༤. ན་ཨུ་པ་ཊྛཱ་པ་ན་སི་ཀྑཱ་པ་ད་ཝ་ཎྞ་ནཱ

ཙ་ཏུ་ཏྠེ དུ་ཀྑི་ཏནྟི གི་ལཱ་ནཾ. ས་ཧ་ཛཱི་ཝི་ནིནྟི ས་དྡྷི་ཝི་ཧཱ་རི་ནིཾ. ནེ་ཝ ཨུ་པ་ཊྛ་ཧེ་ཡྻཱཏི ཏ་སྶཱ ཨུ་པ་ཊྛཱ་ནཾ ས་ཡཾ ཝཱ ཨ་ཀ་རོ་ནྟི་ཡཱ, པ་རེ་ཧི ཝཱ ཨ་ཀཱ་རེ་ནྟི་ཡཱ དྷུ་རཾ ནི་ཀྑི་ཏྟ་མ་ཏྟེ པཱ་ཙི་ཏྟི་ཡཾ.

སཱ་ཝ་ཏྠི་ཡཾ ཐུ་ལླ་ན་ནྡཾ ཨཱ་ར་བྦྷ དུ་ཀྑི་ཏཾ ས་ཧ་ཛཱི་ཝི་ནིཾ ཨ་ནུ་པ་ཊྛཱ་ན་ཝ་ཏྠུ་སྨིཾ པ་ཉྙ་ཏྟཾ, ཨ་ནྟེ་ཝཱ་སི་ནི་ཡཱ ཝཱ ཨ་ནུ་པ་ས་མྤ་ནྣཱ་ཡ ཝཱ དུ་ཀྐ་ཊཾ, ད་ས་སུ ཨ་ཉྙ་ཏ་ར་ནྟ་རཱ་ཡེ ས་ཏི པ་རི་ཡེ་སི་ཏྭཱ ཨ་ལ་བྷ་ནྟི་ཡཱ, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་དཱི་ན་ཉྩ ཨ་ནཱ་པ་ཏྟི. གི་ལཱ་ན་ཏཱ, ས་དྡྷི་ཝི་ཧཱ་རི་ཏཱ, ཨ་ནུ་ཉྙཱ་ཏ་ཀཱ་ར་ཎཱ་བྷཱ་ཝོ, ཨུ་པ་ཊྛཱ་ནེ དྷུ་ར་ནི་ཀྑེ་པོ་ཏི ཨི་མཱ་ནེ་ཏྠ ཙ་ཏྟཱ་རི ཨ་ངྒཱ་ནི. ས་མུ་ཊྛཱ་ནཱ་དཱི་ནི ས་མ་ནུ་བྷཱ་ས་ན་ས་དི་སཱ་ནཱི་ཏི.

ན་ཨུ་པ་ཊྛཱ་པ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.