ཨ་རི་ཡ་ཝཱ་ས་ད་ས་ཀ་ཝ་ཎྞ་ནཱ
༣༤༨. ཨ་རི་ཡཱ་ན་མེ་ཝ ཝཱ་སཱ་ཏི ཨ་རི་ཡ་ཝཱ་སཱ ཨ་ན་རི་ཡཱ་ནཾ ཏཱ་དི་སཱ་ནཾ ཨ་ས་མྦྷ་ཝ་ཏོ. ཨ་རི་ཡཱཏི ཙེ་ཏྠ ཨུ་ཀྐ་ཊྛ་ནི་དྡེ་སེ་ན ཁཱི་ཎཱ་ས་ཝཱ ག་ཧི་ཏཱ, ཏེ ཙ ཡ་སྨཱ ཏེ་ཧི ས་བྦ་ཀཱ་ལཾ ཨ་ཝི་ར་ཧི་ཏ་ཝཱ་སཱ ཨེ་ཝ, ཏ་སྨཱ ཝུ་ཏྟཾ ‘‘ཨ་རི་ཡཱ ཨེ་ཝ ཝ་སིཾ་སུ ཝ་ས་ནྟི ཝ་སི་སྶ་ནྟཱི’’ཏི. ཏ་ཏྠ ཝ་སིཾ་སཱུཏི ནི་སྶཱ་ཡ ཝ་སིཾ་སུ. པ་ཉྩ་ངྒ་ཝི་པྤ་ཧཱི་ན་ཏྟཱ་ད་ཡོ ཧི ཨ་རི་ཡཱ་ནཾ ཨ་པ་སྶ་ཡཱ. ཏེ་སུ པ་ཉྩ་ངྒ་ཝི་པྤ་ཧཱ་ན་པ་ཙྩེ་ཀ་ས་ཙྩ་པ་ནོ་ད་ན་ཨེ་ས་ནཱ་ས་མ་ཝ་ཡ་ཝི་སྶ་ཛྫ་ནཱ་ནི ‘‘ས་ངྑཱ་ཡེ་ཀཾ པ་ཊི་སེ་ཝ་ཏི, ཨ་དྷི་ཝཱ་སེ་ཏི, པ་རི་ཝ་ཛྫེ་ཏི, ཝི་ནོ་དེ་ཏཱི’’ཏི ཝུ་ཏྟེ་སུ ཨ་པ་སྶེ་ནེ་སུ ཝི་ནོ་ད་ན་ཉྩ མ་གྒ་ཀི་ཙྩཱ་ནེ་ཝ, ཨི་ཏ་རེ མ་གྒེ་ནེ་ཝ ས་མི་ཛ྄ཛྷ་ནྟི.
ཉཱ་ཎཱ་ད་ཡོཏི ཉཱ་ཎ་ཉྩེ་ཝ ཏཾ་ས་མྤ་ཡུ་ཏྟ་དྷ་མྨཱ ཙ. ཏེ་ནཱ་ཧ ‘‘ཉཱ་ཎ་ནྟི ཝུ་ཏྟེ’’ཏི་ཨཱ་དི. ཏ་ཏྠ ཝ་ཏྟ་བྦཾ ཧེ་ཊྛཱ ཝུ་ཏྟ་མེ་ཝ.
ཨཱ་ར་ཀྑ་ཀི་ཙྩཾ སཱ་དྷེ་ཏི ས་ཏི་ཝེ་པུ་ལླ་པྤ་ཏྟ་ཏྟཱ. ‘‘ཙ་ར་ཏོ’’ཏི་ཨཱ་དི་ནཱ ནི་ཙྩ་ས་མཱ་དཱ་ནཾ ད་སྶེ་ཏི, ཏཾ ཝི་ཀྑེ་པཱ་བྷཱ་ཝེ་ན ད་ཊྛ་བྦཾ.
