དུ་ཙྩ་རི་ཏ་སཾ་ཀི་ལེ་སོ་པི དུ་ཙྩ་རི་ཏ་སཾ་ཀི་ལེ་ས་སྶ, ཏ་ཎྷཱ་སཾ་ཀི་ལེ་ས་སྶ, དི་ཊྛི་སཾ་ཀི་ལེ་ས་སྶ ཙ པ་ད་ཊྛཱ་ནཾ. ཏེ་སུ ཏ་ཎྷཱ་སཾ་ཀི་ལེ་སོ ཨ་ཏྠ་ཏོ ལོ་བྷོ་ཝ, ཡོ ‘‘ལོ་བྷོ ལུ་བྦྷ་ནཱ ལུ་བྦྷི་ཏ་ཏྟཾ སཱ་རཱ་གོ སཱ་ར་ཛྫ་ནཱ སཱ་ར་ཛྫི་ཏ་ཏྟ’’ནྟི་ཨཱ་དི་ནཱ (དྷ. ས. ༣༨༩) ཨ་ནེ་ཀེ་ཧི པ་རི་ཡཱ་ཡེ་ཧི ཝི་བྷ་ཏྟོ. ཏ་ཐཱ དི་ཊྛི་ཡེ་ཝ དི་ཊྛི་སཾ་ཀི་ལེ་སོ, ཡོ ‘‘དི་ཊྛི་ག་ཏཾ དི་ཊྛི་ག་ཧ་ནཾ དི་ཊྛི་ཀ་ནྟཱ་རོ དི་ཊྛི་ཝི་སཱུ་ཀཾ དི་ཊྛི་ཝི་པྥ་ནྡི་ཏ’’ནྟི་ཨཱ་དི་ནཱ (དྷ. ས. ༡༡༠༥) ཨ་ནེ་ཀེ་ཧི པ་རི་ཡཱ་ཡེ་ཧི, ‘‘ས་ནྟི, བྷི་ཀྑ་ཝེ, ཨེ་ཀེ ས་མ་ཎ་བྲཱ་ཧྨ་ཎཱ’’ཏི་ཨཱ་དི་ནཱ (དཱི. ནི. ༡.༣༠) དྭཱ་ས་ཊྛི་ཡཱ པ་བྷེ་དེ་ཧི ཙ ཝི་བྷ་ཏྟོ. དུ་ཙྩ་རི་ཏ་སཾ་ཀི་ལེ་སོ པ་ན ཨ་ཏྠ་ཏོ དུ་སྶཱི་ལྱ་ཙེ་ཏ་ནཱ ཙེ་ཝ ཙེ་ཏ་ནཱ་ས་མྤ་ཡུ་ཏྟ་དྷ་མྨཱ ཙ, ཡཱ ‘‘ཀཱ་ཡ་དུ་ཙྩ་རི་ཏཾ ཝ་ཙཱི་དུ་ཙྩ་རི་ཏཾ ཀཱ་ཡ་ཝི་ས་མཾ ཝ་ཙཱི་ཝི་ས་མ’’ནྟི (ཝི་བྷ. ༩༡༣, ༩༢༤), ‘‘པཱ་ཎཱ་ཏི་པཱ་ཏོ ཨ་དི་ནྣཱ་དཱ་ན’’ནྟི (ཝི་བྷ. ༩༡༣) ཙ ཨཱ་དི་ནཱ ཨ་ནེ་ཀེ་ཧི པ་རི་ཡཱ་ཡེ་ཧི, ཨ་ནེ་ཀེ་ཧི པ་བྷེ་དེ་ཧི ཙ ཝི་བྷ་ཏྟཱ.
