༡༠. ཨུ་ཡྻོ་དྷི་ཀ་སི་ཀྑཱ་པ་ད་ཝ་ཎྞ་ནཱ

ད་ས་མེ ཨུ་གྒ་ནྟྭཱ ཨུ་གྒ་ནྟྭཱ ཨེ་ཏྠ ཡུ་ཛ྄ཛྷ་ནྟཱི་ཏི ཨུ་ཡྻོ་དྷི་ཀཾ, ས་མྤ་ཧཱ་ར་ཊྛཱ་ན་སྶེ་ཏཾ ནཱ་མཾ. བ་ལ་སྶ ཨ་གྒཾ ཛཱ་ན་ནྟི ཨེ་ཏྠཱ་ཏི བ་ལ་གྒཾ, བ་ལ་ག་ཎ་ན་ཊྛཱ་ན་ནྟི ཨ་ཏྠོ. སེ་ནཱ་ཡ ཝི་ཡཱུ་ཧཾ སེ་ནཱ་བྱཱུ་ཧཾ, སེ་ནཱ་ནི་ཝེ་ས་སྶེ་ཏཾ ནཱ་མཾ. ཨ་ནཱི་ཀ་སྶ ད་སྶ་ནཾ ཨ་ནཱི་ཀ་ད་སྶ་ནཾ. ཨ་ནཱི་ཀཾ ནཱ་མ ‘‘དྭཱ་ད་ས་པུ་རི་སོ ཧ་ཏྠཱི, ཏི་པུ་རི་སོ ཨ་སྶོ, ཙ་ཏུ་པྤུ་རི་སོ ར་ཐོ’’ཏི་ཨི་མི་ནཱ (པཱ་ཙི. ༣༡༤) ལ་ཀྑ་ཎེ་ན ཏ་ཡོ ཧ་ཏྠཱི པ་ཙྪི་མ་ཀཾ ཧ་ཏྠཱ་ནཱི་ཀཾ, ཨ་སྶཱ་ནཱི་ཀ་ར་ཐཱ་ནཱི་ཀེ་སུ་པི ཨེ་སེ་ཝ ན་ཡོ. ཙ་ཏྟཱ་རོ པ་ན ཨཱ་ཝུ་དྷ་ཧ་ཏྠཱ པུ་རི་སཱ པ་ཙྪི་མ་ཀཾ པ་ཏྟཱ་ནཱི་ཀཾ. ཨེ་ཏེ་སུ ཡཾ་ཀི་ཉྩི ད་སྶ་ནཱ་ཡ ག་ཙྪ་ཏོ པ་དེ པ་དེ དུ་ཀྐ་ཊཾ, ད་སྶ་ནཱུ་པ་ཙཱ་རེ ཋ་ཏྭཱ པ་སྶ་ཏོ པཱ་ཙི་ཏྟི་ཡཾ, ཨུ་པ་ཙཱ་རཾ པ་ན ཝི་ཛ་ཧི་ཏྭཱ པུ་ན་པྤུ་ནཾ པ་སྶ་ཏོ པ་ཡོ་གེ པ་ཡོ་གེ པཱ་ཙི་ཏྟི་ཡཾ. སེ་སཾ ཨུ་ཡྻུ་ཏྟ་སེ་ནཱ་སི་ཀྑཱ་པ་དེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ, ཨཱ་པ་ཏྟི་བྷེ་དོ པ་ནེ་ཏྠ ན་ཏྠེ་ཝཱ་ཏི.

ཨུ་ཡྻོ་དྷི་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

ཨ་ཙེ་ལ་ཀ་ཝ་གྒོ པ་ཉྩ་མོ.