༧. ཝ་སྶ་སུ་ཏྟ་ཝ་ཎྞ་ནཱ

༡༩༧. ས་ཏྟ་མེ ཨུ་ཏུ་ས་མུ་ཊྛཱ་ནནྟི ཝ་སྶི་ཀེ ཙ་ཏྟཱ་རོ མཱ་སེ ཨུ་པྤ་ནྣཾ. ཨ་ཀཱ་ལེ་པཱིཏི ཙི་ཏྟ་ཝེ་སཱ་ཁ་མཱ་སེ་སུ་པི. ཝ་སྶ་ཝ་ལཱ་ཧ་ཀ་དེ་ཝ་པུ་ཏྟཱ་ན་ཉྷི ཨ་ཏྟ་ནོ ར་ཏི་ཡཱ ཀཱི་ལི༹་ཏུ་ཀཱ་མ་ཏཱ་ཙི་ཏྟེ ཨུ་པྤ་ནྣེ ཨ་ཀཱ་ལེ་པི དེ་ཝོ ཝ་སྶ་ཏི. ཏ་ཏྲི་དཾ ཝ་ཏྠུ – ཨེ་ཀོ ཀི་ར ཝ་སྶ་ཝ་ལཱ་ཧ་ཀ་དེ་ཝ་པུ་ཏྟོ ཝཱ་ཀ་ར་ཀུ་ཊ་ཀ་ཝཱ་སི་ཁཱི་ཎཱ་ས་ཝ་ཏྠེ་ར་སྶ ས་ནྟི་ཀཾ ག་ནྟྭཱ ཝ་ནྡི་ཏྭཱ ཨ་ཊྛཱ་སི. ཐེ་རོ ‘‘ཀོ་སི ཏྭ’’ནྟི པུ་ཙྪི. ཨ་ཧཾ, བྷ་ནྟེ, ཝ་སྶ་ཝ་ལཱ་ཧ་ཀ་དེ་ཝ་པུ་ཏྟོ་ཏི. ཏུ་མྷཱ་ཀཾ ཀི་ར ཙི་ཏྟེ་ན དེ་ཝོ ཝ་སྶ་ཏཱི་ཏི. ཨཱ་མ, བྷ་ནྟེ་ཏི. པ་སྶི་ཏུ་ཀཱ་མཱ མ་ཡ་ནྟི. ཏེ་མི་སྶ་ཐ, བྷ་ནྟེ་ཏི. མེ་གྷ་སཱི་སཾ ཝཱ ག་ཛྫི་ཏཾ ཝཱ ན པ་ཉྙཱ་ཡ་ཏི, ཀ་ཐཾ ཏེ་མི་སྶཱ་མཱ་ཏི. བྷ་ནྟེ, ཨ་མྷཱ་ཀཾ ཙི་ཏྟེ་ན དེ་ཝོ ཝ་སྶ་ཏི, ཏུ་མྷེ པ་ཎྞ་སཱ་ལཾ པ་ཝི་ས་ཐཱ་ཏི. ‘‘སཱ་དྷུ, དེ་ཝ་པུ་ཏྟཱ’’ཏི པཱ་དེ དྷོ་ཝི་ཏྭཱ པ་ཎྞ་སཱ་ལཾ པཱ་ཝི་སི. དེ་ཝ་པུ་ཏྟོ ཏ་སྨིཾ པ་ཝི་ས་ནྟེ་ཡེ་ཝ ཨེ་ཀཾ གཱི་ཏཾ གཱ་ཡི་ཏྭཱ ཧ་ཏྠཾ ཨུ་ཀྑི་པི, ས་མ་ནྟཱ ཏི་ཡོ་ཛ་ན་ཊྛཱ་ནཾ ཨེ་ཀ་མེ་གྷཾ ཨ་ཧོ་སི. ཐེ་རོ ཨ་དྡྷ་ཏི་ནྟོ པ་ཎྞ་སཱ་ལཾ པ་ཝི་ཊྛོ་ཏི.

ཝ་སྶ་སུ་ཏྟ་ཝ་ཎྞ་ནཱ ནི་ཊྛི་ཏཱ.