༥. ས་ཙེ་ཏ་ན་སུ་ཏྟ་ཝ་ཎྞ་ནཱ

༡༥. པ་ཉྩ་མེ ཨི་ས་ཡོ པ་ཏ་ནྟི ས་ནྣི་པ་ཏ་ནྟི ཨེ་ཏྠཱ་ཏི ཨི་སི་པ་ཏ་ནནྟི ཨཱ་ཧ ‘‘བུ་དྡྷ་པ་ཙྩེ་ཀ་བུ་དྡྷ་ས་ངྑཱ་ཏཱ་ན’’ནྟི་ཨཱ་དི. ས་བྦཱུ་པ་ཀ་ར་ཎཱ་ནི ས་ཛྫེ་ཏྭཱཏི ས་བྦཱ་ནི རུ་ཀྑ་སྶ ཚེ་ད་ན་ཏ་ཙྪ་ནཱ་དི་སཱ་དྷ་ནཱ་ནི ཨུ་པ་ཀ་ར་ཎཱ་ནི ར་ཉྙཱ ཨཱ་ཎ་ཏྟ་དི་ཝ་སེ་ཡེ་ཝ ས་ཛྫེ་ཏྭཱ. ནཱ་ནཱ ཀ་རཱི་ཡ་ཏི ཨེ་ཏེ་ནཱ་ཏི ནཱ་ནཱ་ཀ་ར་ཎཾ, ནཱ་ནཱ་བྷཱ་ཝོ་ཏི ཨཱ་ཧ ‘‘ནཱ་ན་ཏྟ’’ནྟི. ནེ་སནྟི ས་ར་ལོ་པེ་ནཱ་ཡཾ ནི་དྡེ་སོ་ཏི ཨཱ་ཧ ‘‘ན ཨེ་ས’’ནྟི. ཏ་ཐཱ ཨ་ཏྠེ་སནྟི ཨེ་ཏྠཱ་པཱི་ཏི ཨཱ་ཧ ‘‘ཨ་ཏྠི ཨེ་ས’’ནྟི. པ་ཝ་ཏྟ་ན་ཏྠཾ ཨ་བྷི་ས་ངྑ་ར་ཎཾ ཨ་བྷི་ས་ངྑཱ་རོ, ཏ་སྶ ག་ཏི ཝེ་ག་སཱ པ་ཝ་ཏྟི. ཏཾ ས་ནྡྷཱ་ཡཱ་ཧ ‘‘པ་ཡོ་ག་སྶ ག་མ་ན’’ནྟི.

ས་ག་ཎྜཱཏི ཁུ་དྡཱ་ནུ་ཁུ་དྡ་ཀ་ག་ཎྜཱ. ཏེ་ནཱ་ཧ ‘‘ཨུ་ཎྞ་ཏོ་ཎ་ཏ་ཊྛཱ་ན་ཡུ་ཏྟཱ’’ཏི. ས་ཀ་སཱ་ཝཱཏི ས་ཀ་ས་ཊཱ. ཏེ་ནཱ་ཧ ‘‘པཱུ་ཏི་སཱ་རེ་ནཱ’’ཏི་ཨཱ་དི. ཨེ་ཝཾ གུ་ཎ་པ་ཏ་ནེ་ན པ་ཏི་ཏཱཏི ཡ་ཐཱ ཏཾ ཙ་ཀྐཾ ནཱ་བྷི་ཨ་ར་ནེ་མཱི་ནཾ ས་དོ་ས་ཏཱ་ཡ ན པ་ཏི་ཊྛཱ་སི, ཨེ་ཝ་མེ་ཀ་ཙྩེ པུ་གྒ་ལཱ ཀཱ་ཡ་ཝ་ངྐཱ་དི་ཝ་སེ་ན ས་དོ་ས་ཏཱ་ཡ གུ་ཎ་པ་ཏ་ནེ་ན པ་ཏི་ཏཱ ས་ཀ་ཊྛཱ་ནེ ན ཏི་ཊྛ་ནྟི. ཨེ་ཏྠ ཙ ཕ་རུ་ས་ཝཱ་ཙཱ་ད་ཡོ་པི ཨ་པཱ་ཡ་ག་མ་ནཱི་ཡཱ སོ་ཏཱ་པ་ཏྟི་མ་གྒེ་ནེ་ཝ པ་ཧཱི་ཡ་ནྟཱི་ཏི ད་ཊྛ་བྦཱ.

ས་ཙེ་ཏ་ན་སུ་ཏྟ་ཝ་ཎྞ་ནཱ ནི་ཊྛི་ཏཱ.