༧. ཁེ་མ་སུ་ཏྟ་ཝ་ཎྞ་ནཱ

༤༩. ས་ཏྟ་མེ ཝུ་ཏྠ་བྲ་ཧྨ་ཙ་རི་ཡ་ཝཱ་སོཏི ནི་ཝུ་ཏྠ་བྲ་ཧྨ་ཙ་རི་ཡ་ཝཱ་སོ. ཀ་ཏ་ཀ་ར་ཎཱི་ཡོཏི ཨེ་ཏྠ ཀ་ར་ཎཱི་ཡནྟི པ་རི་ཉྙཱ་པ་ཧཱ་ན་བྷཱ་ཝ་ནཱ་ས་ཙྪི་ཀི་རི་ཡ་མཱ་ཧ. ཏཾ པ་ན ཡ་སྨཱ ཙ་ཏཱུ་ཧི མ་གྒེ་ཧི པ་ཙྩེ་ཀཾ ཙ་ཏཱུ་སུ ས་ཙྩེ་སུ ཀ་ཏྟ་བྦ་ཏྟཱ སོ་ལ༹་ས་ཝི་དྷཾ ཝེ་དི་ཏ་བྦཾ. ཏེ་ནཱ་ཧ ‘‘ཙ་ཏཱུ་ཧི མ་གྒེ་ཧི ཀ་ཏྟ་བྦ’’ནྟི. ཁ་ནྡྷ་ཀི་ལེ་ས་ཨ་བྷི་ས་ངྑཱ་ར་ས་ངྑཱ་ཏཱ ཏ་ཡོ ཨོ་སཱི་དཱ་པ་ན་ཊྛེ་ན བྷཱ་རཱ ཝི་ཡཱ་ཏི བྷཱ་རཱ. ཏེ ཨོ་ཧི་ཏཱ ཨོ་རོ་པི་ཏཱ ནི་ཀྑི་ཏྟཱ པཱ་ཏི་ཏཱ ཨེ་ཏེ་ནཱ་ཏི ཨོ་ཧི་ཏ་བྷཱ་རོ. ཏེ་ནཱ་ཧ ‘‘ཁ་ནྡྷ་བྷཱ་རཾ…པེ… ཨོ་ཏཱ་རེ་ཏྭཱ ཋི་ཏོ’’ཏི. ཨ་ནུ་པྤ་ཏྟོ ས་ད་ཏྠ་ནྟི ཨ་ནུ་པྤ་ཏྟ་ས་ད་ཏྠོ. ས་ད་ཏྠོཏི ཙ ས་ཀ་ཏྠ་མཱ་ཧ ཀ-ཀཱ་ར་སྶ ད-ཀཱ་རཾ ཀ་ཏྭཱ. ཨེ་ཏྠ ཧི ཨ་ར་ཧ་ཏྟཾ ཨ་ཏྟ་ནོ ཡོ་ནི་སོ་མ་ན་སི་ཀཱ་རཱ་ཡ་ཏྟ་ཏྟཱ ཨ་ཏྟཱུ་པ་ནི་བ་ནྡྷ་ཊྛེ་ན ས་ས་ནྟཱ་ན་པ་རི་ཡཱ་པ་ནྣ་ཏྟཱ ཨ་ཏྟཱ་ནཾ ཨ་ཝི་ཛ་ཧ་ན་ཊྛེ་ན ཨ་ཏྟ་ནོ ཨུ་ཏྟ་མ་ཏྠེ་ན ཙ ཨ་ཏྟ་ནོ ཨ་ཏྠ་ཏྟཱ ‘‘ས་ཀ་ཏྠོ’’ཏི ཝུ་ཙྩ་ཏི. ཏེ་ནཱ་ཧ ‘‘ས་ད་ཏྠོ ཝུ་ཙྩ་ཏི ཨ་ར་ཧ་ཏྟ’’ནྟི. ས་མྨ་ད་ཉྙཱ ཝི་མུ་ཏྟོཏི ས་མྨཱ ཨ་ཉྙཱ་ཡ ཝི་མུ་ཏྟོ, ཨ་ཙྪི་ནྣ་བྷཱུ་ཏཱ་ཡ མ་གྒ་པ་ཉྙཱ་ཡ ས་མྨཱ ཡ་ཐཱ་བྷཱུ་ཏཾ དུ་ཀྑཱ་དཱི་སུ ཡོ ཡ་ཐཱ ཛཱ་ནི་ཏ་བྦོ, ཏ་ཐཱ ཛཱ་ནི་ཏྭཱ ཝི་མུ་ཏྟོ་ཏི ཨ་ཏྠོ. ཏེ་ནཱ་ཧ ‘‘ས་མྨཱ ཧེ་ཏུ་ནཱ’’ཏི་ཨཱ་དི. ཝི་མུ་ཏྟོཏི ཙ དྭེ ཝི་མུ་ཏྟི་ཡོ ས་བྦ་སྶ ཙི་ཏྟ་སཾ་ཀི་ལེ་ས་སྶ མ་གྒོ ནི་བྦཱ་ནཱ་དྷི་མུ་ཏྟི ཙ. ནི་བྦཱ་ནེ ཨ་དྷི་མུ་ཙྩ་ནཾ ཏ་ཏྠ ནི་ནྣ་པོ་ཎ་པ་བྦྷཱ་ར་ཏཱ་ཡ. ཨ་ར་ཧཱ ས་བྦ་ཀི་ལེ་སེ་ཧི ཝི་མུ་ཏྟ་ཙི་ཏྟ་ཏྟཱ ཙི་ཏྟ་ཝི་མུ་ཏྟི་ཡཱ ཝི་མུ་ཏྟོ. ནི་བྦཱ་ནཾ ཨ་དྷི་མུ་ཏྟ་ཏྟཱ ནི་བྦཱ་ནེ ཝི་མུ་ཏྟོ. སེ་ས་མེ་ཏྠ ཨུ་ཏྟཱ་ན་མེ་ཝ.

ཁེ་མ་སུ་ཏྟ་ཝ་ཎྞ་ནཱ ནི་ཊྛི་ཏཱ.