༧. ནི་སཱི་ད་ན་སི་ཀྑཱ་པ་ད་ཝ་ཎྞ་ནཱ

ས་ཏྟ་མེ ནི་སཱི་ད་ནནྟི ས་ནྠ་ཏ་ས་དི་སཾ ས་ནྠ་རི་ཏྭཱ ཨེ་ཀ་སྨིཾ ཨ་ནྟེ སུ་ག་ཏ་ཝི་ད་ཏྠི་པྤ་མཱ་ཎཾ དྭཱི་སུ ཋཱ་ནེ་སུ ཕཱ་ལེ་ཏྭཱ ཀ་ཏཱ་ཧི ཏཱི་ཧི ད་སཱ་ཧི ཡུ་ཏྟ་སྶ པ་རི་ཀྑཱ་ར་སྶེ་ཏཾ ནཱ་མཾ.

སཱ་ཝ་ཏྠི་ཡཾ ཚ་བྦ་གྒི་ཡེ ཨཱ་ར་བྦྷ ཨ་པྤ་མཱ་ཎི་ཀཱ་ནི ནི་སཱི་ད་ནཱ་ནི དྷཱ་ར་ཎ་ཝ་ཏྠུ་སྨིཾ པ་ཉྙ་ཏྟཾ, ‘‘ད་སཱ ཝི་ད་ཏྠཱི’’ཏི ཨ་ཡ་མེ་ཏྠ ཨ་ནུ་པ་ཉྙ་ཏྟི, ཨ་སཱ་དྷཱ་ར་ཎ་པ་ཉྙ་ཏྟི, པ་མཱ་ཎི་ཀཾ ཝཱ ཨཱུ་ན་ཀཾ ཝཱ ཀ་རོ་ནྟ་སྶ, ཨ་ཉྙེ་ན ཀ་ཏཾ པ་མཱ་ཎཱ་ཏི་ཀྐ་ནྟཾ པ་ཊི་ལ་བྷི་ཏྭཱ ཚི་ནྡི་ཏྭཱ པ་རི་བྷུ་ཉྫ་ནྟ་སྶ, ཝི་ཏཱ་ནཱ་དཱི་སུ ཡཾ་ཀི་ཉྩི ཀ་རོ་ནྟ་སྶ, ཨུ་མྨ་ཏྟ་ཀཱ་དཱི་ན་ཉྩ ཨ་ནཱ་པ་ཏྟི. ནི་སཱི་ད་ན་སྶ པ་མཱ་ཎཱ་ཏི་ཀྐ་ནྟ་ཏཱ, ཨ་ཏྟ་ནོ ཨ་ཏྠཱ་ཡ ཀ་ར་ཎཾ ཝཱ ཀཱ་རཱ་པེ་ཏྭཱ ཝཱ པ་ཊི་ལཱ་བྷོ་ཏི ཨི་མཱ་ནེ་ཏྠ དྭེ ཨ་ངྒཱ་ནི. སེ་སཾ ཝུ་ཏྟ་ན་ཡེ་ནེ་ཝ ཝེ་དི་ཏ་བྦ་ནྟི.

ནི་སཱི་ད་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.