༩. པ་ར་ཨ་བྷི་ས་པ་ན་སི་ཀྑཱ་པ་ད་ཝ་ཎྞ་ནཱ

མ་ནུ་སྶ་དོ་བྷ་གྒེ་ན ཝཱཏི ‘‘ཀཱ་ཎཱ ཧོ་མི, ཀུ་ཎཱི ཧོ་མི, ཨི་ཏ་རཱ ཝཱ ཨཱི་དི་སཱ ཧོ་ཏཱུ’’ཏི་ཨཱ་དི་ནཱ མ་ནུ་སྶ་ཝི་རཱུ་པ་བྷཱ་ཝེ་ན. ཨ་ཏྠ་དྷ་མྨ་ཨ་ནུ་སཱ་ས་ནི་པུ་རེ་ཀྑཱ་རཱ་ནནྟི ཨེ་ཏྠ ཨ་ཏྠ་པུ་རེ་ཀྑཱ་རཱ་ཡཱཏི ཨ་ཊྛ་ཀ་ཐཾ ཀ་ཐེ་ནྟི་ཡཱ. དྷ་མྨ་པུ་རེ་ཀྑཱ་རཱ་ཡཱཏི པཱ་ལི༹ཾ ཝཱ་ཙེ་ནྟི་ཡཱ. ཨ་ནུ་སཱ་ས་ནི་པུ་རེ་ཀྑཱ་རཱ་ཡཱཏི ‘‘ཨི་དཱ་ནི་པི ཏྭཾ ཨེ་དི་སཱ, སཱ་དྷུ ཝི་ར་མ་སྶུ, ནོ ཙེ ཝི་ར་མ་སི, ཨ་དྡྷཱ པུ་ན ཨེ་ཝ་རཱུ་པཱ་ནི ཀ་མྨཱ་ནི ཀ་ཏྭཱ ནི་ར་ཡེ ཨུ་པྤ་ཛྫི་སྶ་སི, ཏི་ར་ཙྪཱ་ན་ཡོ་ནི་ཡཱ ཨུ་པྤ་ཛྫི་སྶ་སཱི’’ཏི (པཱ་ཙི. ཨ་ཊྛ. ༨༧༨) ཨེ་ཝཾ ཨ་ནུ་སཱ་ས་ནི་ཡཾ ཋ་ཏྭཱ ཝ་ད་ནྟི་ཡཱ.

པ་ར་ཨ་བྷི་ས་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.