༡. སཾ་ཁི་ཏྟ་སུ་ཏྟ་ཝ་ཎྞ་ནཱ

༢༣༢. ཙ་ཏུ་ཏྠ་སྶ པ་ཋ་མེ ཀཱ་ལ༹་ཀནྟི མ་ལཱི་ནཾ, ཙི་ཏྟ་སྶ ཨ་པྤ་བྷ་སྶ་ར་བྷཱ་ཝ་ཀ་ར་ནྟི ཨ་ཏྠོ. ཏཾ པ་ནེ་ཏྠ ཀ་མྨ་པ་ཐ་པྤ་ཏྟ་མེ་ཝ ཨ་དྷི་པྤེ་ཏ་ནྟི ཨཱ་ཧ ‘‘ད་ས་ཨ་ཀུ་ས་ལ་ཀ་མྨ་པ་ཐ’’ནྟི. ཀ་ཎྷཱ་བྷི་ཛཱ་ཏི་ཧེ་ཏུ་ཏོ ཝཱ ཀ་ཎྷཾ. ཏེ་ནཱ་ཧ ‘‘ཀ་ཎྷ་ཝི་པཱ་ཀ’’ནྟི. ཨ་པཱ་ཡཱུ་པ་པ་ཏྟི མ་ནུ་སྶེ་སུ ཙ དོ་བྷ་གྒི་ཡཾ ཀ་ཎྷ་ཝི་པཱ་ཀོ, ཡཾ ཏ་སྶ ཏ་མ་བྷཱ་ཝོ ཝུ་ཏྟོ. ནི་བྦ་ཏྟ་ན་ཏོཏི ནི་བྦ་ཏྟཱ་པ་ན་ཏོ. པ་ཎྜ་ར་ཀནྟི ཨོ་དཱ་ཏཾ, ཙི་ཏྟ་སྶ པ་བྷ་སྶ་ར་བྷཱ་ཝ་ཀ་ར་ནྟི ཨ་ཏྠོ. སུ་ཀྐཱ་བྷི་ཛཱ་ཏི་ཧེ་ཏུ་ཏོ ཝཱ སུ་ཀྐཾ. ཏེ་ནཱ་ཧ ‘‘སུ་ཀྐ་ཝི་པཱ་ཀ’’ནྟི. ས་གྒཱུ་པ་པ་ཏྟི མ་ནུ་སྶ་སོ་བྷ་གྒི་ཡ་ཉྩ སུ་ཀྐ་ཝི་པཱ་ཀོ, ཡཾ ཏ་སྶ ཛོ་ཏི་བྷཱ་ཝོ ཝུ་ཏྟོ. ཨུ་ཀྐ་ཊྛ་ནི་དྡེ་སེ་ན པ་ན ‘‘ས་གྒེ ནི་བྦ་ཏྟ་ན་ཏོ’’ཏི ཝུ་ཏྟཾ, ནི་བྦ་ཏྟཱ་པ་ན་ཏོ་ཏི ཨ་ཏྠོ. མི་སྶ་ཀ་ཀ་མྨནྟི ཀཱ་ལེ་ན ཀ་ཎྷཾ ཀཱ་ལེ་ན སུ་ཀྐ་ནྟི ཨེ་ཝཾ མི་སྶ་ཀ་ཝ་སེ་ན ཀ་ཏ་ཀ་མྨཾ. སུ་ཁ་དུ་ཀྑ་ཝི་པཱ་ཀནྟི ཝ་ཏྭཱ ཏ་ཏྠ སུ་ཁ་དུ་ཀྑཱ་ནཾ པ་ཝ་ཏྟི་ཨཱ་ཀཱ་རཾ ད་སྶེ་ཏུཾ ‘‘མི་སྶ་ཀ་ཀ་མྨཾ ཧཱི’’ཏི་ཨཱ་དི ཝུ་ཏྟཾ. ཀ་མྨ་སྶ ཀ་ཎྷ་སུ་ཀྐ་ས་མ་ཉྙཱ ཀ་ཎྷ་སུ་ཀྐཱ་བྷི་ཛཱ་ཏི་ཧེ་ཏུ་ཏཱ་ཡཱ་ཏི ཨ་པ་ཙ་ཡ་གཱ་མི་ཏཱ་ཡ ཏ་དུ་བྷ་ཡ་ཝི་དྡྷཾ་ས་ཀ་སྶ ཀ་མྨ་ཀྑ་ཡ་ཀ་ར་ཀ་མྨ་སྶ ཨི་དྷ སུ་ཀྐ་པ་རི་ཡཱ་ཡོ་པི ཨི་ཙྪི་ཏོ་ཏི ཨཱ་ཧ ‘‘ཨུ་བྷ་ཡ…པེ… ཨ་ཡ་མེ་ཏྠ ཨ་ཏྠོ’’ཏི. ཏ་ཏྠ ཨུ་བྷ་ཡ་ཝི་པཱ་ཀ་སྶཱཏི ཡ་ཐཱ་དྷི་ག་ཏ་སྶ ཨུ་བྷ་ཡ་ཝི་པཱ་ཀ་སྶ. ས་མྤ་ཏྟི་བྷ་ཝ་པ་རི་ཡཱ་པ་ནྣོ ཧི ཝི་པཱ་ཀོ ཨི་དྷ སུ་ཀྐཾ སུ་ཀྐ་ཝི་པཱ་ཀོ་ཏི ཨ་དྷི་པྤེ་ཏོ, ན ཨ་ཙྩ་ནྟ་པ་རི་སུ་དྡྷོ ཨ་རི་ཡ་ཕ་ལ་ཝི་པཱ་ཀོ.

སཾ་ཁི་ཏྟ་སུ་ཏྟ་ཝ་ཎྞ་ནཱ ནི་ཊྛི་ཏཱ.