༣. ནི་རོ་དྷ་ས་ཙྩ་ནི་དྡེ་ས་ཝ་ཎྞ་ནཱ

༢༠༤. ཏ་ཎྷཱ་ཡ ཝི་ར་ཛྫ་ནཾ ཧ་ལི་དྡི་རཱ་ག་སྶ ཝི་ཡ པ་ལུ་ཛྫ་ན་ནྟི ཀ་ཏྭཱ ཨཱ་ཧ ‘‘ཁ་ཡ་ག་མ་ན་ཝ་སེ་ནཱ’’ཏི. ཝི་ཙྪི་ནྣཾ ནི་རུ་ཛ྄ཛྷ་ན་ནྟི ཝུ་ཏྟཾ ‘‘ཨ་པྤ་ཝ་ཏྟི་ག་མ་ན་ཝ་སེ་ནཱ’’ཏི. ཙ་ཛ་ནཾ ཚ་ཌྜ་ནཾ, ཧཱ་པ་ནཾ ཝཱ་ཏི ཨཱ་ཧ ‘‘ཨ་ན་པེ་ཀྑ་ཏཱ་ཡ ཙ་ཛ་ན་ཝ་སེ་ན, ཧཱ་ནི་ཝ་སེ་ན ཙཱ’’ཏི.

ཏ་ད་པྤ་ཝ་ཏྟི ཝི་ཡཱཏི ཏ་སྶཱ ཏི་ཏྟ་ཨ་ལཱ་བུ་ཝ་ལླི་ཡཱ ཨ་པྤ་ཝ་ཏྟི ཝི་ཡ. ཨ་པྤ་ཝ་ཏྟི་ཧེ་ཏུ་བྷཱུ་ཏ་མྤི ནི་བྦཱ་ནཾ ཏ་ཎྷཱ་ཡ ཨ་པྤ་ཝ་ཏྟི ཝི་ཡ ག་ཡ྄ཧ་ཏཱི་ཏི ཨཱ་ཧ ‘‘ཏ་ད་པྤ་ཝ་ཏྟི ཝི་ཡཱ’’ཏི ཡ་ཐཱ ‘‘རཱ་ག་ཀྑ་ཡོ’’ཏི (སཾ. ནི. ༤.༣༡༥, ༣༣༠). ཨ་པྤ་ཝ་ཏྟི་བྷཱུ་ཏནྟི ཏ་ཎྷཱ་ཡ ཨ་པྤ་ཝ་ཏྟི་ཡཱ པ་ཏྟཾ, པ་ཏྟ་བྦ་ནྟི ཨ་ཏྠོ. ནི་བྦཱ་ནཾ ཨཱ་ག་མྨ ནི་རུ་དྡྷཱ་ཡ་པི ཏ་ཎྷཱ་ཡ པི་ཡ་རཱུ་པ་སཱ་ཏ་རཱུ་པེ་སུ ནི་རུ་དྡྷཱ་ཏི ཝ་ཏྟ་བྦ་ཏཱ་ད་སྶ་ན་ཏྠཾ ཝུ་ཏྟཱ་ཏི ཡོ་ཛ་ནཱ. ཨེ་ཏྠ ཙ ཡ་སྨཱ མ་གྒོ, ནི་བྦཱ་ན་ཉྩ ཏ་ཎྷཱ་ཡ ས་མུ་ཙྪེ་ད་སཱ་དྷ་ནཾ, ཏ་སྨཱ ‘‘པུ་རི་མཱ ཝཱ ཨུ་པ་མཱ’’ཏི་ཨཱ་དི་ནཱ ཨུ་པ་མཱ་དྭ་ཡཾ ཨུ་བྷ་ཡ་ཏྠ ཡ་ཐཱ་ཀྐ་མཾ ཡོ་ཛི་ཏཾ, ཨུ་བྷ་ཡ་ཊྛཱ་ནི་ཡཾ པ་ན ཨུ་བྷ་ཡ་ཏྠཱ་པི ལ་བྦྷ་ཏེ་ཝ.

ནི་རོ་དྷ་ས་ཙྩ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.