༥. ནི་ཀྐ་ཌྜྷ་ན་སི་ཀྑཱ་པ་ད་ཝ་ཎྞ་ནཱ

པ་ཉྩ་མེ ཨུ་པ་སྶ་ཡཾ ད་ཏྭཱཏི ས་ཀ་ཝཱ་ཊ་བ་དྡྷཾ ཨ་ཏྟ་ནོ པུ་གྒ་ལི་ཀ་ཝི་ཧཱ་རཾ ད་ཏྭཱ. ནི་ཀྐ་ཌྜྷེ་ཡྻཱཏི བ་ཧཱུ་ནི་པི དྭཱ་རཱ་ནི ཨེ་ཀ་པྤ་ཡོ་གེ་ན ནི་ཀྐ་ཌྜྷེ་ནྟི་ཡཱ ཨེ་ཀཱ ཨཱ་པ་ཏྟི, ནཱ་ནཱ་པ་ཡོ་གེ་ཧི པ་ཡོ་ག་ག་ཎ་ནཱ་ཡ ཨཱ་པ་ཏྟི་ཡོ, ཨཱ་ཎ་ཏྟི་ཡ་མྤི ཨེ་སེ་ཝ ན་ཡོ. ས་ཙེ པ་ན ‘‘ཨི་མ་ཉྩི་མ་ཉྩ དྭཱ་རཾ ཨ་ཏི་ཀྐཱ་མེ་ཧཱི’’ཏི ཨཱ་ཎཱ་པེ་ཏི, ཨེ་ཀཱ་ཡ ཨཱ་ཎ་ཏྟི་ཡཱ ཨེ་ཝ དྭཱ་ར་ག་ཎ་ནཱ་ཡ ཨཱ་པ་ཏྟི་ཡོ.

སཱ་ཝ་ཏྠི་ཡཾ ཐུ་ལླ་ན་ནྡཾ ཨཱ་ར་བྦྷ ཨེ་ཏཱ་དི་སེ ཝ་ཏྠུ་སྨིཾ པ་ཉྙ་ཏྟཾ, ཏི་ཀ་པཱ་ཙི་ཏྟི་ཡཾ, ཨ་ཀ་ཝཱ་ཊ་བ་དྡྷ་ཏོ དུ་ཀྐ་ཊཾ, ཨ་ནུ་པ་ས་མྤ་ནྣཱ་ཡ ཏི་ཀ་དུ་ཀྐ་ཊཾ, ས་ཀ་ཝཱ་ཊ་བ་དྡྷ་ཏོ ཝཱ ཨ་ཀ་ཝཱ་ཊ་བ་དྡྷ་ཏོ ཝཱ ཨུ་བྷི་ནྣ་མྤི པ་རི་ཀྑཱ་ར་ནི་ཀྐ་ཌྜྷ་ནེ དུ་ཀྐ་ཊ་མེ་ཝ, སེ་སཾ ས་ངྒྷི་ཀ་ཝི་ཧཱ་ར་ནི་ཀྐ་ཌྜྷ་ན་སི་ཀྑཱ་པ་དེ ཝུ་ཏྟ་ན་ཡ་མེ་ཝཱ་ཏི.

ནི་ཀྐ་ཌྜྷ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.