༨. ཨི་ནྡྲི་ཡ་སཾ་ཝ་ར་སུ་ཏྟ་ཝ་ཎྞ་ནཱ

༥༠. ཨ་ཊྛ་མེ ཨུ་པ་ནི་སཱི་ད་ཏི ཕ་ལཾ ཨེ་ཏྠཱ་ཏི ཀཱ་ར་ཎཾ ཨུ་པ་ནི་སཱ. ཡ་ཐཱ་བྷཱུ་ཏ་ཉཱ་ཎ་ད་སྶ་ནནྟི ཡ་ཐཱ་ས་བྷཱ་ཝ་ཛཱ་ན་ན་ས་ངྑཱ་ཏཾ ད་སྶ་ནཾ. ཨེ་ཏེ་ན ཏ་རུ་ཎ་ཝི་པ་སྶ་ནཾ ད་སྶེ་ཏི. ཏ་རུ་ཎ་ཝི་པ་སྶ་ནཱ ཧི བ་ལ་ཝ་ཝི་པ་སྶ་ནཱ་ཡ པ་ཙྩ་ཡོ ཧོ་ཏི. ཏ་རུ་ཎ་ཝི་པ་སྶ་ནཱཏི ནཱ་མ་རཱུ་པ་པ་རི་གྒ་ཧེ ཉཱ་ཎཾ, པ་ཙྩ་ཡ་པ་རི་གྒ་ཧེ ཉཱ་ཎཾ, ས་མྨ་ས་ནེ ཉཱ་ཎཾ, མ་གྒཱ་མ་གྒེ ཝ་ཝ་ཏྠ་པེ་ཏྭཱ ཋི་ཏ་ཉཱ་ཎ་ནྟི ཙ་ཏུ་ནྣཾ ཉཱ་ཎཱ་ནཾ ཨ་དྷི་ཝ་ཙ་ནཾ. ནི་བྦི་ནྡ་ཏི ཨེ་ཏཱ་ཡཱ་ཏི ནི་བྦི་དཱ. བ་ལ་ཝ་ཝི་པ་སྶ་ནཱཏི བྷ་ཡ་ཏུ་པ་ཊྛཱ་ནེ ཉཱ་ཎཾ ཨཱ་དཱི་ན་ཝཱ་ནུ་པ་སྶ་ནེ ཉཱ་ཎཾ མུ་ཙྩི་ཏུ་ཀ་མྱ་ཏཱ་ཉཱ་ཎཾ ས་ངྑཱ་རུ་པེ་ཀྑཱ་ཉཱ་ཎ་ནྟི ཙ་ཏུ་ནྣཾ ཉཱ་ཎཱ་ནཾ ཨ་དྷི་ཝ་ཙ་ནཾ. པ་ཊི་ས་ངྑཱ་ནུ་པ་སྶ་ནཱ པ་ན མུ་ཙྩི་ཏུ་ཀ་མྱ་ཏཱ་པ་ཀྑི་ཀཱ ཨེ་ཝ. ‘‘ཡཱ་ཝ མ་གྒཱ་མ་གྒ་ཉཱ་ཎ་ད་སྶ་ན་ཝི་སུ་དྡྷི, ཏཱ་ཝ ཏ་རུ་ཎ་ཝི་པ་སྶ་ནཱ’’ཏི ཧི ཝ་ཙ་ན་ཏོ ཨུ་པ་ཀྐི་ལེ་ས་ཝི་མུ་ཏྟ་ཨུ་ད་ཡ་བྦ་ཡ་ཉཱ་ཎ་ཏོ བ་ལ་ཝ་ཝི་པ་སྶ་ནཱ. ཝི་ར་ཛྫ་ཏི ཨ་རི་ཡོ ས་ངྑཱ་ར་ཏོ ཨེ་ཏེ་ནཱ་ཏི ཝི་རཱ་གོ, ཨ་རི་ཡ་མ་གྒོ. ཨ་ར་ཧ་ཏྟ་ཕ་ལནྟི ཨུ་ཀྐ་ཊྛ་ནི་དྡེ་ས་ཏོ ཝུ་ཏྟཾ. ཨི་ནྡྲི་ཡ་སཾ་ཝ་ར་སྶ སཱི་ལ་ར་ཀྑ་ཎ་ཧེ་ཏུ་ཏྟཱ ཝུ་ཏྟཾ ‘‘སཱི་ལཱ་ནུ་ར་ཀྑ་ཎ་ཨི་ནྡྲི་ཡ་སཾ་ཝ་རོ ཀ་ཐི་ཏོ’’ཏི.

ཨི་ནྡྲི་ཡ་སཾ་ཝ་ར་སུ་ཏྟ་ཝ་ཎྞ་ནཱ ནི་ཊྛི་ཏཱ.