༤. དཱ་ན་ཀ་ཐཱ་ཝ་ཎྞ་ནཱ
༤༧༨. དེ་ཡྻ་དྷ་མྨ་ཝ་སེ་ན ཙོ་དེ་ཏུནྟི ཡ་དི ཙེ་ཏ་སི་ཀོ་ཝ དྷ་མྨོ དཱ་ནཾ, ‘‘དི་ཡྻ་ཏཱི་ཏི དཱ་ན’’ནྟི ཨི་མི་ནཱ་པི ཨ་ཏྠེ་ན ཙེ་ཏ་སི་ཀ་སྶེ་ཝ དཱ་ན་བྷཱ་ཝོ ཨཱ་པ་ཛྫ་ཏཱི་ཏི ཙོ་དེ་ཏུ་ནྟི ཨ་ཏྠོ.
༤༧༩. ཨ་ནི་ཊྛ་ཕ་ལ་ནྟི་ཨཱ་དི ཨ་ཙེ་ཏ་སི་ཀ་སྶ དྷ་མྨ་སྶ དཱ་ན་བྷཱ་ཝ་དཱི་པ་ན་ཏྠཾ ཝུ་ཏྟནྟི ཕ་ལ་དཱ་ན་བྷཱ་ཝ་དཱི་པ་ན་ཏྠཾ ན ཝུ་ཏྟ་ནྟི ཨ་ཏྠོ ད་ཊྛ་བྦོ. ཨ་ནི་ཊྛ་ཕ་ལནྟི་ཨཱ་དི་ནཱ ཨ་ཙེ་ཏ་སི་ཀ་སྶ དྷ་མྨ་སྶ ཕ་ལ་དཱ་ནཾ ཝུ་ཏྟཾ ཝི་ཡ ཧོ་ཏི, ན དཱ་ན་བྷཱ་ཝོ, ཏ་ནྣི་ཝཱ་ར་ཎ་ཏྠ་ཉྩེ་ཏ་མཱ་ཧཱ་ཏི. ཨེ་ཝ་ཉྩ ཀ་ཏྭཱ ཨ་ན་ནྟ་ར་མེ་ཝཱ་ཧ ‘‘ན ཧི ཨ་ཙེ་ཏ་སི་ཀོ ཨ་ནྣཱ་དི་དྷ་མྨོ ཨཱ་ཡ་ཏིཾ ཝི་པཱ་ཀཾ དེ་ཏཱི’’ཏི. ཨི་ཊྛ་ཕ་ལ་བྷཱ་ཝ་ནི་ཡ་མ་ན་ཏྠནྟི དེ་ཡྻ་དྷ་མྨོ ཝི་ཡ ཀེ་ན་ཙི པ་རི་ཡཱ་ཡེ་ན ཨ་ནི་ཊྛ་ཕ་ལ་ཏཱ དཱ་ན་སྶ ན་ཏྠི, ཨེ་ཀ་ནྟཾ པ་ན ཨི་ཊྛ་ཕ་ལ་མེ་ཝཱ་ཏི ནི་ཡ་མ་ན་ཏྠ་ནྟི ཨ་ཏྠོ.
