༦. ཨཱ་རཱ་མ་ཝ་གྒོ

༡-༢. ཨཱ་རཱ་མ་པ་ཝི་ས་ནཱ་དི་སི་ཀྑཱ་པ་ད་ཝ་ཎྞ་ནཱ

སཱི་སཱ་ནུ་ལོ་ཀི་ཀཱ་ཡཱཏི སཱི་སཾ ཨ་ནུ་ལོ་ཀེ་ནྟི་ཡཱ. ཡ་ཏྠ ཝཱ བྷི་ཀྑུ་ནི་ཡོ ས་ནྣི་པ་ཏི་ཏཱཏི ཡ་ཏྠ བྷི་ཀྑུ་ནི་ཡོ པ་ཋ་མ་ཏ་རཾ ས་ཛ྄ཛྷཱ་ཡ་ན་ཙེ་ཏི་ཡ་ཝ་ནྡ་ནཱ་དི་ཨ་ཏྠཾ ས་ནྣི་པ་ཏི་ཏཱ. ཨཱ་པ་དཱ་སཱུཏི ཀེ་ན་ཙི ཨུ་པ་དྡུ་ཏཱ ཧོ་ཏི, ཨེ་ཝ་རཱུ་པཱ་སུ ཨཱ་པ་དཱ་སུ པ་ཝི་སི་ཏུཾ ཝ་ཊྚ་ཏི.

དུ་ཏི་ཡཾ ཨུ་ཏྟཱ་ན་ཏྠ་མེ་ཝ.

ཨཱ་རཱ་མ་པ་ཝི་ས་ནཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༣-༤. ག་ཎ་པ་རི་བྷཱ་ས་ནཱ་དི་སི་ཀྑཱ་པ་ད་ཝ་ཎྞ་ནཱ

སེ་སནྟི ‘‘ཨ་ཏྠ་དྷ་མྨ་ཨ་ནུ་སཱ་ས་ནི་པུ་རེ་ཀྑཱ་རཱ་ཡཱ’’ཏི་ཨཱ་དི་ཀཾ ཨ་ཝ་སེ་སཾ. ཏ་ཏྠ ཨ་ནུ་སཱ་ས་ནི་པུ་རེ་ཀྑཱ་རཱ་ཡཱཏི ‘‘ཨི་དཱ་ནི་པི ཏྭཾ བཱ་ལཱ ཨ་བྱ་ཏྟཱ’’ཏི་ཨཱ་དི་ནཱ (པཱ་ཙི. ཨ་ཊྛ. ༡༠༣༦) ན་ཡེ་ན ཨ་ནུ་སཱ་ས་ནི་པ་ཀྑེ ཋ་ཏྭཱ ཝ་ད་ནྟི་ཡཱ ཨ་ནཱ་པ་ཏྟི.

ཙ་ཏུ་ཏྠཾ ཨུ་ཏྟཱ་ན་ཏྠ་མེ་ཝ.

ག་ཎ་པ་རི་བྷཱ་ས་ནཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༥. ཀུ་ལ་མ་ཙྪ་རི་ནཱི་སི་ཀྑཱ་པ་ད་ཝ་ཎྞ་ནཱ

ཀུ་ལེ མ་ཙྪ་རོ ཀུ་ལ་མ་ཙྪ་རོཏི པུ་རི་མ་སྨིཾ པ་ཀྑེ ས་ཀ་ཏྠེ ཨི་ནཱིཔ་ཙྩ་ཡོ, ཏཾ ཀུ་ལཾ ཨ་སྶ་དྡྷཾ ཨ་པྤ་ས་ནྣ་ནྟི ཀུ་ལ་སྶ ཨ་གུ་ཎཾ, ཨ་ཡ་སཾ ཝཱ བྷཱ་ས་ནྟི་ཡཱ་ཏི ཨ་ཏྠོ. བྷི་ཀྑུ་ནཱི་ནཾ ཨ་ཝ་ཎྞཾ བྷཱ་ས་ནྟི་ཡཱཏི ‘‘བྷི་ཀྑུ་ནི་ཡོ དུ་སྶཱི་ལཱ པཱ་པ་དྷ་མྨཱ’’ཏི (པཱ་ཙི. ཨ་ཊྛ. ༡༠༤༣) བྷི་ཀྑུ་ནཱི་ནཾ ཨ་གུ་ཎཾ, ཨ་ཡ་སཾ ཝཱ བྷཱ་ས་ནྟི་ཡཱ.

ས་ནྟཾ་ཡེ་ཝ ཨཱ་དཱི་ན་ཝནྟི ཀུ་ལ་སྶ ཝཱ བྷི་ཀྑུ་ནཱི་ནཾ ཝཱ ས་ནྟཾ་ཡེ་ཝ ཨ་གུ་ཎཾ.

ཀུ་ལ་མ་ཙྪ་རི་ནཱི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༦-༨. ཨ་བྷི་ཀྑུ་ཀཱ་ཝཱ་སཱ་དི་སི་ཀྑཱ་པ་ད་ཝ་ཎྞ་ནཱ

ས་མ་ནྟ་པཱ་སཱ་དི་ཀཱ་ཡཾ ཝུ་ཏྟོཏི ས་མ་ནྟ་པཱ་སཱ་དི་ཀཱ་ཡ ཨོ་ཝཱ་ད་ཝ་གྒ་སྶ པ་ཋ་མ་སི་ཀྑཱ་པ་དེ (པཱ་ཙི. ཨ་ཊྛ. ༡༤༤) ཝུ་ཏྟོ.

ས་ཏྟ་མ་ཊྛ་མཱ་ནི ཨུ་ཏྟཱ་ན་ཏྠཱ་ནེ་ཝ.

ཨ་བྷི་ཀྑུ་ཀཱ་ཝཱ་སཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༩-༡༠. ཨོ་ཝཱ་དཱུ་པ་ས་ངྐ་མ་ནཱ་དི་སི་ཀྑཱ་པ་ད་ཝ་ཎྞ་ནཱ

ཨུ་པོ་ས་ཐ་སྶ པུ་ཙྪ་ནཾ ཨུ་པོ་ས་ཐ་པུ་ཙྪཱ, སཱ་ཝ་ཀ་པ་ཙྩ་ཡཾ, ར་སྶ་ཏྟ་ཉྩ ཀ་ཏྭཱ ‘‘ཨུ་པོ་ས་ཐ་པུ་ཙྪ་ཀ’’ནྟི ཝུ་ཏྟཱ་ཏི ཨཱ་ཧ ‘‘ཨུ་པོ་ས་ཐ་པུ་ཙྪ་ན’’ནྟི. ཨོ་ཝཱ་ད་ཏྠཱ་ཡཱཏི ཨོ་ཝཱ་ད་ཡཱ་ཙ་ན་ཏྠཱ་ཡ.

ད་ས་མཾ ཨུ་ཏྟཱ་ན་ཏྠ་མེ་ཝ.

ཨོ་ཝཱ་དཱུ་པ་ས་ངྐ་མ་ནཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

ཨཱ་རཱ་མ་ཝ་གྒོ ཚ་ཊྛོ.