༥. པ་རི་བྷོ་ག་མ་ཡ་པུ་ཉྙ་ཀ་ཐཱ་ཝ་ཎྞ་ནཱ

༤༨༣. པ་རི་བྷོ་ག་མ་ཡཾ ནཱ་མ ཙི་ཏྟ་ཝི་པྤ་ཡུ་ཏྟཾ པུ་ཉྙཾ ཨ་ཏྠཱི་ཏི ལ་དྡྷི. ཏ་ཉྷི ཏེ ས་ནྡྷཱ་ཡ པ་རི་བྷོ་ག་མ་ཡཾ པུ་ཉྙཾ པ་ཝ་ཌྜྷ་ཏཱི་ཏི ཝ་ད་ནྟཱི་ཏི ཨ་དྷི་པྤཱ་ཡོ.

༤༨༥. ཏ་སྶཱ་པི ཝ་སེ་ནཱཏི ཏ་སྶཱ་པི ལ་དྡྷི་ཡཱ ཝ་སེ་ན. པ་ཉྩ་ཝི་ཉྙཱ་ཎཱ་ནཾ ཝི་ཡ ཨེ་ཏེ་ས་མྤི ས་མོ་དྷཱ་ནཾ སི་ཡཱ་ཏི པ་ཊི་ཛཱ་ནཱ་ཏཱི་ཏི ཝ་ད་ནྟི. པ་ཉྩ་ཝི་ཉྙཱ་ཎ་ཕ་སྶཱ་དཱི་ན་མེ་ཝ པ་ན ས་མོ་དྷཱ་ནཾ ས་ནྡྷཱ་ཡ པ་ཊི་ཛཱ་ནཱ་ཏཱི་ཏི ཨ་དྷི་པྤཱ་ཡོ.

༤༨༦. ཨ་པ་རི་བྷུ་ཏྟེ་པཱིཏི ཨི་མི་ནཱ ‘‘པ་ཊི་གྒཱ་ཧ་ཀོ པ་ཊི་གྒ་ཧེ་ཏྭཱ ན པ་རི་བྷུ་ཉྫ་ཏི ཚ་ཌྜེ་ཏཱི’’ཏི་ཨཱ་དི་ཀཾ ད་སྶེ་ཏི. ཨ་པ་རི་བྷུ་ཏྟེ དེ་ཡྻ་དྷ་མྨེ པུ་ཉྙ་བྷཱ་ཝ་ཏོ པ་རི་བྷོ་ག་མ་ཡཾ པུ་ཉྙཾ པ་ཝ་ཌྜྷ་ཏཱི་ཏི ཨ་ཡཾ ཝཱ་དོ ཧཱི་ཡ་ཏི. ཏ་སྨི་ཉྩ ཧཱི་ནེ ས་ཀ་ཝཱ་དཱི་ཝཱ་དོ བ་ལ་ཝཱ. ཙཱ་ག་ཙེ་ཏ་ནཱ་ཡ ཨེ་ཝ ཧི པུ་ཉྙ་བྷཱ་ཝོ ཨེ་ཝཾ སི་དྡྷོ ཧོ་ཏཱི་ཏི ཨ་དྷི་པྤཱ་ཡོ. ཨ་པ་རི་བྷུ་ཏྟེ་པི དེ་ཡྻ་དྷ་མྨེ པུ་ཉྙ་བྷཱ་ཝེ ཙཱ་ག་ཙེ་ཏ་ནཱ་ཡ ཨེ་ཝ པུ་ཉྙ་བྷཱ་ཝོ་ཏི ཨཱ་ཧ ‘‘ས་ཀ་ཝཱ་དཱི་ཝཱ་དོ་ཝ བ་ལ་ཝཱ’’ཏི.

པ་རི་བྷོ་ག་མ་ཡ་པུ་ཉྙ་ཀ་ཐཱ་ཝ་ཎྞ་ནཱ ནི་ཊྛི་ཏཱ.