༦. ཏཱུ་ལོ་ན་དྡྷ་སི་ཀྑཱ་པ་ད་ཝ་ཎྞ་ནཱ

ཚ་ཊྛེ ཏཱུ་ལཾ ཨོ་ན་དྡྷ་མེ་ཏྠཱ་ཏི ཏཱུ་ལོ་ན་དྡྷཾ, ཙི་མི་ལི་ཀཾ པ་ཏྠ་རི་ཏྭཱ ཏཱུ་ལཾ པ་ཀྑི་པི་ཏྭཱ ཨུ་པ་རི ཙི་མི་ལི་ཀཱ་ཡ ཨོ་ན་དྡྷ་ནྟི ཝུ་ཏྟཾ ཧོ་ཏི. ཨུ་དྡཱ་ལ་ན་ཀཾ བྷེ་ད་ན་ཀ་ས་དི་ས་མེ་ཝ.

སཱ་ཝ་ཏྠི་ཡཾ ཚ་བྦ་གྒི་ཡེ ཨཱ་ར་བྦྷ ཏཱུ་ལོ་ན་དྡྷ་ཀཱ་རཱ་པ་ན་ཝ་ཏྠུ་སྨིཾ པ་ཉྙ་ཏྟཾ, ཨཱ་ཡོ་གེ ཀཱ་ཡ་བ་ནྡྷ་ནེ ཨཾ་ས་བ་དྡྷ་ཀེ པ་ཏྟ་ཏྠ་ཝི་ཀཱ་ཡ པ་རི་སྶཱ་ཝ་ནེ བི་མྦོ་ཧ་ནེ, ཨ་ཉྙེ་ན ཀ་ཏཾ ཏཱུ་ལོ་ན་དྡྷཾ པ་ཊི་ལ་བྷི་ཏྭཱ ཨུ་དྡཱ་ལེ་ཏྭཱ པ་རི་བྷུ་ཉྫ་ནྟ་སྶ, ཨུ་མྨ་ཏྟ་ཀཱ་དཱི་ན་ཉྩ ཨ་ནཱ་པ་ཏྟི. བི་མྦོ་ཧ་ནཉྩེ་ཏྠ སཱི་ས་པྤ་མཱ་ཎ་མེ་ཝ ཝ་ཊྚ་ཏི, སཱི་ས་པྤ་མཱ་ཎཾ ནཱ་མ ཡ་སྶ ཝི་ཏྠཱ་ར་ཏོ ཏཱི་སུ ཀོ་ཎེ་སུ དྭི་ནྣཾ ཨ་ནྟ་རཾ ཝི་ད་ཏྠི་ཙ་ཏུ་ར་ངྒུ་ལཾ ཧོ་ཏི, མ་ཛ྄ཛྷེ མུ་ཊྛི་ར་ཏ་ནཾ, དཱི་གྷ་ཏོ དི་ཡ་ཌྜྷ་ར་ཏ་ནཾ ཝཱ དྭི་ར་ཏ་ནཾ ཝཱ. ཏཱུ་ལོ་ན་དྡྷ་མ་ཉྩ་པཱི་ཋ་ཏཱ, ཨ་ཏྟ་ནོ ཨ་ཏྠཱ་ཡ ཀ་ར་ཎཾ ཝཱ ཀཱ་རཱ་པེ་ཏྭཱ ཝཱ པ་ཊི་ལཱ་བྷོ་ཏི ཨི་མཱ་ནེ་ཏྠ དྭེ ཨ་ངྒཱ་ནི. སེ་སཾ ཝུ་ཏྟ་ན་ཡེ་ནེ་ཝ ཝེ་དི་ཏ་བྦ་ནྟི.

ཏཱུ་ལོ་ན་དྡྷ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.