༩. དྷ་མྨ་པ་ད་སུ་ཏྟ་ཝ་ཎྞ་ནཱ

༢༩. ན་ཝ་མེ ཛྷཱ་ནཱ་དི་བྷེ་དོ དྷ་མྨོ པ་ཛྫ་ཏི ཨེ་ཏེ་ནཱ་ཏི དྷ་མྨ་པ་དཾ, ཨ་ན་བྷི་ཛ྄ཛྷཱ་ཝ དྷ་མྨ་པ་དཾ ཨ་ན་བྷི་ཛ྄ཛྷཱ་དྷ་མྨ་པ་དཾ, ཨ་ན་བྷི་ཛ྄ཛྷཱ་པ་དྷཱ་ནོ ཝཱ དྷ་མྨ་ཀོ་ཊྛཱ་སོ ཨ་ན་བྷི་ཛ྄ཛྷཱ་དྷ་མྨ་པ་དཾ. ཨེ་ཝཾ སེ་སེ་སུ་པི. ཨ་ཏྠ་ཏོ པ་ན ཨ་ན་བྷི་ཛ྄ཛྷཱ་དྷ་མྨ་པ་དཾ ནཱ་མ ཨ་ལོ་བྷོ ཝཱ ཨ་ལོ་བྷ་སཱི་སེ་ན ཨ་དྷི་ག་ཏ་ཛ྄ཛྷཱ་ན་ཝི་པ་སྶ་ནཱ་མ་གྒ་ཕ་ལ་ནི་བྦཱ་ནཱ་ནི ཝཱ. ཨ་བྱཱ་པཱ་དོ དྷ་མྨ་པ་དཾ ནཱ་མ མེ་ཏྟཱ ཝཱ མེ་ཏྟཱ་སཱི་སེ་ན ཨ་དྷི་ག་ཏ་ཛ྄ཛྷཱ་ནཱ་དཱི་ནི ཝཱ. ས་མྨཱ་ས་ཏི་དྷ་མྨ་པ་དཾ ནཱ་མ སཱུ་པ་ཊྛི་ཏ་སྶ་ཏི ཝཱ ས་ཏི་སཱི་སེ་ན ཨ་དྷི་ག་ཏ་ཛ྄ཛྷཱ་ནཱ་དཱི་ནི ཝཱ. ས་མྨཱ་ས་མཱ་དྷི་དྷ་མྨ་པ་དཾ ནཱ་མ ཨ་ཊྛ་ས་མཱ་པ་ཏྟི ཝཱ ཨ་ཊྛ་ས་མཱ་པ་ཏྟི་སཱི་སེ་ན ཨ་དྷི་ག་ཏ་ཛ྄ཛྷཱ་ན་ཝི་པ་སྶ་ནཱ་མ་གྒ་ཕ་ལ་ནི་བྦཱ་ནཱ་ནི ཝཱ. ད་ས་ཨ་སུ་བྷ་ཝ་སེ་ན ཝཱ ཨ་དྷི་ག་ཏ་ཛ྄ཛྷཱ་ནཱ་དཱི་ནི ཨ་ན་བྷི་ཛྫཱ དྷ་མྨ་པ་དཾ. ཙ་ཏུ་བྲ་ཧྨ་ཝི་ཧཱ་ར་ཝ་སེ་ན ཨ་དྷི་ག་ཏཱ་ནི ཨ་བྱཱ་པཱ་དོ དྷ་མྨ་པ་དཾ. ད་སཱ་ནུ་སྶ་ཏི ཨཱ་ཧཱ་རེ་པ་ཊི་ཀཱུ་ལ་ས་ཉྙཱ་ཝ་སེ་ན ཨ་དྷི་ག་ཏཱ་ནི ས་མྨཱ་ས་ཏི་དྷ་མྨ་པ་དཾ. ད་ས་ཀ་སི་ཎ་ཨཱ་ནཱ་པཱ་ན་ཝ་སེ་ན ཨ་དྷི་ག་ཏཱ་ནི ས་མྨཱ་ས་མཱ་དྷི་དྷ་མྨ་པ་དཾ. ཨ་ན་བྷི་ཛ྄ཛྷཱ་ལཱུཏི ཨ་ན་བྷི་ཛ྄ཛྷཱ་ཡ་ན་སཱི་ལོ. ཨ་བྷི་པུ་བྦོ ཛྷེ་ས་དྡོ ཨ་བྷི་ཛ྄ཛྷཱ་ཡ་ན་ཊྛོ. ཏེ་ནེ་ཝཱ་ཧ ‘‘ནི་ཏྟ་ཎྷོ ཧུ་ཏྭཱ’’ཏི. པ་ཀ་ཏི་བྷཱ་ཝཾ ཨ་ཝི་ཛ་ཧ་ནྟེ་ནཱཏི པ་རི་སུ་དྡྷ་བྷཱ་ཝཾ ས་བྷཱ་ཝ་ས་ངྑཱ་ཏ་ཨ་ན་ཝ་ཛྫ་ས་ངྑཱ་ཏཾ པ་ཀ་ཏི་བྷཱ་ཝཾ ཨ་ཝི་ཛ་ཧ་ནྟེ་ན. སཱ་ཝ་ཛྫ་དྷ་མྨ་ས་མུ་པྤ་ཏྟི་ཡཱ ཧི ཙི་ཏྟ་སྶ ཨ་ན་ཝ་ཛྫ་བྷཱ་ཝོ ཛ་ཧི་ཏོ ཧོ་ཏཱི་ཏི.

དྷ་མྨ་པ་ད་སུ་ཏྟ་ཝ་ཎྞ་ནཱ ནི་ཊྛི་ཏཱ.