༧. ཝི་ཧཱ་ར་ཀཱ་ར་སི་ཀྑཱ་པ་ད་ཝ་ཎྞ་ནཱ

མ་ཧ་ནྟཾ ལཱ་ཏི ག་ཎྷཱ་ཏཱི་ཏི མ་ཧ་ལླ་ཀོ, ཏཾ མ་ཧ་ལླ་ཀཾ. ཡོ ཙ ཡཾ ག་ཎྷཱ་ཏི, སོ ཏ་སྶ ཨ་ཏྠཱི་ཏི ཨཱ་ཧ ‘‘མ་ཧ་ནྟ་བྷཱ་ཝོ ཨེ་ཏ་སྶ ཨ་ཏྠཱིཏི མ་ཧ་ལླ་ཀོ’’ཏི. སོ ཙ མ་ཧ་ནྟ་བྷཱ་ཝོ ཀེ་ན, ཀུ་ཏོ ཙཱ་ཏི ཨཱ་ཧ ‘‘ས་སཱ་མི་ཀ་བྷཱ་ཝེ་ནཱ’’ཏི་ཨཱ་དི. ན ཀེ་ཝ་ལཾ ས་སཱ་མི་ཀ་བྷཱ་ཝེ་ནེ་ཝཱ་ཏི ཨཱ་ཧ ‘‘ཡ་སྨཱ ཝཱ’’ཏི་ཨཱ་དི. ཡ་དི ཨེ་ཝཾ ཨ་ཐ ཀ་སྨཱ ‘‘མ་ཧ་ལླ་ཀོ ནཱ་མ ཝི་ཧཱ་རོ ས་སཱ་མི་ཀོ ཝུ་ཙྩ་ཏཱི’’ཏི (པཱ་རཱ. ༣༦༧) ཨེ་ཏྟ་ཀ་མེ་ཝ པ་ད་བྷཱ་ཛ་ནེ ཝུ་ཏྟ་ནྟི ཨཱ་ཧ ‘‘ཡ་སྨཱ པ་ནཱ’’ཏི་ཨཱ་དི. ཝི་ཧ་ར་ནྟི ཨེ་ཏྠཱ་ཏི ཝི་ཧཱ་རོ, ཨཱ་ཝཱ་སོ. མཱ་ཏི་ཀཱ་ཡཾ བྷི་ཀྑཱུ ཝཱ ཨ་ན་བྷི་ནེ་ཡྻཱཏི ཨེ་ཏྠ ཝཱ-ས་དྡོ ‘‘ཨ་ཡཾ ཝཱ སོ མ་ཧཱ་ནཱ་གོ’’ཏི་ཨཱ་དཱི་སུ ཝི་ཡ ཨ་ཝ་དྷཱ་ར་ཎ་ཏྠོ.

ཀོ་ས་མྦི་ཡནྟི (སཱ་ར་ཏྠ. ཊཱི. ༢.༣༦༥) ཨེ་ཝཾ་ནཱ་མ་ཀེ ན་ག་རེ. ཏ་སྶ ཀི་ར ན་ག་ར་སྶ ཨཱ་རཱ་མ་པོ་ཀྑ་ར་ཎི་ཨཱ་དཱི་སུ ཏེ་སུ ཏེ་སུ ཋཱ་ནེ་སུ ཀོ་ས་མྦ་རུ་ཀྑཱ་ཝ ཨུ་སྶ་ནྣཱ ཨ་ཧེ་སུཾ, ཏ་སྨཱ ཏཾ ‘‘ཀོ་ས་མྦཱི’’ཏི ས་ངྑཾ ག་ཙྪ་ཏི. ‘‘ཀུ་སུ་མྦ་སྶ ནཱ་མ ཨི་སི་ནོ ཨ་སྶ་མ་ཏོ ཨ་ཝི་དཱུ་རེ མཱ་པི་ཏ་ཏྟཱ’’ཏི ཨེ་ཀེ. ཚ་ནྣ་ཏྠེ་རཾ ཨཱ་ར་བྦྷཱཏི ཡོ ཨ་བྷི་ནི་ཀྑ་མ་ན་ཀཱ་ལེ ས་དྡྷིཾ ནི་ཀྑ་ནྟོ, ཡ་སྶ ཙ ས་ཏྠཱ་རཱ པ་རི་ནི་བྦཱ་ན་ཀཱ་ལེ བྲ་ཧྨ་ད་ཎྜོ (ཙཱུ་ལ༹་ཝ. ༤༤༥) ཨཱ་ཎ་ཏྟོ, ཏཾ ཚ་ནྣ་ཏྠེ་རཾ ཨཱ་ར་བྦྷ. ཙེ་ཏི་ཡ་རུ་ཀྑནྟི ཙི་ཏྟཱི་ཀ་ཏ་ཊྛེ་ན ཙེ་ཏི་ཡཾ, པཱུ་ཛཱ་ར་ཧཱ་ནཾ དེ་ཝ་ཊྛཱ་ནཱ་ན་མེ་ཏཾ ཨ་དྷི་ཝ་ཙ་ནཾ, ‘‘ཙེ་ཏི་ཡ’’ནྟི ས་མྨ་ཏཾ རུ་ཀྑཾ ཙེ་ཏི་ཡ་རུ་ཀྑཾ. ཝ་ཏྠུ་ནོ ཨ་དེ་ས་ནཱ་ཡ ཨཱ་པ་ཛྫ་ན་ཏོ ‘‘ཨ་ཀི་རི་ཡ་མ་ཏྟ་ཏོ ས་མུ་ཊྛཱ་ན་བྷཱ་ཝོ’’ཏི ཝུ་ཏྟཾ. མ་ཏྟ-ས་དྡེ་ན ཀི་རི་ཡ་ཏོ ས་མུ་ཊྛཱ་ན་ཏཾ པ་ཊི་ཀྑི་པ་ཏི. ཀེ་ཙི པ་ན ‘‘ཝ་ཏྠུ་ཨ་དེ་ས་ནཱ་ཡ, ཀུ་ཊི་ཀ་ར་ཎེ་ན ཙ ས་མུ་ཊྛཱ་ན་ཏོ ཀི་རི་ཡཱ་ཀི་རི་ཡ་ཏོ ས་མུ་ཊྛཱ་ཏཱི’’ཏི ཝ་ད་ནྟི. པ་མཱ་ཎ་ནི་ཡ་མཱ་བྷཱ་ཝོ་ཝ ཝི་སེ་སོ.

ཝི་ཧཱ་ར་ཀཱ་ར་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.