༣༠-༣༢. ས་མ་ཏི་ཏྟི་ཀཱ་དི་སི་ཀྑཱ་པ་ད་ཝ་ཎྞ་ནཱ

ས་མ་ཏི་ཏྟི་ཀནྟི བྷཱ་ཝ་ན་པུཾ་ས་ཀ་ནི་དྡེ་སོ, ས་མ་ཏི་ཏྟི་ཀཾ ཀ་ཏྭཱ་ཏི ཨ་ཏྠོ. ཨེ་ཝ་མ་ཉྙེ་སུ་པི ཨཱི་དི་སེ་སུ ཋཱ་ནེ་སུ ཨ་ཏྠོ ད་ཊྛ་བྦོ. ས་མ་པུ་ཎྞནྟི (སཱ་ར་ཏྠ. ཊཱི. པཱ་ཙི་ཏྟི་ཡ ༣.༦༠༥) པ་ཏྟ་སྶ ཨ་ནྟོ་མུ་ཁ་ཝ་ཊྚི་ལེ་ཁཱ་ས་མ་པུ་ཎྞཾ. ས་མ་བྷ་རི་ཏནྟི ཨེ་ཏྠཱ་པི ཨེ་སེ་ཝ ན་ཡོ. ཏ་ཉྩ ཁོ ཨ་དྷི་ཊྛཱ་ནུ་པ་ག་པ་ཏྟ་སྶེ་ཝ, ནེ་ཏ་ར་སྶ. ཏེ་ནཱ་ཧ ‘‘ཨ་དྷི་ཊྛཱ་ནུ་པ་ག་པ་ཏྟ་སྶཱ’’ཏི་ཨཱ་དི. ར་ཙི་ཏནྟི ཀ་ཏཾ, པ་ཀྑི་ཏྟཾ པཱུ་རི་ཏ་ནྟི ཨ་ཏྠོ. ཡཾ ཀི་ཉྩི ཡཱ་ཝ་ཀཱ་ལི་ཀནྟི ཡཱ་གུ་བྷ་ཏྟ་ཕ་ལཱ་ཕ་ལཱ་དིཾ ཡཾ ཀི་ཉྩི ཨཱ་མི་ས་ཛཱ་ཏི་ཀཾ. ཡ་ཏྠ ཀ་ཏྠ་ཙཱི་ཏི ཨ་དྷི་ཊྛཱ་ནུ་པ་གོ ཝཱ ཧོ་ཏུ, ཨ་ན་དྷི་ཊྛཱ་ནུ་པ་གོ ཝཱ ཡ་ཏྠ ཀ་ཏྠ་ཙི པ་ཏྟེ. ཐཱུ་པཱི་ཀ་ཏཱ་ནཱིཏི ཐཱུ་པཾ ཝི་ཡ ཀ་ཏཱ་ནི, ཨ་དྷི་ཊྛཱ་ནུ་པ་ག་སྶ པ་ཏྟ་སྶ ཨ་ནྟོ་མུ་ཁ་ཝ་ཊྚི་ལེ་ཁཾ ཨ་ཏི་ཀྐ་མི་ཏྭཱ ཀ་ཏཱ་ནཱི་ཏི ཨ་ཏྠོ. ཨི་ད་ཉྩ ‘‘ཡཱ་མ་ཀཱ་ལི་ཀཱ་དཱི་ནཱི’’ཏི ཨི་མ་སྶ ཝ་སེ་ན ཝུ་ཏྟཾ, ‘‘ཡཱ་ཝ་ཀཱ་ལི་ཀ’’ནྟི ཨི་མ་སྶ པ་ན ཝ་སེ་ན ཝ་ཙ་ན་བྱ་ཏྟ་ཡཾ ཀ་ཏྭཱ ‘‘ཐཱུ་པཱི་ཀ་ཏ་མྤི ཝ་ཊྚ་ཏཱི’’ཏི ཡོ་ཛེ་ཏ་བྦཾ. པི-ས་དྡེ་ན ཨ་ཐཱུ་པཱི་ཀ་ཏཱ་ནི ཝ་ཊྚ་ནྟཱི་ཏི ཨེ་ཏྠ ཀ་ཐཱ་ཝ ན་ཏྠཱི་ཏི ད་སྶེ་ཏི. ཧེ་ཊྛཱ ཨོ་རོ་ཧ་ཏཱིཏི ས་མ་ནྟཱ ཨོ་ཀཱ་ས་ས་བྦྷཱ་ཝ་ཏོ ཙཱ་ལི་ཡ་མཱ་ནཾ ཧེ་ཊྛཱ བྷ་སྶ་ཏི. ཏ་ཀྐོ་ལ་ཝ་ཊཾ་ས་ཀཱ་ད་ཡོཏི ཨེ་ཏྠ མ་ཏྠ་ཀེ ཋ་པི་ཏ་ཏ་ཀྐོ་ལ་མེ་ཝ ཝ་ཊཾ་ས་ཀ་ས་དི་ས་ཏྟཱ ཏ་ཀྐོ་ལ་ཝ་ཊཾ་ས་ཀཾ. ཨཱ་དིས་དྡེ་ན པུ་པྥ་ཝ་ཊཾ་ས་ཀ་ཀ་ཊུ་ཀ་ཕ་ལཱ་དི་ཝ་ཊཾ་ས་ཀཱ་ནཾ (པཱ་ཙི. ཨ་ཊྛ. ༦༠༥) ག་ཧ་ཎཾ, ན ཏཾ ཐཱུ་པཱི་ཀ་ཏཾ ནཱ་མ ཧོ་ཏི པཱ་ཊེ་ཀྐཾ བྷཱ་ཛ་ན་ཏྟཱ པ་ཎྞཱ་དཱི་ནཾ.

ས་མ་ཏི་ཏྟི་ཀཱ་དི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.