ཨི་ཏ་རེ་ནཱཏི ‘‘དི་ཡྻ་ཏཱི་ཏི དཱ་ན’’ནྟི ཨི་མི་ནཱ པ་རི་ཡཱ་ཡེ་ན. ན པ་ན ཨེ་ཀེ་ན་ཏྠེ་ནཱཏི ‘‘དེ་ཡྻ་དྷ་མྨོ་ཝ དཱ་ན’’ནྟི ཨི་མཾ ས་ཀ་ཝཱ་དཱི་ཝཱ་དཾ ནི་ཝ་ཏྟེ་ཏུཾ ‘‘ས་དྡྷཱ ཧི་རི་ཡ’’ནྟི་ཨཱ་དི་ཀཾ སུ་ཏྟ་སཱ་དྷ་ནཾ པ་ར་ཝཱ་དཱི་ཝཱ་དེ ཡུ་ཛྫ་ཏི, ‘‘ཨི་དྷེ་ཀ་ཙྩོ ཨ་ནྣཾ དེ་ཏཱི’’ཏི་ཨཱ་དི་ཀ་ཉྩ, ‘‘ཙེ་ཏ་སི་ཀོ་ཝ དྷ་མྨོ དཱ་ན’’ནྟི ཨི་མཾ ནི་ཝ་ཏྟེ་ཏུཾ ‘‘ཙེ་ཏ་སི་ཀོ དྷ་མྨོ དཱ་ན’’ནྟི ཨི་མཾ པ་ན སཱ་དྷེ་ཏུཾ ‘‘ས་དྡྷཱ ཧི་རི་ཡ’’ནྟི་ཨཱ་དི་ཀཾ ས་ཀ་ཝཱ་དཱི་ཝཱ་དེ ཡུ་ཛྫ་ཏི, ‘‘ཨི་དྷེ་ཀ་ཙྩོ ཨ་ནྣཾ དེ་ཏཱི’’ཏི་ཨཱ་དི་ཀཾ ཝཱ ‘‘དེ་ཡྻ་དྷ་མྨོ དཱ་ན’’ནྟི སཱ་དྷེ་ཏུ་ནྟི ཨེ་ཝཾ ནི་ཝ་ཏྟ་ན་སཱ་དྷ་ན་ཏྠ་ནཱ་ན་ཏྟཾ ས་ནྡྷཱ་ཡ ‘‘ན པ་ན ཨེ་ཀེ་ན་ཏྠེ་ནཱ’’ཏི ཝུ་ཏྟ་ནྟི ད་ཊྛ་བྦཾ. ཏ་ཏྠ ཡ་ཐཱ པ་ར་ཝཱ་དཱི་ཝཱ་དེ ཙ སུ་ཏྟ་སཱ་དྷ་ན་ཏྠཾ ‘‘ན ཝ་ཏྟ་བྦཾ ཙེ་ཏ་སི་ཀོ དྷ་མྨོ དཱ་ན’’ནྟི པུ་ཙྪཱ་ཡཾ ཙེ་ཏ་སི་ཀོ་ཝཱ་ཏི ཨ་ཏྠོ ད་ཊྛ་བྦོ, ཏ་ཐཱ ‘‘ན ཝ་ཏྟ་བྦཾ དེ་ཡྻ་དྷ་མྨོ དཱ་ན’’ནྟི པུ་ཙྪཱ་ཡ ཙ དེ་ཡྻ་དྷ་མྨོ་ཝཱ་ཏི. དེ་ཡྻ་དྷ་མྨོ ཨི་ཊྛ་ཕ་ལོ་ཏི ཨི་ཊྛ་ཕ་ལཱ་བྷཱ་ཝ་མ་ཏྟ་མེ་ཝ པ་ཊི་ཀྑི་ཏྟནྟི ཨེ་ཏྠ ‘‘ཨི་ཊྛ་ཕ་ལ་བྷཱ་ཝ་མ་ཏྟ་མེ་ཝ པ་ཊི་ཀྑི་ཏྟ’’ནྟི པཱ་ཋེ་ན བྷ་ཝི་ཏ་བྦ་ནྟི. ‘‘ཨི་ཊྛ་ཕ་ལཱ་བྷཱ་ཝ་མ་ཏྟ་མེ་ཝ དི་སྭཱ པ་ཊི་ཀྑི་ཏྟ’’ནྟི ཝཱ ཝ་ཏྟ་བྦཾ. ས་ངྐ་ར་བྷཱ་ཝ་མོ་ཙ་ན་ཏྠནྟི ཙེ་ཏ་སི་ཀ་སྶ དཱ་ཏ་བྦ་ཊྛེ་ན དེ་ཡྻ་དྷ་མྨ་སྶ ཙ ཨི་ཊྛ་ཕ་ལ་ཊྛེ་ན དཱ་ན་བྷཱ་ཝ་མོ་ཙ་ན་ཏྠ་ནྟི ཝུ་ཏྟཾ ཧོ་ཏི.
དཱ་ན་ཀ་ཐཱ་ཝ་ཎྞ་ནཱ ནི་ཊྛི་ཏཱ.