༥. ཨུ་བྦྷ་ཛཱ་ཎུ་མ་ཎྜ་ལ་སི་ཀྑཱ་པ་ད་ཝ་ཎྞ་ནཱ

ཨུ་བྦྷ་ཀ་པྤ་རནྟི དུ་ཏི་ཡ་མ་ཧཱ་ས་ནྡྷི་ཏོ ཨུ་དྡྷཾ. ཨི་ཏོ ཙི་ཏོ ཙ ས་ཉྩ་ར་ཎནྟི ཧ་ཏྠ་སྶ ཝཱ ཀཱ་ཡ་སྶ ཝཱ ཏི་རི་ཡཾ ཨི་ཏོ ཙི་ཏོ ཙ ས་ཉྩ་ར་ཎཾ.

ཨེ་ཀ་ཏོ་ཨ་ཝ་སྶུ་ཏེཏི (པཱ་ཙི. ཨ་ཊྛ. ༦༦༢) བྷི་ཀྑུ་ནི་ཡཱ ཨ་ཝ་སྶ་ཝེ, བྷི་ཀྑུ་ནི་ཡཱ ཀཱ་ཡ་སཾ་ས་གྒ་རཱ་གེ་ན ཨ་ཝ་སྶུ་ཏ་བྷཱ་ཝེ ས་ཏཱི་ཏི ཨ་ཏྠོ. བྷི་ཀྑུ་ནི་ཡཱ ཝ་སེ་ནེ་ཝ ཙ ཨེ་ཀ་ཏོ་ཨ་ཝ་སྶུ་ཏ་བྷཱ་ཝོ ག་ཧེ་ཏ་བྦོ. ཝུ་ཏྟ་ཉྷེ་ཏཾ ས་མ་ནྟ་པཱ་སཱ་དི་ཀཱ་ཡཾ (པཱ་ཙི. ཨ་ཊྛ. ༦༦༢) –

‘‘ཨེ་ཀ་ཏོ་ཨ་ཝ་སྶུ་ཏེ་ཏི ཨེ་ཏྠ ཀི་ཉྩཱ་པི ‘ཨེ་ཀ་ཏོ’ཏི ཨ་ཝི་སེ་སེ་ན ཝུ་ཏྟཾ, ཏ་ཐཱ་པི བྷི་ཀྑུ་ནི་ཡཱ ཨེ་ཝ ཨ་ཝ་སྶུ་ཏེ ས་ཏི ཨ་ཡཾ ཨཱ་པ་ཏྟི་བྷེ་དོ ཝུ་ཏྟོ་ཏི ཝེ་དི་ཏ་བྦོ’’ཏི.

པུ་རི་ས་སྶ ཀཱ་ཡནྟི པུ་རི་ས་སྶ ཡཾ ཀ་ཉྩི ཀཱ་ཡཾ. ཨུ་བྷ་ཏོ་ཨ་ཝ་སྶུ་ཏེ་པཱིཏི བྷི་ཀྑུ་ནི་ཡཱ ཙེ་ཝ པུ་རི་ས་སྶ ཙ ཀཱ་ཡ་སཾ་ས་གྒ་རཱ་གེ་ན ཨ་ཝ་སྶུ་ཏ་བྷཱ་ཝེ ས་ཏི་པི. ཀཱ་ཡེ་ནཱཏི ཡ་ཐཱ་པ་རི་ཙྪི་ནྣེ་ན ཨ་ཏྟ་ནོ ཀཱ་ཡེ་ན. ཀཱ་ཡ་པྤ་ཊི་བ་དྡྷནྟི པུ་རི་ས་སྶ ཀཱ་ཡ་པྤ་ཊི་བ་དྡྷཾ. ཨ་ཝ་སེ་ས་ཀཱ་ཡེ་ན ཝཱཏི ཡ་ཐཱ་པ་རི་ཙྪི་ནྣ་ཀཱ་ཡ་ཏོ ཨ་ཝ་སེ་སེ་ན ཀཱ་ཡེ་ན, ཨུ་བྦྷ་ཀྑ་ཀ་ཨ་དྷོ་ཛཱ་ཎུ་མ་ཎྜ་ལ་ཨ་དྷོ་ཀ་པྤ་ར་ས་ངྑཱ་ཏེ་ན ཀཱ་ཡེ་ནཱ་ཏི ཝུ་ཏྟཾ ཧོ་ཏི. ཏ་སྶ ཀཱ་ཡནྟི ཨ་ཝ་སྶུ་ཏ་སྶ ཏ་སྶ པུ་རི་ས་སྶ ཡཾ ཀ་ཉྩི ཀཱ་ཡཾ. ཡ་ཐཱ ཙེ་ཏྠ ས་ཡཾ ཨཱ་མ་ས་ནྟི་ཡཱ ཐུ་ལླ་ཙྩ་ཡཾ, ཨེ་ཝཾ ཏ་སྶ ཨཱ་མ་ས་ནཾ སཱ་དི་ཡ་ནྟི་ཡཱ་པཱི་ཏི ད་ཊྛ་བྦཾ. པུ་རི་ས་སྶ ཀཱ་ཡ་སཾ་ས་གྒ་རཱ་གོ ན་ཏྠཱིཏི པུ་རི་ས་སྶ མེ་ཐུ་ན་རཱ་གོ, གེ་ཧ་སི་ཏ་པེ་མཾ, སུ་དྡྷ་ཙི་ཏྟཾ ཝཱ. ཨ་ཝ་སེ་སེཏི པཱ་རཱ་ཛི་ཀ་ཁེ་ཏྟ་ཏོ ཨ་ཝ་སེ་སེ. ཀཱ་ཡ་པྤ་ཊི་བ་དྡྷེ་ན ཀཱ་ཡ་པྤ་ཊི་བ་དྡྷཱ་དི་བྷེ་དེཏི ‘‘ཀཱ་ཡ་པྤ་ཊི་བ་དྡྷེ་ན ཀཱ་ཡ་པྤ་ཊི་བ་དྡྷཾ ཨཱ་མ་ས་ཏི, ཨཱ་པ་ཏྟི དུ་ཀྐ་ཊ་སྶཱ’’ཏི་ཨཱ་དི་ཀེ (པཱ་ཙི. ༦༥༩, ༦༦༢) ས་བྦ་ཝཱ་རེ. ‘‘ཨ་ས་ཉྩི་ཙྩཱ’’ཏི་ཨཱ་དཱི་སུ ཝི་ར་ཛ྄ཛྷི་ཏྭཱ ཝཱ ཨཱ་མ་ས་ནྟི་ཡཱ, ཨ་ཉྙ་ཝི་ཧི་ཏཱ་ཡ ཝཱ, ‘‘ཨ་ཡཾ པུ་རི་སོ’’ཏི ཝཱ ‘‘ཨི་ཏྠཱི’’ཏི ཝཱ ཨ་ཛཱ་ན་ནྟི་ཡཱ ཝཱ, ཏེ་ན ཕུ་ཊྛཱ་ཡ་པི ཏཾ ཕ་སྶཾ ཨ་སྶཱ་ད་ཡ་ནྟི་ཡཱ ཝཱ ཨཱ་མ་ས་ནེ་པི ས་ཏི ཨ་ནཱ་པ་ཏྟི.

ཨུ་བྦྷ་ཛཱ་ཎུ་མ་ཎྜ་ལ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.