༡༠. ན་ནྡ་མཱ་ཏཱ་སུ་ཏྟ་ཝ་ཎྞ་ནཱ

༥༣. ད་ས་མེ ‘‘ཝུ་ཏྠ་ཝ་སྶོ པ་ཝཱ་རེ་ཏྭཱ…པེ… ནི་ཀྑ་མཱི’’ཏི ཨ་ངྒུ་ཏྟ་ར་བྷཱ་ཎ་ཀཱ་ནཾ མ་ཏེ་ནེ་ཏཾ ཝུ་ཏྟཾ. མ་ཛ྄ཛྷི་མ་བྷཱ་ཎ་ཀཱ པ་ན ཝ་ད་ནྟི ‘‘བྷ་ག་ཝཱ ཨུ་པ་ཀ་ཊྛཱ་ཡ ཝ་སྶཱུ་པ་ནཱ་ཡི་ཀཱ་ཡ ཛེ་ཏ་ཝ་ན་ཏོ བྷི་ཀྑུ་ས་ངྒྷ་པ་རི་ཝུ་ཏོ ཙཱ་རི་ཀཾ ནི་ཀྑ་མི. ཏེ་ནེ་ཝ ཙ ཨ་ཀཱ་ལེ ནི་ཀྑ་ནྟ་ཏྟཱ ཀོ་ས་ལ་རཱ་ཛཱ་ད་ཡོ ཝཱ་རེ་ཏུཾ ཨཱ་ར་བྷིཾ་སུ. པ་ཝཱ་རེ་ཏྭཱ ཧི ཙ་ར་ཎཾ བུ་དྡྷཱ་ཙི་ཎྞ’’ནྟི. པུ་ཎྞཱ་ཡ ས་མྨཱ་པ་ཊི་པ་ཏྟིཾ པ་ཙྩཱ་སཱི་ས་ནྟོ བྷ་ག་ཝཱ ‘‘མ་མ ནི་ཝ་ཏྟ་ན་པ་ཙྩ་ཡཱ ཏྭཾ ཀིཾ ཀ་རི་སྶ་སཱི’’ཏི ཨཱ་ཧ. པུ་ཎྞཱ་པི…པེ… པ་བྦ་ཛཱིཏི ཨེ་ཏྠ སེ་ཊྛི ‘‘པུ་ཎྞཱ་ཡ བྷ་ག་ཝཱ ནི་ཝ་ཏྟི་ཏོ’’ཏི སུ་ཏྭཱ ཏཾ བྷུ་ཛི་སྶཾ ཀ་ཏྭཱ དྷཱི་ཏུ་ཊྛཱ་ནེ ཋ་པེ་སི. སཱ པ་བྦ་ཛྫཾ ཡཱ་ཙི་ཏྭཱ པ་བྦ་ཛི, པ་བྦ་ཛི་ཏྭཱ ཝི་པ་སྶ་ནཾ ཨཱ་ར་བྷི. ཨ་ཐ་སྶཱ ས་ཏྠཱ ཨཱ་ར་དྡྷ་ཝི་པ་སྶ་ཀ་བྷཱ་ཝཾ ཉ་ཏྭཱ ཨི་མཾ ཨོ་བྷཱ་ས་གཱ་ཐཾ ཝི་སྶ་ཛྫེ་སི –

‘‘པུ་ཎྞེ པཱུ་ར་སྶུ ས་དྡྷ་མྨཾ, ཙ་ནྡོ པ་ནྣ་ར་སོ ཡ་ཐཱ;

པ་རི་པུ་ཎྞཱ་ཡ པ་ཉྙཱ་ཡ, དུ་ཀྑ་སྶ་ནྟཾ ཀ་རི་སྶ་སཱི’’ཏི. (ཐེ་རཱི་གཱ. ༣);

སཱ གཱ་ཐཱ་པ་རི་ཡོ་སཱ་ནེ ཨ་ར་ཧ་ཏྟཾ པ་ཏྭཱ ཨ་བྷི་ཉྙཱ་ཏཱ སཱ་ཝི་ཀཱ ཨ་ཧོ་སི. སེ་ས་མེ་ཏྠ སུ་ཝི་ཉྙེ་ཡྻ་མེ་ཝ.

ན་ནྡ་མཱ་ཏཱ་སུ་ཏྟ་ཝ་ཎྞ་ནཱ ནི་ཊྛི་ཏཱ.

མ་ཧཱ་ཡ་ཉྙ་ཝ་གྒ་ཝ་ཎྞ་ནཱ ནི་ཊྛི་ཏཱ.

པ་ཋ་མ་པ་ཎྞཱ་ས་ཀཾ ནི་ཊྛི་ཏཾ.