པ་བྦ་ཛྫུ་པ་ག་ཏཱཏི ཡཾ ཀི་ཉྩི པ་བྦ་ཛྫཾ ཨུ་པ་ག་ཏཱ, ན ས་མི་ཏ་པཱ་པཱ. བྷོ་ཝཱ་དི་ནོཏི ཛཱ་ཏི་མ་ཏྟ་བྲཱ་ཧྨ་ཎེ ཝ་ད་ཏི. པཱ་ཊེ་ཀྐ་ས་ཙྩཱ་ནཱིཏི ཏེ་ཧི ཏེ་ཧི དི་ཊྛི་ག་ཏི་ཀེ་ཧི པཱ་ཊི་ཡེ་ཀྐཾ ག་ཧི་ཏཱ་ནི ‘‘ཨི་ད་མེ་ཝ ས་ཙྩ’’ནྟི (མ. ནི. ༢.༡༨༧, ༢༠༣, ༤༢༧; ༣.༢༧; ཨུ་དཱ. ༥༥; ནེ་ཏྟི. ༥༩) ཨ་བྷི་ནི་ཝི་ཊྛཱ་ནི དི་ཊྛི་ས་ཙྩཱ་དཱི་ནི. དི་ཊྛི་ག་ཏཱ་ནི་པི ཧི ‘‘ཨི་ད་མེ་ཝ ས་ཙྩ’’ནྟི (མ. ནི. ༢.༡༨༧, ༢༠༢, ༤༢༧; ༣.༢༧, ༢༩; ནེ་ཏྟི. ༥༩) ག་ཧ་ཎཾ ཨུ་པཱ་དཱ་ཡ ‘‘ས་ཙྩཱ་ནཱི’’ཏི ཝོ་ཧ་རཱི་ཡ་ནྟི. ཏེ་ནཱ་ཧ ‘‘ཨི་ད་མེ་ཝཱ’’ཏི་ཨཱ་དི. ནཱི་ཧ་ཊཱ་ནཱིཏི ཨ་ཏྟ་ནོ ས་ནྟཱ་ན་ཏོ ནཱི་ཧ་རི་ཏཱ་ནི ཨ་པ་ནཱི་ཏཱ་ནི. ག་ཧི་ཏ་གྒ་ཧ་ཎ་སྶཱཏི ཨ་རི་ཡ་མ་གྒཱ་དྷི་ག་མ་ཏོ པུ་བྦེ ག་ཧི་ཏ་སྶ དི་ཊྛི་གཱ་ཧ་སྶ. ཝི་སྶ་ཊྛ་བྷཱ་ཝ་ཝེ་ཝ་ཙ་ནཱ་ནཱིཏི ཨ་རི་ཡ་མ་གྒེ་ན ས་བྦ་སོ པ་རི་ཙྩཱ་ག་བྷཱ་ཝ་སྶ ཨ་དྷི་ཝ་ཙ་ནཱ་ནི.
ན་ཏྠི ཨེ་ཏཱ་སཾ ཝ་ཡོ ཝེ་ཀ་ལྱ་ནྟི ཨ་ཝ་ཡཱཏི ཨཱ་ཧ ‘‘ཨ་ནཱུ་ནཱ’’ཏི, ཨ་ན་ཝ་སེ་སཱ་ཏི ཨ་ཏྠོ. ཨེ་ས་ནཱཏི ཧེ་ཊྛཱ ཝུ་ཏྟ་ཀཱ་མེ་ས་ནཱ་ད་ཡོ.
མ་གྒ་སྶ ཀི་ཙྩ་ནི་པྥ་ཏྟི ཀ་ཐི་ཏཱ རཱ་གཱ་དཱི་ནཾ པ་ཧཱི་ན་བྷཱ་ཝ་དཱི་པ་ན་ཏོ.
པ་ཙྩ་ཝེ་ཀྑ་ཎཱ་ཡ ཕ་ལཾ ཀ་ཐི་ཏནྟི པ་ཙྩ་ཝེ་ཀྑ་ཎ་མུ་ཁེ་ན ཨ་རི་ཡ་ཕ་ལཾ ཀ་ཐི་ཏཾ. ཨ་དྷི་ག་ཏེ ཧི ཨ་གྒ་ཕ་ལེ ས་བྦ་སོ རཱ་གཱ་དཱི་ནཾ ཨ་ནུ་པྤཱ་ད་དྷ་མྨ་ཏཾ པ་ཛཱ་ནཱ་ཏི, ཏ་ཉྩ པ་ཛཱ་ན་ནཾ པ་ཙྩ་ཝེ་ཀྑ་ཎ་ཉཱ་ཎ་ནྟི.