༧. ལོ་ཀཱ་ཡ་ཏི་ཀ་སུ་ཏྟ་ཝ་ཎྞ་ནཱ

༣༨. ས་ཏྟ་མེ ལོ་ཀཱ་ཡ་ཏ་ཝཱ་ད་ཀཱཏི ཨཱ་ཡ་ཏིཾ ཧི་ཏཾ ལོ་ཀོ ན ཡ་ཏ་ཏི ན ཝི་རུ་ཧ་ཏི ཨེ་ཏེ་ནཱ་ཏི ལོ་ཀཱ་ཡ་ཏཾ, ཝི་ཏ་ཎྜ་ས་ཏྠཾ. ཏ་ཉྷི ག་ནྠཾ ནི་སྶཱ་ཡ ས་ཏྟཱ པུ་ཉྙ་ཀི་རི་ཡཱ་ཡ ཙི་ཏྟ་མྤི ན ཨུ་པྤཱ་དེ་ནྟི, ཏཾ ཝ་ད་ནྟཱི་ཏི ལོ་ཀཱ་ཡ་ཏ་ཝཱ་ད་ཀཱ.

ད་ལ༹ྷཾ ཐི་རཾ དྷ་ནུ ཨེ་ཏ་སྶཱ་ཏི ད་ལ༹ྷ་དྷ་ནྭཱ (ཨ. ནི. ཊཱི. ༢.༤.༤༥-༤༦; སཾ. ནི. ཊཱི. ༡.༡.༡༠༧), སོ ཨེ་ཝ ‘‘ད་ལ༹ྷ་དྷ་མྨཱ’’ཏི ཝུ་ཏྟོ. པ་ཊི་ས་ཏྟུ་ཝི་དྷ་མ་ན་ཏྠཾ དྷ་ནུཾ ག་ཎྷཱ་ཏཱི་ཏི དྷ་ནུ་གྒ་ཧོ. སོ ཨེ་ཝ ཨུ་སུཾ ས་རཾ ཨ་ས་ཏི ཁི་པ་ཏཱི་ཏི ཨི་སྶཱ་སོ. དྭི་ས་ཧ་སྶ་ཐཱ་མནྟི ལོ་ཧཱ་དི་བྷཱ་རཾ ཝ་ཧི་ཏུཾ ས་མ་ཏྠཾ དྭི་ས་ཧ་སྶ་ཐཱ་མཾ. ཏེ་ནཱ་ཧ ‘‘དྭི་ས་ཧ་སྶ་ཐཱ་མཾ ནཱ་མཱ’’ཏི་ཨཱ་དི. ད་ཎྜེཏི དྷ་ནུ་ད་ཎྜེ. ཡཱ་ཝ ཀ་ཎྜ་པྤ་མཱ་ཎཱཏི དཱི་གྷ་ཏོ ཡ་ཏྟ་ཀཾ ཀ་ཎྜ་སྶ པ་མཱ་ཎཾ, ཏ་ཏྟ་ཀེ དྷ་ནུ་ད་ཎྜེ ཨུ་ཀྑི་ཏྟ་མ་ཏྟེ ཨཱ་རོ་པི་ཏེ་སུ་ཡེ་ཝ ཛི་ཡཱ་ད་ཎྜེ་སུ སོ ཙེ བྷཱ་རོ པ་ཐ་ཝི་ཏོ མུ་ཙྩ་ཏི, ཨེ་ཝཾ ཨི་དཾ དྭི་ས་ཧ་སྶ་ཐཱ་མཾ ནཱ་མ དྷ་ནཱུ་ཏི ད་ཊྛ་བྦཾ. ཨུ་གྒ་ཧི་ཏ་སི་པྤོཏི ཨུ་གྒ་ཧི་ཏ་དྷ་ནུ་སི་པྤོ. ཀ་ཏ་ཧ་ཏྠོཏི ཐི་ར་ཏ་རཾ ལ་ཀྑེ་སུ ཨ་ཝི་ར་ཛ྄ཛྷ་ན་ས་ར་ཀྑེ་པོ. ཨཱི་དི་སོ པ་ན ཏ་ཏྠ ཝ་སི་བྷཱུ་ཏོ ཀ་ཏ་ཧ་ཏྠོ ནཱ་མ ཧོ་ཏཱི་ཏི ཨཱ་ཧ ‘‘ཙི་ཎྞ་ཝ་སི་བྷཱ་ཝོ’’ཏི. ཀ་ཏཾ རཱ་ཛ་ཀུ་ལཱ་དཱི་སུ ཨུ་པེ་ཙྩ ཨ་ས་ནཾ ཨེ་ཏེ་ན སོ ཀ་ཏཱུ་པཱ་ས་ནོཏི ཨཱ་ཧ ‘‘རཱ་ཛ་ཀུ་ལཱ་དཱི་སུ ད་སྶི་ཏ་སི་པྤོ’’ཏི. ཨེ་ཝཾ ཀ་ཏནྟི ཨེ་ཝཾ ཨ་ནྟོ་སུ་སི་ར་ཀ་ར་ཎཱ་དི་ནཱ ས་ལླ་ཧུ་ཀཾ ཀ་ཏཾ.

ལོ་ཀཱ་ཡ་ཏི་ཀ་སུ་ཏྟ་ཝ་ཎྞ་ནཱ ནི་ཊྛི་ཏཱ.