ཨ་སེ་ཀྑ་དྷ་མྨ་ད་ས་ཀ་ཝ་ཎྞ་ནཱ

ཕ་ལ་ཉྩ ཏེ ས་མྤ་ཡུ་ཏྟ་དྷ་མྨཱ ཙཱ་ཏི ཕ་ལ་ས་མྤ་ཡུ་ཏྟ་དྷ་མྨཱ, ཨ་རི་ཡ་ཕ་ལ་ས་བྷཱ་ཝཱ ས་མྤ་ཡུ་ཏྟཱ དྷ་མྨཱ་ཏི ཨ་ཏྠོ. ཕ་ལ་ས་མྤ་ཡུ་ཏྟ་དྷ་མྨཱཏི ཕ་ལ་དྷ་མྨཱ ཙེ་ཝ ཏཾ་ས་མྤ་ཡུ་ཏྟ་དྷ་མྨཱ ཙཱ་ཏི ཨེ་ཝ་མེ་ཏྠ ཨ་ཏྠོ ཝེ་དི་ཏ་བྦོ. དྭཱི་སུ་པི ཋཱ་ནེ་སུ པ་ཉྙཱ་ཝ ཀ་ཐི་ཏཱ ས་མྨཱ ད་སྶ་ན་ཊྛེ་ན ས་མྨཱ་དི་ཊྛི, ས་མྨཱ ཛཱ་ན་ན་ཊྛེ་ན ས་མྨཱ་ཉཱ་ཎནྟི ཙ. ཨ་ཏྠི ཧི ད་སྶ་ན་ཛཱ་ན་ནཱ་ནཾ ས་ཝི་ས་ཡེ པ་ཝ་ཏྟི་ཨཱ་ཀཱ་ར་ཝི་སེ་སོ, སྭཱ་ཡཾ ཧེ་ཊྛཱ ད་སྶི་ཏོ ཨེ་ཝ. ཕ་ལ་ས་མཱ་པ་ཏྟི་དྷ་མྨཱཏི ཕ་ལ་ས་མཱ་པ་ཏྟི་ཡཾ དྷ་མྨཱ, ཕ་ལ་ས་མཱ་པ་ཏྟི་ས་ཧ་ག་ཏ་དྷ་མྨཱ་ཏི ཨ་ཏྠོ. ཨ་རི་ཡ་ཕ་ལ་ས་མྤ་ཡུ་ཏྟ་དྷ་མྨཱ་པི ཧི ས་བྦ་སོ པ་ཊི་པ་ཀྑ་ཏོ ཝི་མུ་ཏྟ་ཏཾ ཨུ་པཱ་དཱ་ཡ ‘‘ཝི་མུ་ཏྟཱི’’ཏི ཝ་ཏྟ་བྦ་ཏཾ ལ་བྷ་ནྟི. ཀེ་ན་ཙི པ་ན ཡ་ཐཱ ཨ་སེ་ཀྑཱ ཕ་ལ་པ་ཉྙཱ ད་སྶ་ན་ཀི་ཙྩཾ ཨུ་པཱ་དཱ་ཡ ‘‘ས་མྨཱ་དི་ཊྛཱི’’ཏི ཝུ་ཏྟཱ, ཛཱ་ན་ན་ཀི་ཙྩཾ ཨུ་པཱ་དཱ་ཡ ‘‘ས་མྨཱ་ཉཱ་ཎ’’ནྟི་པི ཝུ་ཏྟཱ ཨེ་ཝ; ཨེ་ཝཾ ཨ་རི་ཡ་ཕ་ལ་ས་མཱ་དྷི ས་མཱ་དཱ་ན་ཊྛཾ ཨུ་པཱ་དཱ་ཡ ‘‘ས་མྨཱ་ས་མཱ་དྷཱི’’ཏི ཝུ་ཏྟོ, ཝི་མུ་ཙྩ་ན་ཊྛཾ ཨུ་པཱ་དཱ་ཡ ‘‘ས་མྨཱ་ཝི་མུ་ཏྟཱི’’ ཏི་པི ཝུ་ཏྟོ. ཨེ་ཝ་ཉྩ ཀ་ཏྭཱ ‘‘ཨ་ནཱ་ས་ཝཾ ཙེ་ཏོ་ཝི་མུ་ཏྟི’’ནྟི དུ་ཏི་ཡ་ཝི་མུ་ཏྟི་གྒ་ཧ་ཎ་ཉྩ ས་མ་ཏྠི་ཏཾ ཧོ་ཏཱི་ཏི.

ད་ས་ཀ་ཝ་ཎྞ་ནཱ ནི་ཊྛི་ཏཱ.