ཏེ་སུ ཏ་ཎྷཱ་སཾ་ཀི་ལེ་ས་སྶ ས་མ་ཐོ པ་ཊི་པ་ཀྑོ, དི་ཊྛི་སཾ་ཀི་ལེ་ས་སྶ ཝི་པ་སྶ་ནཱ, དུ་ཙྩ་རི་ཏ་སཾ་ཀི་ལེ་ས་སྶ སཱི་ལཾ པ་ཊི་པ་ཀྑོ. ཏེ པ་ན སཱི་ལཱ་ད་ཡོ དྷ་མྨཱ ཨི་དྷ པ་རི་ཉྙཱ་ག་ཧ་ཎེ་ན སེ་ཀྑ་གྒ་ཧ་ཎེ་ན ‘‘ཨ་ར་ཧ’’ནྟི་ཨཱ་དི་ནཱ ཨ་རི་ཡ་ཏཱ་དི་གྒ་ཧ་ཎེ་ན ཙ ག་ཧི་ཏཱ. ཏ་ཏྠ སཱི་ལེ་ན དུ་ཙྩ་རི་ཏ་སཾ་ཀི་ལེ་ས་པྤ་ཧཱ་ནཾ སི་ཛ྄ཛྷ་ཏི, ཏ་ཐཱ ཏ་ད་ངྒ་པྤ་ཧཱ་ནཾ ཝཱི་ཏི་ཀྐ་མ་པྤ་ཧཱ་ན་ཉྩ, ས་མ་ཐེ་ན ཏ་ཎྷཱ་སཾ་ཀི་ལེ་ས་པྤ་ཧཱ་ནཾ སི་ཛ྄ཛྷ་ཏི, ཏ་ཐཱ ཝི་ཀྑ་མྦྷ་ན་པྤ་ཧཱ་ནཾ པ་རི་ཡུ་ཊྛཱ་ན་པྤ་ཧཱ་ན་ཉྩ. ཝི་པ་སྶ་ནཱ་ཡ དི་ཊྛི་སཾ་ཀི་ལེ་ས་པྤ་ཧཱ་ནཾ སི་ཛ྄ཛྷ་ཏི, ཏ་ཐཱ ས་མུ་ཙྪེ་ད་པྤ་ཧཱ་ནཾ ཨ་ནུ་ས་ཡ་པྤ་ཧཱ་ན་ཉྩ. ཏ་ཏྠ པུ་བྦ་བྷཱ་གེ སཱི་ལེ པ་ཏི་ཊྛི་ཏ་སྶ ས་མ་ཐོ, ས་མ་ཐེ པ་ཏི་ཊྛི་ཏ་སྶ ཝི་པ་སྶ་ནཱ, མ་གྒ་ཀྑ་ཎེ པ་ན ས་མ་ཀཱ་ལ་མེ་ཝ བྷ་ཝ་ནྟི. པུ་བྦེ་ཡེ་ཝ ཧི སུ་པ་རི་སུ་དྡྷ་ཀཱ་ཡ་ཝ་ཙཱི་ཀ་མྨ་སྶ སུ་པ་རི་སུ་དྡྷཱ་ཛཱི་ཝ་སྶ ཙ ས་མ་ཐ་ཝི་པ་སྶ་ནཱ ཨཱ་ར་དྡྷཱ ག་བྦྷཾ ག་ཎྷ་ནྟི་ཡོ པ་རི་པཱ་ཀཾ ག་ཙྪ་ནྟི་ཡོ ཝུ་ཊྛཱ་ན་གཱ་མི་ནི་ཝི་པ་སྶ་ནཾ པ་རི་བྲཱུ་ཧེ་ནྟི, ཝུ་ཊྛཱ་ན་གཱ་མི་ནི་ཝི་པ་སྶ་ནཱ བྷཱ་ཝ་ནཱ་པཱ་རི་པཱུ་རིཾ ག་ཙྪ་ནྟཱི མ་གྒེ་ན གྷ་ཊེ་ནྟི མ་གྒ་ཀྑ་ཎེ ས་མ་ཐ་ཝི་པ་སྶ་ནཱ པ་རི་པཱུ་རེ་ཏི. ཨ་ཐ མ་གྒ་ཀྑ་ཎེ ས་མ་ཐ་ཝི་པ་སྶ་ནཱ་བྷཱ་ཝ་ནཱ་པཱ་རི་པཱུ་རི་ཡཱ ཨ་ན་ཝ་སེ་ས་སཾ་ཀི་ལེ་ས་དྷ་མྨཾ ས་མུ་ཙྪི་ནྡ་ནྟི་ཡོ ནི་རོ་དྷཾ ནི་བྦཱ་ནཾ ས་ཙྪི་ཀ་རོ་ནྟཱི་ཏི. ཨ་ཡཾ ས་མཱ་རོ་པ་ནོ ཧཱ་རོ.
སོ་ལ༹་ས་ཧཱ་ར་ཝ་ཎྞ་ནཱ ནི་ཊྛི་ཏཱ.