༡༠. ཨུ་པོ་ས་ཐ་སུ་ཏྟ་ཝ་ཎྞ་ནཱ

༡༩༠. ད་ས་མེ ཏུ་ཎྷཱི་བྷཱུ་ཏཾ ཏུ་ཎྷཱི་བྷཱུ་ཏནྟི ཨཱ་མེ་ཌི་ཏ་ཝ་ཙ་ནཾ བྱཱ་པ་ནི་ཙྪཱ་ཝ་སེ་ན ཝུ་ཏྟ་ནྟི ཨཱ་ཧ ‘‘ཡ་ཏོ ཡ་ཏོ ཨ་ནུ་ཝི་ལོ་ཀེ་ཏཱི’’ཏི. ཨ་ནུ་ཝི་ལོ་ཀེ་ཏྭཱཏི ཨེ་ཏྠ ཨ་ནུ-ས་དྡོ་པི བྱཱ་པ་ནི་ཙྪཱ་ཝ་ཙ་ན་མེ་ཝཱ་ཏི ཨ་ནུ ཨ་ནུ ཝི་ལོ་ཀེ་ཏྭཱ་ཏི ཨ་ཏྠོ, པ་ཉྩ་པ་སཱ་ད་པྤ་ཊི་མ་ཎྜི་ཏཱ་ནི ཨ་ཀྑཱི་ནི ཨུ་མྨཱི་ལེ་ཏྭཱ ཏ་ཏོ ཏ་ཏོ ཝི་ལོ་ཀེ་ཏྭཱ་ཏི ཝུ་ཏྟཾ ཧོ་ཏི. ཨ་ལནྟི ཡུ་ཏྟཾ, ཨོ་པཱ་ཡི་ཀ་ནྟི ཨ་ཏྠོ ‘‘ཨ་ལ་མེ་ཝ ནི་བྦི་ནྡི་ཏུ’’ནྟི་ཨཱ་དཱི་སུ (དཱི. ནི. ༢.༢༧༢; སཾ. ནི. ༢.༡༢༤-༡༢༦) ཝི་ཡ. པུ་ཊ་བ་ནྡྷ་ནེ་ན པ་རི་ཧ་རི་ཏྭཱ ཨ་སི་ཏ་བྦཾ པུ་ཊོ་སཾ ས་མྦ་ལཾ ཨ-ཀཱ་ར་སྶ ཨོ-ཀཱ་རཾ ཀ་ཏྭཱ. ཏེ་ནཱ་ཧ ‘‘པཱ་ཐེ་ཡྻ’’ནྟི. སེ་ས་མེ་ཏྠ སུ་ཝི་ཉྙེ་ཡྻ་མེ་ཝ.

ཨུ་པོ་ས་ཐ་སུ་ཏྟ་ཝ་ཎྞ་ནཱ ནི་ཊྛི་ཏཱ.

བྲཱ་ཧྨ་ཎ་ཝ་གྒ་ཝ་ཎྞ་ནཱ ནི་ཊྛི་ཏཱ.