༢. ཝི་ཏྠཱ་ར་སུ་ཏྟ་ཝ་ཎྞ་ནཱ

༢༣༣. དུ་ཏི་ཡེ ས་བྱཱ་བ་ཛ྄ཛྷནྟི ཝཱ ས་དུ་ཀྑཾ, ཨ་ཏྟ་ནཱ ཨུ་པྤཱ་དེ་ཏ་བྦེ་ན དུ་ཀྑེ་ན ས་དུ་ཀྑ་ནྟི ཨ་ཏྠོ, དུ་ཀྑ་སཾ་ཝ་ཏྟ་ནི་ཀ་ནྟི ཝུ་ཏྟཾ ཧོ་ཏི. ཀཱ་ཡ་ས་ངྑཱ་རཱ་དཱི་སུ ཀཱ་ཡ་དྭཱ་རེ ག་ཧ་ཎཱ་དི་ཝ་སེ་ན ཙོ་པ་ན་པྤ་ཏྟཱ དྭཱ་ད་ས ཨ་ཀུ་ས་ལ་ཙེ་ཏ་ནཱ ཨ་བྱཱ་བ་ཛ྄ཛྷ་ཀཱ་ཡ་ས་ངྑཱ་རོ ནཱ་མ. ཝ་ཙཱི་དྭཱ་རེ ཧ་ནུ་སཾ་ཙོ་པ་ན་ཝ་སེ་ན ཝ་ཙཱི་བྷེ་ད་པྤ་ཝ་ཏྟི་ཀཱ ཏཱ་ཡེ་ཝ དྭཱ་ད་ས ཝ་ཙཱི་ས་ངྑཱ་རོ ནཱ་མ. ཨུ་བྷ་ཡ་ཙོ་པ་ནཾ ཨ་པྤ་ཏྭཱ ར་ཧོ ཙི་ནྟེ་ནྟ་སྶ མ་ནོ་དྭཱ་རེ པ་ཝ་ཏྟཱ མ་ནོ་ས་ངྑཱ་རོ ནཱ་མ. ཨི་ཏི ཏཱི་སུ་པི དྭཱ་རེ་སུ ཀཱ་ཡ་དུ་ཙྩ་རི་ཏཱ་དི་བྷེ་དཱ ཨ་ཀུ་ས་ལཱ ཙེ་ཏ་ནཱ་ཝ ས་ངྑཱ་རཱ་ཏི ཝེ་དི་ཏ་བྦཱ. ཨ་བྷི་ས་ངྑ་རོ་ཏཱི་ཏི ཨཱ་ཡཱུ་ཧ་ཏི, ཏཾ པ་ན ཨཱ་ཡཱུ་ཧ་ནཾ པ་ཙྩ་ཡ་ས་མ་ཝཱ་ཡ་སི་དྡྷི་ཏོ ས་ངྐ་ཌྜྷི་ཏྭཱ པི་ཎྜ་ནཾ ཝི་ཡ ཧོ་ཏི. ས་དུ་ཀྑཾ ལོ་ཀནྟི ཨ་པཱ་ཡ་ལོ་ཀ་མཱ་ཧ. ཝི་པཱ་ཀ་ཕ་སྶཱཏི ཕ་སྶ་སཱི་སེ་ན ཏ་ཏྠ ཝི་པཱ་ཀ་པྤ་ཝ་ཏྟ་མཱ་ཧ. ཝེ་མཱ་ནི་ཀ་པེ་ཏཱཏི ཨི་དཾ བཱ་ཧུ་ལླ་ཏོ ཝུ་ཏྟཾ, ཨི་ཏ་རེ་ས་མྤི ཝི་ནི་པཱ་ཏི་ཀཱ་ནཾ ཀཱ་ལེ་ན སུ་ཁཾ, ཀཱ་ལེ་ན དུ་ཀྑཾ ཧོ་ཏི. ཏ་སྶ པ་ཧཱ་ནཱ་ཡཱཏི ཏ་སྶ ཡ་ཐཱ་ཝུ་ཏྟ་སྶ ཀ་མྨ་སྶ ཨ་ནུ་པྤ་ཏྟི་དྷ་མྨ་ཏཱ་པཱ་ད་ནཱ་ཡ. ཡཱ ཙེ་ཏ་ནཱཏི ཡཱ ཨ་པ་ཙ་ཡ་གཱ་མི་ནི་ཙེ་ཏ་ནཱ. ཏེ་ནེ་ཝཱ་ཧ ‘‘ཝི་ཝ་ཊྚ་གཱ་མི་ནཱི མ་གྒ་ཙེ་ཏ་ནཱ ཝེ་དི་ཏ་བྦཱ’’ཏི.

ཝི་ཏྠཱ་ར་སུ་ཏྟ་ཝ་ཎྞ་ནཱ ནི་ཊྛི་ཏཱ.